Македонија доби 46,4 милиони евра за изградба на пругата кон Бугарија



Договорот за заемот го потпишаа вицепремиерот и министер за финансии Зоран Ставрески и директорката за транспорт на Европската банка за обнова и развој (ЕБОР) Сју Барет

Македонија и официјално доби 46,4 милиони евра од Европската банка за обнова и развој со коишто од почетокот на следната година ќе почне изградба на делницата Куманово – Бељаковце од пругата што треба да не поврзе со Бугарија.

Договорот за заемот го потпишаа денеска вицепремиерот и министер за финансии Зоран Ставрески и директорката за транспорт на Европската банка за обнова и развој (ЕБОР) Сју Барет.

Условите под кои ЕБОР и го доделува заемот на Македонија, истакна Ставрески, се исклучително поволни, со рок на отплата од 15 години и грејс период од четири години. Каматната стапка за заемот е шестмесечен ЕУРЛИБОР плус еден отсто и моментно изнесува 1,7 проценти.

Проектот предвидува рехабилитација на источниот дел од железничката пруга на Коридорот 8 на делницата Куманово – Бељаковце, со должина од 30,8 километри. Градбата ќе почне во првиот квартал на 2013 година и ќе заврши во 2017 година, а работите ќе ги координираат Министерството за транспорт и врски и ЈП Македонски железници Инфраструктура.

Според вицепремиерот Ставрески, железничката пруга кон Бугарија конечно ќе стане реалност, а бенифитите ќе бидат зголемена конкурентност на Македонија, пониски трошоци за транспорт и алтернативна транспортна рута за стопанството.

- По 20 години ветувања и почнати и нереализирани проекти, односно почнат проект што не беше реализиран до крај и претставуваше само загуба на средства, конечно оваа Влада обезбеди финансии за реализиција на еден од најзначајните транспортни коридори за железничката пруга од Куманово до Бељаковце, а во продолжение и делот од Бељаковце до Крива Паланка и од Крива Паланка до границата со Република Бугарија. Тоа ќе овозможи да се подобри конкурентноста на Македонија, да се обезбеди транспорт на стоки и луѓе со пониски трошоци, како и уште една алтернативна транспортна рута за македонските производители и компании, рече Ставрески по потпишувањето на договорот.

Тој оцени дека фактот што проектот се реализира во соработка со ЕБОР како значаен и познат меѓународен партнер дава кредибилитет оти овој пат за разлика од 90-тите години кога беше неуспешен, ќе биде целосно завршен и Македонија ќе добие уште еден транспортен коридор, нагласи Ставрески, потсетувајќи дека со помош на ЕБОР во Македонија се реализираат повеќе транспортни проекти, како што е подорбувањето на регионалната и локалната мрежа, завршувањето на автопатот на Коридорот 10, енергетското поврзување на Македонија со Бугарија...

Директорот за транспорт во ЕБОР Барет истакна дека ставењето во функција на железничкиот коридор е стратешки за Македонија и ќе и овозможи пристап и пократка рута до пристаништата на Црното Море, како и забрзување на регионалните поврзувања. Завршувањето на овој коридор ќе отвори нова трговска рута и ќе ја подобри регионалната интеграција во полза на растот на Македонија и нејзините соседи. Со тоа се очекува да се стимулира и регионалната економија, бидејќи протокот на транспортот ќе биде полесен, истакна Барет.

Проектот е поддржан и со грант во износ од четири милиони евра, обезбедени преку програмата на ЕУ за инвестиции на Западен Балкан. Тие пари се наменети за изработка на проектната документација, подготовка на тендерот и помош при имплементација. Со проектот ќе се воведе и енергетски менаџмент систем, што ќе биде поддржано со грант од 175.000 евра, обезбеден од Централната европска иницијатива.

Министерот за транспорт Миле Јанкиески информира дека целата документација е веќе подготвена и се очекува тендерот за избор на градежна компанија за делницата Куманово – Бељаковце да биде распишан кон средината на следниот месец.

- Исто така, Владата продолжува со ангажман околу обезбедување пари и потребна техничка документација за останатите делови од пругата. Веќе се обезбедени финансии кои ќе бидат искористени за надзор на работите на делницата Куманово – Бељаковце, а е објавен и тендер за избор на консултант што ќе ги изработи проектите за делницата Бељаковце до Крива Паланка. Се очекува тие активности да завршат до 2015 година и да почнат градежните работи, рече Јанакиески.

Досега ЕБОР има инвестирано над милијарда евра во преку 80 проекти во Македонија.

Хмммм.. ова е се супер само има еден проблем.. пругата од другата страна не е ни започната а од тоа што се збореше пред извесно време Бугарија нема ни интерес да ја започне... Така да ние ќе си ја направиме ама на крајот ќе стојат банкини... и да не испадне да никне колонија на шиткачи на старо железо покрај пругата па да испадне КАКО ДОШЛЕ ТАКА ОШЛЕ....

mamamd напиша: Да не било СКРИЕНА КАМЕРА Ама заборавиле да им ги вратат парите Патарина дигни, полиција стој!

