Вторник, 28 Август 2012 20:43

Економија

Ако до вчера на вашите деца не можевте да им купите "Киндер јајца" за да ги израдувате поради високите цени, сега тие ќе ви станат далеку поисплатливи отколку кокошкините јајца кои достигнаа цена од 10 денари.

Иако Ставрески, инаку македонски министер за финансии тврди дека Македонија има стабилна економија, инфлацијата во земјава рапидно расте, па така јајцата од 2006 кога чинеа околу 3-5 денари за парче денес се со над сто отсто повисока цена.

„Репро матријалите се многу зголемени. Пченката синоќа ја купивме по 18,5 денари а тоа е превисока цена. Цената на поквалитетните јајца од повисоките калси ќе достигне и до 9 , 10 денари за едно јајце“  велат продавачите на јајца на еден од зелените пазари во Скопје.

Што уште од први септември ќе биде поскапено останува да видиме. Неодамна добивме повисоки цени на струјата за околу 9,98 отсто, бензините поскапија за 15 отсто во околу 40-тина дена, а следствено на тоа поскапија лебот и месото.

Земјата во која царува сиромаштијата со околу 33 отсто, која е со идентичен процент на невработеноста и натаму ќе биде под рапидни бранови на поскапувања на основните прехранбени продукти.

Власта ниту планира да ги намали акцизите на нафтата, ни пак е заинтересирана за укинување на скандалозното грабање на народните пари во сметките под ставката "ангажирана моќност", со што освен што плаќаме најскапа струја на Балканот, ни земаат и 33 отсто плус за измислена ставка. Сите компании каде се слеваат парите за енергетиката тврдат дека овие пари, не ги земаат. Каде завршуваат народните пари засега е непознаница.