http://www.crnobelo.com/zabava/interesno/15883-kocki-kolacinja-so-kafe" rel="nofollow - Коцки колачиња со кафе

Состојки
200 гр. брашно
120 гр. шеќер
6 гр. инстант кафе во прав
20 гр. какао
50мл. масло
270мл. вода
1 пециво
За посипување
по потреба шеќер во прав

Едноставна посна торта со која го одбележавме мојот именден.
Искрено толку мека торта досега немам пробано, вреди да се проба.

Во сад измешајте ги брашното, шеќерот, пецивото и какаото.
Кафето растворете го во водата.
Додајте го маслото и убаво измешајте.

Во млаз со постојано мешање додајте ги течните состојки во садот со сувите состојки.

Ставете ја смесата во округол калап.

Печете на 180 степени, 30 минути.

Изладената торта посипете ја со шеќер во прав и послужете.

Состојки
Основа
100 гр кикирики
100 гр урми
1/2 лимонов сок
Фил
200 гр непечени индиски ореви
200 мл вода
1 банана
200 гр домашен путер од кикирики
2 лажици агаве или јаворов сируп
1 лажица арома ванила
4 лажици какао
100 мл кокосово масло

1. За основа потребно ви е да се отстрани лушпата од печените несолени кикирики и да се исецкаат во сецко/блендер, но да останат покрупни парченца. Потоа се додаваат урмите и сокот од лимон за да се врзат убаво состојките. Ако има потреба додадете и малце јаворов сируп, за да се врзат убаво состојките.
- Основата распределете ја на калап бр. 16-18см., предходно обложен со стреч фолија.
2. Индиските ореви ги ставаме во врела вода да отстојат половина час. Потоа се процедуваат и се ставаат во блендер. Откако ќе добиете ситно сецкани ореви, се додава водата и бананата и се заедно се блендира.
3. Потоа се додава домашно подготвениот путер од кикирки. Повторно белндирате.
4. Додадете и агаве или јаворов сируп и ванилата. Убаво промешајте да се врзе се заедно.
5. На крај стопете го кокосовото масло и во него ставете го какаото. Додадете го во состојките и изблендирајте се заедно.
6. Кремот распределете го врз основата и убаво израмнете. Ставете ја тортата во замрзнувач, најдобро преку цела ноќ, убаво да се стегне.
7. За декорација користев какако во прав и ситно сецкани индиски ореви и кикирики.

- Тортата се прави во мал калап за торти, односно 16-18см калап, од причина што е доста калорична и со јак вкус, заради путерот од кикирики.

- Препорака е ако сакате да ви е тортата по принципите на хроно или сурова/веган торта, тогаш треба да се користи домашно направен путер од кикирики во комбинација со масло од кикиркики или кокосово масло и засладувач агаве или јаворов сируп.

- Тортата може да се направи и во сосема различна варијата, како на пример филот да е комбинација од путер од кикирики, мелени бисквити, какао крем, какао и мед. Повторно ќе добиете прекрасен фил. Ако ви е потечен филот само зголемувајте ја постепено количина на бисквити додека да добиете убав густ крем.

Ова е доста богата и калорична торта, па препораката е да се сече на потенки парчиња.

Состојки
Тесто
4 јајца
180гр шеќер
250гр брашно
250мл зејтин
200мл варено кафе со млеко
25гр какао
1 пакетче (8-10 гр) прашок за пециво
Фил
500мл млеко
2 лажици густин
1 лажица какао
100гр чоколадо за готвење
100гр шеќер

Во сад го кршиме јајцата, го додаваме шеќерот и матиме со миксер.Откако ќе се измати убаво, шеќерот да се растопи го додаваме маслото, брашното, вареното кафе, какаото, прашокот за пециво и мешаме со жица за матење.
Во тава за печење ја истураме половината од пандишпанот и печеме 10 мин. на 200 степени.
Почнуваме со подготовка на филот.
Во тенџере ги ставаме млекото, густинот, какаото, чоколадото и шеќерот. Непрекинато мешаме со жица се додека не се добие густина како пудинг.
Филот оставаме малку да се излади и го ставаме врз испечената кора од пандишпанот.
Врз него ја истураме останатата половина од пандишпанот и ставаме пак да се печи усте 15 мин. на 180 степени.
Откако ќе биде готова оставете ја на ладно да излади околу 30 мин, да се стврдне филот.
Многу вкусна тортичка ....

Ништо не е подобро од мирисот на свежо мелено кафе наутро…
За денот да ви започне добро ви препорачуваме овој викенд да се засладите со лесен и вкусен десерт со кафе.

Уживајте во друштво на пријателите со оваа вкусна торта овој викенд!

Потребни состојки:

• 500 – 550 г бисквити со путер
• 50 г капучино во прав
• 250 мл млеко
• 3 јајца
• 6 лажици шеќер
• 500 мл слатка павлака

1. Изматете ги убаво јајцата и шеќерот. Потоа почнете постепено да ја додавате слатката павлака и постојано мешајте со миксер додека не добиете цврст фил.

2. Капучиното прелијте го со млекото, кое претходно ќе го загреете.

3. Секоја бисквита, намокрете ја во капучиното и почнете да ги редите на плех. Кога ќе направите еден ред, премачкајте одозгора со филот, па потоа повторно направете нов ред од бисквити. Продолжете додека не го потрошите целиот материјал.

4. На крај со остатокот од филот намачкајте ја целата торта, а декорирајте по ваш вкус, со свежи јагоди, шлаг или стопено чоколадо.