http://www.primetime.mk/do-koga-vaka-dragi-makedonci/

Колумна: Филипијада
без влакна на јазикот


До кога вака, Македоници? До кога ќе бидеме држава која ги отстранува комунизмот и социјализмот, а притоа чекори по некоја модифицирана верзија на комунистичките, социјалистичките, или екстремно фашистичките идеологии. До кога ќе ги лустрираме екскодошите, а ќе ги забораваме моменталните кодоши, до кога ќе живееме во држава во која на премиерот ќе му се пеат песни? (Никола, Никола, мајка го роди народ да води кон светла иднина, Никола Груевски Господ го прати, верба да врати во Македонија) До кога ќе живееме во држава во која опозицијата се буди само кога ќе намириса лични интереси? До кога вака, драги Македонци?
Живееме во едно чудно општество, каде народот е поделен на Македонци и Албанци, портокалови и сини, патриоти и предавници, големи и секако мали Македонци. Живееме навидум сплотен, но екстремно раздвоен живот со тензични граници, живееме во ерата на севозможното, каде голиот шета по улици, а облечениот паралдисува во некоја затворена просторија.
Секогаш тропаме на погрешна врата, живееме или можеби преживуваме во некој фиктивен свет, а забораваме да ги отстраниме закоравените розови очила, во кои едноставно сме заљубени. Мирно го пречекуваме поскапувањето и клечиме пред нозете на сиромаштијата, а корупцијата и радикалниот национализам ја кројат нашата бедна судбина.
Кои сме ние како Македонци? Народ, кој секогаш имал проблеми со некого, кој секогаш се обидувал да се докажува, дури и во моментите кога немало потреба за тоа. Велат дека сме Словени, дека нашето потекло е словенско, велат дека сме Бугари, дека сме Срби, Грци… велат дека сме антички Македонци, дека сме илјада други сваштарии…
Живееме во држава која го слави Илинденското востание, а притоа имаме сосед кој им се поклонува на Гоце Делчев, Даме Груев, Питу Гули, живееме во држава каде му се поклонуваме на големиот Александар Македонски, а притоа имаме сосед кој ја слави истата историја, живееме во држава каде црквата ја гледаме како спасител од непријателите за зачувување на македонскиот идентитет, а притоа имаме сосед кој не ја признава Македонската Православна Црква, живееме во држава во која живеат Македонци, Албанци, Турци, Власи, Срби, Роми и секако Еѓипќани, но антички Еѓипќани.
Зар не ви се сврте во главата? Зар не ви е јасно дека тоа што се обидуваме да го докажеме, едноставно не може да се докаже, зар не ви е јасно дека на овие простори минувале многу народи и окупации, дека луѓето се претопувале, а народите едноставно менувале. Ниту Грците не можат да кажат дека се чисти антички Грци, како ни секој друг народ од Балканот кој нема чисто потекло од она што го пропагира во својата историја.
Не се проблем историјата и нашето потекло, проблем е моменталната состојба во Македонија, проблем се сиромаштијата, корупцијата, убиствата, како и розовите очила со барокни рамки. Сте се запрашале ли зошто постои толкава омраза меѓу Македонците и Албанците, а постои ли, или е наметната од страна на високите структури? Додека народот пее за мир, некој постојано сака војна… Да, се’ е возможно во оваа мала централно-балканска држава.
До кога вака, Македоници? До кога ќе бидеме држава која ги отстранува комунизмот и социјализмот, а притоа чекори по некоја модифицирана верзија на комунистичките, социјалистичките, или екстремно фашистичките идеологии. До кога ќе ги лустрираме екскодошите, а ќе ги забораваме моменталните кодоши, до кога ќе живееме во држава во која на премиерот ќе му се пеат песни (Никола, Никола, мајка го роди народ да води кон светла иднина, Никола Груевски Господ го прати, верба да врати во Македонија) До кога ќе живееме во држава во која опозицијата се буди само кога ќе намириса лични интереси? До кога вака, драги Македонци?

Messenger напиша: Турли тава од коментар...  ... што покажува недостаток на животно искуство и новинарски квалитети... ... но вишок од нерасчистени незадоволство и јад насобрани од сите страни на светов. Потпис на младоста.

Јас мислам дека не си во право, исто така се сложувам со анализата дека нашето општество е БАШ такво какво е кажано вп статијата. Ако говориме за младоста и зрелоста, тогаш какви млади недозреани политичари имаме? Дали за нив не важи твоето "недостаток на животно искуство"??

„Порше Македонија“ тврди дека им било оневозможено учество на електронската аукција за тендерска постапка на Министерство за внатрешни работи за набавка на 150 моторни возила.
„Во 12.22 часот ни беше оневозможен пристапот до веб страната на Јавни набавки https://www.e-nabavki.gov.mk на којашто во тек беше аукција за набавка на 150 моторни возила на МВР на РМ бр. 17/2-05/2012. Иако во потребното поле поднесовме пониска понуда во износ од 209.500.00,00 денари, системот не направи освежување на податоците. Со оваа постапка нарушено е нашето право до крај да учествуваме на оваа јавна набавка и да поднесеме пониска понуда од веќе објавената“, реагира компанијата.
Оттаму најавуваат жалба до Бирото за јавни набавки и до Тендерската комисија при МВР, а како доказ ќе достават и видео снимка од последните минути на Аукцијата во која јасно може да се види нефункционирањето на системот за јавни набавки и нивната оневозможеност да поднесат пониска понуда.
Тие обезбедиле и доказ од Македонски Телеком дека сите интернет конекции на „Порше Македонија“ во наведениот период совршено функционирале.

Хммммммммммммм местенки и при електронските аукции... Аман бре.. ептен јако лоби и голема паричка се врти....