Дали му верувате на Груевски?

rado!a , kade?

Мислења

Груевски не е оттука!

Ѓорѓи Спасов

Изјавата дека сите сме Македонци не е дел од програма за градење национално и политичко единство во земјата, туку е само евтин трик за свое изземање од одговорноста

Една од најпознатите мисли на Обама за време на неговата изборна кампања гласеше: „Не постои црна Америка. И не постои бела Америка. Постојат само Соединетите Американски Држави“.

Поткраднувајќи и од Обама, деновиве Никола Груевски ни соопшти: „Не постојат антички Македонци и не постојат словенски Македонци. Постојат само Македонци!“

Соочен со опасноста од јавен потсмев поради инструментализирање на античкото минато на Македонија за политички цели, Груевски одеднаш ја смени плочата. Во стилот на некој што нема врска со политиката и политичарите порачува: „Крајно време е политичарите да престанат да го делат народот на антички, на словенски или на не знам каков“. И како невино јагне заклучува: „Малку ли му е на народот што е длабоко поделен партиски и уште како ли не, па сега да го делиме на антички и на словенски“.

Да види човек и да не верува. Дали е тоа истиот оној Груевски кој ја накити Владата со антички споменици, кој ги сними спотовите со Манчевски, кој ги шеташе Хунзите низ Македонија и кој ги преименува аеродромите, патиштата и стадионите за Македонија да го добие својот антички лик.

Што е тоа што го натерало на ваков чекор и што може да се очекува од ваквата помирливост на нашиот антички херој?

Неговата намера станува јасна само ако го видите натамошниот дел од текстот на неговата изјава. Тој гласи:

„Опозицијата треба да престане да го дели народот, треба да стави точка на тоа и да кажеме дека сме сите Македонци“.

Веднаш станува јасно дека ова не е промена на плочата во неговиот говор, ниту нов пристап во политиката, туку обичен трик со кој вината за создадениот раскол од негова страна во националното ткиво треба да се префрли врз опозицијата.

Груевски говори дека политичарите треба да престанат да го делат народот како да е тој, не дај боже, само некој набљудувач отстрана и светски експерт за создавање национално единство во земјата.

Но, дури да е искрен во тоа што го кажува, во политичкиот маркетинг постои едно правило, кое гласи: Искажаните зборови во кампањата треба да му личат на човекот што ги кажува. Тоа е единствениот услов за да му се верува. Не се препорачува, на пример, човек за кого сите знаат дека е алкохоличар да говори за штетноста од алкохолот, освен ако престанал да пие. Во спротивно, народот би се смеел.


Слоганите во изборните кампањи, според правилата на политичкиот маркетинг, не се празни зборови. Тие секогаш се срж на некоја програма зад која стои цврсто ветување и човек на кого може да му се верува.

Кога Барак Обама излезе на избори со споменатите слогани, тој со нив ја нагласуваше својата визија, својот сон, за рамноправна Америка, за Америка која е способна да ги исправи неправдите произлезени од нејзината поделеност на црна и бела, на конзервативна и демократска. Не само неговите зборови туку, пред се', неговата животна приказна даваше гаранција дека тој е способен да го оствари тоа со својот избор за претседател на САД. По изборот, Барак Обама не кажа ниту еден лош збор за претходниот претседател или за опозицијата. Тој беше полн со почитување кон претседателот Буш и формира влада во која, како и Линколн, вклучи способни луѓе и од редовите на конзервативците. Затоа луѓето му веруваат.

Во говорот на Груевски оваа украдена изјава за обединување од говорите на Обама виси и изгледа извадена од контекст. Тоа, за жал, е класично ветување на балкански политичар кој едно мисли, друго кажува, трето прави. Зошто?