ТОРТА СО ЧОКОЛАДО И КАПУЧИНО

Совршена мешавина од кафе и чоколадо…

Уживајте!

Направете супер вкусна торта со ореви и кафе.

Ова е рецептот:

Подгответе неодолив колач од само неколку состојки…

Уживајте!

Состојки
60 мл вода + 50 гр нескафе
115 гр путер
100 гр шеќер
200 гр мед (180 гр)
1 лажиче ванила арома
1/3 лажичка ѓумбир
1/3 лажичка цимет
1/3 лажичка ѕвездест анис
1/3 лажичка мушкатно оревче
1/4 лажичка пимент
1/4 лажичка каранфилче
5 гр прашок за печење
5 гр сода бикарбона
1 лажиче киселина
1 јајце
460гр брашно (375гр)
шеќерна глазура
300 гр шеќер во прав
50 мл ладно млеко (или ако сакате лимонов сок)

Прво се приготвува  кафето. 60 мл вода и 50 гр инстант кафе се вари додека не зоврие.
Потоа кафето заедно со шеќерот, медот и путерот се загреваат со мешање додека сите состојки се растопат и кога ќе зоврие се трга на страна и се остава 15на минути да подолади.

Во сад за месење се мешаат сувите состојки, од кои содата предходно се раствора (гаси) во киселината. Се прави вдлабнатина и се додава јајцето, растворената сода и ванила аромата. На крај се додава смесата со кафе и мед и се меша со лажица до компактност.
Се добива густа и леплива смеса.
Се покрива и се остава на собна температура да стои најмалку 4 часа или преку ноќ. Мене 4-6 часа ми беше сосема доволно, дури замислете во меѓувреме успеав и на кино да одам : )

Откако ќе се вратите од работа или од шетање, време е да се испечат медењаците.
Потребни се 2 плеха обложени со пек-хартија и рерната да се загрее на 160С.
Со лажичка се зема од смесата и се става во плехот на растојание од барем 2см, бидејќи со печењето се шират. Секое купче со раце се обликува во топче. Ако има потреба рацете можи да се навлажнат со вода за да не лепи.

Печете плех по плех 20 минути, а ако е потребно, како кај мене и помалку.

Времето на печење зависи од повеќе фактори. Во овој случај вака како што е опишан рецептот мене ми требаа околу 13на минути, бидејќи ова е изменетата форма.
Овие медењаци ги правев два пати.
Првиот пат се држев до изворниот рецепт, освен што намалив на кафето, бидејќи сметав дека тоа е премногу кафе. И да ви кажам одма, не е. Така изгледа додека се спремаат, додека се печат и додека не прележат една ноќ, потоа следниот ден се си има смисла.
Но, со изворниот рецепт наидов и на проблем. Се тоа заради количината на брашно која се бараше да е 375 гр. Имено, се испекоја превкусни медењаци, кои на загриз имаа прекрасна текстура, што и купечките би му завиделе, но толку многу се сплескаа во печењето што на изглед не беа тоа што јас сакав да добијам. Си реков, овој проблем или е од недоволно брашно или непогодена температура на печење.

Структурно, ова се оние вистински медењаци. Шупливи и меки на загриз, како оние кои ги купуваме од продавниците, само со плус додатна арома и шмек на кафето кое заедно со зачините дава прекрасно уживање.
Така да, не ми се оставаа така само како еден неуспешен рецепт и решив да извршам измени и да добијам она што одамна сум сакала – вистински медењаци. И успеав, еве ги.

Можам да ви кажам дека и едниот и другиот начин, т.е. состав беа одлични и супер за јадење, но за чудо едно двата пати како да се добија сосема различни колачи. Првите ги има во дополнителни фотографии, тоа се оние со буквичките одозгора.

Испечените медењаци се преливаат/макаат во шеќерна глазура од добро измешан шеќер во прав и млеко. Во состојки напишав дека можи и сок од лимон наместо млеко, така кој сака е добие и еден киселкаст вкус на сите оние зачини за медењаци и кафе што ги содржат колачињата, па по желба е.

П

Состојки

    За ТЕСТОТО ќе ви треба:
    4 јајца
    250 гр. шеќер
    100 гр. ореви
    200 гр. брашно
    1 прашок за печиво
    5-6 лажици варено кафе
    За ФИЛ ќе ви треба:
    3 јајца
    200 гр. шеќер
    100 гр. чоколадо за готвење
    200 гр. маргарин

Старинска кремаста торта со вкус на кафе и крем готвен на пареа. Совршен десерт за секоја пригода. 


Потоа додадете ги оревите и промешајте.

Печете на 180 степени 20 минути или проверете со чепкалка.

Чекор 2: Јајцата изматете ги со шеќерот и ставете ги на пареа со постојано мешање. После неколку минути додадете го чоколадото искршено на коцки и мешајте додека да се спои со кремот, околу 15 минути. Оставете го убаво да се олади. Изматете го со маргаринот и спојте го со изладениот крем.

Чекор 3: Тестото пресечете го хоризонтално на два дела, испрскајте го со неколку лажици кафе и филувајте со веќе приготвениот крем.

Чекор 4: Декорирајте по желба со шлаг и чоколадо. Оставете да стои неколку часа во фрижидер, па сервирајте.

СОВЕТ: Овој фил е потежок за подготовка, но е незаменлив вкусот кој ќе се добие на крајот. Во тестото користете кафе по ваш вкус, кое може да го направите појако, за поинтензивен вкус.

