Состојки
200гр. брашно по избор
1 лажица какао во прав
2 лажици рогач во прав
4 лажици мед
250мл. кокосово млеко или друго растително млеко
1 лажичка сода бикарбона
1 лажичка зачин за медењаци
1 лажичка цимет
5 лажици пекмез или мармалад од сливи
Дополнително
2 лажици пекмез
50гр. мелени ореви

Една од наједноставните но највкусните торти според мене, која што долго останува сочна и ароматична.

- Во длабок сад ставете го брашното, какаото, рогачот, содата и зачините и промешајте до воедначување. Додадете го млекото, медот и пекмезот, и се заедно соединете.
- Смесата излејте ја во калап бр.22 см и печете 20-25 минути на 180 Ц.
- Веднаш премачкајте ја со пекмезот и наросете ги мелените ореви.

Напомена
Оставете целосно да се излади, а потоа пресечете ја.

Состојки
400 гр мед
200 гр презла
100 гр мешани семиња со цело зрно (сусам, лен, сончоглед и семки од тиква)
10 гр ѓумбур
10 гр цимет
4 гр пимент
4 гр каранфилче
прстофат шафран
Користени Делимано производ

Би рекла едни поинакви, интересни, вкусни и здрави колачи кои експресно брзо можат да се приготват, а потсетуваат некако на оние шеќерно-медени сусамови плочки кога ќе се вкусат.

Во суво тенџерче најпрво ставете ги семињата и потпечете ги за да ја испуштат својата арома.

Потоа ставете го медот да зоврие, изгасете ја ринглата и тргнете го на страна.
Додајте ги семињата, зачините и презлата.
Убаво измешајте и вратете на топлата рингла. Мешајте додека не стани компактно тесто.

Смесата ставете ја во калап обложен со најлон фолија (леплива е, не ставајте друго во замена освен ако имате некоја многу мрсна пек-хартија и мислите дека таа нема да се залепи на неа), убаво распоредете го и оставете го кратко време да се здрви (за половина час би било доволно). Потоа извадете го и исечете го на парчиња.

Доколку немате калап, ставете го во помала тава и исплескајте го во висина однајмногу 1 прст, па потоа исечете го на коцки.
Врз секоја коцка можи да ставите по едно цело каранфилче одозгора.

Состојки
600 гр брашно
20гр квасец
1 лажиче сол
2 лажици шеќер
1 мало лажиче течен мед
100 мл масло
50гр блендирани семки од тиква
100 гр мармалад од дуњи

Од горенаведените состојки се замесува убаво меко тесто.
Во рецептата стои млака вода по потреба но јас мерев дека 150мл се доволни за убаво тесто.
Го оставаме тестото да одмори и да се дуплира.
Го расукуваме во кора и вадиме со цаша кругови.
За една кифла јас употребив 4 кругови.
Ги редиме едно до друго како на дополнителната фотографија.
Ги поминуваме еднаш со сукалката да се сврзат.
Премачкуваме со мармалад и удвојуваме од доле на горе како на сликата.
Од лево кон десно ја виткаме ружата.
Земајќи ја во раката, ги раздвојуваме деловите од цветот.
Редиме во намастен калап за мафинки и печеме во загреана рерна.
Штом поруменат ги вадиме.
Ако имате желба може да ги премачкате со маргарин за да се помеки.
На здравје со убавите и декоративни кифли.

Состојки
10 лажици млака вода
10 лажици шеќер
2 лажици мед
1 лажичка сода бикарбона
1+1/2 лажичка цимет
1/2 лажиче мелено каранфилче
1 рамно лажиче ситно рендан свеж ѓумбир
7 лажици масло
околу 25 полни лажици брашно
По потреба мармалад(вкус по желба)

Во длабок сад ставете ги сите состојки освен брашното.
Измешајте, а потоа постепено додавајте го брашното.
Замесете средно меко нелепливо тесто.

Замесеното тесто покријте го со најлонска фолија и оставете го 30-тина минути да отстои.

Од тестото формирајте топчиња.
Во секое топче во средина ставете по малку мармалад.

Наредете ги во плех обложен со хартија за печење.

Печете на 200 степени, 10-15 минути зависно од рерната.

Испечените медењаци завиткајте ги во крпа и оставете ги да отстојат околу 1 час.

Состојки
3 шољи млеко
3 шољи шеќер
6 шољи брашно
2 големи лажици слатко (мед)
2 мали лажици цимет
4 мали лажици сода бикарбона
1 чоколадо за готвење за глазура

Сите состојки се ставаат во сад за матење, освен слаткото (медот по желба) и се матат да се добие изедначена смеса. Потоа смесата се претура во тава за печење и се пече на температура од 200 степени, околу 30 до 45 минути, зависно од рерната, додека да се запече убаво, т.е. да се одлепи тестото од краевите на тавата.

Врз испеченото тесто се размачкува слаткото, па целото одозгора се прелива со топено чоколадо.

Се сече на коцки и се јаде едно по едно!
Шољата е 200мл.

Состојки
250гр. брашно
1 јајце
60гр. кафеав шеќер или обичен
2 лажици какао во прав
60гр. путер
30гр. рендана темна чоколада
2 лажици мед
1 лажичка прашок за пециво
1 лажичка зачин за медењаци
1/2 лажичка ѓумбир во прав
Дополнително
1 јајце

Брзи, лесни и превкусни медењаци со додаток на чоколада..

- Во подлабок сад замесете тесто од наведените состојки. Веднаш развлечете го на набрашнета површина и вадете форми по желба.
- Печете 5 минути на 200 Ц.
- Колачињата веднаш премачкајте ги со разматено јајце.

Состојки
3 чаши брашно
2 чаши шеќер
10гр сода бикарбона
1 пакетче цимет
5 лажици мармалад
2 чаши млеко
Прелив
2 чоколадо за готвење
2 лажички зејтин
1/2 тегло мармалад

Брашното се мати со шеќерот, сода бикарбона и циметот. Во другиот сад ги ставаме мармаладот и млекото и ги промешуваме добро. Потоа сета смеса ја промешуваме заедно и ја печеме во намрсена тава околу пола час.
Кога ќе биде скоро готова, ја премачкуваме со мармаладот и оставаме да се допече уште малку.
Додека се пече со мармаладот, се растопува чоколоадото за готвење.
Кога ќе биде готова се премачкува со чоколадото и е спремна за јадење.

Состојки
400гр шеќер
1 кг брашно
250гр маргарин/може и путер/
4 цели јајца
6 големи лажици мед
2 мали лажичкилажички сода бикарбона
2 кесички ванилин шеќер/по желба/
зацин за медењаци /цимет,каранфилче,ѓумбир во прав,мушкантно оревче/по потреба и желба
по потреба и желба околу 100-150гр чоколадо за готвење

Се мати маргаринот се додека не стане пенаста бела смеса. Му се додава шеќерот, медот и јајцата, се мешаат постепено со матење. Брашното се меша со содата и зачините.
Се додава во изматените јајца со маргаринот постепено и се меси тесто. Тестото е средно тврдо.
Се развлекува кора дебела околу 1см од која што се вадат форми со калап за медењаци или други по ваша желба.
Исечените колачи се редат на плех обложен со хартија и се печат на средна температура /околу 150-170 степени / во зависност од јачината на вашиот шпорет.

Напомена
Колачите треба да бидат одвоени најмалку по 4-5 цм еден од друг бидејки со самото печење нарастуваат.
Се печат се додека краевите на колачот непоруменат.
Внимателно се вадат од плехот кога малку ќе поодладат бидејки топли се меки и можат да се скршат.
Изладени можете да ги преливате со чоколади или да ги исшарате со Роајал ајсинг смеса за шарање на медењаците
Смесата за шарање се прави од шеќер во прав и белка. На 1 белка околу 100-150гр шеќер во прав, се меша убаво се додека не се добие убава компактна маса со која што може да се пишува. Млазот од смесата треба да не се прекинува кога пишувате-шарате. Се шара со најлон кеса која што врвот ќе го отворите со боцкање со игла.

