Состојки
250мл. пиво
250мл. зејтин
1 пециво
120гр. гриз
600-650гр. брашно
фил
100гр. суви урми
100гр. суви смокви
50гр. суво гројзе
2 лажици мармалад од сливи
2-3лажици рум
малку мелени ореви
шербет
900гр. шеќер
750гр. вода
2 ванилин шеќер (20гр)

Се мешаат пивото, маслото,гризот, брашното и прашокот за пециво и се замесува тесто.Постепено додавајте го брашното за да замесите убаво тесто.Од убаво изработеното тесто се формираат топчиња со големина на орев кои со оклагија ги разлекуваме полниме со фил и ги формираме во вид на кифлички.Кифличките ги редиме во тава за печење, печете ги до заруменување на температура од 200 степени Целзиусови.
Во меѓувреме се подготвува шербетот со 750 милилитри вода и 900 грама шеќер да врие околу пет минути. Откако колачите ќе се испечат, се потопуваат во врелиот шербет, се вадат и се увалкуваат во измешаните ореви и ванилин шеќер. Наместо ореви, можете да употребите кокос како во мојот случај.
Добар апетит!!!
Забелешка.
Неколку пати завртете ги да го впијат целиот шербет.Во оригиналниот рецепт за кој се разбира го обожавам се става цели јатки ореви.Ова е една моја варијанта за пиварки да го искористам сувото овошје кое ми остана од бадник.Се надевам дека ќе ви се допаднат,на главната фотографија е подарокот кој сите го добивме на средбата од нашата Лиле морав да го искористам за едно сликање затоа што беше ептен оригинален.

Состојки
500 гр. кадаиф
200 гр. сецкани ореви
100 гр. сецкан лешник
100 гр. сецкан фстак
100 гр. суво грозје
250 гр. путер или маргарин
За шербет
1 кг. шеќер
1 л. вода
3 кесички ванилин шеќер
малку сок од лимон и кругови од него

Одличен десерт за љубителите на шербетлиско благо.

Се користи тава со пречник бр.36, намрсена со путер.

Кадаифот се дели на два дела.
Се става првиот дел, при што се води сметка да се раздели убаво кадаифот, да не е во пластови.

Се попрскува со половина од растопениот путер.

Се распоредува филот, рамномерно низ цела површина.

Се става другиот дел од кадаифот, убаво разделен. Се притиска убаво со раце.

Се попрскува со преостанатата мрснотија.

Се става да се печи во загреана рерна (на 200 - 5мин.) за време од околу 1 час на 150 степени. Значи се печи на тивко, додека добие убава румена, златна боја.

За тоа време се подготвува шербетот.
Се става шеќерот и водата да зовријат. Штом зовријат се додава ванилата и лимоновиот сок. Се продолжува со варење на умерен оган околу 10мин.

При полевањето и кадаифот и шербетот треба да бидат млаки.
Се полева постепено, со црпалка-кутлача.

На здравје!

Состојки
4 поголеми јаболка
15 лажици шеќер
15 лажици гриз
15 лажици брашно
15 лажици вода
1 лажичка пециво
1 ванилин шеќер
За шербет
500 гр шеќер
500 мл вода
1/2 лажици сок од лимон

Подготовка
1. Јаболката ги лупиме и рендаме.
2. Сувите состојки ги ставаме во еден сад и ги промешуваме да се соединат.
3. Кон нив ги додаваме јаболката и водата. Промешуваме и смесата ја ставаме во намрсено и набрашнето тавче.
4. Печеме на 200 степени па го оставаме да излади. Го сечеме на коцки по желба.
5. Шеќерот и водата ги соединуваме и ги ставаме на рингла, да зовријат. Кога ќе почнат да се прават ситни меурчиња при варењето(околу 5 минути) го ставаме сокот од лимон и го тргаме шербетот. Со него ја полеваме тортата.

Забелешка
Доколку сте љубител на какао можете да ставите една лажица во смесата.
Тортата ладна шербетот жежок.

