РАЗГОВОРИ ЗА РЕЛИГИИТЕ - ОПШТО И НЕВРЗАНО

vidi sea ima milost i blagodat

spiros напиша: Златен Златник, МИЛОСТА БОЖЈА е незаслужен ДАР! ДА, златен Златник, верувам и дека постои и човекова милост. Секоја милост потекнува од БОЖЈАТА МИЛОСТ и затоа е најскапоценото кај човекот. Без неа, човекот е трговец, е аутомат е дури (во некои случај) поопасен од крвожедно и безумно животно. Јас не само што верувам, дека БОЖЈАТА МИЛОСТ се отелотвори во ИСУС за спасение на сите, туку и го доживувам тоа преку знаци од Госопода дека е така. Човековата милост без БОЖЈАТА е како флаширана вода која некои трговци ја продаваат збогатувајќи и спофалувајќи се себеси, негирајќи Го ДАРОТ на ИЗВОРОТ БОЖЈИ, кој е безплатен за сите! ...

Се е општо! Ништо конкретно. Чисто теолошка „филозофија“.
Кои знаци? Дај нешто конкретно. Знаеш, јас сум како „неверни Тома“. Самооо, сепак, и тој бил апостол!

spiros напиша: ...Се што е добро на овој свет е ДАР БОЖЈИ, е МИЛОСТ БОЖЈА и затоа повеќе надарените имаат поголема одговорност кон помалку надарените. ... За жал, неблагодарниот човек тоа не го увидува ...

Себеси се убедувам дека во горниов цитат нема двосмисленост!

Спирос - ај добре дојде... долго време не се имаме читано

Спиросе, често пати ја спомнуваш божјата милост, па ме интересира, што е за тебе таа милост? Како ти ја разбираш? И, дали освен таа божја милост, за тебе постои и некоја алтернатива? (Мислам на милост од и кон човек!)

Изменето од Zlatnik - 12.Ноември.2008 во 09:30

Spiros, ne te razbrav, a mozhebi i ti ne si me razbral... no se e toa vo red prijatele.

Zlatnik напиша: Majkl напиша: ... самопрогласениот Луцифер(носител на светлината), се свртиле против Бога во желбата самите да станат богови. Zlatnik напиша: Колку време живеат? ...Вечно, ... Чекај, нели велите дека само бог е вечен? Тогаш од ова произлегува дека овој (по однос на вечноста) навистина станал „бог“ Со ова се согласувам, вечна е борбата меѓу доброто и злото. Тоа е во човековата природа!

Се` што Бог создал живее вечно. Злото меѓутоа не го создал Бог па оттаму не живее вечно, еден ден ќе му дојде крајот. Но тоа не е крај на душите кои биле или се зли, туку момент кога тие целосно ќе се преобратат во добро и ќе добијат простување од оние кои биле некогаш нивни жртви и обратно.

Majkl напиша: ... Луцифер(Сатаната) капитулираше по настанот на Голгота(распетието Исусово)...

Zlatnik напиша: Штом „капитулирал“ значи Исус го победил, а тоа значи дека не би требало повеќе да има зло! Или уште не е „целосно“ капитулиран? Повторно треба нешто да се чека, повторно да се надева човек во нешто (судниот ден)!

Сатаната(Луцифер) капитулирала под крстот, не и нејзините следбеници. Тие ја отфрлиле, и си одбрале нов водач, кој себе си се нарекол Демон а своите приврзаници демони.

За подобро разбирање, еден сликовит пример од историјата: Нацистичка Германија и фашистичка Италија капитулираа средината на 40-те од дваесетиот век. Но фашистичкиот режим на генерал Франко во Шпанија остана на власт до 70-те. Така е и со Сатаната. Таа го призна својот пораз пред две илјади години и премина во Христовата мисија, но не и демоните кои се борат и понатака останувајќи доследни на своите сулуди идеји.

Majkl напиша: ...Но демоните ја користат планетата Земја како свое упориште, а луѓето кои се достапни за тоа(такви има мнооогу)ги користат како генератори на енергија....

Zlatnik напиша: Дали тоа значи дека во целата преостаната вселена нема демони? Дека само на оваа наша убава планета е целото зло? Којзнае! Можеби и е’!

Демоните имаат телепатско-енергетски пристап само до луѓето на Земјата, како и пристап во првите 3(од вкупно 4) астрални подрачја на душите(некои велат: светот на умрените). Нивната свест, моќта на нивното зрачење, не досегнува до подготвителните подрачја, светлосниот ѕид, ниту до чистите Небесни светови. Напротив, Божјото зрачење досегнува секаде. Разликата е само дали е некој отворен и насочен кон истото или не.

Изменето од Majkl - 11.Ноември.2008 во 17:00

Maran Ata напиша: ... п.с. прости ми за тоа рушиш, требаше да биде во наводници.

Ц! Не сум јас тој кој простува
За мене е доволно само (доообро и еден )

Maran Ata напиша: Доказ - историја: Православната вера постои 2008 накај 9 години.