Состојки
тесто
1 јајце
2 лажици шеќер
2 лажици полни мед
400-430гр брашно
4 лажици млеко
40гр свинска маст
1 лажиче сода бикарбона
фил
700мл млеко
180гр шеќер
2 лажици брашно
4 лажици густин
1 ванила
100гр путер
глазура
100гр црно чоколадо
80мл слатка павлака
20гр путер
Украси по желба.

Во еден сад со миксер ги соединуваме јајцето, маста, медот, шеќерот и млекото.
Потоа замесуваме со рака и постепено ги додаваме брашното и содата.
Треба да добиеме мазно, нелепливо тесто.
Формираме ваљак кој го делиме на 6 дела.
Јас вадев форми со модла бр 18 и направив 6 кори. Ако сакате може да се користи модла бр 24 и да се направат 4 кори.
Ги сучиме тенко коричките и ги редиме во плех на кој има ставано хартија за печење.
Ги печиме внимателно, кратко, околу 5-6 минути им е доволно.
Ги оставаме на рамна површина да се ладат.
Сега го подготвуваме белиот крем
Во касерола ги налеваме дел од млекото, а во еден дел ги раствораме густинот и брашното, шеќерот, ванилата и растворените состојки.
Мешаме на тивок оган до згуснување.
Во топлиот крем го додаваме путерот и матиме со миксер да се соединат.
На послужавник ставаме прва кора, млак крем, размачкуваме, па кора, крем... до истрошување на состојките.
Најгорната кора не ја премачлкуваме со крем.
Врз неа ставаме некој предмет, средно тежок, да одстои 1 час.
Потоа врз тортичката ја нанесуваме подготвената глазура и декорираме по желба.
Оставаме 2-3 часа да се стегни, па сечеме парчиња и послужуваме.

Состојки
100 гр чоколадо
5 јајца
150 гр путер
2 кесички ванилин шеќер
200 гр мед
200 мл јогурт
100 гр брашно
50 гр чоколаден пудинг
50 гр мелени спекулас бисквити
2 лажици какао
1 лажичка цимет
1 лажичка зачин за медењаци
1 пециво
2-3 лажици рум или 1/2 шишенце арома/екстрат рум
фил
200 гр мармалад од сливи
100 гр темно чоколадо
100 гр бадеми / ореви
Глазура
150 гр путер
120 мл млеко
50 гр шеќер
150 гр чоколадо

Колачот е прекрасен, сочен и многу вкусен, а тоа може да се види уште од состојките.

1. Јајцата се двојат. Путерот се мати со ванилиниот шеќер и потоа едно по едно се додаваат жолчките, со постојано матење.
2. Потоа се додава и медот и убаво се мати целата смеса.
3. Кон тоа се додава предходно стопеното чоколадо и изладено, но сеуште да е течно. Се додава во потенок слој.
4. На крај се става јогуртот и со матење се добива убава чоколадна смеса.
5. Се престанува со матење и се додаваат сувите состојки. Сето тоа убаво се меша, за да добиете хомогена смеса. Во неа се додава и румот и убаво се меша.
6. Смесата можете да ја печете одеднаш во големата тава од рерна, па да ја исечете на половина или пак на два пати во Делимано тавчето за колачи 20х30см. Јас печев на два пати.
-Прво се става половина од смесата и се пече додека да фати коричка.
7. Во меѓувреме се топи чоколадото и се меша со мармаладот од сливи (може да се користи и мешан мармалад).
8. Врз печеното тесто се прелева филот и убаво се распределува. Врз него се наросуваат бадеми (или ореви). Потоа се става вториот дел од тестото и убаво се распределува. Се враќа во рерна на 180 степени, околу 10тина мин. Колачот е печен кога ќе почне да се двои од страниците на тавата. Проверете со чепкалка!
9. Оставете го колачот да се лади и подгответе ја глазурата.
10. На оган се става путерот, млекото и шеќерот да се стопат и спојат. Смесата се прелева врз кршеното чоколадо и убаво се меша, додека да се врзат состојките. Оставете ја глазурата 15тина мин да се излади, а потоа се прелева врз колачот и се остава цела вечер да се лади и убаво да се врзат сите слоеви.
11. Исечете по желба, може коцки, правоаголници или пак во вид на срциња, ако сакате да биде право медено срце.

-Ако се решите да ја печете во големото тавче од рерна, изладеното тесто се сече на два дела по должина, потоа се става филот и одозгора се става кората. На крај се прелева со глазура.

Состојки
250гр црно чоколадо(70% какао маса)
90гр мед
80гр сецкан бадем
Користени Делимано производи


Поедноставно, здравје, а вкуснооооо

Над пареа внимателно се растопува црното чоколадо.
Кога е готово се трга од оган, се додава медот, енергично се промешува и се додаваат сецканите бадеми.
Одма смесата се истура во мал триаголен калап. Пожелно е претходно да биде обложен со прозирна фолија.
Се остава 2 часа на ладно да се стегни.
Потоа лесно се сечат парчиња.
До колку немате триаголен калап може смесата да се истури во намастена мала ростер тава, во хартиени кошнички....

Состојки
1 чаша ( 200 мл) шеќер
130 мл масло
3 лажици мед
1 лажица цимет
1 лажичка сода
по потреба мармалад од кајсии
2,5 -3 чаши брашно
Глазура
4 лажици шеќер
2 лажици вода

Прекрасни благца за посни денови. Посебно за луѓе кои многу сакаат поблаги десерти :)
1. Шеќерот, медот, содата и циметот се промешуваат и смесата се вари заедно со масло на тивок оган додека убаво не се соедини.
2. Уште во топлата смеса се додава брашното и брзо се промешува, потоа се чека да се излади.
3. Од тестото се сука правоаголник со дебелина од 5 мм, се сече на коцки (околу 8) и во секое парче се става помалку од мармаладот, потоа убаво се затвара и се реди во плех обложен со мрсна хартија.
4. Колачите се печат во загреана рерна на 180 степени околу 15-20 минути.
5. Глазура. Шеќерот со водата се варат на тивок оган околу 3-4 минути, потоа се премачкуваат уште жешките колачи.

Колачите не треба да се држат долгу време во рерната за да не бидат многу тврди.

Состојки
Тесто
170гр. пченично брашно
170гр. интегрално брашно
10гр. пециво
110гр. шеќер
1 ванила
115мл. масло
2 јајца
прстофат сол
Полнење
230гр. ореви
200гр. мед
120гр. суви кајсии
За премачкување
2 полни лажици мед

Во длабок сад измешајте ги двата вида брашна, пецивото, ванилата, шеќерот и малку сол.
Додајте го маслото и јајцата и замесете тесто.
Оставете го тестото малку да отстои (10-тина минути), а потоа поделете го на 2 дела.

Меѓу два листа хартија за печење расукајте го во кора едниот дел од тестото.
Со помош на хартијата префрлете ја кората во округол калап(јас го користев округлиот силиконски калап на Делимано).

Измешајте ги оревите со медот и ставете ги врз кората.
Одозгора нанесете ги сувите кајсии исецкани на помали парчиња.
Врз кајсиите изрендајте го остатокот од тесто.

Ставете ја питата да се пече на 180 степени, 30-35 минути.

Во сад ставете 2 полни лажици мед.
Ставете го медот малку да се подрастопи(загрее) и со него премачкајте ја испечената подоладена пита.

Питата послужете ја убаво оладена.

Вкусот на оваа пита-колач е фантастичен, топло ви ја препорачувам.