Состојки
3 јајца
12 лажици брашно
12 лажици Зејтин
12 лажици млеко
12 лажици шеќер
150 гр кокос
1 пециво
шербет
250 мл вода
250 гр шеќер
2 ребра темно чоколадо

3 јајца се матат со 12 лажици шеќер.Откако убаво ќе се изматат се додава 12 лажици млеко,12лажици зејтин. Се исклучува миксерот, па се додаваат 1 паковка од 150 гр кокос,12 лажици брашно, помешано со 1 паковка пециво. Се промешува благо, со исклучен миксер и се префрла смесата во претходно подмачкан плех. Се пече на 180 степени.
Откако е готово оставаме да излади. 
Во сад на оган вариме шербет од 25 гр шеќер и 250 мл вода. Додаваме и 2 ребра чоколадо. Со жешкиот шербет ја попаруваме ладната исечена на коцки торта. 
Кога е веќе истината и од шербетот,тогаш декорираме по вкус. Јас употребив мармалаd од боровница и декоративни украси за десерт. На здравје.

Состојки
250 гр кисело млеко или јогурт
150 гр. омекнат путер
250 гр шеќер
330 гр брашно
5 јајца
1 пакетче (10гр) пециво
1/2 лажиче сода бикарбона
1/2 лажиче сол
кора од еден лимон или 50-70 гр. аранчини од лимон
Шербет
400 мл вода
400 гр. шеќер

Рерната вклучете ја на 170 степени.

Одвојте ги белките од жолчките. Изматете ги белките во цврст шлаг. Ќе знаете дека се готови кога ќе го навалите садот за матење, а белките нема да се помрднат воопшто.

Во друг сад изматете ги пенесто путерот и шеќерот додека не добиете пенеста смеса. Една по една додавајте ги жолчките. Додадете една жолчка, матете додека да се соедини убаво смесата, па додадете ја другата и така за сите 5 жолчки. Потоа додадете го киселото млеко, брашното,пецивото и содата. Убаво измешајте да нема грутчиња и оваа смеса додадете ја во матените белки.
НЕ мешајте со миксер, само рачно со дрвена лажица или шпатула. Ако мешате со миксер, смесата ќе спласне, нема да биде толку сунѓереста.
Мешајте ги белките од надвор кон внатре полека.

Смесата сипете ја во тава за печење и печете 50-60 минути додека не зарумени убаво и кората не стане тврда.
Идеална големина за тава е Ростер тавата на Делимано. Не лепи воопшто и нема потреба да ја намастувате.

Кога ќе се испече колачот, извадете го и оставете го да се олади. Оладен исечете го на парчиња по желба.
Дури тогаш пригответе го шербетот бидејки ладен колач се прелева со врел шербет.
За шербетот ставете ги шеќерот и водата да се варат. Нека провријат 3-4 минути и веднаш прелејте го колачот. 
Доколку целиот шербет се слее на дното, само превртете ги еднаш парчињата наопаку, целото колаче ќе впие од шребетот рамномерно и нема да има потреба да ги превртувате повторно.

Наместо една кора од лимон, јас користев 70ина грама мелени аранчини од лимон по рецепт на наша Љиља. Мирисот... не заменлив! :)

Состојки
Жолт дел
2 јајца
1/2 чаша шеќер
1/2 чаша масло
2 чаши брашно
1 лажиче пециво
2 пакетчиња ванилин шеќер
2 лажици гриз
кора од 1 лимон
Темен дел
2 јајца
1/2 чаша шеќер
1/2 чаша масло
2 чаши брашно
1 лажиче пециво
2 лажици какао
Шербет
2 чаши шеќер
1 и 1/2 чаша вода
парчиња од 1 исечкан лимон
3-4 лажици мармалад од кајсии (за премачкување)

За соединување на смесата не ви треба миксер. За жолтиот дел ставете ги сите состојки освен брашното во некое вангличе, измешајте со некоја жица за матење или лажица и почнете со додавање на брашното. Мешајте да се впие брашното, да се добие смеса од која ќе можете да формирате топчиња. Во зависност од големината на јајцето, некогаш е потребно 2 чаши, некогаш плус 1/3 од чашата. Чашата е од 250 мл.
Истото направете го исо темната смеса.
Тавата во која ќе печете премачкајте ја со маргарин.
Правете мали топчиња, наизменично од двете смеси, со големина помали од орев. Редете ги едно до друго во тавата. Кога ќе се наполни, ставете ги да се печат на 180 степени, петнаесетина минути.
За тоа време сварете го шербетот, нека врие две-три минути.
Прелијте го колачот. Млак шербет, ладен колач.
Мармаладот од кајсии поминете го низ сито и со четче премачкајте го колачот.
Изладете го убаво и послужете го.

