Oткријте какви сте во кујната според хороскопот

Кога некој ќе ве повика на ручек или вечера, дознајте го неговиот хороскопски знак за однапред да откријте што ќе ве очекува во чинијата.

Секој хороскопски знак има посебна специјалност и омилена храна за готвење или јадење. Откријте кои се навиките, желбите и начините на подготовка храна за секој хороскопски знак што ве интересира.

Кога некој ќе ве повика на ручек или вечера, дознајте го неговиот хороскопски знак за однапред да откриете што ќе ве очекува во чинијата.

Овен
Овните се љубители на зачинетата храна и кога готват и кога јадат. Овните кога готват одбираат рецепти во кои може да експериментираат со многу зачини и да понудат нешто ново на своите гости. Храната во која ужива Овенот е зачинета, лута, но и необична мешавина од вкусови. Лута пиперка, чили сос, месо на повеќе начини, како и полуготови јадења се она што му се допаѓа на овој знак.

Бик
Биковите сакаат слатко, чоколадо, торта со многу шлаг. Припадниците на овој знак имаат среќа бидејќи на нив не се забележува дека можат да изедат премногу слатки. Биковите сакаат да пробуваат и во тоа уживаат. Не може да се каже дека се гурмани, туку повеќе се хедонисти. Важно е да не претеруваат.

Близнаци
Повеќе сакаат солени работи. Ако им се пријадат слатки, попрво ќе купат нешто од трафика, нешто мало, слатко, чоколадно. Поважно им е нешто да се напијат отколку да изедат. Не претеруваат со храната. Нив им е важно храната да се подготви брзо, исто брзо да се изеде и да биде лесна. Нивни најчест избор се супа, помфрит и бело месо.

Рак
Раковите главно сакаат традиционална храна по стари рецепти која ги потсетува на нивната мајка. Најважно им е ручекот да биде во кругот на семејството и убаво да се најадат. Супа, сарма и морски плодови се она во што најмногу уживаат. Ракот подготвува и најмногу сака домашна храна.

Лав
Лавот сака храна и ужива во неа во секоја прилика. Ако сакате да одите на гости кај Лавот, очекувајте пообилен оброк. Месо во која било варијанта и сите врсти торти се изборот на кралскиот знак. Не сакаат да штедат на храна, но важно е да не претеруваат во луксузирањето.

Девица
Девицата се придржува до здравата исхрана и одбира помали оброци. Припадниците на овој знак запознаени се со калориите, квалитетот и масната храна до детали. Истото важи и за подготовката. Ретко кога подготвуваат голема количина храна. Житарки, здрава и макробиотската храна се како создадени за Девиците.

Вага
Вагата е знак кој владее со умереноста. Тие никогаш нема да претераат и нема да дозволат да го уништат својот изглед. Ако не изгледаат идеално, нема да ги убедите дека не се совршени. Сакаат да јадат, уживаат во храната, но не и да ја подготвуваат. Не им е особено задоволство да готват за себе, но кога подготвуваат за партнерот или некој гостин, тоа е веќе поинаку. Главно се одлучуваат за подготвување лесна салата и некој десерт. Кај Вагите многу зависи од расположението, па нивниот избор на храна зависи од даден момент. Генерално не се големи љубители на слатките.

Скорпија
Специјалитети и необични јадења кои се подготвуваат по специјални рецепти се како создадени за Скорпиите. Припадниците на овој знак, ваквите јадења со леснотија ги подготвуваат дури и по најкомплицираните рецепти. Ако се одлучат да подготвуваат месо, тоа најчесто ќе биде скара или риба. Кога се во прашање слатките, најчесто сакат да подготвуваат и да јадат едноставни колачи со ореви, лешници и темна чоколада.

Стрелец
Стрелецот консумира голема количина храна, а припадниците на овој знак никако не можат да се одлучат дали ќе претераат во здрава или во нездрава храна. Уживаат во јадењата на странските кујни. Ретки се оние припадници кои не сакаат да готват, главно уживаат подготвувајќи храна за цело друштво, а што и да замислат тоа може и да го направат.

Јарец
Ако ви се јаде некој традиционален домашен оброк најавете му се на некој Јарец – ќе ви подготви што и да посакате. Погача, пита, некое традиционално јадење, но и индиска храна. Јарецот ја подготвува храната полека и по малку неволно. Мора сè да биде како што треба, не брза никаде и не го пресолува јадењето. Сака дури и да го сподели рецептот кој ви го подготвил.