Состојки

    За прелив
    2 чаши шеќер
    15 супени лажици вода
    3 полни лажици какао
    1 маргарин
    6 јајца
    За тесто
    1 чаша шеќер
    1 чаша брашно
    1 прашак за пециво
    1 рака сечкани ореви

Шеќерот водата и какаото се ставаат во тенџере да зовријат. Штом зовријат, се трга тенџерето од оган и се додава маргаринот да се растопи сосема. Смесата се остава убаво да се излади.

Јајцата се кршат и се делат белките од жолчките. Жолчките се проматкуваат со вилушка колку да се растурат и во нив се додава изладената смеса. Со миксер со бавно вртење на перките смесата се изедначува. Садот се остава во фрижидер.

Во друг сад, белките се маткаат со миксер во цврст снег, пополека се додава шеќерот и брашното претходно измешано со пециво.
Во нив се додаваат две кутлачи од ладната смеса од фрижидер, се измешува уште еднаш убаво и се истура во подмачкана и со брашно посипана правоаголна тава бр. 40.
Се става во загреана рерна и се печи 30 минути на 180 степени.

Испечениот колач се остава убаво да се излади, а потоа се сечи. Врз него се потура остатокот од смесата од фрижидер. Внимателно со помош на ножот се одделуваат парчињата за преливот да влезе меѓу секое парче.
Се наросува со сечкани ореви.

Состојки

    250гр. рикота
    250гр. шеќер
    3 јајца
    80гр. брашно
    75гр. какао
    100гр. растопен путер
    1 пециво
    За премачкување
    100гр. црно чоколадо
    1 лажица масло

Во длабок сад за матење ставете ја рикотата и шеќерот.
Изматете ги убаво со миксер.
Со непрекинато матење додајте ги јајцата.
Матете уште 5 минути, а потоа додајте го брашното измешано со пецивото.
Измешајте убаво со жица за матење и додајте го какаото и растопениот путер.
Уште еднаш изматете убаво со жица за да не останат грутчиња.
Смесата истурете ја во округол калап со обрач, премачкан со путер и набрашнет.
Печете на 180 степени, 30 минути.

Во меѓувреме на пареа растопете го чоколадото со малку масло.
Испечената и изладена торта премачкајте ја со растопената чоколада и послужете.

Состојки

    Кора
    3 јајца
    150 гр путер на собна Т
    250 гр шеќер
    200 мл млеко
    250 гр брашно
    30 гр какао
    1 прашак за пециво
    1/4 лажиче сода бикарбона
    1 ванила
    Фил
    500 мл млеко
    200 гр шеќер
    2 пудинзи од ванила
    150 гр путер на собна Т
    250 гр слатка павлака
    2 ванили или 1 лажица екстракт од ванила
    За прскање на кората
    150 мл топло млеко

Кора
Изматете ги путерот, шеќерот и ванилата. Додавајте ги јајцата едно по едно и постојано мешајте да се изедначи смесата. Додајте го млекото и со мала брзина измешајте да се изедначи. На крај додајте го брашното измешано со какаото, пецивото и содата. Смесата измешајте ја со лажица или жица.
Истурете ја во подмачкан со путер и набрашнет калап (26) и печете на 180 степени околу 30-35 мин или проверете ја со чепкалка.

Фил
Пудингот растворете го со малку млеко а останатото заедно со шеќерот ставете го да зоврие. Потоа додајте го растворениот пудинг и на тивок оган мешајте да се згусти. Покриен оставете го да олади.
Изматете ја слатката павлака.
Изматете го путерот со пудингот и додајте ја слатката павлака и ванилата. Кратко измешајте да се изедначат.

Кората исечете ја на половина (јас бев не прецизна со ножот и затоа едната е повисока другата пониска).
Едната половина попрскате ја со половина од млекото и премачкајте ја со половина фил. Ставете ја другата кора попрскајте ја со млекото и прмачкајте ја со филот.
Тортата украсете ја со глазура од бела чоколада, шлаг или по желба.

Состојки

    Кекс
    4 јајца
    5 лажици шеќер
    1 ванила
    1 пециво
    9 лажици брашно
    1 лажица какао
    1 лажица кафе
    2 лажици нишесте
    3 лажици масло
    8 лажици газиран сок со кола вкус
    Крем
    50 гр. пудинг од чоколадо
    400 мл. млеко
    100 гр. чоколадо
    100 гр. шеќер во прав
    200 мл. неутрална павлака
    100 гр. бел дел од еурокрем

1. Јајцата, ванилата и шеќерот се матат пенесто.
2. Им се додава газираниот сок и масло, па пак се проматува.
3. Потоа се додаваат сувите состојки и убаво се мати со миксер да се соедини.
4. Смесата се истура во тава за печење 36 обложена со хартија за печење.
5. Кексот се пече во загреана рерна околу 20 минути.
6. Откако ќе се испече се лади, се преврува од страната со хартијата, се трга хартијата и се попрскува со кока кола, млеко или вода.
7. Прашокот за чоколаден пудинг се раствора во 100 мл. млеко.
8. Останатото млеко се вари до зовривање.
9. Се додава растворениот пудинг, се вари додека да згусне.
10. Се трга на страна, му се додава искршено чоколадо.
11. Се меша за да се соедини целата смеса.
12. Готовиот пудинг се покрива со стреч фолија и се остава да се излади добро.
13. Неутралната павлака се мати со шеќерот во прав.
14. Потоа се додава еурокремот.
15. Се мати убаво да се добие густ и повеќе накај течен крем.
16. Пола крем се спојува со миксер со изладениот пудинг.
17. Чоколадниот крем се премачкува цел врз кексот, а над него се разлева белиот крем.
18. Вака спремен, колачот се остава во фрижидер да се стегне неколку часа, а потоа се сече на коцки и се послужува. Добар апетит!

