ЗБУНЕТОВА ТЕМА

Нервозно вртев со запалката обидувајќи се да се сетам кога ја изгаснав цигарата, свежиот смрдлив дим од пепелникот ме потсети кој стоеше пред мене на масата како мезе. Пружив рака кон чашата со вода и забележив дека некоја од претходните испушени цигари завршила во неа пливајќи како златна рипка оставајќи зад себе жолто црвче да се влече по неа, ми дојде да ја мавнам од ѕид, се воздржав, тивко заржав во себе што ме натера да се закашлам.
 - Премногу пушиш, треба да се загрижиш за своето здравје.
 - А тебе као ти е гајле, дај поштеди ме од лицемерие, бркај си работа, јас не сум твоја работа.
Воздивна длабоко гледајќи нервозно во телефонот, тивко туткаше барајќи во именикот, сеуште ми беше убава, ми помина мисла и ми се појави слика како ја бркам мислата како досадна мува, се појави тепалка - Трас, трас ! Ја згмечив, гадинка една она мене ќе ми слетува на машкоста.
Косата и засвети од зраците што минаа низ завесата, ангелски профил кој си грицка по усните, помина со раката низ бутината, ја замислив мојата рака, ме заболе, застенкав во себе. Очите ми застанаа во раскопчаната кошула, се сетив на моите усни додека господареа низ тие простори.
Стана полека од креветот, задницата како жално да ме погледна за последен пат, почувствував како ми трне дланката за допир.
Се фати за кваката издишувајќи се.
 - Ќе ...
Се заврте кон мене, низ образот и се стркала солза, сеуште беше убава, најубава.
 - Да ?
 - Ќе... ги оставам... цигарите. Промумлав тивко.
 - Не слушнав добро.
Како да се одби од невидлив ѕид, широко ги отвори очите, ме допираа до самата срж.
 - Ќе ги оставам цигарите !
Насмевка се појави на нејзиното лице, онаа која ја чуваше за посебни пригоди, ја тресна вратата, ја фрли ташната и како тигрица ми се фрли легнувајќи ме на креветот.
Некаде меѓу расфрлани алишта додека задишано и грчевито ме бараше, додека си ја враќав сопственоста врз нејзиното тело, тивко на уво ми шепна
 - Овулација ми е
 - Да ? И што имам врска јас со тоа ?
 - Колку да си знаеш.
Се насмевна мистериозно додека го правеше она за кое знаеше дека ме прави послушен без способност за приговор.
 - Мхм ...


Изменето од zbunet - 25.Февруари.2009 во 11:13

      

збунет е закон

zbuneto...edna tebe, edna mene, a

..........

zosto....poradi cigarite ili kapitulacijata?

...gledam idol na zidot...gledam nasmean krvnik