Состојки
6 јајца
8 лажици шеќер
14 лажици гриз
3 лажици брашно
1 пециво
1 ванила
Шербет
900 гр шеќер
900 гр вода

Ова е навистина брз и вкусен десерт.
Во длабок сад ги матиме јајцата и шеќерот. Потоа постепено ги додаваме гризот, брашното, пецивото и ванилата. Матиме уште 6-7 мин и смесата ја истураме во подмачкана тава.
Тавата ја ставаме во загреана рерна на 200 степени.
Печеме околу 20 мин.
За шербетот, се вари водата со шеќерот додека не зоврие.

За да бидете сигурни кога араванијата е печена можете да проверите со чепкалка. Испечената и ладна араванија ја полеваме со топол шербет..........ДОБАР АПЕТИТ!

Состојки
пандишпан
5 јајца
6 лажици шеќер
120мл зејтин
120мл млеко
50гр какао
6 лажици брашно
1 пециво
фил
100гр урми
300гр бисквити
100гр чоколада за готвење(црна)
250-300мл шербет од било кое слатко
100мл млеко со три лажици рум за полевање на пандишпанот
малку џем од смокви и банана

Подготовка
1. На почеток ги делиме белките од жолчките кои ги матиме со по три лажици шеќер. Во жолчките ги додаваме млекото и зејтинот и полека со шпатула мешаме.
2. Во друг сад заедно ги мешаме какаото, брашното и прашакот за пециво. Полека оваа сува состојка ја додаваме во жолчките и полека мешаме.
3. Во белките ја додаваме смесата со жолчки и повторно со шпатула мешаме пополека.
3. Смесата ја сипуваме во мала ростер тава и печеме половина час на 180 степени.
4. Кога пандишпанот е изладен го полеваме со малку млеко и рум.

Подготовка на фил
1. На урмите им ги одстрануваме семките и ги сечкаме.
2. Бисквитите ги мелеме и ги ставаме заедно со урмите.
3. Чоколадата ја топиме и исто ја додаваме во бисквитите и полека додавајки го шербетот замесуваме густ фил.
4. Филот го ставаме врз кората и оставаме да се излади неколку часа во фрижидер.
Декорирав со банана и џем од смокви.
Шербетот може да биде од било кое слатко во овој случај е од слатко од зрели смокви.
Добар апетит!!!

остојки
За тесто
150гр. путер или маргарин
1 цело јајце
3 жолчки
1/2 шоља шеќер
1/2 шоља, можи и помалку гриз
1 ванила
1 пециво
по потреба брашно
За шербет
3 шољи вода
3 шољи шеќер
1 ванила
малку лимонов сок
*Шољата е од 250мл.

За подготовката на тестото најпрво се растопува путерот и се остава да се излади.
Јајцето и жолчките се разматуваат со вилушка во длабок сад.
Се додава изладениот путер, прстофат сол, шеќерот, гризот, ванилата, пецивото и брашно колку што примаат состојките за да се добие средно меко тесто.Тестото убаво се измесува, пришто не треба да се лепи за раце, значи не многу меко, ниту пак многу тврдо.
Се прават топчиња со големина на орев, малку се сплескуваат и се редат во намрсен плех.
Се ставаат во загреана рерна (5 мин. на 200 степени) и се печат 45мин. на 150 степени.
Штом се извадат од рерна, веднаш се полеваат со ладниот шербет, малку по малку. Се оставаат да одстојат најмалку 3 часа, за убаво да примат од шербетот, а најдобро е преку ноќ. Одвреме-навреме ги превртуваме колачињата од едната и од другата страна.
На здравје!

Состојки
300-350гр брашно
5 лажици шеќер
150гр маргарин или путер
1 пециво
50гр гриз
3 јајца
шербет
500гр шеќер
500мл вода
1/2 лимон
2 ванили

рашното, гризот, пецивото и шеќерот се мешаат во подлабок сад.
Се прави вдлабнатина и во неа се кршат јајцата и маргаринот се сече на парчиња.
Се замесува тесто кое треба да биде мазно. Количината на брашно сами ќе ја одредите да не биде премеко да може да се работи. 
Тестото се става околу 30 минути во фрижидер малку да се стегне.