Состојки
Тесто
130-150 гр. брашно
1 мало јајце
20 мл. вода
20 мл. сок од мандарина
Прстофат сол
3 големи лажици растопен путер
1 мала лажица какао
Полнеж
2/3 чаша непечени јатки
30-40 гр. суво овошје по желба (јас ставив еден круг ананас)
Кора од еден портокал
2 големи лажици шеќер во прав
1-2 цветчиња сушена роза, може да се замени со вода од рози
1 голема лажица слатко од кајсии
Сируп
2 големи лажици мед
4 големи лажици шеќер
Неколку парчиња цитруси
2-3 цветчиња сушени рози

1. Состојките за тестото без какаото се ставаат во еден сад и се замесува меко тесто.
2. Готовото тесто се остава 30 минути да одмори.
3. Во блендер се ставаат сите состојки за полнежот со исклучок на слаткото, се мелат и се ставаат во еден сад, потоа се додава слаткото, се промешува до соединување.
4. Од смесата со оревите се прават мали бомбици и се оставаат настрана.
5. Тестото се дели на два еднакви дела и во едниот се додава какаото, а другиот останува бел.
6. Белото тесто се расукува тенко и се остава настрана исто така и кафеавото тесто се расукува и се става врз белото.
7. Од така подготвената кора се сечат квадратчиња од 5 сантиметри. Откако ќе се исечат секое квадратче се порастегнува уште малку со раце.
8. Секое квадратче се сечи на ,,крст,, како што е покажано на сликата.
9. Во средината на секое квадратче се става по една бомбица и од тестото, се формираат ливчињата на цветчето, при што секој агол од квадратчето се става во центарот на бомбицата и малку се притиска, а двата агли на секое ,,ливче,,се залепуваат еден со друг (како што е покажано на сликата) по желба во средината на секое цветче се става по едно бонбонче или јатка.
10. Така подготвени се печат во загреана рерна на 180 степени за 10-15 минути или додека се готови.
11. Додека се печат се подготвува шербетот, во касерола се ставаат сите состојки за шербетот и се става на оган.
12. Се вари 7-10 минути откако ќе започне да врие.

Забелешка
- Ако сакате ароматот на рози може да го замените со аромат на ванила или нешто друго.
- Од една ваква доза се добиваат 20ина јасмини, не многу големи.
- Големината на бомбицата од јатките треба да е колку џамлија.

Состојки
за смеса
150 гр медени срца со вкус на вишни
50 гр мелени бисквити
3 лажици мед
1/2 лажичка цимет
6 лажици масло
100 гр сецкани ореви
за глазура
150 гр чоколадо
5 лажици масло
по желба половинки јатки од ореви

Чоколадата ја топиме на пареа со 6 лажици масло. Медените срца ги сечеме на поситни коцки и ги оставаме во сад на страна. Во садот го додаваме медот, циметот, сецканите ореви и бисквитите и со растопеното чоколадо замесуваме тесто. Тестото го истураме на тава обложена со најлонска фолија и го оставаме да се стегне во фрижидер. Потоа со нож потопен во ладна вода ги сечеме коцките. 
Чоколадото за глазура го топиме со 5 лажици масло и ги чоколадираме една по една коцките...Украсувањето е по желба јас ставав половинка јатка од орев потопена во малку чоколадо.

Состојки
пандишпан
6 белки
2 лажици брашно
6 лажици шеќер
12 лажици лешници
12 грама пециво
Фил
200 гр путер
100 гр мед
100 гр шеќер во прав
500 гр тиква
500 мл млеко
180 гр шеќер
100 гр мед
1 лажиче нишесте
1 ванила
3 жолчки

Пандишпан

Белките ги матиме пенесто заедно со шеќерот.
Исклучуваме миксерот и додаваме пециво, брашно и јадро сецканите лешници.
Мешаме со лажица да ја соедниниме смесата.
Печеме во намастена тава.
Печениот пандишпан го оставаме да излади.

Го ставаме во плехче и го филуваме со следниот фил.
200 гр путер го миксираме со 100 гр мед и 100 гр шеќер.
Пенесто матениот путер го мешаме со претходно сварениот крем од тиква кој го имам објавено.

Еве го повторно да не талкате

Фил.
Тиквата ја печеме во рерна на тивко.
Печената тиква со лажица ја двоиме кората и ја пасираме заедно со медот.

Млекото и шеќерот ги вриеме на оган и ги тргаме на страна кога се зовриени.
Постепено се додава тиквата.
Јајцата ги кршиме и ги делиме белките од жолчките.
Жолчките ги матиме со нишестето и ванилата. Пополека додаваме малку од смесата со млекото и промешуваме.
Потоа со непрекинато мешање ги додаваме жолчките во млекото и тиквата.
Непрекинато мешаме додека не ја добиеме потребната густина.
Оставаме да истине добро.Кога е истинато се мешаат заедно со путерот. Се филува пандишпанот и се става во ладилник. Јас постојано ја чувам во ладилникот. Филот е лесен и се пушта веднаш затоа е убаво да се служи поладничко. Иако е во ладилник совршено се сечат коцките.
Нас ни е омилен десерт, а вие ќе кажете. На здравје

Состојки
Колач
4 банани
70 гр. мед
100 мл. густ јогурт
1,5 лажцица кисела павлака
2 јајца
1 лажица екстракт од ванила
190 гр. брашно
1 лажиче сода бикарбона
Овошен прелив
250 гр. црвено овошје
2 лажици густин
1 лажица мед
Бел прелив
100 гр. бело чоколадо
1 лажица мед

1. Најнапред се загрева рерната на 180 степени.
2. Се намрсува со масло и се набрашнува тавчето за печење
3. Бананите убаво се пасираат со виљушка (јас ги кршам и ги блендирам во сецко) и се истураат во подлабок сад за мешање.
4. Се додаваат јајцата и се мати убаво, со миксер, да се изедначи смесата.
5. Се додаваат ванилата, медот и јогуртот и повторно се меша за да се изедначи.
6. Се додаваат брашното и содата и повторно се меша до изедначување.
7. Смесата се истура во претходно подготвениот калап и се става на печење на 180 степени 20 минути (или додека не се извади чиста чепкалка од средината на колачот).
8. Овошјето се става во длабок сад на оган, малку да се опушти (ако е смрзнато), се додава една лажица мед и 2 лажици густин и се меша додека да згусне. Се трга на страна и се остава 5 минути да се излади.
9. Во сад над пареа се топи белото чоколадо и медот. Колачот се сече на коцки, коцките се глазираат додека е уште топла смесата. Се декорира по желба.
10. Потоа е спремно за послужување.
Добар апетит!
Напомена 
*наместо мед, ако сакате посладок десерт, користете шеќер 
*колачот не мора да се глазира 
*колачот може да се глазира само со чоколадо 
*може да се избере црвено овошје по желба - малини, капини, боровинки, аронија, вишни, цреши, рибизли итн. 
*овошјето може да биде свежо или смрзнато.

Состојки
Пандишпан
6 белки
6 супени лажици шеќер
6 супени лажици сецкани бадеми
3 супени лажици брашно
Фил
6 жолчки
120 грама шеќер
3 супени лажици мед
250 грама путер
250 грама мелени бадеми
100 грама чоколадо за готвење
2 супени лажици рум
малку цимет
За попрскување на пандишпан
1 мало лажиче мед
малку млака вода

Пандишпан
Со миксер се мати снег од белките. Се додава шеќерот. Со додавање на брашното и бадемите се продолжува со рачно мешање на смесата. Пандишпанот се пече на температура од 180 степени. Кога малку ќе се олади се сече на два еднакви дела и се попрскуваат со мед растворен во млака вода.

Фил
Со миксер се матат жолчките и шеќерот. Се ставаат на пареа, се додава медот и пола од путерот. Повремено се меша. Смесата се трга од пареа кога ќе згусне. Се додава чоколадото за готвење. На страна пенасто се мати другата половина од путерот и кон него се додава смесата. На крај се додаваат бадемите, циметот и румот. Се остава филот да одстои во фрижидер.

Потоа се реди ред кора, ред фил.

Во филот може да се додаде и рендано јаболко или суво грозје кои претходно биле одстоени во рум.

Доколку сакате брза и вкусна торта може да подготвите дупла доза од рецептот и да добиете торта со 4 кори и 4 реда фил (фил излегува доволно и за премачкување на целата торта одозгора).

Убаво оди со чај од цимет и јаболко во кој ќе додадете малку рум.

Состојки
1 шоља (200мл) млеко
1 јајце
2 шољи брашно
3 лажици мед
1 пециво
малку цимет

Совршени палачинки за појадок. Се мати јајцето, се додава млекото, медот циметот и на крај брашното и пецивото. Се остава да одмори смесата околу 20 минути.
Се прават палачинки во тавче се преливаат со мед и со индиски ореви.