Состојки

    Кора
    8 јајца
    8 лажици шеќер
    16 лажици мелени ореви
    2 рамни лажици брашно
    1 лажица какао
    Фил
    4 жолчки
    10 лажици сварено кафе
    4 лажици шеќер
    2 пакетчиња ванилин шеќер
    2 лажици брашно
    250 гр путер
    200 гр чоколадо со висок % какао
    150 мл слатка павлака
    Сируп
    150 гр шеќер
    100 мл вода
    Декорација
    2 пакетчиња шлаг крем од ванила
    250 мл млеко
    1-2 лажички инстант кафе
    50 мл врела вода

Смесата турете ја во плехот (прекриен со хартија) од рерната и испречете го на 200 степени.
За филот, најпрво во врелата слатка павлака ставете го чоколадото и убаво промешајте да се растопи. Нека се олади.
сварете една шоља кафе и кога ќе се подолади издојте 10 лажици и во нив ставете го шеќерот, жолчките и брашното, измешајте убаво и ставете ја смесата во некое помало тенџерче на оган. Мешајте цело време се додека не се свари, ќе се направи густ крем. Нека се излади.
Путерот измиксајте го и во него додајте ја смесата со кафето, па смесата со чоколадото. Филот е готов.
За преливот, зовријте ја водата со шеќерот, нека повари една минута и нека се излади.
Кората пресечете ја на три ленти.
Ставете една лента, испрскајте ја со преливот, па ставете 1/3 од филот. Продолжете со другите две ленти. Филовајте ја тортата од сите страни.
Завршно, инстант кафето растворете го во водата, па ставете го во измиксаниот шлаг крем. Премачкајте ја тортата од сите страни. Декорирајте по желба.

Состојки
1 готов изладен пандишпан со мед
500мл. слатка павлака
200гр. шеќер
100мл. млеко
100мл. еспресо кафе ( сварено и изладено)
120гр. млечно чоколадо
30гр. какао

1. Исечете го изладениот пандишпан со мед кој рецетот го имам објавено тука, на ленти и наместете ги во сад со високи страни ( погледнете ги дополнителните фотографии) и натопете го пандишпанот со измешаното кафе со млеко.
2. Во сад за матење разматете ја ладната слатка павлака и разделете ја на два дела. Во едниот дел додајте го сечканото чоколадо, а во другиот дел какаото.
3.Филувајте го колачот до двата фила така што филот со чоколадо ќе биде одоздола, а филот со какао одозгора.
4. Затворете го колачот со лентите од пандишпан и повторно натопете го со млеко и кафе.
5. Садот со колачот додајте ги во замрзнувач и оставете ги да се ладат најмалку 3 часа.
Декоријате по желба со чоколадни зрна кафе или сечкано чоколадо.
На здравје!

Состојки
за бомбиците со златно бисерче
100мл. слатка павлака
200гр. црно чоколадо
100гр. мелени плазма бисквити
20 мл. коњак
100гр. мелени ореви
100гр. црно чоколадо за чоколадирање
за другите бомбици и белите колачиња
200мл. слатка павлака
2 лажици кафе(нес,или кафе по ваш вкус)
250гр. мелени плазма бисквити
200гр. мелени ореви
100гр. бело чоколадо
50гр. чоколадни трошки
3 лажици масло

За подготивка на бомбиците со бисерче најпрво ја загреваме слатката павлака на тивок оган и чоколадото додека не се добие изедначена смеса.
Се трга од оган и ги додаваме бисквитите и коњакот и убаво промешуваме и потоа ги додаваме оревите.
Од смесата правиме бомбици и ги оставаме во фрижидер да се стегнат малку и потоа секоја бомбица ја чоколадираме.На секоја бомбица горе ставаме по едно златно бисерче.

За другите колачиња смесата е иста.
Павлаката исто ја загреваме на тивок оган и го додаваме кафето (претходно малку го раствораме со вода).Јас користев нес кафе.
Ја тргаме од оган и ги додаваме бисквитите и оревите. Убаво промешуваме.
Сместа ја делиме на половина. Од едната полвина правиме бомбици и ги валкаме во чоколадни трошки.
Во помал сад настрана го топиме белото чоколадо со маслото и со четче ги премачкуваме силиконските калапи.
Постапката ја правиме два пати и ги оставаме по 15 минути во замрзнувач.
Кога ќе ги чоколадираме калапите ги полниме со смесата и пак ги затвораме со чоколадо.
Ги враќаме во фрижидер се додека убаво не се стегнат.
На здравје!!!

КОЛАЧ ОД ЦИМЕТ И КАФЕ

Состојки
1 паковка чоко стоби флипс
3 лажици кафеав шеќер
1 јајце
50 гр темна чоколада
200мл слатка павлака
2 лажици ликер од чоколада
1 лажиче еспресо (капучино,инстант кафе )

Интересен летен десерт.
Брз за подготовка, а за љубителите на вкусот на кафето е одличен десерт.
Мешавината на кафе и чоколадо, дава спрецифичен вкус на оваа сладурија.
Јас го приготвив во нутри булет.
На почетокот се додава пакетчето чоко стоби флипс заедно со кафениот шеќер и еспресото.
И ликерот од чоколада се прелива во садот.
Вклучете го нутри булетот пола минутка ми додадете го јајцето.
Откако смесата се соедини,се додава чоколадото на коцки и повторно се вклучува апаратот.
Слатката павлака ја ставаме во сад на оган.
Откако почне да врие, ја тргаме на страна и оставаме 5 минутки да отстои, па ја додаваме во садот со останатите состојки.
Го вклучуваме апаратот и чекаме се додека не добиеме убава хомогена смеса.
Оваа смеса ја разделуваме во стаклени садови и ја ставаме во замрзнувач.
Откако ќе отстои два часа,можеме да го служиме овој десерт декориран според нашиот вкус.
Јас користев цимет стапчиња и парчиња чоколада.