На плех намрсен со маргарин се редат топчиња кои малку се сплеснуваат. Се редат на помало растојание и се печат околу 20 минути на 180 степени.

Водата се налева врз шеќерот и одкако ќе зоврие врие само 2 минути и се трга на страна. Во шербетот се цеди сок од лимонот и ванилите и се попаруваат колачите врели со врел шербет.
Ова се доста меки колачи и погодни за љубителите на парени колачи.

Состојки
1 кг несолено младо сирење
250гр гриз
4 јајца
1 пециво
За шербет
1л вода
800гр шеќер
сок од еден лимон
1 ванила

е матат убаво и пенесто јајцата, се додава младото сирење и убаво се изедначува смесата. Се додава гризот и прашакот за пециво.
Се добива убава густа смеса.
Се пече во плех на 200 степени додека да порумени малку, но имајте на ум дека двојно нараснува, па да знаете во кое тавче да ставите.
Јас печев во силиконски калапчиња, ги полнев до половина и кога нараснаа цело калапче беше полно. Многу убаво испадна.
Доколку не печете во калапчиња, пред потурање со шербет исечете на парчиња. Нема потреба да се мачка тавчето, бидејки шербетот ќе ги омекне и нема да се залепат.

Додека се печат, се приготвува шербетот. Сите состојки освен лимонот се ставаат во тенџере и се варат. Кога ќе зовријат се доварува уште 3-4 мин, се трга од оган и се додава лимонот.

Се потураат татлиите млаки со млак шербет и се оставаат да впијат.

И сега следува НАЈТЕШКИОТ ДЕЛ!
Чекањето да впијат шербет.

Рецепт за сирење имате на странава. Во горниот десен агол има поле во кое пишува БАРАЈ ВКУСНИ РЕЦЕПТИ, таму впишете Традиционално домашно сирење и според тој рецепт направете го сирењето. Иако мислам дека и споре рецептот за крем сирење на Љиља (Лилјана Илиева) ќе испадне супер.

Имам уште еден рецепт за татлии, тој ќе го напишам од кога ќе го пробам, а дефинитивно ќе го пробам.

Ајде чао и фрлете ги вагите од прозор, не ви требаат, а и лажат за тежината =))

Состојки
За тесто
2 шољи газирана минерална вода
2 шољи масло
1 шоља пиво
прстофат сол
1 лажиче шеќер
1 пресен квасец
1 пециво
2 лажици просеано какао
по потреба-околу 1,5 кг. просеано бело брашно
За шербет
1,250 гр. шеќер
1,250 мл. вода
2 ванили
*По желба во тестото може и кора од лимон или портоклал
За валкање
по потреба кокос и мелени ореви
*Шољата е од 250 мл.

Одличен десерт за времето на постот.

Од сите наведени состојки за тесто се замесува средно меко тесто.Не е потребно претходно активирање на квасецот.
Тестото се остава да го дуплира волуменот.
Се дели на два дела. Во едниот се додава просеаното какао и се меси за да се изедначи и добие кафеаво тесто.
Се кинат топчиња од двата дела, по околу 55.
Се зема кафеаво топче, се расплескува врз ренде, па во вид на ваљак се става белото делче.
Се витка кифле.
Се киснат 20 на мин..и се печат на 200 степени 20 мин..

Шербетот треба да ни е изладен, што значи птретходно го вариме. Откако ќе зоврие, се вари 5 мин. на умерен оган.

Се ставаат жешките колачиња во ладниот шербет, се превртуваат неколку пати убаво да впијат, па се валкаат во кокос и мелен орев. А може и така да се остават, но нас вака ни се повкусни -))))

На здравје!

Состојки
40 гр квасец
околу 2 кг брашно
500 гр гриз
500 гр млака вода
500 гр зејтин
2 лажици какао
Шербет
1 ,5 кг шеќер
1 ,5 л вода

Месиме тврдо тесто од брашното,гризот,водата и зејтинот. Тестото го оставаме да стаса т.е да се дуплира. Стасаното тесто го делиме на 2 дела. Во едниот дел ставаме какао и месиме да се соедни тестото со какаото.
Со сукало на маса го четвртасто го расукуваме делот без какао, а потоа и делот со какао. Ги ставаме една над друга и виткаме ролат. Од добиениот ролат сечеме парчиња и ги редиме во тава. Печеме на температура од 200 степени 20 мин.