Ова се лесни сусамки од само две состојки.
Најпрво земаме хартија за печење и ја премачкуваме убаво со масло за готвење, тука ќе ја истуриме смесата. Сусамот го истураме во загреана тава (премачкана со масло и убаво избришана со салфетка, да не биде многу мрсна). Го потпекуваме додека не смени малку боја. Кога ќе биде готов го истураме медот во тавата и мешаме додека смесата не се соедини. Во сусамот истураме и прстофат морска сол, од она што го најдов на интернет тоа е за да останат зрната сусам кревки.
Ја истураме смесата врз хартијата за печење и ја оформуваме, чекаме малку да се излади, и да се стегне, па потоа сечеме форми по желба.

Совет - за да не ви се лепи смесата на ножот, сечете преку хартијата.

Јас ја исеков смесата на долги ленти, и потоа лентите ги обликував да бидат заоблени. За да не ви се лепи смесата на рацете кога ги обликувате, премачкајте ги рацете со маслиново масло.

Состојки
4 јајца
250гр. шеќер
4 лажици млеко
1 ванила
1 прашок за пециво
2 лажици мед
250гр. маргарин или путер
800-850гр. брашно
150гр. сусам
Подготовка.
1. Во сад за матење ги ставаме јајцата заедно со шеќерот, матиме додека не се добие цврста пена. Маргаринот(путерот)предходно омекнат исто го матиме со миксерот. Во смесата ги додаваме и медот, ванилиниот шеќер, прашакот за пециво, млекото и додавајќи постепено брашно замесуваме средно меко тесто.
2. Формираме месечинки и секоја ја валкаме во сусам. Сусамките ги ставаме во тава за печење обложена со хартија. Печеме на 220степени додека не заруменат.
Колачињата се преубави колку подолго стојат се повкусни.

Состојки
100 гр. несолена печена леблебија
100 гр. несолени печени кикиритки
100 гр. ореви
100 гр. лешник
100 гр. бело чоколадо
6 лажици мед
100 гр. маргарин

За медот има многу за зборување и пишување, а верувам дека сите веќе знаете за него, ако не знаеме баш се што е поврзано со медот, тогаш знаеме за неговата делотворност. Како беше поговорката - Земи мед, си нашол лек.

Припремата е многу едноставна, а добивате фантазија од вкусови.
1. Во сад се топи маргаринот и чоколадото, се трга од огнот, се додава медот и се брка додека да се целото тоа растопи и соедини, се додаваат сецканите суви состојки. Се брка да стане компактна смесата.
2. Во вметнувачите за колачи со лажиче ставајте од добиената смеса и оставете да оладат.

Ако сте стрпливи и сочекате да оладат точно можете да оформувате бомбици, овој погоре опишан начин на полнење вметнувачите - е само за такви како мене - не стрпливите.
Уживајте!!!

Состојки
250 гр свинска маст
250 гр шекер
3 јајца
1 лимон
1 лаж сода бикарбона
250 гр мед
1 пакетче цимет
по потреба( околу 95огр) брашно
малку шекер за валкање

Ја ставаме маста во длабок сад, го додаваме шеќерот, промешуваме со лажица да се изедначи смесата и ги додаваме јајцата. Од лимонот се ренда кората и половина од сокот се става во смесата. Се додава содата, циметот, медот. Се додава брашното и убаво се меси.
Од тестото треба убаво да се прават мазни топчиња без да се лепат за раце. Топчињата ги валкаме во шеќер и се редат во намрсен плех натискајќи ги малку или можете во средина да им ставите по едно оревче.
Се печат на 200 степени околу 10 до 15 минути додека да поруменат и веднаш се вадат од релна. Одозгора декорација по ваша желба.

Состојки
2 јајца
2 лажици мед (полни)
90 гр шеќер
100 мл масло
1 ванила
1 прашок за пециво
450 гр брашно
За полнење
малку мармалад од кајсии или јагоди (по желба)

Од сите состојки замесите тесто и правите топчина во големина на орев.
Ставајте ги на плех обложен со хартија. Со мала ракиена чаша на средина направете дупка. Ставете ги да се печат во претходно загреана рерна на 180 С 7-8 минути. Потоа извадете ги и во средината на секое колаче ставете по едно лажиче мармалад од кајсии или јагоди и повторно вратете ги да се допечат уште 5-6 минути.
По желба можете да ги наросите со шеќер во прав.

Состојки
200гр мелени ореви
100гр маргарин
100гр шеќер во прав
100гр мелени бисквити
100гр рендана блок чоколада
3 лажици мед
декорација
1кесичка шлаг крем од чоколада
100гр шеќер во прав
100гр маргарин
50гр чоколада за готвење

Оревите, бисквитите и чоколадата се мешаат во подлабок сад. Маргаринот се мати со шеќерот во прав и се додава кон сувите состојки. На крај се додава и медот, убаво се меси и се обликуваат корпички кои се полнат со фил.
фил
Маргаринот се мати со шеќерот во прав и му се додава и растопената чоколада. Од како убаво ќе се соедини се додава изматениот шлаг крем. Смесата убаво се изедначува и со помош на шприц се полнат-декорираат колачите.

Состојки
160гр. мед
125гр. маргарин
200гр. шеќер
3 јајца
1 лажиче пециво
1 лажиче сода бикарбона
1 лажиче канела или зачин за медењаци
600гр. брашно

Вкусни, највкусни колачиња кои подсетуваат на празници, дружба, радост, среќа...

Медот се става на тивок оган да се втечни убаво, па се додава маргаринот и шеќерот. Се меша убаво додека се соедини и добие хомогена смеса. Се остава да излади.

Јајцата се разматуваа со вилушка и се додаваат на изладената смеса.
Се додаваат пецивото, содата, циметот (лажичињата рамно полни), просеаното брашно.

Се меси убаво, да се добие средно меко тесто, кое не се лепи за раце.
Се завиткува во прозирна фолија и се става во фрижидер 2 часа.

Два плеха се обложуваат со хартија за печење.
Помеѓу две најлонски фолии се отвора кора со дебелина од 5мм. Се вадат форми.

Се печат на 200 степени 10 мин., во претходно загреана рерна.

Украсете по желба. Моите се со глазура од белка, шеќер во прав и лимонов сок.

Состојки
250 гр путер или маргарин
1 шоља шеќер
3 јајца
200 гр мед
1 кг брашно
1 лажиче сода бикарбона
1 лажиче цимет
Малку кардамон
Малку анасон
Малку ѓумбир
Малку каранфилче мелено
Малку морско оревче
За премачкување
1 јајце
50 гр шеќер во гранули

1. Маргаринот и шеќерот се мати со миксер
2. Се додаваат јајцата, медот, содата и сите зечини, се меша да се соединат состојките
3. Се додава брашното
4. Се меси тесто
5. Се развива кора со дебелина 1 см
6. Се сечат форми со чаша
7. Медењаците се редат во плех обложен со хартија за печење
8. Се премачкуваат со јајце и се поросуваат со шеќер во гранули
9. Се печат во загреана рерна 15-20 минути на 180 степени

Сите зачини треба да бидат мелени
Не се плашете ако тестото ви изгледа суво и тврдо само продолжете со месење и ќе се добие убаво тесто од кое ќе можите да направите кора

Состојки
Тесто
3 јајца
100 гр шеќер
1 ванилин шеќер
2 полни лажици мед
120 мл масло
1 лажиче цимет
1 лажица какао
1 лажиче прашак за пециво
1/2 лажиче сода бикарбона
500 гр брашно или по потреба
За полнење
по потреба мармалад или нутела
За глазура
150 гр чоколада за готвење
4 лажици масло
по потреба шарени шеќерни трошки

Подготовка на тестото.
Јајцата со миксер убаво изматете ги со шеќерот, ванилата и медот. Потоа додајте го маслото и кратко изматите. На крај додајте ги сите останати состојки брашното, какаото, циметот, содата и пецивото и змесите средно и нелепливо тесто.
Количината на брашно зависи од тоа колку се големи јајцата и колку е течен медот, па затоа ако е потребно додајте и повеќе брашно. Моите јајца не беа големи, а медот густ и ставив 500 гр. брашно.
Од замесеното тесто на набрашнета површина развлечите кора од 3-4 мм и со калапче срце вадите колачи. Наредете ги во плех со хартија .
На секое колаче на средина ставите по малку мармалад и нутела и краевите од колачето премачкајте ги со вода. Поклопете го со друго колаче и нежно притиснете го по краевите да се залепат.
Печете ги во загреана рерна на 180 степени околу 15-ина минути.
Печени оставете ги да оладат.