Водолија
Припадниците на овој знак можат да подготват сè толку брзо и добро што нема да верувате дека нешто е направено за толку кратко време. Сакаат да го испробаат секој нов рецепт кој некој им го препорачал, бидејќи тоа им претставува предизвик. Исто така сакаат да пробаат сè што ќе направи некој друг. Но, ако не сте подготвени за критика, немојте да ги прашувате за мислење. Водолиите без влакна на јазикот ќе ви кажат што мислат.

Риби

Рибите сакаат да готват, но повеќе сакаат да дегустираат. Ситни колачи, пудинг, шејк се како создадени за овој знак. Тие сакаат да јадат, но не премногу. Со добро јадење важно им е да пијат добро вино, како и изгледот на масата и атмосферата. Кога се Рибите во прашање сè е важно. Ако одите на вечера кај некоја Риба однесете вино. Ако Рибата доаѓа кај вас, подгответе некои морски плодови, но важно е и убаво да ја декорирате храната. Рибата на ништо нема да најде замерка, а и ако нешто не ѝ се допадне, нема да ви каже.

Овенот, Стрелецот и Лавот се најчесто мускулесто градени. Девиците и Јарците се ковчести, а Биковите и Вагите склони кон дебелеење. Очите се најистакнати кај Водолија, Риби и Близнаци.

1. Овните се физички силни и со изразени црти на лицето. Спортски градени, а мускулите се забележливи дури и ако имаат вишок килограми. Најчесто имаат темен тен, густа коса и мазна кожа. Нивниот изглед остава впечаток на сила и енергија. Не се склони кон дебелеење. Црвената боја го истакнува нивниот карактер.

2. Биковите се препознатливи по симетрично лице и полни усни. Носот им е округол, а тенот сјаен. Телото обично им е пропорционално, па ако качуваат килограми обично се распределуваат пропорционално. Нивниот изглед остава впечаток на мекост и сила истовремено, се облекуваат елегантно, најчесто во зелено и кафено.

3. Истакнати очи го красат насмеаното лице на Близнаците. Имаат прилично долги раце и нозе, обично се витки и делуваат грациозно иако немаат истакнати мускули. Имаат прилично неизразен струк. Омилена боја жолта и сребрена.

4. Раковите имаат изразен нос и високо чело, кружно лице и истакнати јаболчници. Брадата е округла, косата темна и не претерано густа. Иако се витки, најчесто после 30-тата качуваа килограми. Имаат чувствителна кожа и краток врат. Суптилни се, а омилени бои им се црна и бела.

5. Широко чело и густа коса се карактеристики на вистински Лав. Убаво обликуван нос, силна мускулатура. Омилени бои жолта и портокалова. Сакаат и спортски аутфит.

6. Девиците се витки, а вишокот најчесто се насобира кај рацете и стомакот. Телото им е симетрично и складно како и цртите на лицето. Важат за убави луѓе. Сакаат неутрални и неупадливи комбинации во нијанси на сина и зелена.

7. Вагите имаат правилни црти на лицето. Обично се повисоки од просекот, а целокупниот изглед делува софистицирано. Често имаат впечатлива боја или фора на очите. Сакаат да се дотеруваат и истакнуваат со изгледот. Сакаат нијанси на сина и црвена.

8. Иако се слаби, Скорпиите делуваат силно и високо. Имаат нешто пошироки рамена од просекот и колкови. Лицата им се впечатливи, со сензуални усни, неправилен нос и продорни очи. Косата им е најчесто кафена и густа. Сакаат да изгледаат убаво, но не нападно. Омилени бои црна и сива.

9. Стрелецот има најдобра фигура во Зодијакот. Најчесто се просечно високи и спортски градени. Но, овие природни карактеристики ги уништуваат со прекумерно уживање во храната. Имаат по малку долгнавесто лице и изразени сини или зелени очи. Често имаат проблеми со опаѓање на косата. Сакаат спортски и лежерен изглед, а омилени им се силните бои.

10. Јарците имаат елегантен и долг врат и ковчести раменици. Најчесто се иски или со средна висина, профилот на лицето им е заоблен, а најчесто имаат увлечена брада и впечатливи заби со убава насмевка. Сакаат нијанси на зелена и кафена.