Италијанскиот крем од кафе се почесто е присутен во менијата на лускузните ресторани, но кога го имате пред вас рецептот, може да го подготвите дома за секоја пригода. Рецептот е за четири лица.

http://www.makmoda.com/wp-content/uploads/2017/04/krem2.jpg" rel="nofollow">

Не ви е потребно никакво мајсторство, дури ни посебна вештина во кујната. А ни потребните намирници не се скапи. Потребни се: 3 јајца, 3 лажици млеко, 2 лажици инстант кафе, 60 грама шеќер, 30 грама брашно, 1 лажица какао и малку сол.

Во тенџерчето со млекото додадете го инстант кафето и мешајте додека се растопи. Изматете ги жолчките со шеќерот и додајте малку брашно. Потоа, во садот додадете ги врелото млеко и преостанатото брашно. Варете го кремот на пареа додека не ја добие потребната густина. Изматете ги белките со малку сол и додадете ги во млакиот крем. Распоредете го кремот во четири чаши и ставете ги во тава за печење. Во тавата налејте вода, ставете ја во рерна и варете 20-тина минути. Пред послужување наросете го кремот со какао.

Декорирајте со зрна кафе.

Состојки
Тесто
4 јајца
180гр шеќер
250гр брашно
250мл зејтин
200мл варено кафе со млеко
25гр какао
1 пакетче (8-10 гр) прашок за пециво
Фил
500мл млеко
2 лажици густин
1 лажица какао
100гр чоколадо за готвење
100гр шеќер
Во сад го кршиме јајцата, го додаваме шеќерот и матиме со миксер.Откако ќе се измати убаво, шеќерот да се растопи го додаваме маслото, брашното, вареното кафе, какаото, прашокот за пециво и мешаме со жица за матење.
Во тава за печење ја истураме половината од пандишпанот и печеме 10 мин. на 200 степени.
Почнуваме со подготовка на филот.
Во тенџере ги ставаме млекото, густинот, какаото, чоколадото и шеќерот. Непрекинато мешаме со жица се додека не се добие густина како пудинг.
Филот оставаме малку да се излади и го ставаме врз испечената кора од пандишпанот.
Врз него ја истураме останатата половина од пандишпанот и ставаме пак да се печи усте 15 мин. на 180 степени.
Откако ќе биде готова оставете ја на ладно да излади околу 30 мин, да се стврдне филот.
Многу вкусна тортичка ....

Торта со кафе

Денешниот рецепт е токму еден таков сладок специјалитет на кој тешко може да се оддолее.

СОСТОЈКИ

за бисквит
● 2 шолји брашно
● 2 шолји шеќер
● ¼ мала лажица сол
● 200 гр путер
● ½ шолја млеко
● 3 големи лажци инстант кафе
● 2 јајца
● 1 мала лажица прашок за пециво
● 2 мали лажици ванила

за крем
● 100 гр путер
● 450 гр шеќер во прав
● 2 големи лажици инстант кафе
● ¼ мала лажица сол
● 4 големи лажици слатка павлака

ПРИГОТВУВАЊЕ
Чекор 1: за бисквитот потребни се два кружни калапи за печење. Калапите пред да се стават во шпорет треба да се намачкаат со путер и да се попрскаат со брашно.

Чекор 2: во поголем сад, измешајте ги шеќерот, брашното и солта. Во помал сад истопете го путерот, а во друг сад загрејте чаша вода и во неа растворете го кафето. Кога ќе се истопи путерот, додадете му го кафето, оставете да проврие, а потоа отстранете го садот од оган и оставете го да се излади.

Чекор 3: во сад измешајте ги јајцата, прашокот за пециво и ванилата, а потоа многу полека налевајте ја смесата од кафе и путер. На крајот измешајте убаво со смесата со брашно. Вака добиената смеса е доволна за два бисквити. Смесата налејте ја во калапите и печете 20 минути на 180 степени.

Чекор 4: за кремот, потребно е путерот кој е на собна температура да се измиксира со шеќерот. Потоа, додадете кафе и сол и на крај изматен шлаг. Намачкајте го кремот помеѓу двата бисквит теста, а вишокот искористете го за декорација на горниот слој од тортата.

Направете супер вкусна торта со ореви и кафе.

Ова е рецептот:

 СОСТОЈКИ ЗА ФИЛ:

  ПОДГОТОВКА:

Состојки
16 лажици шеќер
10 лажици брашно
2 лажици какао
1 +1/2 лажичка сода бикарбона
1 чаша (од 200 мл.) млеко
прелив
8 лажици шеќер
2 лажици какао
15 лажици млеко
10 лажици масло
100 гр. кокос

Брз и лесен колач за кој не ви треба миксер, згоден кога немате многу време.
Ако ставите растително млеко, имате убав посен какао колач.

