Состојки
100гр путер
200гр чоколадо за готвење
85гр шеќер
60мл млеко
прстофат сол
20гр какао
2 јајца
100гр печени и сецкани лешници
60гр брашно

Сочни, чоколадни браунис со лешници-фантазија!! Се топат на пареа чоколадото и путерот, се додава млекото, солта, шеќерот. Откако малку ќе излади се додаваат јајцата матејки со жица за матење, брашното и какаото.  Откако ќе добиете хомогена смеса се додава 70гр сецкани лешници.
Смесата се става во намрсено тавче 24Х24 и одозгора се ставаат останатите сецкани лешници. Се печи во загреана рерна на 170степени 15минути(ни минута повеке,ќе бидат суви) Се оставаат убаво да се изладат и се сечат на коцки

Состојки
4 јајца
150 гр кафеав шеќер
1 лажица рум
115 гр путер или маргарин
170 гр чоколадо
220 гр брашно
1 лажица прашок за печење (пециво)
300 гр пире од тиква
60 мл масло
1 1/2 лажичка мешавина зачини за медењаци (или по пола лажиче ѓумбир, цимет и каранфилче)
за посип, сецкани ореви, бадеми, лешници

1. Вклучете ја рерната на 180 степени.

2. На тивок оган растопете го чоколадото и путерот.

3. Јајцата шеќерот и румот пенасто измиксирајте ги. Со дрвена лажица или шпатула додадете го брашното предходно измешано со пецивото.

4. Смесата поделете ја на два дела.

5. Пирето од тиква измешајте го со зачините и маслото и додадете го на едниот дел, а во другиот растопеното чоколадо со путерот.

6. На намастен плех обложен со хартија или во калапи за мафини обложени со хартиени корпиња истурете пола од црната смеса, па пола од жолтата, па останатата половина од црната и над неа преостанатата жолта смеса.

7. Со чепкалка измешајте неколку пати во круг за да се прошара.

8. Одозгора наросете од сецканите бадеми, лешници и ореви.

9. Печете 30-40 мин.

* Следниот пат би им ги заменила местата на путерот и маслото. Така мислам дека би се добил поголем ефект на мешање на смесите.

Состојки
150г путер
150г шеќер
75г какао
3 јајца
75г брашно
лажица екстракт од ванила

Ова е рецепт за најбрзите и највкусните браунис што некогаш сум ги пробала. Го видов на 24Кујна и морав да го направам. Има прекрасен чоколаден вкус, иако воопшто нема чоколадо во него.

На пареа се топат путерот, шеќерот и какаото, да се добие еднолична смеса. Ја тргаме на страна да се олади.

Со постојано матење ги додаваме јајцата и екстрактот од ванила (може и ванилин шеќер, ама тогаш ќе го измешате со останатиот шеќер).

На крајот се додава брашното и се меша убаво да се добие хомогена смеса без грутки. Се става во помал тркалезен калап на кој му се вади обрачот, а претходно е обложен со хартија за печење.

Се пече околу 30-35 минути во претходно загреана рерна на 160 степени. Ќе проверите со чепкалка дали е печен.

По желба се сече на коцки или триаголници, а може да се служи со слатка павлака.

Во оригиналниот рецепт има многу повеќе шеќер, поточно 275 г, меѓутоа, тоа е посебен, т.н кастер шеќер кој го нема кај нас, а се користи претежно за слатки и не е многу благ како обичниот шеќер.

Колачов е одличен за ненајавени гости.

Состојки
Браунис кора
200 гр брашно
1 пециво
1 прстофат сол
60 гр какао во прав
2 јајца
120 мл масло
150 гр шеќер
2 кесички бурбон ванилин шеќер
100 гр павлака
100 мл млака вода
2 лажици инстант голд кафе
Прелив
6-7 лажици мармалад од сливи со рум
Тирамису фил
200 гр путер
10 лажици шеќер во прав
400 мл цеден десерт - павлака за торти
200 гр темно чоколадо со 70% какао
70 мл јако црно кафе
3 лажици густин
300 мл млеко
4-5 лажици какао за посипување

Браунис кора

Сите суви состојки ги мешаме, освен инстант кафето. Потоа ги додаваме течностите, освен млаката вода. Водата и кафето ги раствараме и ги додаваме кон смесата со постојано матење со жица за матење или со миксер на слаба јачина. Кафето се додава во тенок низ, за да се лади истовремено. Ќе добиете течна смеса. На правоаголно тавче за печење со димензии 35 х 27 см., се премачкува тенок слој путер и се разлева смесата. Се пече на 180 степени, 20 мин. Потоа се исклучува рерната и се остава уште 5 мин. Се вади од рерна и се превртува кората, така што горната страна ќе дојде доле. Се остава да се олади.
Изладената кора се премачкува со мармалад од сливи со арома на рум.

