Лустрација и кога ќе се проветриме?

Сведок е лице повикано на суд, кое треба да изнесува факти, а не мислења и тоа не може да се поистовети со кодош или соработник со некогашните тајни служби, кој треба да биде предмет на лустрација, укажуваат експертите. Законските одредби се јасни. Според нив, предмет на „проветрување“ треба да бидат лицата носители или кандидати за јавни функции, кои не се евидентирани во досиејата на органите на државната безбедност како тајни соработници или тајни информатори при оперативно прибирање известувања и податоци или наредбодавци или корисници на такви информации.

На професорот по кривично право Гордан Калајџиев целата приказна со лустрацијата не му е симпатична, зашто се темели врз полициски списи, кои во принцип се неверодостојни и зад нив, смета тој, секогаш се кријат двојни, па и тројни игри. Но, категоричен е дека една граѓанска обврска не смее да се етикетира.

- Сведок е лице повикано на суд, кое под правна закана за соодветна казна има обврска и должност да сведочи, односно да изнесува факти, а не мислење - вели тој. ВМРО-ДПМНЕ објасни дека за своите обвинувања се послужи со документи од јавен карактер. Се работи за пресуда на струшкиот општински судија за прекршоци со која Шишков, за прекршување на јавниот ред и мир и вербален деликт, е осуден на затворска казна од 90 дена.

Професор Ѕвонимир Јанкуловски е дециден дека не смее да има какви било градации на помал или поголем, повеќе или помалку кодош, зашто кодош е кодош. Со образложение дека целиот систем е исполнет со денунцијанти, а некои и јавно познати секојдневно, како што вели, се смеат од малите екрани, има разбирање за настапот и обвинувањата на владејачката партија.

- Суштината на лустрацискиот процес е остварување на транзициска правда. Тие што учествувале во денунцирањето за остварување лична корист треба да се отстранат од демократскиот систем за да може тој да се прочисти. Меѓу декларативните заложби и комплетната незаинтересираност процесот на лустрација конечно да почне, сосема нормално е наталоженото незадоволство и нанесеното зло да излезат на површина. Има премногу живи сведоци и жртви на еден систем, кои повеќе не можат да молчат - вели тој.
----------------------------------------------------------------------------------------------

Законска обврска на комисијата за лустрација е да ги провери сите потпишани изјави од политичарите кои се кандидираат на овие избори, дали имаат досие за соработка со тајните служби, како кодоши.
Политичките партии најдобро да се воздржат од вакви изјави во предизборието и да ја остават комисијата да си ја заврши својата работа, како што е предвидено со законот.
Од комисијата беше најавено дека ќе ги проверат и актуелните функционери. И ако некој од нив излажал, а се пронајде дека бил соработник на службите, неговото име ќе биде објавено во дневните весници.
Ако го истераат ова до крај, ќе паднат многу маски...
На многу насмеани фаци ќе им се заледи насмевката со која секој ден “срдечно“ ни се обраќаат!

 

jas vo prvo odelenje go cinkarev Milan oti mi ukrade gumicka
pa go pratija na goli otok
sega kje me tuzaka i kje me lustriraat

Црвенковски се плаши од лустрација
Само фактот дека во времето на Црвенковски како премиер, а Хари Костов како министер за полиција, за Мендух Тачи како пратеник се водело досие во тајната полиција, е доволно Црвенковски да биде предмет на лустрација.
Ако мислите поинаку образложете зошто, или деманторајте.

“Јавно ја поднесувам иницијативата за проверка на точноста на изјавата на Љубомир Фрчкоски дека не бил соработник или наредбодател на службите за државна безбедност од идеолошки причини. Јас тврдам дека претседателскиот кандидат во својата изјава заверена во ДИК лаже. Ова го правам на овој начин, јавно, затоа што поинаку и не можам. Едноставно, комисијата за лустрација нема канцеларија, нема архива, нема печат, а македонскиот граѓанин мора да знае за каков претседателски кандидат се работи.“

Ова за „Нова Македонија“ го изјави Јордан Ристовски од Канада, еден од многуте жртви на контраразузнавачките служби и на наредбите за следење од идеолошки и политички причини.
„Фрчкоски во периодот од 1992 до 1996 година како министер за внатрешни работи издавал наредби со кои се повредени моите права, гарантирани со Уставот. Тој не ја кажува вистината“.

Кумановецот Петровски вака и се обраќа на комисијата за верификација на факти (попозната како комисија за лустрација) во Собранието. Под псевдонимот Црни, Петровски бил следен и прислушуван од СДБ како член и финансиер на тогаш опозициската партија ВМРО-ДПМНЕ.