Подготовка на глазурата.
Во сад на пареа стопетеја чоколадата со маслото. Секое колаче потопете го и ставајте го во плех со хартија. Одозгора украсете ги со шарени шеќерни трошки или по желба. Оставете ги да се стегни чоколадата.

Забелешка
Како што гледате на дополнителните слики при печењето малку се отворија и мармалодот и нутелата малку истече. Затоа најдобро е да се печат самостојно и потоа да се лепат со мармалад или нутела. Тогаш е доволно и 10 минути печење.

Состојки
Тесто
250 мл кисела вода
200 мл масло
200 гр шеќер
2 полни лажици мед
1 лажиче цимет
1/4 лажиче рендано морско оревче
1/4 лажиче мелено каранфилче
1/4 лажиче мелен ѓумбир
рендана кора од лимон
1 лажиче прашак за пециво
1/2 лажиче сода бикарбона
1-2 лажици какао
околу 700-750 гр брашно
За декорација
100 гр чоколада за готвење
3-4 лажици масло

Во сад ставете ги сите состојки за тесто освен брашното. Брашното постепено додавајте го и месите додека добиете изедначено, меко тесто.
Од тестото кините парчина и правите топчина и малку, нежно сплескајте ги. Големината можите и сами да си е одредите, дали ќе бидат поголеми или помали.
Наредете ги во тава за печење обложена со хартија или намачкана со масло. Јас користев правоаголна тава од Делимано и не ставив ништо, не се лепат.
Печете ги во претходно загреана рерна на 180 степени околу 15 минути а ако се поголеми 2-3 минути повеќе.
Печените колачи оставете ги да оладат и потоа прелијте ги со стопената чоколада со маслото на пареа. Може само оддозгора или цели да ги ставите во чоколадата. Ставете ги на хартија за печење додека се стегне чоколадата и потоа послужете се.
Совет
Јас користев посебни зачини но доколку имате мешавина за медењаци може да си ставите 1 -1,5 лажиче.
Посни ама вистински вкусни колачи - медењаци!

Состојки
тесто
4 јајца
3 лажици шеќер
6 лажици мед
700 гр брашно
2 лажички сода бикарбона
за глазура
100 гр чоколадо за готвење
3 лажици масло
по потреба сецкани ореви

1. Во длабок сад јајцата и шеќерот ги матиме со миксер, додека шеќерот не се растопи.

2. Во друг сад на страна ги составуваме сувите состојки-брашно, сода бикарбона.

3. Во садот со јајцата ги додаваме медот и сувите состојки. Постепено со рака замесуваме средно-тврдо тесто. Развлекуваме кора со дебелина од 0.5 мм и со тркалезна модла вадиме тркалезни форми и ги редиме во тава за печење обложена со хартија.

Печеме на загреана рерна 20 минути на 190 степени.

На тивок оган со 3 лажици масло растопете го чоколадото и чоколадирајте едно по едно. Декорирајте со сецкани ореви додека не е стегнато чоколадото.

Состојки
За тесто
250гр. мед
50гр. шеќер
50гр. путер или маргарин
прстофат сол
1 ванила
2 јајца
3 лажици млеко
1 пециво
малку канела
малку морско оревче
малку рендана кора од лимон
250гр. просеано брашно
За фил
1/2 л. млеко
2 ванили
50гр. шеќер
5 лажици нишесте
1 (820гр.)кутија готов компот од праски или ананас
250мл. слатка павлака
За украсување
по потреба слатка павлака
малку црвена прехрамбена боја
малку рендано чоколадо

Медот, шеќерот, путерот и ванилата на тивок оган полека растопете ги и оставете да се изладат.
На оладената смеса додате ги кората од лимон и останатите мирудии, секако по ваш избор, што милувате, тоа.
Изматете ги јајцата, па додадете ја претходната подготвена смеса, млекото и на крај брашното помешано со пецивото.Ако добиената смеса е многу густа, додадете уште лажица до две млеко.
Истурете во калап срце со пречник, чинам дека беше 24цм, го користев тој на Делимано, малку премачкан со масло.
Ставете да се пече во загреана рерна на 180 степени до сува чепкалка.
Кога ќе излади, преполовете го на 2 дела, хоризонтално.

Секој дел убаво наквасете го со сокот со компотот од овошјето.

За филот го вариме нишестето со млекото и шеќерот помешан со ванилата.
Оставаме да се излади, со повремени промешувања.
За тоа време ситно го сецкаме исцеденото овошјето-праските или ананасот и го додаваме во кремот.
Слатката павлака ја матиме цврсто и соединуваме со кремот.
Нанесуваме од готовиот фил врз половинките од тестото.Комплетно филоваме и украсуваме по желба.
И не заборавајте....бидете опиени од љубов! )))

Состојки
400мл ладна вода
400гр брашно
400гр шеќер
3 лажици масло
малку цимет
малку каранфилче
1 лажиче сода бикарбона
1 лажица какао
1 лажица мед
половина пециво
100 грама чоколадо за прелив

Се мешаат сите состојки (освен мармаладот и чоколадото) и се остава тестото да кисни 15 тина минути, потоа се става во намрсено тавче и се печи во загреана рерна на 180-200 степени 15 тина минути. Откако убаво ќе излади се сечи на коцки, секоја коцка се сечи на половина се премачкува со мармалад и одозогора се украсува со чоколадо.

Состојки
5 јајца
180гр. шеќер
1 лажица мед
150гр. брашно
75гр. густин
Основен рецепт за пандишпан со мед со многу стабилна структура, а сепак мек како душа и многу ровок, кој може да го употребите за сите ваши омилени торти.
1.Во сад за матење со миксер матете ги јајцата, кога сосема малку ќе бидат изматени додајте го шеќерот и медот и матете ги додека смесата не се триплира.
2.Брашното и густинот исеете ги со помош на цедалка и додајте ги во изматените јајца на три пати и мешајте со шпатула додека смесата не стане хомогена.
3.Тавата за печење намастете ја со путер и наросете ја со сосема малку брашно насекаде подеднакво.
4. Додајте ја смесата во тавата и печете во загреана рерна на 180 степени околу 20 минути зависно од рерната или проверете со чачкалица за да бидете сигурни дека пандишпанот е готов.

Состојки:
– 4 јајца
– 2 лажички сода бикарбона
– 2 лажички цимет во прав
– 1/2 филџан масло
– 2 лажици мед
– 500 гр. брашно

Подготовка:
Измесете тесто од јајцата, сода бикарбоната, маслото, циметот, медот и брашното. Тестото исукајте го со дебелина од еден сантиметар и исечете кругови со чаша. Колачите печете ги на 150 степени 40 минути.

На здравје!

Состојки
прв пандишпан
5 јајца
5 лажици шеќер
5 лажици брашно
100 грама суво грозје
1 пециво
1 ванила
втор пандишпан
3 јајца ( само белките )
200 грама шеќер
1 лажица оцет
фил
500 - 700 мл слатка павлака
3 -4 лажици шеќер
150 грама подпечени сецкани лешници
1 портокал или мандарина ( сок за попрскување на пандишпаните )
200 грама ситно кршени медени колачи

За првиот пандишпан ги матиме јајцата со шеќерот со миксер додека добро да се уработат. Потоа ги додаваме брашното измешано со пецивото и мешаме со лажица. 
Грозјето го валаме во малку брашно и на крајот го додаваме во смесата. Плекчето го подмачкуваме со зејтин и го посипуваме со брашно. Пандишпанот го печеме на околу 180 -200 степени, време зависно од јачината на рерната. Јас ги печев во правоаголен плех може и во округло плекче.

Вториот пандишпан го правиме само со 3 белки. Прво ги матиме добро белките, а шеќерот го додаваме постепено. На крајот го додаваме оцетот. Снегот од белки го печеме во плекче обложено со хартија за печење.