Тирамису фил
Се подготвува пудинг смеса, но малце погуста. Се загрева млеко и се додава растворен густин. Се меша додека да се згусне и се остава убаво да се излади.
Путерот се мати со шеќер во прав, додека да се добие убава пена. Кон смесата се додава павлака со висок процент на масленост или цеден десерт- павлака за торти. Одкако убаво ќе се спојат смесите се додава и стопеното чоколадо во тенок слој, со постојано матење. На крај се додава и јако црно кафе (2 лажици инстант велвет кафе во 70 мл вода). На крај лажица по лажица се додава изладениот пудинг.

Смесата се премачкува врз браунис кора. Убаво се распределува и се посипува со просејано какао.

Состојки
за браунис
150гр маргарин или путер
200гр млечно чоколадо
1 шола шеќер
2 јајца
пола шола какао
пола шола брашно
3 лажици путер од кикиритки
малку сол
1 ванила
за ганаш
200мл слатка павлака
200гр чоколадо
плус
200гр кикиритки
1 шола карамел

Се матат со маталка јајцата со шеќерот. На страна се топат на пареа путерот со чоколадото и малку подизладени се додаваат во изматените јајца со шеќерот и ванилата. На крај се додава брашното измешано со какаото и малку сол.
Се става во намрсено коцка тавче и се печи во загреана рерна на 165 степени 20мин. Не смее да се препече!
Откако ќе се испече одозгора се ставаат кикириките, па карамелот и на крај ганашот.
Се остава да се стегне 2 часа.
Ганаш
Се става слатката павлака на оган да се стопли, а на страна чоколадото се сецка на ситни парчиња и се прелива со врелата слатката павлака. Нека постои 5мин, а потоа се меша

Состојки
Браунис слој
130 гр. путер
130 гр. темно чоколадо
2 јајца
85 гр. брашно
25 гр. какао
100 гр. шеќер
70 гр. кафеав шеќер
1 ванила
Прстофат сол
Чиз слој
250 гр. крем сирење
50 гр. брашно
1 јајце
50 гр. шеќер
Кората од 1 лимета
Дополнително
1 шепа шумско овошје

За браунис слој
1. Во еден сад се ставаат брашното, какаото и солта, се промешува и се остава на страна.
2. Путерот и чоколадото се растопуваат на пареа и се оставаат да се оладат за 5 минути.
3. Во чоколадната смеса се додаваат белиот и кафеавиот шеќер и јајцата, едно по едно (по додавање на секое јајце се меша убаво да се соедини).
4. Во чоколадната смеса постепено се додава смесата со брашно и какао, се промешува до соединување.
5. Смесата за брауни се исипува во тавичка со димензии 20х25, која што претходно е намрснета и има поставено хартија за печење.
6. Од чоколадната смеса се одземаат 2 лажици .

За чиз слој
1. Во еден сад се става крем сирењето и му се додава шеќерот и јајцето и се мати до добивање на хомогена смеса.
2. На смесата и се додава брашното и кората од една лимета .
3. Чиз слојот се додава врз брауни слојот и се распоредува.
4. Врз него се додаваат со мала лажица на повеќе места од чоколадниот слој.
5. Со стапче за ражничиња или вилушка се прават произволни шари.
6. Најгоре се поставува шумското овошје.
7. Се печи во загреана рерна на 180 степени околу 25-35 минути.