11. Водолиите се најчесто со средна висина или нешто пониски, со светол тен. Ако се здебелуваат често добиваат подбрадок, но ова се случува по 30-тата. Имаат помали дланки и стапала, но убави нозе. Широки меки усни, а омилени бои им се виолетова и сина.

12. Рибите имаат одличен тен, мека кожа и убави црти на лицето. Најчесто имаат округло или долгнавесто лице, со сјајна коса. Горниот дел од телото обично  е потесен од долниот кој е заоблен и широк. Имаат сјајни очи и срдечна насмевка на која ретко кој останува рамнодушен. Омилени бои им се зелена и црвена.

Се ближи периодот на прослави и подарувања, па затоа почнете на време да одбирате новогодишни подароци за своите најмили.

Во случај да не знаете со што би можеле да ја израдувате драгата личност, побарајте идеа во нашиот мал водич, составен врз основа на хороскопскиот карактер на секој знак на Зодијакот.

Одберете подарок од срце. Оној што го прима подарокот ќе се израдува, пред се, од искреното внимание, нежната порака и искажаните чувства.

Овен – полн со енергија и посветен на спортот
Совршен подарок за Овенот е спортски викенд. Било кој оригинален подарок, совршено ќе му одговара на овој знак. Ќе биде презадоволен со секој единствен подарок.

Бик – обожува луксуз и се вистински гурмани
Подарете им скапо чоколадо, вечера во луксузен ресторан, или најнова масажа во познат спа-центар. Рачно изработен накит, или вредни детали за дом кои ќе ги инспирираат. Не заборавајте подарокот да им го спакувате внимателно и уредно.

Близнаци – големи интелектуалци и вечни деца
Одушевете ги со карти за концерт на омилената музичка група, годишна претплата на нивното омилено списание, или најновиот албум од изведувачот кој го обожуваат.

Рак – перфексионисти и големи емотивци
Ќе им се допадне романтична вечера за двајца, букет цвеќе или ново парче гардероба за нивната маркирана колекција. Интересот за нивното хоби ќе го ценат повеќе одошто скапоцените подароци.

Лав – сакаат да ги третирате како кралеви
Вистинскиот избор е: луксузни цигари, ретки вина, карти за театар, или концерт. За нив, всушност најважно е да бидат во центарот на вниманието.

Девици – вечни романтичари
Кога купувате подарок за Девица, морате навистина да се потрудите. Дефинитивно, обидете се да најдете нешто практично и едноставно, а поврзано со активностите и хобито кое тие го сакаат.

Вага – не очекуваат многу, но ги сметаат за најголеми естети во хороскопот
Ќе им се допадне сè што ќе им подарите, ЦД, книга или цвеќе, ќе биде доволно. Дозволено е сè освен кич.

Скорпија – тешки барања
Сакаат скапи работи и имаат силно чувство за мода. Ќе го погодите нивниот вкус со на пример парче облека која сте ја купиле онлајн, а која преставува последен збор на модата. Но, бидете внимателни – за нешто такво да направите, треба добро да ги познавате!

Стрелец – весел и немирен
Пронејдете „луда“ ситница, интересно парче накит или да речеме пат на далечна и егзотична дестинација.

Јарец – исклучително сериозен и со чувство за совршенство
Ќе им го разубавите денот ако ги повикате на ручек, или интересна уметничка изложба. Сакаат и практични – корисни подароци, па затоа слушајте добро што им е потребно.

Водолија – сакаат да бидат мазени и пазени
Кај нив секогаш „ќе запали“ нешто интересно. Подароците за нив треба да бидат оригинални и интересни. Интересна играчка, карти за хит комедија, или да речеме ситница за автомобил – тоа се работи кои ќе ги направат среќни.

Риби – нежни и внимателни, вистински уметнички души
За нив морате добро да се потрудите, бидејќи најмногу ќе им се допадне подарокот кој сте го направиле со сопствените раце. Ако немате време да им направите нешто во малата домашна работилница, ќе ги направите среќни со рачно изработена рамка за фотографија, удобни папучи, или часови по јога.

1. Овните се физички силни и со изразени црти на лицето. Спортски градени, а мускулите се забележливи дури и ако имаат вишок килограми. Најчесто имаат темен тен, густа коса и мазна кожа. Нивниот изглед остава впечаток на сила и енергија. Не се склони кон дебелеење. Црвената боја го истакнува нивниот карактер.