Неспорно е дека толку трае! Но, што се 2000 години во развојот на свеста на човекот? Некои религии траат 1000 години, некои многу повеќе 3-4000 години, но факт е дека истите како настануваат, така и изумраат (да не завлегуваме во причините кои доведуваат до тоа). Колку илјади години траеле религиозните убедувања на маите, инките, ацтеките и на северноамериканските индијанци? Како и на сумерците, асирците, вавилонците? На старите грци, египјани и на римјаните? На далечноиндиските народи? Што останало од сите тие долговековни верувања? Каде се сите тие силни богови?
Секоја религија има свој почеток, развој и во одреден период изумира, исчезнува. Да направиме само една паралела меѓу христијанството и муслиманството.
Во христијанската цвилизација, со самото појавување на христијанството како учење, во првите неколку стотини години имало многу малку приврзаници, кои трпеле разни понижувања но, и убивања од страна на поединци кои верувале во други богови, и кои не прифаќале навлегување на друга религија во нивните простори. Со тек на време, христијанското учење станало се по раширено, се повеќе се омасовувало, за да после неколку стотини години дојде до таа фаза да ги прави истите тие понижувања и линчувања на луѓе кои се осмелувале да кажат нешто против нивниот бог. Тоа се одржало до пред само 300-400 години, кога речиси и да немало човек кој не верувал во бог или Исус. И секој најмал сомнеж за нивното постоење или обид за нивно оспорување или недај боже напаѓање, се казнувало со смрт. Секако, ова било „потребно“ да се заштити влијанието на црквата, свештениците да ја наметнуваат својата доминантност во секоја област од целокупното живеење на човекот. Полека, со тек на развојот на религиозната свест на  човекот, се надминувале овие драконски мерки и сега сме во онаа фаза кога има многу луѓе кои се декларираат како атеисти (не само кај нас).
Што се случува со муслиманството? Тоа е точно 621-2 години помлада религија од христијанството. И тоа од почетокот ги имало истите „породилни“ маки како и христијанството. И тогаш во С. Арабија се имало ривалство меѓу религиските убедувања на тамошните племиња. Под одреден сплет на околности победила религиската определба на племето корејши, чиј припадник бил Мохамед. Според муслиманскиот календар, од почетокот на настанувањето на исламот па до денес има поминато околу 1400 години. Сетете се само како било во христијанската цивилизација во XIV-XV век! Зарем денес овие забранувања (не смее да се објавува слика на пророкот Мохамед, не смее да се пишува поезија, не смее ова, не смее она ... ), закани и смртни пресуди на сите кои и на нај мал начин ќе го „навредат“ муслиманите, а се во името на својот бог, не ве потсетува на темниот среден век на христијаните или на нивните претходници римјаните и евреите?
Но, со тек на време и овој стадиум кај нив ќе се надмине! Навистина, ние тоа нема да го дочекаме, но генерации и генерации после нас ќе се прашуваат, ќе се чудат, а можеби и ќе се смеат на сегашниве религиозни погледи на свет, како што вие се смеете на некогашните политеистички религии.

Maran Ata напиша: ... Сеуште мислиш дека и на атеист кој не верува во Бог и во ангели и демони може да му се „пристори“ некоја „халуцинација“ или некое „чувство“ дека е демоноопседнат? Ме интересира твое мислење за ова.

Да, верувам дека секому му се присторува „нешто“. Е сега, тие кои веруваат во бог, светци, ѓаволи, демони ... тоа прикажување си го толкуваат во согласност со своето верување. Онака како што им налага нивното учење. Оди ти убеди некој стар египјанец кој го сонувал (или кој во некое привидение го видел) Озирис, да не се плаши од него, дека подземниот свет не постои, дека ...!
Реалноста (треба ли да кажам, за мене?) е сосема друга. Човекот восприема секакви информации, свесно или несвесно. Порано или подоцна, во разни фази и временски периоди или под разни околности тие секвенци кои човекот ги перцепирал во текот на својот живот се репродуцираат. И секој си го толкува соодветно на себе.
Пример, кога пред точно 30 години мојот брат се правел операција од бубрег, мајка ми, во целата таа нејзина болка кон сопственото чедо,  се зарекла дека ако се испадне добро со синот, ќе и’ запали свеќа на св. Петка!  Се испаѓа добро со братов, арно ама, мајка ми заборавила на ветеното! По кратко време, ја сонувала (=привидение!) св. Петка како и’ тропа на прозорецот и ја потсетила дека нешто се обврзала кон нејзе! Оваа (мајка ми) уште истиот ден го сторила она за што се зарекла. Овој пример некој ќе го протолкува како вистинит т.е. дека вистина постои таа св.Петка и сл., но за мене тоа само ја открива човечката природа, човечката (под)свест. Сите тие се работи од опкружувањето на човекот и од сето тоа што го гледа или слуша. Немора нешто да види па да го сонува или да му се причинува! Доволно е да слушне за нешто и самиот мозок си креира, си прави слика за тоа нешто. На пример, ако на некого му се причинува (или сонува) змеј тој секако во јаве не го видел, но во сопствената имагинација неговиот мозок репродуцира онаква слика каква што е определена од дотогашното искуствено спознание на дотичниот човек. Во контекст на ова, баш ме интересира дали во времето на Исус или до пред само стотина години, некој имал привидение - компјутер?

Majkl напиша: ... самопрогласениот Луцифер(носител на светлината), се свртиле против Бога во желбата самите да станат богови. Zlatnik напиша: Колку време живеат? ...Вечно, ...

Чекај, нели велите дека само бог е вечен? Тогаш од ова произлегува дека овој (по однос на вечноста) навистина станал „бог“
Со ова се согласувам, вечна е борбата меѓу доброто и злото. Тоа е во човековата природа!

Majkl напиша: ... Луцифер(Сатаната) капитулираше по настанот на Голгота(распетието Исусово)...

Штом „капитулирал“ значи Исус го победил, а тоа значи дека не би требало повеќе да има зло! Или уште не е „целосно“ капитулиран? Повторно треба нешто да се чека, повторно да се надева човек во нешто (судниот ден)!

Majkl напиша: ...Но демоните ја користат планетата Земја како свое упориште, а луѓето кои се достапни за тоа(такви има мнооогу)ги користат како генератори на енергија....

Дали тоа значи дека во целата преостаната вселена нема демони? Дека само на оваа наша убава планета е целото зло? Којзнае! Можеби и е’!