http://www.crnobelo.com/zivot/patuvanje/20877-pat-okolu-svetot-niz-10-najvkusni-deserti" rel="nofollow - Пат околу светот низ 10 највкусни десерти

Што јадат за појадок во различни земји?

Велат дека појадокот е најважниот оброк во денот. Како изгледа доручекот во земјите ширум светот?

Погледнете  еден интересен  материјал за тоа како изгледа  типичен појадок во различни земји.

Австралија

Австралијците обично доручкуваат житарици  или тост.

Бразил

Тука наутро ставаат на масата шунка, сирење и леб. Пијат кафе и млеко.

Колумбија

Традиционална појадок во Колумбија  е чангуа – супа со млеко, јајца и кромид.

Куба

Во Куба доручкуваат  кафе со млеко и  потпечено лепче кое подоцна го топат во кафето.

Англија

Сите сме слушнале за типичниот англиски појадок – јајца, колбаси, сланина, грав и печурки.

Франција

Кросан, едно од обележјата на француската кујна. Секако, уште поубав во комбинација со кафе.

Германија

На трпезата во Германија, наутро се јаде  ладно месо, колбаси, локални сирења и свеж леб.

Индија

Традиционален појадок во Индија е  Идли уада – нешто како погача со  леќа и ориз.

Италија

Италијанците го започнуваат денот со капучино и пишкоти.

Јапонија

Во Јапонија јадат  супа, ориз и кисели краставички.

Португалија

Кроасани со мармалад или сирење со кафе.

Русија

Русите за доручек јадат банички со урда или сирење.

Турција

Турците доручкуваат  леб, сирење, масло, маслинки, јајца, домати, краставици, мармалад, мед. Понекогаш ставаат и суџук.

САД

И тука има различни облици во различни држави, но најчесто се доручкуваат  јајца, сланина, палачинки и житни закуски со млеко.

http://moirecepti.mk/post/%D0%B5%D0%BB%D0%B1%D0%B0%D1%81%D0%B0%D0%BD-%D1%82%D0%B0%D0%B2%D0%B0/" rel="nofollow - Елбасан тава

http://www.crnobelo.com/zivot/patuvanje/18047-ulicna-hrana-sirum-svetot-koja-mora-da-ja-vkusite" rel="nofollow - Улична храна ширум светот која мора да ја вкусите

Во големите светски метрополи луѓето секогаш се во брзање, а недостатокот на време ги тера да подлегнат под влијанието на нездравата, улична храна која е доста популарна веќе неколку децении.

Сепак, доколку сте турист во некоја од овие земји, ова е уличната храна која мора да ја пробате барем еднаш додека престојувате.

Хот-Дог во Њујорк

И покрај тоа што Америка е позната по хамбургерите, пикантно лутиот Хот-Дог е нешто незаменливо. Во највкусните локали е околу 3,5 долари, па затоа не пропуштајте да се почастите со тазе пржена виршла, лут сенф и уште неколку додатоци.

Помфрит во Белгија

Може да ви дојде како изненадување што најдобриот помфрит не се наоѓа во Франција, но сепак вреди да верувате. Во Брисел ќе имате можност да го вкусите најнеодоливиот помфрит подготвен од посебен вид на компири со неколку сосови послужени во посебни садови. Ќе платите од 2 до 8 евра, во зависност од големината на порцијата и сосовите кои ги сакате, но секое евро ќе вреди.

Запиеканка во Варшава

Овој специјалитет е измислен во Полска. Секоја Запиеканка е долга околу 50 сантиметри и е парче печен леб со шунка, печурки, топено сирење и уште неколку зачини, кечап и мајонез. Всушност, Запиеканката содржи потполно иста комбинација како и пицата, но крцкавото лепче е нешто што го дава препознатливиот вкус. Во Варшава речиси на секој чекор се продава овој домашен специјалитет кој ќе ве чини околу 2 долари.

Квас во Москва

Кога ќе ожеднете од солената храна, упатете се во Москва и порачајте си една ледено ладна чаша Квас. Квасот е пијалак кој се подготвува од ферментиран темен леб и е подеднакво популарен како и Кока-Колата и Пепси. Можете да го купите за околу 1 долар и е совршен пијалак кој нема да го пронајдете во ниту еден маркет, туку само на штандот кој се подготвува.