ОД прва до последна буква точно

Изменето од Crna Arapina - 09.Декември.2013 во 13:48

Било да сакате да читате, или да подарувате книги, дознајте како влијаат ѕвездите на нашиот книжевен вкус. Овните не сакаат романтични приказни, Биковите можат и без книга, a Близнаците сакаат да ги купуваат.

Овен
Овните сакаат да читаат, но не по препорака, бидејќи тие самите знаат што е добро. Во секој случај сакаат забавна романтика, понекогаш саркастична. Главните ликови треба да се успешни, борбени, силни, бидејќи само како такви може да бидат прифатени од страна на Овните. Не сакаат патетика, не сакаат романтични приказни.

Бик
Романтични приказни, голема љубов, но и практични совети за подобар и поквалитетен живот, е изборот на овој знак кога се во прашање книгите. Не сакаат да губат време на негативни страни, секогаш читаат нешто конструктивно, но и класика.

Близнаци
За добар почеток на денот Близнаците повеќе сакаат да одберат весници отколку книги. Иако сакаат да читаат, мораат прво да ги слушнат сите препораки за некое дело, па дури тогаш да се фрлат на читање. Близнаците, покрај Девиците и Стрелците најмногу сакаат да купуваат книги.

Рак
Раковите сакаат патриотски книги и бајки. Поезијата исто така им е драга, но и биографиите на славните личности. Ако му подарувате книга на Рак, бидете запознаени со тоа што сака да прави, дали има хоби и во согласност со тоа одберете.

Лав
Лавовите сакаат историски романи, како и книги чии теми се општеството и власта. Книгите за принцовите, владетелите и богатството се омилено четиво за Лавовите. Блиска им е и литературата во врска со деловниот успех и сè што им ја зајакнува самодовербата.

Девица
Девиците читаат само проверена литература. Ним не можете туку така да им подарите книга. Добро се информирани пред да ја купат. Бидејќи Девицата е добро информирана, сака да прочита препорака на интернет, на форуми и искрено ќе ви каже дали некоја книга и се допаѓа или не.

Вага
Љубовните романи, книги кои ја величаат убавината и животот се најдобриот предлог за претставниците на овој знак. Потрудете се да не ги натерате да читаат, бидејќи тогаш сигурно тоа нема да го направат, тие мораат за сè самите да се заинтересираат.

Скорпија
Темите кои се мрачни, тајни, табу теми, ќе преовладуваат на полиците од домашната библиотека на овој знак. Книгите за војна, секс и смрт се најлесни за разбирање за Скорпиите.

Стрелец
Стрелците сакаат филозофски книги и патописи. Може да читаат сè, но ако некоја книга им досади, веднаш поминуваат на друга. Припадник на овој знак тешко дека ќе чита бестселер. Сакаат патописи, класика, сериозна литература. Атласот е вистински подарок за Стрелците.

Јарец
Историските теми, класиката и практичната литература е она што го сакаат Јарците. Овој знак сака антиквитети, стари работи, па книгите од тие области ќе им бидат интересни. Бестселерите не ги интересираат, а книгите кои ги сакаат ќе ги прочитаат неколку пати.

Водолија
Водолиите сакаат необични книги, за научници и наука, како и научна фантастика. Сакаат книги кои бараат внимание, размислување, а не некое лесно четиво кое што опушта.

Риби
Романтичните приказни, романите чиј што заплет се случува во сон... тоа  е она што го сакаат Рибите. Фантазиите, бајките, научната фантастика и филозофијата ќе го задржат вниманието на Рибите.

Рак: Љубовник
Раковите се доста чувствителен знак, што значи дека сексот за нив не е само физички акт. Тие уживаат во љубовта, ја почитуваат вредноста на сите добри нешта. Ако планирате да се разголите пред Рак бидете подготвени на долга и интензивна вечер, преполна со емоции. И можеби неколку солзи потоа.

Рак

Не сакаат кога се гладни, кога им е топло или ладно и кога се неудобно облечени. Не сакаат провокации, неправди и неблагодарност. Ги нервира кога некој не го почитува нивното мислење.

...pa i ne se sl*gam bas najubavo so horoskopov

Изменето од laki_bu - 09.Декември.2013 во 22:48

Се наближува дочекот на најлудата ноќ. Веројатно како и повеќето припаднички на поубавиот пол во дилема сте како да се облечете и да заблескате во полн сјај. Каков фустан, чевли, шминка да одберете, а во исто време да изгледате оригинално и несекојдневно. Прочитајте ги советите според  ѕвездите и планетите.