Состојки
85 гр путер
230 гр темно чоколадо ( со 70 % какао )
180 гр кристал шеќер + 1 кесичка ванилин шеќер
1/4 лажичка сол
2 големи јајца
45 гр брашно
50 гр ореви
1 лажица Ајриш крим ликер или друг ароматичен алкохол по ваша желба

На сува тава потпечете ги оревите со мешање и оставете ги да се оладат. Исецкајте ги крупно.
Загрејте ја рерната на 165 Ц. Жицата за печење ставете ја во долната половина на рерната (малку пониско од средината ).
На плехче за печење со големина 22 на 22 цм ставете хартија, така да на два спротивни краја има малку вишок за да ги извадите колачината лесно.
За мене најдобри Браунис се ако површината остане глатка и сјајна, а внатрешноста е сеуште малку, сосем малку мека.... Овие се такви...
Затоа се мешаат само “на рака“.

Во поголем сад растопете ги на многу тивок оган путерот и чоколадото мешајки да добиете мазна и сјајна смеса.
Тргнете ја од оган и додадете ги двата вида шеќер и солта мешајки со шпатула или дрвена лажица. Додајте ги двете јајца едно по едно, добро мешајки меѓу секое додавање. Додајте го брашното мешајки силно додека смесата не е сјајна и не се одвојува од ѕидовите на садот. Оревите исецкајте ги крупно и измешајте ги во чоколадната смеса заедно со ликерот.
Истурете ја смесата во плехчето, израмнете ја површината и ставете да се пече некаде 30 - 35 мин. Ако пробувате со чепкалка, треба да е влажна, ама да нема ронки од колачот на неа.
Извадете го колачот и на жица во плехчето ладете го десетина минути. После подигнете го заедно со хартијата и повторно на жица оладете го до крај.
Исечете го на 16 коцки. Чувајте ги во затворена кутија, на собна температура.

Капучино Браунис

СОСТОЈКИ (за браунис)
• 110 гр путер
• 75 гр темно чоколадо
• 3 јајца
• 1 голема лажица еспресо
• 1 ½ мала лажица ванила екстракт
• ¼ мала лажица сол
• 85 гр брашно
• 330 гр шеќер

за бела глазура
• 180 гр бело чоколадо
• 5 големи лажици слатка павлака
• ¼ мала лажица цимет

ПОДГОТОВКА

Браунис
Загрејте ја рерната на 160°С. Тавата за печење обложете ја со алуминимуска фолија која ќе излегува од страните на тавата. Потоа, спротивно од претходната, ставете уште една фолија. Премачкајте со малку путер или испрскајте ја со масло во спреј.

Во меѓувреме, измешајте ги путерот и чоколадото во длабок сад за варење и ставете ја смесата на умерен оган, сѐ додека не се растопи чоколадото. Садот тргнете го од шпоретот, потоа постепено додадете шеќер и јајца со постојано матење. На крајот, ставете ги еспресото, ванилата и солта и промешајте со жица. Потоа, попрскајте го брашното и измешајте добро за да добиете компактна смеса. Тестото ставете го во тава за печење.

Печете го колачот сѐ додека не нарасне тестото и не добие сув изглед (приближно околу 35 минути). Оладете.

Бела глазура
Ставете го белото чоколадо во огнотпорен сад. Слатката павлака загрејте ја до вриење. Налејте ја павлаката во садот со чоколадо. Оставете околу 30 секунди и потоа промешајте, сѐ додека чоколадото не се растопи. Оставете да се излади, околу 25 минути.

Откако ќе се излади (доволно да може да се истури), глазурата налејте ја врз тестото. Испрскајте со цимет и оставете да се излади уште најмалку 2 часа. Исечете го колачот на коцки или триаголници.

Состојки
Тесто
225 гр путер од кикирики (пожелно кранчи, со парченца кикирики)
150 гр чоколадо за готвење
280 гр шеќер
3 јајца
100 гр брашно
50 мл млеко
Прелив
50мл путер од кикирики
50 грама темно чоколадо

Брзи, лесни, сочни и вкусни мафини, за кои не е потребен миксер.
Почнав со рецептот од интернет, но направив повеќе промени кои ги запишав. Ви го пишувам рецептот по мое, а резултатот е феноменален.