1. Во сад ставете го шеќерот, внатре просејте го брашното, какаото и содата бикарбона, измешајте со лажица, на крај ставете го млекото и убаво измешајте за рамномерно да се изедначи смесата.
2. Смесата истурете ја во намрсена и набрашнета тава бр.28 и печете на 200 степени околу 25 минути.
3. Штом се испече колачот веднаш почнете со подготовка на преливот.
Измешајте го шеќерот со какаото, додадете го млекото и маслото и загрејте го со постојано мешање со силиконска шпатула. Внимавајте да не загори.
Штом смесата ќе зоврие тргнете ја настрана, ставете го кокосот, измешајте убаво и веднаш распоредете го врз топлиот колач.
Изладениот колачот исечете го на коцки и уживајте!

Состојки
3 јајца
150 гр путер (маргарин)
200 гр шеќер
50 гр какао во прав
100 гр брашно
50 мл млеко
1 кафено лажиче прашок за пециво
1-(10гр) ванила

1. Во тава на оган се става маргарионот да се растопи па откако ќе се растопи се трга од оган.
2. Во еден сад се става шеќерот и се додеава растопениот маргарин. Се мати со жица малку да се стопи шеќерот.
3. Потоа се додаваат млекото и јајцата и се мати со жица се додека да се растопи целосно шеќерот.
4. Во садот се додава какото во прав, ванилата и прашокот за пециво. Се промешува нежно со жицата се додека да се соединат.
5. На крај се додава брашното и повторно се промешува па смесата се истура во правоаголен калап бр 19х29 и се става во претходно загреана рерна од 200С-20мин.
6. Откако ќе се испечи колачот се остава да се олади, се сечи на коцки и се наросува со шеќер во прав и какао во прав. Добар апетит.
Забелешка
Смесата треба да биде густа затоа ги ставив и фотографиите да видите колку треба да биде густа ако во случај смесата е погуста може да додадете уште малку млеко.
За колачот да го направам со бројки претходно ги нацртав броевите од 1 до 9 на еден лист, ги исеков со ножици. Коцките пред да ги посипам со шеќер во прав и какао во прав на секоја една коцка и ставав по еден број, потоа ги посипив со шеќер во прав и какао во прав па со помош на ножиците ги отстранив бројките.

Состојки
За пандишан
12 белки
прстофат сол
250гр. шеќер
2 ванили
2 лажици јаболков оцет
12 лажици просеано брашно
100-200гр. подпечени, сецкани ореви
1 пециво
За фил
250мл. врела вода
50гр. мелено црно кафе
1л. млеко
12 лажици шеќер
3 пудинзи од ванила
3 лажици нишесте
12 жолчки
200гр.црно чоколадо за готвење
250гр путер (маргарин)
85гр. шлаг пена
100мл. ладно млеко
2 банани

За пандишпанот најпрво се матат белките со малку сол-почнувајќи со најмала брзина, а одкако убаво ќе запенат, се зголемува брзината на миксерот и се мати на најсилно со постепено додавање на шеќерите. Се мати до цврст снег. Се додава оцетот, исто матејќи на најсилно.(Ќе забележите со додавањето на оцетот повеќе се зацврстува шамот и збуфнува.) Се намалува брзината на миксерот на најслабо и се додава претходно промешаното брашно, пециво и ореви. Можи да се соедини се убаво и со лопатка, мешајќи од долу према горе, во еден правец. Се излева во правоаголен плех со димензии 32 на 39цм, намрсен со маргарин или на хартија за печење.
Се става да се печи во претходно загреана рерна 5 мин. на 200 степени. Штом се стави плехот се намалува на 180 степени и се печи околу 30 мин., или во зависност од вашата рерна.Добро изладена се сечи на 3 ленти, по должина.

Започнуваме со подготовка на филот. Најпрво кафето го прелеваме со врелата вода и оставаме 5 мин. да одстои. Го процедуваме кафето од талогот и ја мериме добиената течност. Додаваме онолку млеко колку што е потребно за да добиеме вкупно 1 литар. Дел од оваа мешавина (околу 200мл. ) оставаме за растворање на пудинзите и нишестето, а остатокот го зовриваме заедно со шеќерот. Намалуваме на температура и го додаваме растворениот пудинг помешан со изматените жолчки, постојано мешајќи и варење на умерен оган додека кремот ја добие потребната густина. Тргаме од оган, го додаваме чоколадото и мешаме додека се стопи.(Ова можи да се направи со миксер, на најслабо.)Се остава да се излади со повремени промешувања.
Путерот или маргаринот пенасто се мати и му се додава лажица по лажица од изладениот крем.
Шлаг пената се мати цврсто со млекото и се вмешува во филот, со миксер на најслаба брзина.
Финалната постапка е следна
-кора, фил, кругчиња од банана, пак малку фил,
-кора, фил, банана, фил и
-кора и фил.Целосно се премачкува со останатиот фил и се декорира.
Се употребува по 1 банана на кора.
Уживајте!

за тестото:
4 јајца
150 gr шеќер
3 лажици ладна вода
100 gr брашно
3 лажици какао
1 лажиче цимет

за филот:
200 gr путер, омекнат на собна температура
150 gr шеќер во прав
2 жолчки
2-3 лажици оладено еспресо
1/2 лажиче цимет

3-4 лажици оладено еспресо
шеќер во прав за посипување

Прво во една вангла изматете ги убаво четирите белки за тестото. во друга изматете ги жолчките со шеќерот и трите лажици вода додека не стане убава мазна светло-жолта смеса. во неа додадете ги брашното и изматените белки и измешајте сé заедно.

Големиот плех од рерната (35 х 40 cm) обложете го со хартија за печење и премачкајте ја со малку зејтин, за полесно да се лупи од испеченото тесто. врз неа истурете го тестото, распоредете го рамномерно на целата површина и ставете го да се пече во загреана рерна на 180°C околу 12 минути.