Потоа го подготвуваме шербетот. Во длабок сад го ставаме шеќерот и водата да зовријат. Кога ќе ја добиеме саканата густина на шербетот го тргаме од оган. Изладените колачи ги полеваме со топол шербет.

Состојки
250 мл вода
50 мл масло
прстофат сол
250 гр брашно
4 јајца
Шербет
600 гр шеќер
500 мл вода
1 ванила
Масло за пржење

Најпрво припремете го шербетот.
Водата и шеќерот ставете ги да зовријат. Откако ке зовријат нека се варат околу 20 мин на среден оган. Во готовиот шербет додајте пола филџанче ладна вода(40мл) и ванилата измешајте и оставете го да олади.
Подгответе ги тулумбите.
Водата, маслото и солта ставете ги да зовријат. Додадете го брашното и убаво измешајте го да се изедначи смесата. Оставете ја да олади.
Додајте ги јајцата едно по едно и се меси да се добие мазно тесто.
Тестото ставете го во шприц за тулумби и пржете ги во поголема количина на масло на средна Т.
Пржените тулумби ставајте ги во оладениот шербет, потоа подредете ги во плех и прелијте ги со останатиот шербет.
Оставете ги да оладат и да впијат од шербетот и послужете ги!

Состојки
3 јајца
15 лаж. шеќер
1 филџан филџан млеко
1 филџан зејтин
15лаж. брашно
1 ванила + 1 пециво
200 гр вода
13лаж. шеќер
1лаж. какао
100 гр. маргарин

3 јајца се матат со 15 лажици шеќер. Потоа се додава 1 филџан млеко пресно,  1 фил.џан зејтин, 15 лажици брашно,1 ванила, 1 пециво.
Се пече 30-40 минути,  потоа се остава да се излади

Шербет
200 мл вода, 13 лажици шеќер,  1 полна лажица какао и 90гр маргарин да зоврие и се посипува врз оладената торта.

Состојки
5 жолчки
250 гр гриз
250 гр шеќер
5 големи лажици растопена маст или путер
Шербет
750гр шеќер
750мл вода

Екстремно лесни и брзи за подготовка, а вкус...милина :)

Одвојте ги жолчките од белките. Жолчките убаво изматете ги рачно. Доколку сакате можете и со миксер. Во жолчките додадете го шеќерот, маста и убаво промешајте. На крај додадете го гризот.
Смесата ќе биде малку ровка.
Формирајте топчиња со големина на орев и редете ги на тавче на растојание до 4 см, ќе им треба простор да нараснат.
Печете ги на 200 степени 20ина мин додека да заруменат.

Додека се печат направете го шербетот. Водата и шеќерот нека зовријат убаво. Да се појави пена на врвот. Не меурчиња за вриење, пена. Ќе ви стане јасно кога ќе видите. Пената се појавува по подолго вриење.
Со топлиот шербет прелејте ги гурабиите и вратете ги во рерна додека да го впијат шербетот.

Преостанатите белки слободно замрзнете ги ако не ги користите веднаш. Замрзнати, па потоа одмрзнати се потполно исти како и свежи. Јас ги замрзнувам во пластични чашки и на чашката запишувам колку белки има во чашката. Можете да ги замрзнувате и во кесиња за замрзнување.