Вклучете ја рерната на 180 степени.
Во сад на оган на тивко, ставете го шеќерот и додадете го млекото, нека се соединат и потоа додадете ги путерот од кикирики и чоколадото. Кога смесата убаво ќе се растопи и соедини тргнете ја на страна. Со постојано мешање додадете го брашното. Мешајте убаво да нема грутки. Од како брашното ќе се изедначи, едно по едно додадете ги јајцата. Додадете јајце, мешајте додека да се изедначи, повторно додадете и мешајте и така за сите три јајца.
Ќе добиете многу густа течна смеса.

Смесата сипете ја во тавчето за печење или во калапите за мафини.
Путерот од кикирики за фил стопете го мал сад или ѓезве. За полесно топење можете да додадете малку масло на дното.
Кога убаво ќе се растопи премачкајте го колачот или мафините. Не грижете се, нема да пропадне во тестото. Тестото е густо.

Ставете да се пече окулу 30ина минути.

Чоколадото за фил растопете го на тивко или на пареа. И во чоколадото можете да додадете малку масло за полесно топење.

Кога ќе биде готов колачот или мафините, шарајте тенки линии од чоколадо со лажица.

Тестотo е многу сочно и убаво. Додека е топло ќе ви личи недопечено, но не грижете се, совршено испечено е.

Состојки

    Кекс
    5 јајца
    10 лажици шеќер
    1 ванила
    150 мл. млако млеко
    50 мл. масло
    8 лажици брашно
    2 лажици какао
    1 пециво
    Крем
    2 пудинзи од ванила
    800 мл. млеко
    100 гр. бисквити
    250 гр. маргарин
    10 лажици шеќер
    50 гр. кокос за посипување

1. Прво се матат јајцата со шеќерот и ванилата.
2. Се додаваат течните состојки, а потоа и сувите и се доматува.
3. Готовата смеса се префрла во намрсена тава за печење 36.
4. Се пече пандишпан, околу 20 минути на 180 степени. Нека се излади.
5. Потоа се дели на два дела по хоризонтала.
6. Од 800 мл. млеко одземаме 200 и во тој дел се раствораат пудинзите.
7. Поголемиот дел од млекото се вари со шеќерот до зворивање.
8. Растворените пудинзи ги додаваме во млекото кое врие и вариме густ пудинг.
9. Во жешкиот пудинг се додава маргаринот, и треба целосно да се растопи.
10. Потоа се додаваат искршени бисквити во кремот.
11. Се меша убаво се, да се соедини целокупниот крем.
12. Од готовиот крем тргаме 3 лажици на страна.
13. Кремот го истураме врз првата кора.
14. По желба, за да бидат посочни, корите може да се попрскаат со млеко.
15. Поклопуваме со втората кора.
16. Втората кора ја премачкуваме трите лажици од кремот.
17. Посипуваме со кокос, оставаме колачот да се стегне неколку часа, потоа сечеме и послужуваме.

Состојки

    3 големи банани
    3 полни лажици какао
    300 гр путер од кикирики
    100 гр мед или агаве/ јаворов сируп
    5 капки екстакт од ванила или 1 лажица арома ванила
    1 прстофат сол
    150 гр сецкано темно чоколадо

Поедноставен од овој колач за правење нема!

Сите состојки, освен чоколадото се ставаат во Нутрибулет / сецко / блендер ... и се миксаат додека да добиете компаптна течна смеса. Потоа во неа се додава сецканото чоколадо и убаво се промешува.
Се истура смесата во Делимано садот за колачи 20х30см и врз него се става мрежата за колачи, за да ви се прецизно исечени уште при печење.
Се разбира дека може и без тоа, а ако го немате овој сад, тогаш обавезно ставете одоздола хартија за печење!
Се пече во загреана рерна за 180 степени, 10 мин, а потоа се исклучува рерната и се остава уште 5 мин. Немојте долго да го печете колачот, треба само да фати коричка од сите страни, а внатре да остане посочен.
Се остава да се излади и стегне колачот и спремен е за уживање!
Одлично одговара со било кое сезонско овошје, бидејќи колачот е доста јак на вкус и доволно е само едно парче да се засладите.

Одлично одговара и по принципите на хроно, во вонрестрикција.
Ако се користи агаве или јаворов сируп, може и по веган принципи да одговара.