Сладолед во Италија

Италијанците имаат највкусна храна во светот, а нешто што мора да го пробате е италијанскиот сладолед или како што тие го нарекуваат - џелато. Ќе имате можност да го одберете кој вкус и да го посакате, бидејќи навистина постојат безброј вкусови. Не е чудо ако ова слатко задоволство ве чини околу 10 евра, но нема да зажалите за секое дадено евро.

http://www.crnobelo.com/zabava/interesno/22396-vkusot-na-mediteranot-podgotvete-spanski-specijaliteti-po-originalen-recept" rel="nofollow - Вкусот на Медитеранот - Подгответе шпански специјалитети по оригинален  http://www.crnobelo.com/zabava/interesno/22396-vkusot-na-mediteranot-podgotvete-spanski-specijaliteti-po-originalen-recept" rel="nofollow - рецепт

Шпанската е една од најинтересните европски кујни која изобилува со маслинова масло, свеж лук, пиперки, домати, јајца, компир и разни зачини.

 Пробајте некој од вкусните рецепти за појадок, ручек или вечера.

Омлет од компири

Потребно:

• 4 компири
• 8 јајца
• Маслиново масло
• Сол и бибер

Подготовка:

Излупете ги компирите, исечете ги на кругови, а потоа секој круг на четири дела. Пржете ги во врело масло додека не станат крцкави. Посолете, додајте ги во чинијата со изматени јајца со малку сол. Целата мешавина пропржете ја на маслиново масло. Ова е одлично и како топло и како ладно предјадење.

Кралски јајца

Потребно:

• 8 јајца
• 90 гр. путер
• 30 гр. брашно
• 0,5 л млеко
• 1 дл слатка павлака
• 150 гр ориз
• 20 гр рендан пармезан
• 1 лажичка зачин
• Лимонов сок
• Сол и бибер

Подготовка:

Јајцата нека бидат тврдо варени и излупени. Одделно подгответе бешамел сос со 50 гр путер и брашно, пржете многу кратко. Додадете ладно млеко и зачин, па варете го сето тоа и постојано мешајте околу 5 минути, додека сосот не се згусне. Додајте малку лимонов сок, бибер и слатка павлака. Во посебен сад на останатиот растопен путер кратко пропржете го оризот. Додадете му околу 3 децилитри вода, малку посолете и оставете го да се зготви. Потоа ставете го во огноотпорен сад, врз него наредете ги тврдо сварените јајца пресечени на пола и сето тоа прелијте го со бешамел сосот.

Паелја

Потребно:

• 750 гр ориз
• 12 парчиња пилешко месо
• 150 гр бел грав
• 300 гр грашок
• 2 домати
• 12 ракчиња со кора
• 2 чешниња лук
• 1 зелена пиперка
• 1,5 л пилешка супа
• 2 кесички шафран во прав
• 12 школки
• 4 лажички маслиново масло
• Сол и бибер

Подготовка:

Пропржете го пилешкото месо на маслиново масло во голем и длабок сад. Додајте го грашокот и пржете неколку минути. Потоа додајте го лукот, пиперката исечкана на коцки и доматите. Измешајте добро и додајте ја пилешката супа. Оставете го сето тоа да се вари околу 15 минути. Додајте го оризот, сол и бибер и мешајте со дрвена лажица. Додајте ги шафранот, ракчињата, школките и гравот. Мешајте додека не се впие супата. Мора да се вари на слаб оган најмалку 15 минути. Пред сервирање оставете го да отстои неколку минути.

Гаспачо чорба

Потребно:

• 2 лажички масло
• 2 лажички брашно
• 4 лажички пире од домати
• 6 дл јогурт
• 2 главици кромид
• 3 јајца
• 3 поголеми домати
• 3 бабури
• 150 гр шунка
• 2 лути пиперчиња
• 2 парчиња леб
• 1 л вода

Подготовка:

Од маслото и брашното направете мала запршка. Оставете ја да се излади. Додајте ладна вода, полека мешајте и оставете ја да поврие. Додајте го доматното пире, посолете по вкус. Додајте го јогуртот, добро изладете ја во фрижидер. Во посебни чинии подгответе кромид, тврдо варено јајце, бабура, шунка, краставица, лутите пиперчиња и пржениот леб. Чорбата послужете ја ладна, а секој од гостите според вкусот ќе ја посипе во чиничето што ќе го одбере.

