РАЗГОВОРИ ЗА РЕЛИГИИТЕ - ОПШТО И НЕВРЗАНО

EvAngelos напиша: Адвентистите воопшто не се адвентисти заради некаква "различна интерпретација" на Светото Писмо, туку заради дополнителните објави кои ги имаат од нивната пророчица Елена Вајт - објави кои во пракса ги ставаат дури и над Светото Писмо.

Интересно е што ова никогаш нема да го признаат... Светото Писмо е за нив ВРВ, а не Хелена Вајт. Ако не ми веруваш, прашај го Никола Тасевски и тој ќе ти каже дека не знае која е таа...

EvAngelos напиша: Ова важи и за другите небиблиски цркви или деноминации. Слично и православните не се православни затоа што различно го интерпретираат Светото Писмо, туку затоа што веруваат во други авторитети како што се пишувањата и житијата на одредени ткн. "свети отци", одлуките на вселенските собори на католичката црква, традициите, обичаите итн.

Никогаш во Православието (зборувам за неговата Теологија) ниту имало ниту ќе има друг поголем авторитет од Бога и од Божјиот Збор! Сето она што било зборувано од Светите отци било врз база на Божјото Откровение во Светото Писмо (или Светите Списи и Светите Преданија и Пракса и Практично Искуство пред да биде оформена и канонизирана Библијата, како попис/листа на книги). Вселенските Собори биле свикувани за да се разговара по разни Теолошки прашања кои произлегувале од практицирањето на напишаното во Светото Писмо... Во Светата Христова Православна Црква одлуките по позначајните прашања се донесувале СОБОРНО, ЗАЕДНИЧКИ и КАКО ЦРКВА!! Сите оние кои упорно и непокајано се противеле на она кое ќе го изгласа мнозинството, и кои со тоа им пречеле на останатите и им правеле проблем(и), Црквата ги одлачувала (ги отсекувала) од себе. Тоа е ДРАСТИЧНА РАЗЛИКА од она што се случувало од моментот на појавата на Протестантизмот како движење, во кој заедниците ги формирале групи на радикали, кои не се согласувале со мислењето на мнозинството во рамки на матичната заедница... Затоа се случило големо цепкање на Црквата и еве што се случува денес... Изброј само колку регистрирани Христијански Цркви има само во Македонија и размисли: дали кога Господ Исус Христос зборување за Својата Црква, мислеше на вакви цепкања во рамки на истата?

Сето она што тебе драг мој EvAngelos ти изгледа во Теологијата на Православието дека го погазува Светото Писмо, во суштина го практицира и тоа интензивно! МОЖЕБИ со тек на време низ вековите, поради ситуациите во кои се наоѓала Светата Црква некои ФОРМИ и начини на практицирање на СУШТИНАТА биле изменети, но самата Суштина никако и никогаш!!

Многу е добро и душополезно - добро да се знае кој, кога, зошто и какви промени вршел, а во тоа ќе се успее ако добро се проучи и анализира што се случувало во Христовата Црква после она што го пишува во последниот стих од последната глава од книгата “Дела на Светите Апостоли“ во Новиот Завет од Библијата