Кога ќе се испече, превртете го врз влажна крпа, одлепете ја мрсната хартија и замотајте го како ролат заедно со крпата. потоа исечете парчиња и послужете ги со свежо приготвено еспресо бариста. не, се шегувам :-))) прво треба да се направи филот.

http://4.bp.blogspot.com/-i5RkhJbCZcc/TsGM7KvLQdI/AAAAAAAABbE/VN41KilxEvk/s1600/kolcakafe3.jpg" rel="nofollow">

Изматете го путерот со шеќерот во прав, додадете ги жолчките, изматете убаво, па додадете ги останатите работи, кафето и циметот и филот е готов.

Одмотајте го тестото, попрскајте го со 3-4 лажици кафе, премачкајте го со филот и пак замотајте го во ролат. е сега можете да го исечете и да го послужите, а можете и прво да го посипете со шеќер во прав.

Ролатов е многу вкусен и убаво се осеќа вкусот на кафето, но оние што го пробаа забележаа дека е прилично благ. затоа, можеби е добро да се изостави посипувањето со шеќер и да се намали количината шеќер во тестото. менувањето на количината на шеќерот во филот не знам како ќе се одрази на густината на филот. во секој случај, филот се стврднува ако го чувате ролатот во фрижидер.

http://1.bp.blogspot.com/-GfYP0BHTUsQ/TsGM7wM0Z5I/AAAAAAAABbM/JHICSBdvRoM/s1600/kolcakafe4.jpg" rel="nofollow">

http://4.bp.blogspot.com/-nnoBXsYQ7T8/TsGM8y8ZNPI/AAAAAAAABbU/f7rMa_lwV60/s1600/kolcakafe5.jpg" rel="nofollow">

1 шољичка кратко еспресо (или 1 лажица еспресо во прав растворена во 2 лажици топла вода)

220 – 230 gr  путер, на собна температура

⅔ шоља шеќер во прав

1 кесичка ванилин шеќер

2 шољи брашно

100 gr темно чоколадо, исецкано на коцки

http://www.sitnoseckano.com/wp-content/uploads/2012/10/espresso-cookies-2.jpg" rel="nofollow">

Изматете ги со миксер путерот и шеќерот во прав, додека не добиете мазна смеса. додадете ги ванилиниот шеќер и еспресото, а потоа и брашното со мешање на најмалата брзина, кратко, додека не се измеша целото брашно, не повеќе. додадете го исецканото чоколадо и измешајте со лажица.

Ставете го тестото помеѓу 2 парчиња проѕирна фолија, исукајте го на дебелина од околу 6 mm и оставете го во фрижидер најмалку 2 часа (или повеќе, до 2 дена).

Пред да ги печете колачите, вклучете ја рерната на 165°C. отстранете ја проѕирната фолија и исечете го тестото на квадрати од отприлика 3½ – 4 cm. наредете ги колачите во најголемото тавче од рерната врз хартија за печење. ако имате две тавчиња, може да ги печете двете одеднаш, само изротирајте им ги местата на пола печење.

Боцнете го секое колаче два пати со вилушка и печете ги 18-20 минути. не ги оставајте многу да се заруменат (како овие моите). излегуваат околу 40-43 колачиња.

http://www.sitnoseckano.com/wp-content/uploads/2012/10/espresso-cookies-5.jpg" rel="nofollow">

http://www.sitnoseckano.com/wp-content/uploads/2012/10/espresso-cookies-6.jpg" rel="nofollow">

Секое време е совршено за десерт, а кој може да одолее на парче ароматична торта со вкус на кафе? Токму денес ви претставуваме ваков рецепт кој се приготвува многу брзо и лесно, а резултатот се топи во уста!

https://www.nane.mk/wprm_print/61548" rel="nofollow - Кафе-торта готова за брзо време

Секое време е совршено за десерт, а кој може да одолее на парче ароматична торта со вкус на кафе? Токму денес ви претставуваме ваков рецепт кој се приготвува многу брзо и лесно, а резултатот се топи во уста!

Вкупно време2 ч

Оброк: Десерт

Кујна: италијанска

Клучни зборови: кафе торта

Порции: 4

Состојки

• 100 мл кисело млеко со 2,5% масленост
• 4 супени лажици растворливо кафе
• 2 јајца
• 1 шолја шеќер
• 100 гр путер
• 1 шолја брашно (130 гр)
• 1 кафена лажица сода бикарбона
• Малку оцет
• 200 мл кисела павлака + 3-4 супени лажици шеќер