Животната приказна на Груевски е различна. Луѓето знаат што правеше тој досега. Тие знаат како Груевски го третираше и го третира претседателот на сопствената држава. Знаат за неговите изјави дека опозицијата треба да се тресне од земја. Знаат за тоа колку луѓе останаа без работа по неговото доаѓање на власт само поради својата политичка определеност. Знаат за тоа колкумина не можеа да помирисаат вработување од истите причини. Неговото ВМРО веќе три години од позиции на власт не' дели на патриоти и на предавници. Негов беше изумот да не' подели на антички Македонци и на заблудени словенски браќа. Во однос на него, денес и Љупчо Георгиевски и Љубе Бошкоски изгледаат поразумно.

И затоа не може да му се верува. Таквата изјава не е дел од програма за градење национално и политичко единство во земјата, туку е само евтин трик за свое изземање од одговорноста.

Денес Груевски повикува на национално единство, не затоа што го цени, туку од страв за својата позиција. Тој знае дека само со една мала група што го блокираше сообраќајот во Скопје ја собори владата на Бучковски. Него го фаќа паника кога ќе види дека почнува народот да му се буни.



Сега веќе пред Владата се појавија стечајците. Работниците на ОХИС штрајкуваат. Работниците на „Митал“ се подготвуваат за протести. Фармерите уште не ги добиле парите. Економијата тоне, а државната каса е се' попразна и попразна. Медиумите се се' покритични спрема Владата. По три години власт, и тие не веруваат дека за се' е виновна опозицијата, која реално е слаба и невидлива. Таа веќе е за жалење, а не за критика.

Груевски е фатен и во лага. § префрлил милиони евра на Општина Центар за подигање споменици по негов избор, а сега сака да и' ја префрли и одговорноста за донесената одлука и за потрошените пари. Работниците без плата бараат одговорност. Глобалната криза, за која Груевски и неговите министри тврдеа дека ќе не' заобиколи, не' удира со сета сила. И во таков случај се чини дека му се допаднала паролата. Нема добри или лоши Македонци. Сите сме само Македонци. Не постојат ВМРО-овци и СДСМ-овци. Постојат само овци во неговата земја.

(Авторот е универзитетски професор)

____________________________________________

i lazgo i kradec i licemer ....
no vazno toj e zadovolen

nelson напиша: i zatoa treba da go podrzime...zatoa sto pomalku kradel?!

абе не реков дека треба да го поддржиме, реков дека е подобар од она што сме го имале досега, ако ги споредуваш, ама фала богу не го обожавам

Upotrebuva reklamna industrija, znaci narodot go smeta za stoka na koja treba da i se pere mozokot, a nie nezni dusicki stradni da vetuvanja. Samo ne mi e jasno ako tolku se koncentrira na sminka zosto ne zapocne od negovite ministri. Normalno deka ne smee da gi cepne zatoa sto gazot go dal pod kirija dodeka da dojde na vlast i sega se glavi vo spostveni ideologii.

Se slozuvam deka se e do sminka i perenje mozoci i deka toa e neminoven proces dokolku saka da vladee so narod, no ne e celosen i ispaga smesen

Tragicno e sto nemame politicki kadar, samo demagozi...bukvalno nema za kogo da se glasa

zabegan напиша: miroslav_g8 напиша: podobar  ............ aj te molam , prefrli go ovoj post vo vicoteka а ај кажи ми што подобро сме имале досега? Љупчо? не реков дека груевски направил нешто добро за државава, она што е добро е дека сеуште не ја усрал до даска, од искуство со другите „политичари“ мислам дека сега засега треба народов барем со ова да биде задоволен, а до идниот премиер здравје, да се молиме дека па тој ќе направи нешто

mracnata ako bila , toj sto stori za izminative 3 godini i nekolkute za vladeenjeto na ljuBco ( neli i togas bese nekojsi minister ) , da napravi da e barem malku posvetla ? ........... NISTO .... samo gi navlece zavesite podolu ....... pa i toa malku svetlina , prestana da navleguva

Изменето од miroslav_g8 - 23.Февруари.2009 во 19:05