За филот ја матиме добро слатката павлака со шеќерот. Половина ја тргаме во посебен сад. Во остатокот ги додаваме сечканите медени колачи и околу половина од сецканите лешници. 
Го ставаме првиот пандишпан,го попрскуваме со сокот од портокал или мандарина и филуваме со филот со медените колачи.Одозгора ја ставаме кората од белките, ја попрскуваме со сок и филуваме со хопла. На крајот декорираме со сецкани лешнаци или ако сакате рендана чоколада. И ова торта е плод на мојата имагинација. Многу ни се допадна на вкус на мојата фамилија и на сите гости што ни дојдоа за празниците. Се надевам дека ќе ви се допадне и на вас. Пријатно засладување.

Состојки
1 чаша ( 200 мл) шеќер
130 мл масло
3 лажици мед
1 лажица цимет
1 лажичка сода
по потреба мармалад од кајсии
2,5 -3 чаши брашно
Глазура
4 лажици шеќер
2 лажици вода

1. Шеќерот, медот, содата и циметот се промешуваат и смесата се вари заедно со масло на тивок оган додека убаво не се соедини.
2. Уште во топлата смеса се додава брашното и брзо се промешува, потоа се чека да се излади.
3. Од тестото се сука правоаголник со дебелина од 5 мм, се сече на коцки (околу 8) и во секое парче се става помалку од мармаладот, потоа убаво се затвара и се реди во плех обложен со мрсна хартија.
4. Колачите се печат во загреана рерна на 180 степени околу 15-20 минути.
5. Глазура. Шеќерот со водата се варат на тивок оган околу 3-4 минути, потоа се премачкуваат уште жешките колачи.

Колачите не треба да се држат долгу време во рерната за да не бидат многу тврди.

Колач кој ќе ве освои…

Уживајте!

Состојки
Кори
3 јајца
3 лажици мед
12 лажици шеќер
1 лажица сода бикербона
500-600 гр брашно (по потреба)
Фил
1 литар млеко
8 лажици густин
8 лажици шеќер
250 гр маргарин
4 лажици шеќер во прав
200 гр чоколадо
200 гр ораси

Јајцата се матат во поголем сад со рачна маталка за јајца. Во нив се додава шеќерот и се мати додека да се растопи. Потоа се додава сода бикербона и мед. Одкако убаво ќе се врзат се додава брашно. Најдобро е да се додава по мала количина и да се меша додека да се згусне смесата. Потоа тестото се меси со рака и треба да биде замесено на потврдо. Затоа пишав брашно по потреба, бидејќи се зависи од брашното колку течност ќе врзе. Тестото потоа се дели на 7 дела. Најубаво е сите парчиња да ги измерите на вага за да знаете дека имаат иста грамажа.
На набрашнета површина се расукува кора. По правило мед торта се прави во округлеста форма, со димензии колку тавче бр.30 и така полесна е за расукување и формирање. За да имате совршени кругови, одкако ќе ја расукате кората, одозгора ставете го обрачот од тавче на кое му се одстранува страничниот дел и исечете со нож правилен круг. Доколку ја подготвувате како мојата, во коцкаста форма. тогаш кората расукајте ја во фолија, со точно премерени димензии.
Одкако ќе ги исукате корите, рерната се загрева на 180 степени и се ставаат на превртено тавче одозгора просејано со брашно или може и на хартија за печење. Се печат по 3 мин, односно додека да добијат светло кафена боја.
Испечените кори се редат на рамна површина една врз друга и одозгора се става тавчето на кое се печеле и некој течок предмет, за да се исправат и тортата да биде рамна.

Во меѓувреме се подготвува филот. Млекото се загрева и во него се става шеќерот за да се растопи. Густинот се раствара со млеко, кое го одвојуваме од количината потребна за филот. Се става густинот во топлото млеко и се мати на оган неколку минути, додека да згусне. Се остава да се олади.
Маргаринот и шеќерот во прав се матат и се додаваат во пудингот. Исто така се додава и чоколадото и мелените ораси. Се тоа заедно се меша.

Редење на тортата

Кора
Фил
Кора
Фил ...

На крај целата торта се премачкуваа со филот. Декорацијата е ваш избор. Мене најлесно ми беше со глазура од темно и бело чоколадо.

За подготовка на тортата треба повеќе време, но верувајте вреди трудот.
Тортата најубаво е да се подготви 1 ден порано и да стои во фрижидер, за да филот се упие во корите и да може убаво да се сече.

ПОСНА КРЕМ ТОРТА СО МЕД

Потребни состојки:

За кора:

• 3 јајца
• 8 лажици шеќер
• 3 лажици мед
• 1 лажица сода бикарбона
• 23 лажици брашно

За фил:

• 1л млеко
• 4 лажици шеќер
• 9 лажици брашно
• 250гр маргарин
• 200гр шеќер во прав

за декорација:

• неколку парчиња ореви
• 200гр шеќер

Начин на подготовка:

Јајцата, шеќерот, мед и сода бикарбона варете на пареа 5-10 минути, па тргнете од оган. Во врелата смеса додадете три лажици брашно и добро помешајте, потоа додадете во четири наврати по пет лажици брашно и добро измешајте. Од смесата испечете две кори, секоја по половина час на 180 степени. За фил сварете пудинг од брашно и млеко со четири лажици шеќер, а кога ќе се олади, додадете маргарин изматен со шеќер во прав. Тортата филувајте ја и одозгора премачкајте ја со филот. Карамелизирајте го шеќерот и додека е топол натопете ги оревите и ставете ги на мазна хартија. Шеќерот оладете го, измелете го и украсете ја тортата.

Задолжително пробајте ги! Рецепт за најдобрите ситни колачи со кикирики и мед!

Начин на подготовка:

1. Разматете путер, путер од кикирики, мед. Додајте јајце, цимет, брашно па повторно кратко разматете. Додајте половина од бисквитите, разаматете па додајте ги останатите бисквити. На крај измешајте сода бикарбона и од оваа маса правете мали топчиња. 
2. Намастете калап за мафини со масло или путер и во секое дупче ставајте тесто. Притиснете со капаче од шише и во секое дупче ставајте парче чоколадо, кикирики и печете на 170 степени околу 25 минути.

Состојки

    600 гр брашно
    20гр квасец
    1 лажиче сол
    2 лажици шеќер
    1 мало лажиче течен мед
    100 мл масло
    50гр блендирани семки од тиква
    100 гр мармалад од дуњи


    
Од горенаведените состојки се замесува убаво меко тесто.
Во рецептата стои млака вода по потреба но јас мерев дека 150мл се доволни за убаво тесто.
Го оставаме тестото да одмори и да се дуплира.
Го расукуваме во кора и вадиме со цаша кругови.
За една кифла јас употребив 4 кругови.
Ги редиме едно до друго како на дополнителната фотографија.
Ги поминуваме еднаш со сукалката да се сврзат.
Премачкуваме со мармалад и удвојуваме од доле на горе како на сликата.
Од лево кон десно ја виткаме ружата.
Земајќи ја во раката, ги раздвојуваме деловите од цветот.
Редиме во намастен калап за мафинки и печеме во загреана рерна.
Штом поруменат ги вадиме.
Ако имате желба може да ги премачкате со маргарин за да се помеки.
На здравје со убавите и декоративни кифли.

Состојки
5 јајца
220 гр кисело млеко
225 гр шеќер
75 гр фино сомелени бадеми
1 лимон нарендана кора и сок
250 гр брашно
200 гр гриз
1 лажичка пециво
200 мл масло (може и маслиново)
За глазура
150 гр фстаци
сок од еден лимон
сок од две мандарини
3 лажици мед

1. Сите состојки за тестото за колачот ги ставаме во сад и ги матиме со миксер.
2. Смесата ја истураме на тава на која сме ставиле хартија за печење или пак сме ја намрсиле па набрашниле. Смесата се пече на 180 степени, околу 30-35 минути.
Оставете го колачот да се излади околу еден час.
3. Фстаците исечкајте ги на крупно и ставете ги во тава да се запечат, колку да пуштат мирис. Ставете го медот, промешајте, па ставете го сокот од мандарините и лимонот. Лесно промешајте.
4. Колачот избоцкајте го со вилушка на повеќе места. Лесно посипете ја глазурата преку него, не мора цела, нека впие, па повторно додека да се потроши. Оставете барем 15 минути да впие.
5. Сервирајте парче од колачот со густо кисело млеко во кое сте ставиле и свежи јагоди, попрскани со шеќер, кои претходно сте ги полеале со сок од мандарини и украсете по желба.

