Второ мислење-консултација со друг доктор

Повеќе болни лица се жалат дека не наидуваат на разбирање кај своите доктори кога ќе кажат дека би сакале мислење и од друг лекар. Пациентите велат дека докторите се навредуваат од ваквата желба и оти честопати самите лекари ги разубедуваат да не бараат и друго мислење.


Консултацијата со друг (втор) доктор е веќе одамна воспоставена пракса. Се смета дека барањето мислење од втор доктор е паметен чекор на пациентите.

Постојат повеќе причини поради кои се бара мислење и од друг доктор, ќе наведеме само неколку.

- Кога пациентот е соочен со тешка и конфузна дијагноза

- Кога живее во место каде нема можност за преглед кај специјалист со поголемо искуство во лечење на неговата болест

- Кога здравствената состојба му е влошена и кога не е во состојба да оди кај својот специјалист, бараат мислење од друг кој ќе ги прегледа дома

- Доколку пациентот има некоја ретка болест , тогаш лицето верува дека мислењето на другиот доктор би можело да му каже повеќе за болеста и за начинот на лекување.

Пациентот има право да биде целосно запознаен со болеста, како и да бара мислење и од друг лекар. Должност на секој доктор е да го охрабри овој чекор и да му помогне на пациентот во изборот на експерт во одредената област. На тој начин докторите не губат од стручниот авторитет, пациентот по второто мислење повторно ќе им се врати за натамошно лечење. Сепак не треба да се заборават народните поговорки дека две глави мислат подобро од една или пак оти четири очи гледаат подобро од две, поговорки кои апсолутно можат да се применат.

Колку вие го применувате и одобрувате ова право на избор?

Јасно дека ми се случило и фала богу што некогаш ми се случило. Кога не можев соодветен доктор да најдам во градов за кожно, почнаа рак да ми вадат на кожа бла бла.....а се работеше за мала инфекција чиј лек чинеше 2 пати по 40 ден....а некои дерматолози ми зимаа по 1500 ден само со лупа да ме погледнат.

И јасно се ке ти речат за да ти ги земат парите.....
И јасно дека пак би се советувала со 2 лекари.
Значи навистина го претераа, кај ги има 70% од докторите неписмењаци тешки друга работа е што се почна со проклетството -кафе и бомбоњера. Сеа ке те седнат и ке ти нарачат од сваровски ова за сестрата клима за докторот (ама и мајстори да ја наштелуваат) и ред други работи. Значи човек ѓавол и пол ке му испадне ако не дај боже треба да се оперира.

Во помалите градови каде сите се познаваат меѓусебно, ако отидеш кај друг доктор овој првиот ќе се насурли и после ќе ти префрла, ќе ти се к*рчи, и ќе те уценува секогаш со истото: Ако не ти чинам оди си кај тој другиот................

Еден ден ќе ти пукне филм.........

Секој има право на избор и секако дека го одобрувам правото на второ мислење(имам слушнато од многу пријателки кои оделе на приватни гинеколози и ги лечеле од некои обични инфекции со цел почесто да одат на контрола).

Bev svedok koga edno nepismeno stvorenje nareceno doktor i velese na majkata deka premnogu go doi bebeto

Најмногу ме иритира што во многу ситуации е присутна таа потребата да се негира претходно кажаното мислење од својот колега и докажување кој е во право кој е во криво.Зашто не и второ,па и трето мислење?Па две глави подобро мислат од една.И да,не е генетски предоодредено кој ке биде лекар или не,не дека тато или мама се лекари,така не.Те бива или не те бива за таа работа.Секоја чест на исклучоците.За да бидеш лекар треба да си хуман,да се грижиш за оној кој зависи од твоето знаење и умешност,и да правиш се за негово добро,зашто тој е зависен од тебе,а не да се докажуваш дека си во право и да негираш туѓо мислење.

Изменето од Milaa - 25.Јануари.2009 во 15:08

Па да,лекарите се навредуваат кога пациентот побара и мислење од друг лекар,но и тоа создава конфузија од онаа трчкање кај еден лекар,па кај друг лекар,едниот лекар оваа каже,другиот лекар сосема друго и кај пациентите се создава сомнеж„и сега во кој лекар да верувам„
По мене подобро е кај еден лекар,тој ја знае целата историја на пациентот,освен на исклучоци каде и треба да се побара мислење на друг лекар.