Овен

Овните се познати како луѓе од акција – модата често не ги интересира, најважно им е гардеробата да е удобна и практична, бидејќи постојано се во некое брзање и акција. Најдобро е да изберете фустан со јасен и дефиниран крој. Одберете црвена или бела боја, а дополнете со некој необичен накит.

Бик

Жените во знакот на бик многу е важно да се чувствуваат удобно и пријатно. Одберете лесен и лелеав фустан од меки и пријатни материјали. Внимавајте и вашите чевли да бидат удобни.

Близнаци

Близнаците се љубители на силни бои и необични дезени или нешто што изгледа лесно за трансформација и кое ќе ви даде уникатен изглед. Најдобро е да се одлучите за нешто смело и необично.

Рак

Раковите сакаат романтичен и женствен изглед поради коj се чувствуваат привлечни за посилниот пол. Поради тоа секогаш се определуваат за фустан, наместо панталони кои за нив се премногу мажествени и конвенционални. Изберете елегантен сребрен фустан кој ќе ги истакне вашите облини, а сето тоа дополнето го со црвен кармин.

Лав

Колку пооригинална фризура, толку поголема сигурност. Долга распуштена коса или изразито кратка – со вас нема компромиси. Фустанот нека биде во златна, црвена или виолетова боја, како што доликува на владетелот во хороскопот. Потпетици високи најмалку 10 см ќе направат да бидете ѕвезда на вечерта.

Девица

Деталите и перфекцијата се нешто што има најголемо значење за жените родени во овој знак . Евтини и едноставни работи не одат со вашата гламурозна личност. Вие сакате елегантни фустани со беспрекорен крој без многу детали, кои изразуваат софистицираност.

Вага

Вагите обожаваат скапи, софистицирани материјали и аксесоари. Прав избор за вас е некој впечатлив брош или елегантни ракавици. Ниту еден друг знак нема толку стил како Вагата, ниту може да го изрази на тој начин. Црн фустан е вистински погодок за вас со неизбежен детаљ по кој ќе бидете забележани.

Скорпија

Вие сте природно заводлива и мистериозна жена. Покрај тоа, најчесто се определувате за црно секси фустанче и високи потпетици. Оваа година ви советуваме да се определите за некоја посилна боја и необични чевли сигурно ќе ги остави без здив сите околу вас. Црвен фустан, сребрени чевли и необичен накит ќе го направат вашиот изглед несекојдневен. Не заборавајте и јака шминка со која ќе ги нагласите вашите очи.

Стрелец

За Стрелците прав избор се панталоните. Вие просто знаете како да ги носите и во нив да изгледате подобро од дамите во фустан. Вашата природа бара удобност и спонтани движења, затоа често ги носите и најдобро се чувствувате. На најлудата ноќ ви советуваме да ставите акцент на нозете и да заблескате во впечатливи светкави хеланки или со интересен дезен на хулахопки. Високите потпетици се задолжителни за секоја дама.

Јарец

Како суптилна, едноставна и конзервативна жена, вие најдобро се чувствувате  во елегантни панталони или едноставен фустан со скромен и едноставен крој и дезен. Ваши омилени бои се сива, црна или кафена. Сето тоа комбинирајте го со модерни чевли кои совршено одговараат со вашиот отмен карактер. Во новогодишната ноќ останете дама, бидејќи тоа најдобро ви прилега.

Водолија

Колку пооригинално, толку подобро. Водолиите се сè само не обични припаднички на хороскопот. Водолиите најдобро знаат со помош на облеката да ја изразат својата оригиналност и немирен дух. Кога се модните експерименти во прашање, нема комбинација која не може да ја износите на правилен начин. Останете доследни на својата природа и определете се за фустан во етно фазон или необичен принт. Накитот нека ви биде впечатлив и што поброен.

Риби

Вие сте чувствителна уметничка душа која на секоја креација знае да даде личен печат. Елегантен брош или уникатен накит е она што треба да го украси вашиот новогодишен изглед. Дрски бои и смели модели не одговараат на вашиот нежен карактер. Додека, светкавите златни или бели дезени се како создадени за вас. Водете сметка за тоа чевлите да ви бидат удобни, бидејќи нежните чекори и заводливиот поглед се ваши најголеми адути.