Забелешка
Мандарините може да ги замените со еден портокал. Така стои и во оригиналниот рецепт, ама јас повеќе го сакам вкусот на мандарини.
Комбинацијата со кисело млеко е многу добра и вкусна.
Ако киселото млеко ви е ретко, промешајте го со кисела павлака.

Состојки
50 гр. чоколадо (посно)
50 гр. шеќер во прав
65 гр. маргарин (1/4 коцка)
5 лажици мед
100 гр. мелени бисквити (посни)
100 гр. сусам (потпечен)
50 гр. лешници (потпечени, сечкани)
глазура
50 гр. чоколадо (посно)
1 лажица масло

Превкусно тоблероне со мед и сусам, кое може да се искористи во пости,
што секако не е задолжително, па користејќи млечно чоколадо и мрсни бисквити, имате исто така многу вкусна мрсна варијанта.

1. Сусамот се потпекува без масло, се лади.
2. Лешниците исто така се потпекуваат, им се отстранува лушпата, се ладат и се сечкаат во сечко.
3. Во тенџерче се ставаат чоколадото, шеќерот во прав, маргаринот и медот, се топи сето заедно убаво да се соединат состојките, но не да преврие.
4. Штом се стопи сето, тенџерчето се трга настрана, му се додаваат мелените бисквити, потпечениот сусам и лешниците.
5. Се меша сето заедно и додека е топла смесата се распоредува во калап во форма на триаголник, обложен со најлонска фолија која е премачкана со малку масло.
6. Се остава да се излади на собна температура, а потоа се става во фрижидер да се стегне.
7. Потоа се отстранува најлонската фолија од калапот и се премачкува со глазурата од стопено чоколадо и масло.

Состојки
4 јаболка
4-5 лажици мед
3-4 лажици сецкани ореви
500гр брашно
350 гр шеќер
1 кесичка пециво
1 кесичка ванилин шеќер
1/4 лажичка цимет
1 лажичка сода бикарбона
300 мл млеко
100 мл вода
60 мл масло

Мирис на печени јаболка, цимет и мед - вистински есенски колач =)
1. Најпрво јаболката се лупат и се сечат на кругови. Се редат во округла тава премачкана со масло и набрашнета. Врз јаболката се става мед и сецкани ореви, и се става во загреана рерна на 180 степени, малку да се потпечат јаболката додека да се спреми другиот дел за пандишпанот.
2. За пандишпанот - сите суви сотојки се мешаат во длабок сад, па се додаваат течните, се меша со жица за матење убаво да се изедначи смесата, и се излева во тавата со јаболка.
3. Се пече околу 40 минути на 180 степени. Кога е печен,колачот го оставаме малку да се излади, па го превртуваме јаболката да дојдат одозгора.
Се сече на коцки, и може да се попрска со шеќер во прав.

Забелешка - јас колачот го правев во тава бр 26, но дојде прилично висок. Може и во поголема тава, со тоа што ќе ви требаат повеќе јаболка, за убаво да се покрие дното.

https://moirecepti.mk/post/%D0%BC%D0%B5%D0%B4%D0%B5%D0%BD-%D1%87%D0%BE%D0%BA%D0%BE%D0%BB%D0%B0%D0%B4%D0%B5%D0%BD-%D0%BA%D0%BE%D0%BB%D0%B0%D1%87-%D1%81%D0%BE-%D0%BA%D1%80%D0%B5%D0%BC-%D0%BE%D0%B4-%D1%82%D0%B0%D0%B0%D0%BD-%D0%B8" rel="nofollow -

Состојки
За колач
1 јајце
70гр. кафеав шеќер
75гр. темно чоколадо(75% какао)
30гр. мед
80мл. млеко
25гр. путер
130гр. брашно
1/2 ванила
1/2 пециво
Крем за премачкување на колачот
4 полни лажици мед
8 полни лажици таан
2 раце сецкани немногу солени кикирики

Во сад за матење ставете ги јајцето, шеќерот и ванилата.
Матете додека смесата стане пенеста и густа.
Со матење на најмала брзина додајте ги млекото, растопениот путер и медот.
Откако ќе се соединат состојките додајте го растопеното чоколадо и изматете со жица за матење.
На крај додајте го брашното во кое ќе го измешате пецивото.
Изматете убаво со жица.

На дното од округол калап(18цм) ставте хартија за печење.
Страните премачкајте ги со малку масло.
Истурете ја смесата и ставете да се пече на 180 степени, 25-30 минути.
Најдобро проверувајте со чепкалка, бидејќи печењето зависи и од самата рерна.

Испечениот колач оставете го убаво да се излади во калапот, а потоа извадете го.

Крем
Измешајте ги медот, таанот и кикириките и премачкајте го колачот.

Експериментирав малку, но крајниот резултат беше одличен.

Состојки
400гр вода
300гр шеќер
400гр брашно
2 лажици мед
2 лажици какао
1 пакетче сода бикарбона
3 лажици масло
1/2 пакетче канела
100гр чоколадо за готвење
2-3 големи лажици мармалад по ваш избор

Водата, шеќерот, брашното, медот, какаото, содата маслото и канелата ги мешаме заедно со лажица. Кога се убаво ќе се соедини смесата ја оставаме да постои 15мин и потоа ја печиме во тавче обложено со хартија. Откако ќе се испечи и ќе се излади пандишпанот одгоре го премачкуваме со мармалад. На пареа го топиме чоколадото и одгоре го потураме со чоколадо. Го сечиме колачот на коцки.

Состојки
за кори
12 големи лажици маргарин (или путер)
1 јајце
8 големи лажици шеќер
12 големи лажици млеко
3 големи лажици мед
1/2 мала лажичка сода бикарбона
1 кесичка (5 гр.) цимет
550 гр. брашно
за прв фил со тиква
600 гр. исчистена тиква
200 гр. шеќер во прав
2 кесички (80 гр.) пудинг од ванила
5 големи лажици шеќер
500 мл. вода (во која се варела тиквата)
125 гр. маргарин
за втор фил
150 гр. шеќер
3 големи лажици густин
400 мл. млеко
1 голема лажица брашно
125 гр. маргарин
за украсување
50 гр растопено чоколадо за готвење
малку бадеми во листови
Добро познатиот меден колач овој пат збогатен со фил од тиква. Јас едноставно ги обожавам овој тип на колачи, а тиквата во комбинација со цимет само ми го збогати овој раскошен вкус. Овој колач одзема малку повеќе време за подготовка, ама крајниот резултат ќе ги воодушеви и најпребирливите вкусови. Подготовката е следна
1. За подготовка на корите. Во подлабок сад ставете го маргаринот ( путерот) , содата, циметот, медот, едно јајце, млекото и брашното. Со рака замесете тесто. На почеток тестото ќе ви изгледа песокливо но со тек на месење состојките убаво и компактно се соединуваат и ќе добиете мазно тесто. Така добиеното тесто поделете го на 5 еднакви дела од кои треба да формирате 5 кори. Од првото топче тесто со сукалка на набрашнета работна површина развлечете правоаголна кора и ставете ја тава за печење. Јас печев во ростер тавата и не ја премачкував подлогата со ништо. Ако печете во друга тава ставете хартија за печење. Печете во загреана рерна на 180 степени 12-15 мин. На истиот начин подгответе ги и останатите 4 кори.
2. За подготовка на филот со тиква. Парчињата исчистена тиква ставете ги во тенџере со еден литар вода да се сварат. Од кога се убаво сварени и омекнати ставете ги во цедалка за да се исцеди вишокот вода. Од водата во која се вареше тиквата одделете 500 мл. и во неа разматете го прашокот за пудинг промешан со 5 лажици шеќер. Варете додека пудингот не ја добие потребната густина. Оставете убаво да се излади. Изматете го маргаринот со 200 гр шеќер во прав и кога ќе стане пенест додадете го изладениот пудинг од ванила и парчињата сварена тиква. Миксирајте додека филот не се изедначи.
3. За подготовка на вториот фил. Во тенџере на оган ставете го млекото, шеќерот, густинот и лажица брашно. На умерен оган со постојано мешање со жица варете го кремот додека убаво да се згусти. Оставете да се излади. Со миксер во друг сад изматете ги преостанатите 125 гр маргарин и во нив додајте го изладениот крем од густин. Матете додека смесата да се изедначи.
4. На соодветен сад ставете ја првата кора и премачкајте ја со филот од тиква. Поклопете со втората кора и премачкајте со вториот фил, поклопете со трета кора и филувајте така наизменично додека да ги потрочите сите кори и фил. На крај целиот колач премачкајте го со филот од тиква. Растопете 50 гр чоколадо за готвење и со него украсете го колачот. Попрскајте со листови од бадеми ( или по свој вкус) и оставете колачот убаво да се стегне. Најдобро е да го оставите цела ноќ да стои пред да го сечете за тестата убаво да омекнат. Сечете коцки или штангли по желба и уживајте.
На здравје

