ЗБУНЕТОВА ТЕМА

аххх...

...лежам на песокот, низ дланки го испуштам да тече како времето кое измина од моментот кога го преминавме мостот. Месечината ги осветлува брановите кои шумат и повремено ме допираат по стапалата. На нешто скокотливо се сетив.
На истово место и со истата желба со поглед го милував твоето тело кое наежено затрепери. Не беше од ветерот, не’ обвиваше топлина додека се доближувавме еден кон друг додека песокот шушкаше под нас. Мојот поглед минуваше низ твојата коса која се преливаше кон лицето се’ до вратот кој се истегна чекајќи усни. Те допрев нежно со нив чувствувајќи  сладок вкус, минував со усните низ образот за да стигнам до очите чии трепавици ме скокоткаа, а кога дојдов до челото моите дланки се најдоа во твојата коса и проговорија дека тука има богатство од раскошна мекотија и како две палави деца разиграно ја расплетуваа. Тогаш ме пронајдоа твоите усни како ловец долгоочекуван плен и немилосрдно ме совладаа. Не ги чувствував нозете, се претворија во облак, немав тежина додека дожд од бакнежи ми минуваше низ лицето и телото. Ги видов ѕвездите на поинаков начин, се поблиску им’ бев, кон една почнав да паѓам.
Ме пречека меко и очекувано, како отсекогаш тука да сум припаѓал, знаеше што ми треба и ми понуди дарови, ги отворив како радосно дете на кое му се исполниле желбите затоа што е сакано.
Се наоѓав во изобилие од сочни и зрели плодови, не знаев што попрво да пробам, те сакав целата наеднаш, од коренот па до највисокиот лист. Ниеден дел не изоставив, се’ беше мое.
Рацете ни’ се преплетуваа, усните и јазиците, нешто се отвори, не’ повикуваше да влеземе. Радосно се најдовме во друг свет знаејќи дека никогаш нема да се загубиме, долго бевме во земјата на чудата и не се изморувавме. Бевме тивки како сенки, бевме бучни како грмотевици...
Влажната топлина повторно не’ враќаше на почетокот како строг учител од кој знаевме дека имаме многу да научиме...


Изменето од zbunet - 31.Август.2009 во 19:38

      

Изменето од sanja-a - 16.Септември.2009 во 14:01

momentalno se fativ za dab, mi treba inspiracija 

sanja-a напиша: јас чекам

па не седи бадијала, донеси му кикирики за со пивцето