Топ 5 идни најбарани професии во Македонија

Заборавете на професиите со кои досега си го арчевте времето и фрлете се во подготовка за новите работни предизвици, кои ќе ви овозможат конечно да станете успешен човек во оваа земја.

 

5. Бришач на скулптури. Ќе работи за напојница, но најдобрите ќе имаат секојдневен ангажман, затоа е важно со време да се биде меѓу првите во оваа професија, работата да се сфати мошне сериозно и навреме да се отпечатат професионални визит-картички и портфолио со квалификации. Се разбира, овие бришачи на скулптури ќе мора да имаат исклучителни вештини со крпата, да бидат добро информирани за средствата за чистење на пазарот, да не патат од никаква висинска болест, да се брзи во работењето (просек на чистење по седум скулптури на ден), да имаат завршено минимум факултет по историја на уметноста, историја или филозофија. Предност во ангажирањата ќе имаат докторите на наука, кои одлично ги владеат сите јазици на народностите во Македонија.

4. Сопственик на пајтон-агенција. Мошне профитабилна фирма, која во својот бизнис-план ќе има цел да ги „сотре“ сите такси-компании во земјата, нудејќи романтични превозни услуги по прифатливи цени. Сопственикот на пајтон-агенцијата ќе добие лиценца за работа само доколку отвори најмалку 1.000 работни места, односно доколку вработи 1.000 пајтонџии. Тоа е за лиценца од А-категорија. За лиценца од Б-категорија ќе можат да конкурираат сопствениците на пајтон-агенциите што превозот низ градските улици наместо со пајтони ќе го извршуваат со рикши. И тука ќе постојат строги правила за функционирање на агенцијата, поточно предност ќе имаат оние што патниците ќе ги превезуваат со рикши „запрегнати“ со велосипеди од марката „пинарело“, а лиценцата од Ц-категорија ќе важи за сите оние што кочиите ќе ги запрегнат со велосипеди „пони“. Граѓаните ќе можат да избираат по слободна волја со која агенција ќе се превезуваат. На крајот на возењето, возачот е должен на патникот да му издаде фискална сметка.

3. Учител по соларна јога и вегетирање. Нивната работа ќе биде да ги приспособат практикантите на живот без храна, парно и струја, преку гледање во сонцето и преземање на сончевата енергија. За оваа професија на иднината ќе биде отворено и посебно министерство, кое ќе ја контролира работата на учителите. Нови работни места ќе се отворат и во самото Министерство за соларно вегетирање, но во него нема да бидат вработени учители, туку околу 5.000 консултанти. Потребна квалификација за консултантите се одлични вербални вештини, маркетинг-способности и способност за патување во егзотични земји. Учителите ќе бидат оданочувани од Министерството и од нив ќе се бара годишен отчет за резултатите од работењето. Во самото Министерство секој вработен ќе биде должен по неколку пати во денот да го изговара мотото – „Можеме директно да ја впиваме целата потребна животна енергија од сонцето преку очите, па така друга енергија не ни е потребна како што не ни е потребна ни преработена храна.“

2. Водич за правилно наоѓање улици со сменети имиња, мостови и други инфраструктурни објекти. Овие водичи ќе имаат задача да ги насочуваат поштарите, инкасантите и наплатувачите на долгови кон вистинските адреси. Добро е да се имаат врски со некој од нив за да може вашите сметки и неплатените обврски да завршат на погрешна адреса, што може барем да го одложи неизбежното. Како и да е, вработените во оваа агенција ќе ги очекува тешка обука – на крајот од денот ќе можат да седнат, да се одморат и да се напијат кафе на „Аминта Трети“… се разбира, ако не заталкаат некаде по „Никола Кљусев“, „Тодор Александров“ или „Роналд Реган“.

1. Сопственик на компанија за изнајмување робови. Воедно и најбарани компании на иднината, со најмногу отворени работни места. Ваквите компании, се разбира, ќе имаат свои бордови на директори, еден генерален директор, неколку заменици, помошници и секретарки. Тие ќе бидат на платен список. Другите вработени нема да добиваат платен месечен надоместок за работата, туку на крајот на денот ќе им се даваат храна и вода. Бордот ќе има макотрпна задача да одлучи во кој временски период да се дели надоместот, зашто вработените во компаниите ќе потпишуваат договор за вработување на неопределено време во кој јасно ќе биде наведена ставката дека во работата мора да го следат темпото на владините претставници, односно да работат 24 х 7

Жално но премногу вистинито... Иднината на Македонија...

Вестите на Сител...
и дотор Латас...
може ли да ги ставам во...
Без коментар...

Овој Латас е легенда бе...

А што има да се слуша Латас.. според него сите во Македонија се богати, лебот е 10 денари, бензинот 50 денари, зејтинот 50 денари, а за се другото е БЦ крив...  вести со БЦ топ тема кај него не почнуваат... 

БУРЕВЕСНИК: Ален Зекиров барал помош од странци за да ги уништи Груевски и Јанкулоска со „Аналитико“

прочитано: 1.372
ТУКА НЕШТО МНОГУ СИЛНО МИРИСА ДА НЕ РЕЧАМ СМРДИ.... !!!

Дефинитивно треба да запознаеш кој бил и е сега оперативецот на Груевски а кој е мозокот во сите операции... Имено Зекиров беше прв човек на Мијалков исто како што Урко беше на Груевски... На многу чуден начин прво едниот беше отстранет, а сега еве се случува ин вториот... Ниту навлагам ниту пак сакам да навлегувам во задачите што ги извршувале овие двајца но сепак е тоа еден добар показател дека нешто веќе не штима... Досегашните десни раце повеќе ги нема..
А тоа за порталот веродостојно или не, сепак кажува некои работи кои наголеми се зборуваат и се доста добар % на вистина... Не дека постојано верувам но за некои работи доста добро се совпаѓаат со текстовите...

Santijago напиша: Ниту една од тие "десни раце" не е чиста. Затоа имаат функција на десна рака, кога не треба да се извалка главниот, туѓата рака помага.. Не е без причина што летнал од работа, добро е само што летнал .. бар жив и здрав ми изгледа..

Си играат к** -та*** наоѓајки жртви и “веродостојни “сведоци и едните и другите.
Слатко се изнасмеав со овој “главниот“ сведок со кој секоја вечер уши ни продупеа и Сител и Канал 5
-Типот си бил “глумец-хоноранец“

ВИДЕО: Магаш ги улови македонските „прељубници“ – Црвенковски и Фрчкоски!