''Плејбој'' во Македонија

Прва Македонка гола за "Плејбој"

"Кога се јавив дома да соопштам, мајка ми инсистираше да се соблечам, кога веќе се појавувам во "Плејбој". Татко ми без збор ја подржа мојата идеја. На фотосесијата бев топплес, не сосема гола", открива Миа

ТВ водителката Миа Костова е првата Македонка која се сликаше топлес за декемвриското издание на македонскиот "Плејбој". Во кабаретскиот амбиент на театар МНТ "Центар", седната во црна фотеља, Миа вели дека за време на фотосесијата со голи гради ниту еден момент не почуствувала непријатност или нелагодност.
Секспилната водителка на Тв естрадниот магазин "Бекстејџ", смета дека е смешно што Македонките бегаат од оган кога некој ќе им каже да се соблечат за јавност. Таа вели дека нејзните родители, па дури и баба и гордо ги покажуваат фотографиите.



- Веднаш ја прифатив понудата, без многу размислување. Потекнувам од едно ултра современо семејство, што ми беше олеснителна околност. Кога се јавив дома да соопштам, мајка ми инсистираше да се соблечам, кога веќе се појавувам во "Плејбој". Татко ми без збор ја подржа мојата идеја. Секако дека и хонорарот имаше удел во целата приказна. Но искрено, бев навистина среќна што добив понуда од списание за кое со години сум мислела дека нема шанси да сум на неговата насловна. Фотосесијата одеше многу брзо, одлично соработувавме со екипата . Бев топплес, не сосема гола. Но, кога си во друштво на професионалци, се однесуваш професионално. Ниту еден момент не почуствував непријатност или нелагодност", открива Миа.
Таа очекува и позитивни и негативни реакции, но сигурна е дека повеќето ќе бидат позитивни. Миа се радува дека фотографиите се светски, и задоволна е како целиот производ изгледа.
"Важно ми е дека кругот на моите најблиски луѓе е презадоволен. Моите родители, па дури и баба ми гордо ги покажуваат фотографиите. На крајот на краиштата, мене ми е смешно зошто само ние Македонките се однесуваме како да имаме нешто посебно во градите, па бегаме како од оган кога некој ќе ни каже да се соблечеме за јавност. А тоа е така нормално секаде во светот", вели Миа.
На дел од фотографиите таа е сликана со пријателката Маја Ангеловска, која по професија е економист. Миа, освен како водителка на "Бекстејџ", заедно со Маја работи како менаџер на еден скопски ноќен клуб