Начин на подготовка

• Земете половина шолја од најобичното кисело млеко со 2,5%масленост и кон истото додадете 3 кафени лажици растворено кафе и така добро измешајте ги состојките.
• Важно: Млекото не треба да биде студено, а кафето треба да се раствори во него. Измешајте и оставете да отстои 20 минути.
• Јајцата исто така треба да се на собна температура. Истите изматете ги до добивање на бујна пена. Потоа додадете го шеќерот иматете 3 минути со максимална брзина на миксерот, со цел да се раствори шеќерот, а потоа додадете го омекнатиот путер.
• Потоа додадете го киселото млеко со раствореното кафе вонего и измешајте ги сите состојки заедно. Додадете го и брашното и повторно измешајте до добивање соединета смеса. Мешајте со миксер. Измешајте ја содата со малку оцет и додадете ја кон тестото со мешање.
• Додадете го тестото во сад прекриен со хартија за печење или премачкан со масло за готвење и поставете го да се пече 50-60 минути на 160-170°C, до негово целосно приготвување.
• Откако пандишпанот ќе биде готов, оставете го да се излади, а во меѓувреме пригответе го филот.
• Земете 1 кафена лажица растворливо кафе, додадете кисела павлака, исто така на собна температура и 3-4 супени лажици шеќер (може и шеќер во прав).
• Измешајте ги сите состојки заедно и оставете ја смесата да отстои така, до целосно растворање на гранулите кафе.
• По половина час, исечете го пандишпанот на два дела.Премачкајте го секој дел со фил, почекајте 15 минути, за да се впие првиот слој од филот, а потоа нанесете и втор слој. Потоа соединете ги двата дела и премачкајте ја целата торта со преостанатиот фил.
• Одозгора декорирајте со изрендано чоколадо, а може да нанесете и јаткасти плодови или суво овошје. Оставете ја тортата да отстои неколку часа или преку целата ноќ.

Обожувачите на кафе и слатки нешта преку овој десерт ќе го добијат својот совршен спој. Еве што ви е потребно за да ја подготвите оваа вкусна торта во која со додавањето на кафе кората станува мека и сочна.

Потребни состојки:

За кората:

• 250 г брашно
• прстофат сол
• 1 лажичка прашок за печиво
• 2 лажички сода бикарбона
• 75 г какао
• 300 г шеќер
• 230 мл масло
• 100 мл подготвено кафе
• 250 мл полномасно млеко
• 2 јајца
• 1 лажичка екстракт од ванила

За филот:

• 250 мл полномасно млеко
• 5 лажици брашно
• 115 грама путер (омекнат на собна температура)
• 115 грама маргарин (омекнат на собна температура)
• 200 г шеќер
• 1 лажичка екстракт од ванила
• 1 лажичка какао за наросување

Начин на подготовка:

1. Загрејте ја рерната на 160 ᵒС.
2. Ставете ги сувите состојки заедно во еден сад. Додајте го маслото, кафето и млекото, а потоа промешајте околу една минута. Додајте ги јајцата и екстрактот од ванила, а потоа промешајте уште 2 минути. И не грижи се дека смесата е прилично ретка затоа што ќе нарасне при печењето.
3. Поделете ја смесата на 2 дела и истурете ја во 2 помали плеха. Печете ги корите околу 25-30 минути, па оставете ги да се изладат.
4. Во меѓувреме, направете фил. Во тенџере, измешајте го млекото и брашно, а потоа ставете ги на тивок оган додека смесата не стане густа. Покријте ја смесата со фолија и ставете ја во фрижидер да се излади.
5. Изматете го путерот, маргаринот, шеќерот и екстрактот од ванила во сад за да ја направите смесата кремаста. Додадете ја изладената мешавина од млеко и промешајте околу десетина минути.
6. Ставете ја кората на чинија за торта, премачкајте го горниот дел со филот, ставете ја и другата кора, а потоа повторно нанесете од филот. Ако сакате, наросете ја тортата со какао.

Обожувачите на кафе и слатки нешта преку овој десерт ќе го добијат својот совршен спој. Еве што ви е потребно за да ја подготвите оваа вкусна торта во која со додавањето на кафе кората станува мека и сочна.

Потребни состојки:

За кората:

• 250 г брашно
• прстофат сол
• 1 лажичка прашок за печиво
• 2 лажички сода бикарбона
• 75 г какао
• 300 г шеќер
• 230 мл масло
• 100 мл подготвено кафе
• 250 мл полномасно млеко
• 2 јајца
• 1 лажичка екстракт од ванила

За филот:

• 250 мл полномасно млеко
• 5 лажици брашно
• 115 грама путер (омекнат на собна температура)
• 115 грама маргарин (омекнат на собна температура)
• 200 г шеќер
• 1 лажичка екстракт од ванила
• 1 лажичка какао за наросување

Начин на подготовка:

1. Загрејте ја рерната на 160 ᵒС.
2. Ставете ги сувите состојки заедно во еден сад. Додајте го маслото, кафето и млекото, а потоа промешајте околу една минута. Додајте ги јајцата и екстрактот од ванила, а потоа промешајте уште 2 минути. И не грижи се дека смесата е прилично ретка затоа што ќе нарасне при печењето.
3. Поделете ја смесата на 2 дела и истурете ја во 2 помали плеха. Печете ги корите околу 25-30 минути, па оставете ги да се изладат.
4. Во меѓувреме, направете фил. Во тенџере, измешајте го млекото и брашно, а потоа ставете ги на тивок оган додека смесата не стане густа. Покријте ја смесата со фолија и ставете ја во фрижидер да се излади.
5. Изматете го путерот, маргаринот, шеќерот и екстрактот од ванила во сад за да ја направите смесата кремаста. Додадете ја изладената мешавина од млеко и промешајте околу десетина минути.
6. Ставете ја кората на чинија за торта, премачкајте го горниот дел со филот, ставете ја и другата кора, а потоа повторно нанесете од филот. Ако сакате, наросете ја тортата со какао.

https://moirecepti.mk/post/%D0%BA%D0%B0%D0%BF%D1%83%D1%87%D0%B8%D0%BD%D0%BE-%D1%82%D0%BE%D1%80%D1%82%D0%B0-%D1%98%D1%83%D0%B1%D0%B8%D0%BB%D0%B5%D0%B5%D0%BD-200-%D1%80%D0%B5%D1%86%D0%B5%D0%BF%D1%82" rel="nofollow - - Капучино торта