Крем Каталина

Потребно:

• 2 лажички густин
• ½ л млеко
• 1 стапче ванила
• 1 стапче цимет
• 4 жолчки
• 120 гр шеќер
• ½ лажица вода

Подготовка:

Густинот помешајте го со малку млеко, остатокот ставете го да се вари, па додајте ги стапчињата ванила и цимет. Жолчките и 60 гр шеќер изматете ги со жица. Од млекото извадете ја ванилата и циметот мешајќи полека додавајте го свареното млеко о изматените жолчки. Садот ставете го на пареа, додадете го разматениот густин и мешајте додека сето тоа не се згусне. Сипете го во мали чинии и оставете ги во фрижидер 3-4 часа. На остатокот од шеќерот додадете пола лажица вода, за да се стопи и да добиете убава карамел боја. Тенок слој од врелата карамела сипете ја преку површината на кремот во чиниите и оставете ги уште половина час да се изладат.

Што вкусно би јаделе во Полска: Осчипек, кишка зјемњачана и пирог билгорајски 

http://a1on.mk/wordpress/?attachment_id=367748" rel="nofollow">

Пред зачленувањето во ЕУ постоеше стравување дека може да дојде до исчезнување на полската кујна, но наместо тоа се случи обратен процес, пред се благодарејќи на заштитата на традиционалните регионални деликатеси со европското законодавство, што доведе до возобновување на традиционалните методи на приготвување на храната.

http://a1on.mk/wordpress/?attachment_id=367750" rel="nofollow">

Полската кујна изобилува со извонредни јадења и традиционални деликатеси. Веројатно најпознат меѓу нив е чаденото овчо сирење oscypek, но и kiszka ziemniaczana – специјалитет од компири со сланина што наликува на колбас, piróg biłgorajski – погача од компири и гриз со бело солено сирење, żurawinówka – водка од брусница со 32 проценти алкохол, како и извонредниот џем од сливи од реонот на Лублин.

http://a1on.mk/wordpress/?attachment_id=367751" rel="nofollow">

Неодминлив деликатес од полската кујна се различните видови житарки – kasza, а неизбежна е и медовината, која е еден од најстарите пијалаци во човековата историја. Со климатските промените се повеќе се развиваат услови за одгледување на квалитени сорти на грозје во Подкарпатјето, Јасло и Долна Шлезија, што создава можност за производство на полско вино со повисок квалитет.

http://a1on.mk/wordpress/?attachment_id=367747" rel="nofollow">

Традиционалната полска кујна содржи различни комбинации како месо со сушено овошје, печурки со житарки, закиселени чорби со лути колбаси или домашен џем со кисели краставички.

Кога сте во Полска избегнувајте пицерии или ресторани од Далечниот Исток, бидејќи локалниот начин на живот најдобро ќе можете да го почувствувате преку храната приготвена на традиционален полски начин.

Што да јадете додека патувате по светот? 

На патувањата секогаш чувствувате притисок што е можно подобро да ги искористите тие денови за стекнување на повеќе искуства.

Важен фактор за впечатокот, што ќе го добиете за земјата домаќин е храната.

Следуваат некои специјалитети, кои треба да ги пробате на дестинациите, кои ги посетувате.

Берлин

Доколку сте голем љубител на месото, можеби ќе помислите дека треба да навалите на германските шницли. Меѓутоа вистински специјалитет на оваа земја е швајнбратен, вид на прасечко печење со кнедли, кои се јадат со голема кригла пиво.

Еден од рестораните, кои служат одличен швајнбратен е Клерхенс Балхаус.

Истанбул

Комбинацијата од бои, глетки и звуци во Истанбул одлично се согласува со експлозијата на вкусови, кои ги носи турската храна.

Имајќи предвид дека Турција имала големо влијание врз кујната на Македонија, тешко е да се оцени кое јадење е најрепрезентативно.

Задолжително пробајте го турскиот локум, кој речиси и нема никаква сличност со оние што можете да го пробате во Македонија и може да се најде во многу различни егзотични вкусови. Сите варијатни на ќебапи, а ги има многу, извонредни се и заслужуваат да ги пробате. На крај испијте и филџан турско кафе.

Сиетл

Сиетл стана гастрономска Мека на САД. Препознатливи за овој град се мошне необичните крофни, а нејнеобични се секако оние со сланина и јаворов сируп.

Најдобрите можете да ги најдете во кафтеријата The Daily Dozen во улицата Пајк, но подобро би било да пораните, бидејќи брзо се трошат.

