Домашните библиотеки веројатно се најубаво место во домот каде што релаксацијата и личното задоволство се преплетуваат. Огромни полици преполни со книги кои ќе ве воодушеват, меки столици и пернички за релаксација, мал камин за потопла атмосфера и топол напиток - што уште може да посакате?

Постојат многу оригинални идеи како да го уредите ова катче за релаксација.

Ние направивме селекција од над 30 најпрекрасни домашни библиотеки кои за момент ќе ви го одземат здивот, а можеби и ќе ви послужат како инспирација

Без разлика дали сте страствен читател или не, книгите се еден од најчестите „декорации“ во домот. На сосема обичен простор потребни се само неколку книги необично подредени за целосно освежување на просторот.

Лесно е книгите да ги наредите на обична полица или пак да ги наредите во некоја фиока каде што и воопшто нема да се гледаат. Меѓутоа, доколку размислите колку топлина може да внесат во една соба, можеби следниве неколку совети за нивно складирање навистина ќе ви се допаднат.

1. Направете едноставни полици.

Полиците од неколку рафтови, подеднакво подредени се доста лесен проект за да ги направите сами. Потоа на нив наредете ги книгите во хоризонтална положба. На ѕидот каде што ќе ги закачите нека има минималистичка декорација.

2. Бидете креативни.

Пронајдете мини масичка која што може да ја прилагодите како подвижна полица. Во некој едноставен агол од било која соба ќе делува навистина креативно.

3. Подредете ги според бојата на кориците.

Со подредувањето според бојата се добива навистина модерен изглед. Ќе имате впечаток дека собата е декорирана со многу стил.

4. Измешајте ги книгите со други декорации.

Користејќи цветни аранжмани или рамки со фотографии, направете секоја полица да има своја приказна. Книгите вклопете ги според кориците, но овој пат во спротивнана боја од останатите предмети.

5. Прикријте ги позади мал дел од завесата.

Без оглед колку сте се труделе да ги подредите, понекогаш едноставно делуваат хаотично. Доколку се најдете во таква ситуација, полицата ставете ја на ѕидот и едната половина покријте ја со завеса. Мистериозниот изглед овој пат ќе ви помогне околу впечатокот на хаотична полица.

Домашната библиотека е уште едно катче во домот кое зрачи топлина и удобност. Без оглед во кој дел од домот се наоѓа, тоа му дава софистициран изглед во целост.

Доколку сте љубител на книгите сигурни сме дека имате своја домашна библиотека. Доколку само го сакате ефектот на книгите кои го даваат во домот наредени на полица – повторно не грешите.

Погледнете како изгледаат модерните и современи домашни библиотеки ширум светот, па може и ќе украдете некоја идеја за вашиот дом.

Многу од светски познатите и богати фаци трошат пари на сè и сешто. Некои на куќи, некои на автомобили, авиони, јахти, но има и такви кои вложуваат во своите домашни библиотеки.

Меѓу нив има актери, пејачи, по некој бизнисмен и слично.

Ова е библиотеката на актерката Дајан Китон во куќата во Беверли Хилс.

Библиотеката на гитаристот на Ролинг Стоунс, Кит Ричардс, во Лондон.

Библиотеката на актерот/режисер Вуди Ален.

Ова е во домот на актерката Кристина Ричи во Холивуд.

Библиотеката во домот на британскиот пејач Стинг.

Меѓу „познатите“ имаме и озогласени личности – домот на Адолф Хитлер.

Ова е библиотеката на Парис Хилтон – иако страшно се сомневаме дека она е страстен читател, најверојатно книгите следувале со куќата.

http://www.crnobelo.com/dom/ureduvanje/23450-nekoj-doma-ima-vakvi-biblioteki-foto" rel="nofollow - Некој дома има вакви библиотеки (фото)

Сите вљубеници во книгите и читањето сигурно ќе бидат љубоморни кога ќе видат какви библиотеки некои луѓе имаат во своите домови. Секој според можностите, но најчесто можеме да си дозволиме неколку полици полни книги.

За разлика од тоа, некои луѓе може да си дозволат цели ѕидови и соби преполни со книги. Таму сигурно е како да се влегува во друг свет. Најчудесно бегство од реалноста и вистинско уживање.

Домашните библиотеки може да бидат во традиционален стил на топла соба со дрвен мебел, но може да бидат и целосно стилски футуристички кои ќе се вклопуваат во модерниот ентериер или како дел од креативно искористен простор.