Состојки
пандишпан
5 јајца
6 лажици шеќер
120мл зејтин
120мл млеко
50гр какао
6 лажици брашно
1 пециво
фил
100гр урми
300гр бисквити
100гр чоколада за готвење(црна)
250-300мл шербет од било кое слатко
100мл млеко со три лажици рум за полевање на пандишпанот
малку џем од смокви и банана

Подготовката на слатко е неибежен дел од мојата кујна. При подготовка на слатко секогаш ми останува шербет кој го ставам во тегли и го користам во текот на целата година. Најчесто го ставам на сувиот пандишпан или за засладување на кафе или чај. Еве еден пример како може да подготвите интересна торта.
Подготовка
1. На почеток ги делиме белките од жолчките кои ги матиме со по три лажици шеќер. Во жолчките ги додаваме млекото и зејтинот и полека со шпатула мешаме.
2. Во друг сад заедно ги мешаме какаото, брашното и прашакот за пециво. Полека оваа сува состојка ја додаваме во жолчките и полека мешаме.
3. Во белките ја додаваме смесата со жолчки и повторно со шпатула мешаме пополека.
3. Смесата ја сипуваме во мала ростер тава и печеме половина час на 180 степени.
4. Кога пандишпанот е изладен го полеваме со малку млеко и рум.

Подготовка на фил
1. На урмите им ги одстрануваме семките и ги сечкаме.
2. Бисквитите ги мелеме и ги ставаме заедно со урмите.
3. Чоколадата ја топиме и исто ја додаваме во бисквитите и полека додавајки го шербетот замесуваме густ фил.
4. Филот го ставаме врз кората и оставаме да се излади неколку часа во фрижидер.
Декорирав со банана и џем од смокви.
Шербетот може да биде од било кое слатко во овој случај е од слатко од зрели смокви.
Добар апетит!!!

Состојки
10 јајца
15 лажици шеќер
20 лажици брашно
1/2 лажица рендана кора од лимон
1 пециво
150 гр. мелени ореви или кокос
2 лажици какао
500 гр. шеќер за шербет
800 мл. вода за шербет

1. Одвојте 5 белки и матете ги со 5 лажици шеќер. Откако ќе се сматат се додава 5 лажици брашно измешано со 1/2 од пецивото и тргнете настраната.
2. 5 жолчки и 5 цели јајца се матат со 10 лажици шеќер. Откако ќе се сматат се додава 15 лажици брашно измешано со останатата 1/2 од пецивото и ренданата кора од лимонот. Измешајте.
3. Во подмачкано плекче бр.30 истурете 1/2 од жолтата смеса, врз неа посипете од спемениот посип од измешаните кокос и какао.
4. Со лажица црпете од смесата изработена од белката и ставајте лажица по лажица на купченца - врз посипот. Откако сте наредиле посипете и врз нив со посипот од какао и кокос. Врз него истуретете ја останатата 1/2 од смесата со жолчката. Ставете да се пече во предходно загреана рерна.
5. Додека се пече сварете го шербетот од 500 гр. шеќер и 800 вода, нека врие добро околу 5 мин, и исклучете.
6. Извадете ја раванијата и нека поолади малку, исечете ја на парчиња по ваша желба и со црпалка црпете од шербетот. Во шербетот исто така можете да ставите 1 ванила и лимон.

Состојки
1 јајце
1 шолја брашно
1 шолја гриз
1/2 шолја масло
1/4 шолја млеко
1/4 свеж квасец
на врвот од ножот прашок за пециво
1 пакетче ванилин шеќер
лешници по потреба
Шербет
2 шолји вода
2 шолји шеќер

Иако помина натпреварот со шербетните прекраснотии и видовме и испобавме многу убави десерти, сепак, јас пак се решив да си се пробам со нешто парено или потурено како што си го викаме по битолски. По овој рецепт, шеќерпарињата ми излегоа најубави и што е најважно - скоро сите останаа читави и не испукаа. Јас имам споделено уште еден рецепт за шеќерпаре, на вкус и тие се предобри, но во овие се заљубив.
Од оваа количина ми излегоа 30 парчиња.

Се мати прво јајцето и се додаваат останатите состојки и се мати со миксерот. На крајот се замесува тестото со рака.
Се кини по малку од тестото, се оформуваат топчиња, па малку се сплескуваат и и се редат на плех (не го намастив плехот оти има доволно масло во самото тесто). На средината од секое парче се става лешник.
Вака подготвените шеќерпариња, се оставаат половина час.
После се печат во загреана рерна на 180 степени околу половина час или повеќе. Треба да добијат убава боја и да се стврднат.
Шербетот се прави со варење на водата со шеќерот 10тина минути.
Кога ќе се испечат колачињата, така жешки се полеваат со оладениот шербет. Веќе за половина час ќе го впијат шербетот и ќе бидат спремни за јадење.