По преброени 98 % гласачки ливчиња, 52,5 % гласале за Плевнелиев

 Според првичните резултати од обработка на 98 отсто од гласачките ливчиња, Росен Плевнелиев има 52,5 отсто гласови за претседател на Бугарија, а Ивајло Калфин 47,5 отсто, изјави Ралица Негенцова, портпарол на Централната изборна комисија.

Новоизбраниот претседател Плевнелиев вети дека ќе работи за модерна држава и за забрзување на европскиот развој на Бугарија, јави БТА. Според него, државата ќе има активно претседателство кое од првиот ден ќе биде отворено за граѓанските институции, за регионите за да може да се укажува долгорочно за насоката за равој на државата.

- Сакаме да станеме центар за националните приоритети. Ќе работиме за обединување на нацијата за приоритети што значи надпартиска акција, динамизам и за барање конкретни резултати, изјави Плевнелиев. Меѓу приоритетите ги посочи развој на регионите, економијата, подобра бизнис средина.

Плевнелиев вети надворешна политика базирана на националните интереси.

На прес конференција кандидатот Ивајло Калфин нагласи дека за првпат во Бугарија е избран претседател со најнизок број гласови.

- Се надевам дека Росен Плевнелиев и Маргарита Попова ќе бидат добар претседател односно потпретседател во следните пет години...Се надевам дека и двајцата ќе покажат дека може да бидат лидери на нацијата, изјави тој. Калфин нагласи дека граѓанската контрола врз работата ќе биде многу силна.

- Јас лично ќе се заложам  за контрола за тоа како работи претседателската институција, додаде Калфин.

Од 15-ти до 31-ви декември, ќе бидат забранети настапите на отворено на сите турбо-фолк музичари а празничната програма во центарот на градот ќе биде пополнета единствено со рок музика и божиќни песни.

Тоа значи дека турб-фолк фановите ќе мора да се преселат од градските плоштади, во дискотеките и баровите.

Во празничниот период нема да биде дозволено ниту продавање гардероба по плоштадите во Пловдив.