Дајте една добра вест

По втор пат во Скопје ќе гостуваат основополжникот на стенд-апот во Црна Гора и Хрватска – Пеџа Бајовиќ, како и Домагој Пинтариќ од Хрватска. На нив ќе им се приклучат Неша Бриџис и Срѓан Динчиќ, двајцата од Србија, како и македонските ѕвезди Игор Џамбазов и Тони Михајловски. Домаќин на настанот е Жарко Димитриоски, а новитет ќе биде настапот во живо на интернет сензацијата Марјан Ѓорѓиевски.

"Oва е втора година како Балкан Стенд-ап се случува во Македонија. Беше еден од првите такви настани во овој дел од Европа и баш првиот каде се собраа најдобрите комичари од сите екс-ју републики. Годинава е време за Балкан Стенд-ап 2"– вели Жарко Димитриоски, домаќин на Балкан Стенд-ап 2.

Стоечката комедија или стенд-апот е исклучително популарна форма на забава во западните земји, а особено во САД, каде стенд-ап комичарите уживаат статуси на ѕвезди и уметници. Минатогодишниот собир на балканскиот стенд-ап во преполниот скопски клуб Хард Рок помина исклучително успешно и ја воодушеви македонската публика. Организаторите сметаат дека со овие настани го креваат нивото на комедијата кај нас и ја зајакнуваат сцената на овој вид забава.

Поради поплаките од ланскиот настан за турканиците картите овојпат се во ограничен број и удобноста е гарантирана. Цената на картите е 250 ден до 07.11.2011, 300 ден од 07.11.2011 до 15.11.2011 и 400 ден на врата.

Шоуто започнува во 21:00 часот на 15.11.2011 во клубот "69".