Дубаи

Дубаи станува се попримамлива гастрономска дестинација, благодарение на мноштвото различни кујни, кои можат да се пронајдат. Задолжително треба да ги пробате либанските, арапските и иранските специјалитети, а на врвот е Гузи, јадење од јагнешко и ориз, сервирано со хумус и зеленчук.

Амстердам

Свежите производи на Холандија, а особено во Амстердам, ви обезбедуваат добар оброк. Патката, тука е навистина спектакуларна и морате да ја пробате во комбинација со свежи салати.

Токио

Во Токио најпрво со брз воз заминете до Јокохама, каде се служи свеж сашимо појадок со штотуку уловени плодови од морето.

Токио стана се поамериканизиран, така што би требало да го прескокнете сушито, доколку сакате да ги пробате вистинските специјалитети. Подобар избор е рамен, а Ен ин Хачиоји го служи веројатно најдобриот.

Ханој

Најдобар оброк, кој можете да го добиете во Виетнам е Пхо (се изговара фу). Тоа е бистра супа со мирисни зачини и тестетина, која се служи со пикатни свински ќофтиња Бун Ча.

Иако фу можете да го најдете на секој ќош, особено добар е оној во Пхо 10, кој се наоѓа аголот на улицата Чан Кам.

Кинески палачинки со млад кромид

http://www.crnobelo.com/zabava/interesno/36161-8-te-najchudni-i-najkreativni-nacionalni-jadenja-koi-plenat-so-svojata-neobichnost" rel="nofollow -

Светот е спој од различни култури со различни традиции и јадења. Некои кујни се особено познати по нивните специјалитети, а некои ги кријат нивните убавини во локалните улични штандови.

Некои обични, но сепак изобилуваат со градација на вкусови, а некои пак се толку необични што ни на крај памет не би ги пробале.

Овие 8 национални јадења се токму такви – повеќе изгледаат како експерименти кои си играат со нашите усни папили отколку како вистинска храна:

1.  Ширако – Јапонија

Земајќи ја предвид популарноста на кавијарот, не само во Јапонија, туку и во светот, не би требало да ви биде чудно да го пробате нејзиниот машки еквивалент. Станува збор за рибина млеч – репродуктивни жлезди полни со сперма од мажјаци како бакаларот.

Во Јапонија, ова интригантно јадење се нарекува „ширако“ – што означува „бели деца“.  Приготвено добро, има кремаста текстура која наликува на пудинг.

2. Лутефиск, Норвешка

Ова традиционално норвешко јадење е направено од сува, солена бела риба и алкален раствор кој се користи во средствата за чистење рерни. Трикот во ова чудно јадење е рибата да се маринира во растворот точно определено време, така што маснотиите од рибата не се претворат во сапун.

Храната е готова кога личи на желе и мириса ужасно. Во 2008, биле продадени повеќе 3.000 тони Лутефиск од рафтовите на норвешките продавници.

3. Трунг Вит Лон, Виетнам

Силен афродизијак составен од оплодено јајце од гуска со едвај развиен ембрион внатре. Возраста на јајцето зависи од регионот – Северњаците сакаат кога се позрели – т.е. кога малечкото е доволно големо за да има клунче и канџи.

Трунг Вит Лон се вари заедно со лушпата и така се јаде. Бујонот, кој го опкружува ембрионот се истура надвор од јајцето пред да се излупи лушпата. А, внатре, коските на нероденото гувче се цврсти и меки.

4. Црн пудинг, Англија

Црниот пудинг, всушност не е пудинг, туку вид колбас направен од комбинација на крв и месо. Традиционалните Британци уживаат во нивните вампирски тенденции со неколку парчиња од овој специјалитет покрај додатоци од грав, домат, печурки и јајца.

Целата комбинација се нарекува „fry up“ – и додека сигурно ќе ви го крене холестеролот, сепак задоволува голем дел од нутрициските потреби на организмот.

5. Тако де Сесос, Мексико

Мексиканците се гордеат со нивното тако од кравји мозок. Иако сивата маса е богата со холестерол, таа не е конвенционално нездрава.

Според медицината, кравјото лудило има инкубационен период од 50 години, па затоа ваквото јадење не е баш најбезбедно. Јадете на сопствен ризик.

6. Санакџи, Кореја

Би пробале жив октопод? Санакџи е традиционално корејско јадење кое се состои од ситно исечен октопод додека пипалата сѐ уште мрдаат. Практично, додека го јадете, чувствувате како пипалата се движат во вашата уста, помеѓу забите и јазикот.