Состојки
1 чаша од 250 мл. брашно
¼ чаша какао
½ мала лажичка пециво
¼ мала лаижчка сол
110 гр. путер(на собна температура)
240 гр. темна чоколада со повисок процент на какао

Во сад измешајте ги сувите состојки.
Во сад на пареа стопете ја чоколада исечкана на коцки. Откако ќе се стопи чоколада додадете го путерот исечкан на коцки, оставете го да се стопи.
Тргнете ја од оган и додадаете го шеќерот, мешајте да се стопи на пола, потоа додадете ги целите јајца и брзо мешајте со жица да се соедини.
Течната смеса додајте ја на садот со сувите состојки и соединете со миксер или жица за матеше.
Смесата сипете ја во плех 20х30 см. обложен со хартија за печење. Печете во загреана рерна на 180 степени. Печете околу 25-30 мин. или додека зарумени. Внимавајте да не го препечите.
Извадете го и оставете го да се излади, може да го служите додека е млако.
Посипете прав шеќер или служете со изматена слатка павлака.

П

Состојки
за браунис
125гр путер(маргарин)
200гр чоколадо
2 јајца
180гр шеќер
1 ванила
80гр брашно
за фил од тиква
1 јајце
100гр крем сирење
пола шола пире од тиква
1 ванила
малку цимет(по желба)
3 лажици брашно
ганаш
200мл слатка павлака
150гр чоколадо

Чоколадо и тиква одлична комбинација. Прекрасни мекани браунси со фил од тиква покриени со прекрасен ганаш. Кој би одолеал на вакво нешто?

Се матат со маталка јајцата со шеќерот и ванилата. На страна се топи на пареа путерот (маргаринот со чоколадото) Откако малку ќе се изладат се додаваат чоколадото со путерот во јајцата со шеќерот. Се мати убаво и на крај се додава брашното. Се мати додека не се добие убава мазна смеса.
Во намрсено тавче(23х23-коцка тавче за лазањи е идеално) се истура половина од смесата и се печи во загреана рерна на 180степени 10-15мин додека не фати малку кора.

Јајцето со шеќерот се матат со маталка. Се додава крем сирењето, пирето од тиква, ванилата циметот.Откако ке се потпечи тестото се истура филот од тиква и се врака повторно во рерна околу 10-15мин повторно да фати кора. На крај се додава останатото тесто врз филот и повторно се враќа во рерна да се допечи(околу 20мин)
Кората ќе биде мека, но откако ќе се излади ќе се здрви.

Ганаш: Слатката павлака се става на оган заедно со чоколадото се меша постојано да се стопи чоколадото.Откако ќе се испечат браунсите се додава врз нив ганашот. Се остава да се излади потполно околу 3-4 часа.

За колачите:
1 путер, или малку помалку
1 3/4 шољи шеќер
1 шоља путер од кикирики
2 големи јајца + 1 голема жолчка
1 ванилин шеќер
2 шољи брашно
1 1/2 шоља парченца чоколадо

за чоколадниот прелив:
1 1/2 шоља чоколадо (јас користев темно чоколадо)
1/2 шоља хопла
1 лажица путер

http://1.bp.blogspot.com/_ADXQR4HFniA/S0t7JXYW6WI/AAAAAAAAAnc/qW8so1VXFMY/s1600-h/peanut+butter.jpg" rel="nofollow">

Ги печев во големо тавче, околу 20 x 30 cm, намачкано со путер, па ставена хартија за печење и пак намачкана со путер, само мислам дека една или две работи од ова сето може да се скратат, ќе пробам следниот пат.
прво изматете го путерот со шеќерот со миксер на средна брзина, додајте го путерот од кикирики, изматете, па јајцата, жолчката и ванилата, изматете, и потоа на спора брзина полека додајте го брашното и матете само колку да се поврзе тестото, кое е прилично густо. чоколадните парченца измешајте ги во тестото со лажица и сипете го во тавчето. се пече на 180°C околу 40 минути (или помалку, моево беше малку препечено, значи следниот пат, пократко печење).
после треба убаво да се олади (2 саата), па врз него се сипува преливот (чоколадото и путерот растопени во зовриена хопла). колачите се сечат откако ќе се стврдне преливот.

http://www.sitnoseckano.com/wp-content/uploads/2010/01/peanut.jpg" rel="nofollow">

Состојки
3/4 шолја какао
1/2 прашок за пециво
1/3 шолја масло
1/2 шолја вода што врие
2 шолји шеќер
2 јајца
1/3 шолја масло
1 1/3 шолја брашно
1 мала лажичка екстракт од ванила или 1-2 ванилин шеќер
малку сол
1 шолја = околу 240 мл.

