да ...беше...и беа сите воодушевени од неговиот настап...ни јас не ојдоф...

RADE RADE - alal mu vera, mu stojat i godinite, ima talent harizma sarm........zgoden covek i the best vo svojot sou biznis,

Позната програмата за јубилејното Охридско лето

Се случија 25 концерти кои завршија со најмалку три биса, се одиграа десет драмски претстави на пет различни сцени, беа поставени шест изложби, една проекција на филм, сето тоа без ниту едно одложување

Фестивалот "Охридско лето" годинава со рекорд: над 20.000 посетители го проследиле 51 издание! Организаторите вчера се пофалија дека сите концерти и претстави од фестивалската програма ќе се паметат и по бурната реакција на публиката и долгите стоечки аплаузи.

"Она по што ќе биде запаметено 51. издание на "Охридско лето" е неговото спектакуларно отворање со "Трилогиа Романа", потоа следи настапот на виртуозот на виолина Најџел Кенеди, концертите на руските пијанисти Александар Гиндин, Алексеј Володин и Борис Березовски, музичкото шоу на Влатко Стефаноски и Стефан Миленковиќ, настапот на Дуке Бојаџиев, како и концеротот на Тенорите на 21 век, кои буквално го разиграа Античкиот театар", рече музичкиот селектор Гордана Јосифова - Неделковска, велејќи дека посебно задоволство и претставувал фактот што речиси секој концерт завршувал со најмалку три биса..

На прес-конференција присутен беше и в.д. директорот, Илија Мојсоски.
"Ја постигнавме нашата зацртана цел, програмата на ова издание на "Охридско лето" беше во целост исполнета, без ниту едно одложување. Беа реализирани 25 музички концерти, десет драмски претстави на 5 различни сцени, а беа поставени и шест изложби и една проекција на филм. Со ова фестивалот успеа да ја одржи својата долгогодишна традиција. Ова издание понуди богата уметничка програма која предизвика голем интерес кај јавноста", рече Мојсоски.
Селекторот на драмскиот дел од програмата, Ѓорѓи Јолевски, каже дека карактеристика на овогодинешниот драмски дел на фестивалот била тетарската класика во современо руво, која ги полнела гледалиштата до последното место.

"Она што гледачите имаа можност да го видат беше "Електра" во продукција на Истарско народно казалиште од Пула. Исто така прекрасна беше изведбата на "Зимска Бајка" на Сфумато театарот од Софија, а тука би ја ставил и "Геноцид 21" на Драмски театар од Скопје. Исто така, голем белег во тетарската историја на фестивалот ќе остават и премиерните изведби на "Свадбата на Фигаро" од МНТ, "Кабаре Мистериозо" на Охридскиот народен тетар и секако премиерната изведба на "Медеја" со која Битолскиот театар ќе ја има честа да го затвори овогодинешното издание на "Охридско лето". Публиката покажа голема интерес за трите изведби на претставата "Без наслов" од Јозеф Наѓ и за уличната претстава "Сувенир", која се играше низ шеталиштето и плоштадот во Охрид", рече Јолевски на еден ден пред завршницата на "Охридско лето".

Повеќе од 140 уметници на сцена за отворањето на Охридско лето

Со мултимедијален, интернационален проект според делото „Ромео и Јулија“ на Вилијам Шекспир ќе биде отворено годинашното Охридско лето.

Проектот е во продукција на фестивалот, на Народниот театар од Битола, Македонската опера и балет, а во копродукција на театарот „Вера Kомесаржевска“ од Санкт Петербург и театарот од Охрид.

На сцената на Антички на 12 јули, на отворањето ќе настапи многубројна меѓународна екипа, составена од 30-ина актери, седумдесетина музичари и четирисетина балетски уметници, хористи, како и акробатска екипа.

- Овој голем мултимедијален настан што ќе го режира Дејан Пројковски е обединувачки проект, оттаму што театарот по својата суштина ги обединува сите уметности, музиката, зборот, визуелното, ги обединува уметностите кои ги воспеваат убавите нешта и ги разигруваат срцата. Тоа што ќе се случи на 12 јули ќе ја оправда возбудата што сите ја носиме во подготовките за спектакуларното отворање на Охридско лето - рече селекторот на драмската програма на фестивалот, Ѓорѓи Јолевски.

Фестивалот посветен на уметниците

Режисерот Пројковски истакна дека за него бил голем предизвикот љубовната драма „Ромео и Јилија“ да ја прикаже во триптих, како обединување, спој на делото на Шекспир, операта „Ромео и Јулија“ и балетот на Прохофјев според истото дело.

Директорката на фестивалот Елизабета Јанкуловска вели дека програмата за претстојното издание е направена според угледот и големината на фестивалот, кој расте веќе шеста деценија, но и преку одржување чекор со современите случувања во светот на културно поле. 

- Оваа година фестивалот ќе биде посветен на уметниците и на уметничките вредности. Предвидени се прекрасни настани, манифестации, збогатена разновидна жанровска фестивалска програма, почитувајќи го принципот за музиката и театарот како нејзина основа, преку програмски содржини на највисоко уметничко ниво со ексклузивни уметници, рече Јанкуловска.