Уште една варијација на Санакџи е да земете бебе-откопод и директно да го ставите во уста. Без сечење и без убивање.

7. Тонг ци дан, Кина

Можеби едно од најчудните јадења кои светот ги нуди е кинескиот деликатес Тонг ци дан или „јајца од момче-девица“. Секоја пролет во градот Донгианг јајцата се варат во урина на млади момчиња на училишна возраст.

8. Сангуиначо, Италија

Овој десерт сигурно нема да се појави на менито веднаш до тирамисуто и другите вообичаени десерти. Сангиуиначо е всушност пудинг направен од крвта на свежо заколено прасе.

Колењето на животни за време на празниците претставува традиционален начин на славење на католичките зимски празници.

Ваквиот вкусен десерт е едно од оние нешта што мора да ги пробате пред да дознаете што има во нив. 

-------------
Јакиот човек има само една слаба страна-жената што ја сака!

http://www.crnobelo.com/hrana/recepti/38348-spanski-omlet-so-kompiri-i-kolbasi" rel="nofollow -

Овој пат ве водиме во Шпанија, односно ќе ви покажеме како да подготвите еден интересен шпански рецепт благодарение на кој омлетот ќе добие сосема поинаква димензија.

Шпанската кујна е позната по тоа што често комбинира месо со разни зеленчуци добивајќи на тој начин не само здрав оброк туку и храна која е примамлива за окото.

Рецептот кој овој пат го споделуваме со вас е одлична идеја за појадок со која идејата за омлет засекогаш ќе ви се промени.

Потребни состојки:

• 3 лажици масло
• 1 поголем жолт кромид, исечкан
• 50-60g колбас, пресечен во форма на полумесечини
• 340g компир, исечкан на коцки
• сол и црн пипер
• 3/4 чаша магдонос, грубо исечкан
• 10 јајца
• 1 чаша рендан чедар
• мала марула
• 1/2 помал црвен кромид, тенко исечкан

Подготовка:

Загрејте ја рерната на 200°C. Загрејте 1 лажица масло во голема огноотпорна тава на средна топлина. Додадете го жолтиот кромид и пропржете го 5 минути.

Додадете го исечканиот колбас, компирите и по 1/2 лажичка сол и црн пипер и оставете да се готви во покриен сад, мешајќи повремено, додека компирите не омекнат, односно околу 10 минути.

Додадете го магдоносот. Истурете ги јајцата во тавата и измешајте да се состават состојките. Одозгора наросете чедар и пренесете го садот во рерна.

Печете го омлетот додека чедарот не се стопи и добие кафеава боја околу рабовите, околу 15 минути.

Ставете листови марула и црвен кромид на чинијата за сервирање и полејте ги со маслиново масло. Исечете го омлетот на парчиња и послужете го на чинијата.

-------------
Јакиот човек има само една слаба страна-жената што ја сака!

http://www.kafepauza.mk/zivot/3-italijanski-deserti-koi-sekoj-mora-da-gi-proba/" rel="nofollow - Вкусни и едноставни италијански десерти кои едноставно мора да ги пробате

1. Десерт со овошен јогурт (за 4 до 6 лица)

Потребни состојки:

• 300 грама мешано овошје
• 200 грама свежо сирење
• 250 грама пандишпан за торта
• 250 милилитри грчки јогурт
• 100 грама малини и јагоди
• 2 кафени лажици шеќер во прав
• 1 кафена лажица гранулирани лисја од нане
• Сок и кора од половина лимон

Начин на подготовка:

Исечете го мешаното овошје, ставете го во чинија и додајте го шеќерот, сокот од лимон и нането. Ставете ги во фрижидер сè додека овошјето не испушти сок. Со миксер изматете ги сирењето, кората од лимон, јагодите и малините и ставете ги во чинија. Додајте јогурт и шеќер, промешајте и ставете ја чинијата во фрижидер. Исечете го пандишпанот на коцки и ставете го во стаклена чинија. Нанесете еден слој од овошјето и јогуртот врз пандишпанот. Повторете го ова во неколку слоеви. Ставете го во фрижидер најмалку 30 минути пред да го служите.