Вклучете ја рерната на околу 200˚С да се загрее додека вие го приготвите тестото. Мојата рерна се загрева за 10 мин. а тоа време ми е сосем доволно за подготовка на тестото. Подгответе си го и тавчето за печење – јас ставам хартија за печење, но оригиналниот рецепт вели тавче подмачкано со масло. Вие одберете си.

Во длабок сад помешајте ги какаото и прашокот за пециво (доколку немате пециво може половина лажичка сода бикарбона да ви заврши работа – тоа е впрочем оригиналниот рецепт, јас си го правам секогаш со пециво, поровко ми е тестото така). Додадете ја првата количина на масло (1/3 од шолја) и водата што врие. Убаво измешајте да се соедини, а притоа и малку ќе згусне. Додадете ги двете шолји шеќер па промешајте, па додадете ги јајцата, па останатата количина масло. Најпосле додадете ги брашното, ванилата и еден прстофат сол. Полутечното тесто префрлете го во тавчето за печење. Доколку сакате може да користите калапче за мафини.
Печете во загреаната рерна околу 30 минути. После 20-тина минути проверете го зашто поентата е од горе да фатат коричка, но внатре во средина да бидат лепливи, како чоколадни. Јас ги проверувам така што ги боцкам со чепкалка и на чепкалката треба да остане чоколадо на врвот т.е. на потенкиот дел. Тогаш се готови. Доколку ги препечете/пресушите внатре не е крај на светот – тогаш се посуви и ќе бидат како колач. Во таков случај може да го премачкате со мармалад (најубаво некој свеж – кајсии, потрокал..) или шлаг или да го изредите со свежо овошје за да биде малку посочно или посвежо. Или прелите го со еден подебел слој топено чоколадо.

Можностите се безбројни во однос на она што може да се додаде и да се промени вкусот на овие браунис по желба - мнооогу добро оди чили во прав, јас ставам секогаш од прилика, ама еве да речеме половина лажичка мислам дека е доволно, или една ако сакате повеќе да се чувствува. Цимет, малку морско оревче и каранфилче, плус може и тука малку чили за да добиете прекрасна зимска комбинација. Рум или некое друго ликерче му дава прекрасен вкус. Пред да го ставите да се пече може да му додадете сецкано чоколадо за дополнителна кремавост, некое суво овошје или јаткасти плодови за да крцка и да добие сосема поинаков шмек, малку свежо/смрзнато овошје како вишни, малини, боровници... Ако сакате чоколадо со арома на кафе може да сварите филтер кафе или инстант кафе и да ја замените водата со него. Ако сакате да имаат уште поубав, побогат вкус може да го замените маслото со растопен путер..
Мој совет е да го пробате прво еднаш во оригинал за да знаете со каков вкус си имате работа и потоа секој нареден пат може да си експериментирате со вкусовите ...

Запомнете, доволни се 30 минути а чепкалката со која се проверува дали е тестото печено, не треба да излезе сува, туку напротив, влажна..

Состојки:

80 г какао
45 мл зовриена вода
250 г темно чоколадо
200 г путер
100 г кафеав шеќер
2 кесички ванинилин шеќер
5 јајца
130 г интегрално брашно
1 прашок за пециво
суво грозје ( по желба)
вишни (од замрзнувач или од компот)
малку цимет, морско оревче
малку рум

Приготвување:

1. Во лонче помешајте ги какаото и зовриената вода за да се стопо какаото. Чоколадото и путерот стопете ги и оставете ги да се оладат.
2. Измешајте ги јајцата со шеќерот, а потоа додадете ги стопеното чоколадо и путерот, како и подготвеното какао и се полека измешајте со лажица. Додадете ги брашното, прашокот за пециво и зачините, грозјето кое претходно сте го потопиле во рум и на крајот вишните.
3. Ставете ја смесата во калап за колачи обложен со хартија за печење.
4. Печете на 180 степени најмногу 30 минути.