Кандидатот на СДСМ и другите кандидати, во согласност со новите законски прописи, мораше да достават нотарски заверена изјава дека не издавале наредби ниту биле корисници на информации со кои се прекршувани или ограничувани основните права и слободи на граѓаните од политички или од идеолошки причини.
Во неговиот обид да ја спречи кандидатурата за претседател на Фрчкоски, овој поранешен бизнисмен, сега политички азилант во Канада, се соочил со неочекуван проблем - комисијата не функционира, нема простории, нема печат, и тоа во момент кога е најпотребна, пред изборите.

Агим Мехмети, претседателот на комисијата за лустрација, само ги крева рамениците.
“Запознаен сум со таа иницијатива, но што да правам кога сè уште не е во функција комисијата за верификација на факти. Требаше да профункционира од завчера, но катот во МРТВ што ни е доделен не е подготвен. Јас правам сè што е во моја моќ“ - вели Мехмети.

Азилантот Петровски во 2000 година си го подигнал досието од МВР. Тврди дека наредбите за негово следење се давани со наредба и потпис на Фрчкоски. Во неговото досие стои дека тој се занимавал со разузнавачка активност. Како член и финансиер на ВМРО-ДПМНЕ, според досието на СДБ, тој контактирал со Огњан Петров, началник на одделение при Министерството за трговија на Бугарија. Оперативецот на СДБ тврди дека има потврдени сознанија дека Петров е агент на бугарската тајна служба. Петровски како претставник на ВМРО-ДПМНЕ требало да обезбеди максимална поддршка на Бугарија за вмровските фирми. Меѓутоа во 1993 година, СДБ утврдила дека прислушувањето на телефоните „не ги дало очекуваните резултати“ и решиле да престанат со следењето. Од имињата со кои Петровски телефонски разговарал во очи паѓаат Љубиша Георгиевски и Томе Далавера (Томислав Стојановски, таткото на Драган Даравелски).

За претседателскиот кандидат Фрчкоски ова се подземни игри.

“Немам коментар. Мислам дека станува збор за истата личност што поднесуваше кривични пријави пред извесно време. Јас не коментирам полициско-политичко подземје“ - ни изјави Фрчкоски.

Петровски лани понесе кривична пријава против Фрчкоски поради прогонот од МВР, но таа беше отфрлена од обвинителството поради застареност.

„Поднесов кривична пријава против Фрчкоски, Томислав Чокревски, Слободан Богоевски, Зоран Верушевски, Сиљан Аврамовски и другите полициски функционери, кои, со намера да ми нанесат штета од идеолошки и политички причини поради мојата политичка определба како припадник и финансиер на ВМРО-ДПМНЕ, во 1992 година ми отвориле досие под псевдонимот Црни и на тој начин повеќе години противуставно и незаконски собирале сознанија за мојот приватен и деловен живот, со тајно следење и набљудување, тајно фотовизуелно снимање и документирање, тајна контрола на писма и други пратки, прислушување телефон, и притоа добиените сознанија ги користеле за планско, систематско, организирано и смислено дискредитирање на мојата личност и семејство, како и уништување на мојот бизнис. Доказите се недвосмислени. ‘Независната’ обвинителка Драгица Михајловска во јануари ја отфрли мојата пријава поради тоа што наводно изминале 10 години од правењето на последната службена белешка на СДБ, која ја поседувам. Мал проблем е што последната белешка од мојот прогон, која ја имам, датира шест месеци пред истекот на рокот“, изјави Петровски лани на 29 септември за „Нова Македонија“.
-----------------------------------------------------------------------------------------------

Дали и ова ќе биде уште една аферичка во богатото куферче на Фрчко, кандидатот за претседател?
Петровски од поодамна се обидува да ја открие вистината за неговото полициско досие, но очигледно тоа на некои структури не им одговара.
Дали се чека да поминат изборите, дали од страв да не се открие валканиот веш, дали од страв за сопствените глави...

Што ако ова е вистина?
Смееме ли да имаме претседател кој така лежерно дава лажни изјави, во интерес на освојување на највисока државна функција?!
 

Само уште еден доказ од многуте во пропаднатата политичка кариера на фрчкоски дека не треба и не доликува да имаме председател како него,а камо ли да се даде глас за негова поддршка.

...ајде бе кој кого лаже,..што тоа човекот излажал,....дали Вие мислите дека Вашето е точно!?....

sekoj sega nesto tvrdi a dokazi joktur .............. eve , i jas mozam da recam deka nekoj mi gi cita LP .............. kje poveruvate li vo toa bez konkretni dokazi ili ne ?