Состојки
6 средно големи јаболки (јас користев црвени)
1 кесичка цимет (или мешавина цимет со морско оревче)
2 кесички ванилин шеќер
3 лажици мед
2 лажици рум (или 5 капки екстракт од рум)
250 гр путер
200 гр кафеав шеќер
6 јајца
1 пециво
220 гр брашно
40 гр ванила пудинг
50 гр чоколадни капки
одозгора за посипување- шеќер во прав и чоколаден прелив

Во сезоната најаболки, се разбира дека ќе се подготви некој вкусен јаболков колач. Многу ги сакам овие сочни колачи, од кои ќе замириса цела кујна, па затоа и се одлучив за овој рецепт.

1. Јаболките се лупат и се сецкаат на коцки. Се посипуваат со цимет, ванила, рум и мед и се оставаат да отстојат.
2. Оревите исто така се сецкаат и се додавааткон јаболката.
3. Во сад за матење, го ставам омекнатиот путер, заедно со шеќерот и ги матиме додека да се соединат. Потоа кон смесата се додаваат едно по едно јајцата. Се матат додека да се добие хомогена смеса.
4. На крај се додава мешавина од брашно, пециво и прашак за пудинг и се промешува убаво.
5. Јаболките, заедно со преостанатие состојки во садот, се додаваат во течната смеса и сето тоа убаво се промешува. .
6. Во правоаголен калап за колачи, ја истураме смесата, предходно премачкана со путер.
7. Колачот се пече на 150 степени, околу 40-50 минути.
8. Се сече на коцки со големина по избор и се послужува со наросен шеќер во прав и чоколаден прелив.

Состојки
75 г мед
1/2 лажичка сода бикарбона
125 г путер омекнат на собна температура
1 јајце
1 лажичка шеќер во прав
250 г брашно
1/2 лажичка цимет
1 лажичка мастика или узо
прстофат мешавина морско оревче, кардамон и каранфилче

Ова е рецепт за највкусните и најмиризливите медењаци кои сум ги пробала. Вкусот многу наликува на оние купечките, уште да успеам да им вметнам џем некој следен пат и ќе бидат оригинал! 
Мирисаат прекрасно, поголемиот дел ги направив со чоколадна глазура, а за тие за кои не ми стигна, ги извалкав во шеќер во прав. Секако се вкусни, и без и со.

Постапка

Се миксира путерот, јајцето и мастиката.

Се мешаат сувите состојки - брашното, циметот, мешавината од морско оревче и шеќерот.

Медот се омекнува со благо затоплување, се додава содата и се промешува. Оваа мешавина се додава на измиксираниот путер, се меша и се додава брашното.

Се замесува кратко со рака и се остава во мразот 10тина минути да се стврдни.

Потоа се раширува на работната површина и се вадат форми кои се ставаат на плех обложен со хартија за печење.

Се печат на 170 степени околу 10 минути.

После печењето, може да се декорираат, а можи и така да се јадат оти се превкусни.

Можи да се брцкаат во глазура од растопено чоколадо, да се извалкаат во шеќер во прав или по желба. Бидејќи јас ги направив во чоколадна глазура, морам да напоменам дека го искористив Делимано Криспер сетот, со што глазурираните медењаци ги ставав на мрежестиот дел, а вишокот чоколадо се цедеше на плехчето - супер ми се најде!

https://moirecepti.mk/post/%D0%BC%D0%B5%D0%B4%D0%B5%D0%BD%D0%B8-%D0%BB%D0%B5%D0%B4%D0%B5%D0%BD%D0%B8-%D0%BA%D0%BE%D1%86%D0%BA%D0%B8" rel="nofollow - - Медени ледени коцки

Состојки
пандишпан
6 белки
2 лажици брашно
6 лажици шеќер
12 лажици лешници
12 грама пециво
Фил
200 гр путер
100 гр мед
100 гр шеќер во прав
500 гр тиква
500 мл млеко
180 гр шеќер
100 гр мед
1 лажиче нишесте
1 ванила
3 жолчки

Пандишпан

Белките ги матиме пенесто заедно со шеќерот.
Исклучуваме миксерот и додаваме пециво, брашно и јадро сецканите лешници.
Мешаме со лажица да ја соедниниме смесата.
Печеме во намастена тава.
Печениот пандишпан го оставаме да излади.

Го ставаме во плехче и го филуваме со следниот фил.
200 гр путер го миксираме со 100 гр мед и 100 гр шеќер.
Пенесто матениот путер го мешаме со претходно сварениот крем од тиква кој го имам објавено.

Еве го повторно да не талкате

Фил.
Тиквата ја печеме во рерна на тивко.
Печената тиква со лажица ја двоиме кората и ја пасираме заедно со медот.

Млекото и шеќерот ги вриеме на оган и ги тргаме на страна кога се зовриени.
Постепено се додава тиквата.
Јајцата ги кршиме и ги делиме белките од жолчките.
Жолчките ги матиме со нишестето и ванилата. Пополека додаваме малку од смесата со млекото и промешуваме.
Потоа со непрекинато мешање ги додаваме жолчките во млекото и тиквата.
Непрекинато мешаме додека не ја добиеме потребната густина.
Оставаме да истине добро.Кога е истинато се мешаат заедно со путерот. Се филува пандишпанот и се става во ладилник. Јас постојано ја чувам во ладилникот. Филот е лесен и се пушта веднаш затоа е убаво да се служи поладничко. Иако е во ладилник совршено се сечат коцките.

Погледнете го овој рецепт како да направите чоколадна торта со мед што ќе ги задоволи апетитите на целото семејство.

Потребни состојки:

• 100 грама црно чоколадо
• 250 грама шеќер
• 200 грама путер
• 100 милилитри мед
• 2 јајца
• 200 грама брашно
• 1 лажичка сода бикарбона
• 1 лажица какао во прав
• 250 милилитри топла вода

За глазура:

• 60 милилитри вода
• 100 милилитри мед
• 150 грама црно чоколадо
• 50 грама шеќер во прав

Начин на подготовка:

За почеток, сите состојки треба да бидат на собна температура. Во поголем сад стопете го чоколадото за тортата. Загрејте ја рерната на 160 °C, подгответе подмачкан калап за торта и ставете хартија за печење на него.

Изматете го шеќерот со путерот, а потоа додајте го медот. Кога смесата ќе се соедини, додајте ги јајцата едно по едно и додајте по една лажица брашно по секое јајце. Додајте го стопеното чоколадо, па остатокот од брашното и сода бикарбоната. Потоа, додајте го какаото во прав и на крајот, додајте ја жешката вода.

Истурете го тестото во калапот и печете околу еден час и половина. По првите 45 минути, проверете како изгледа тестото и доколку е потребно, покријте го со фолија, а потоа проверувајте на секои десет минути да не изгори. Откако ќе биде готово, оставете го да се излади.

За глазурата, загрејте ги водата и медот, а потоа тргнете ги од огнот и додајте ги парчињата чоколадо и мешајте ја смесата. На крајот, додајте го шеќерот во прав.

Додека ја нанесувате глазурата на тортата , покријте го садот на којшто е тортата со хартија за печење што ќе можете лесно да ја извадите подоцна, а садот да остане чист.