2. Сендвичи со сладолед (за 4 лица)

Потребни состојки:

• Готово тесто за колачи
• 60 грама брашно
• 60 грама путер
• 60 грама шеќер
• Сладолед
• 2 белки од јајце
• Прстофат сол

Начин на подготовка:

Пуштете ја рерната на 200 степени. Матете го путерот со шеќерот сè додека не се добие хомогена смеса. Изматете ги и белките со малку сол и потоа полека додавајте ги во смесата со путерот. На крај додајте го и брашното (за чоколадни колачи додајте и една лажица какао). Поставете хартија за печење и врз неа со лажица ставајте од тестото. Погрижете се парчињата тесто да не бидат многу блиску едни до други. Печете ги 8 минути. На рабовите ќе бидат кафеави, а во средината бели. Половина од колачите намачкајте ги со сладолед и покријте ги со друго колаче за да формирате сендвич.

3. Овошна торта со манго и ф’стаци (за 4 лица)

Потребни состојки:

• 2 зрели манга
• 50 грама кафеав шеќер
• 1 лажица путер од ф’стаци
• Нане

За тестото:

• 250 грама брашно
• 125 милилитри вода
• 100 грама путер
• Рендана кора од лимон
• 1 лажица шеќер
• Сол

Начин на подготовка:

За да го подготвите тестото, пресечете го путерот на мали парчиња и измешајте го со брашното, кората од лимон, шеќерот и солта. Додајте 125 милилитри вода и со миксер мешајте додека смесата не стане хомогена. Потоа ставете ја во фрижидер на 1 час. Излупете го мангото, исечете го на дебели парчиња, а сокот соберете го во шолја. Во мала тава загрејте го шеќерот со 1 лажица од путерот и сокот од мангото. Гответе додека не се карамелизира. Префрлете го во тава за печење и од горе ставете ги парчињата манго. Потоа додајте го тестото и печете 25 минути во претходно загреана рерна на 150 степени. Извадете го од рерната и попрскајте го со ф’стаци и нане.

http://www.crnobelo.com/hrana/recepti/39612-probajte-svedski-slatki-rolnicki-so-cimet-i-puter" rel="nofollow -

Ако бурекот или симит-погачата се обележје на балканските простори, тогаш овие шведски ролнички со цимет се дефинитивно препознатлив кулинарски симбол на скандинавската кујна.

Нивното оригинално име гласи Кanelbullar и одат одлично во комбинација со кафе.

Толку се популарни што имаат и свој посветен ден во шведскиот календар - 4-ти октомври.

Доколку точно го следите рецептот, тој ќе ве трансфомира од надежен во професионален пекар.

Изненадете ги домашните и пријателите со овие вкусни ролнички со цимет и уживајте во неодоливата арома на специјалниот додаток, зачинот кардамом.

Потребни состојки:

За тесто:

• 150g путер
• 500ml млеко
• 50g свеж квасец
• 1 кафена лажичка сол
• 85g бел шеќер
• 2 кафени лажички здробено семе од кардамом, по желба  (може да го најдете во подобро снабдени продавници за зачини и здрава храна)
• 900g бело брашно

За фил:

• 100g путер на собна температура
• 85g бел шеќер
• 3-4 супени лажици мелен цимет

Декорација:

• 1 матено јајце
• 3-4 лажици украсен крупен шеќер или сечкани бадеми

Начин на подготовка:

Стопете го путерот во длабок сад и додадете го млекото. Загрејте на температура до 37 степени.

Здробете го квасецот во сад за матење, додадете го млекото и мешајте додека не се растопи квасецот.

Додадете ја солта, шеќерот, здробеното семе од кардамом и скоро целата количина на брашно. Зачувајте малку брашно за подоцна.

Измесете го тестото додека не се изедначи и веќе не се лепи по рабовите на садот за месење. Оставете го тестото да отстои околу 30 минути, покриено со чиста крпа.

Префрлете го тестото на површина посипана со брашно и пресечете го на половина. Направете две долги правоаголни плочки со дебелина од околу 1,5 сантиметри.

Намачкајте го путерот и испрскајте одозгора со шеќер и цимет.

Почнувајќи од подолгата страна, истегнете го тестото и свиткајте го во облик на две ролни. Исечете ја секоја од ролните на парчиња (треба да добиете околу 45-50 ролнички) и ставете ги, свртени со „лицето“ нагоре на хартија за печење. Покријте ги со крпа и оставете ги уште 30 минути за да се крене тестото.

Загрејте ја рерната на 225 степени. Намачкајте ги ролничките со белка од јајце и украсете ги со крупен шеќер и бадемови снегулки.

Печете ги ролничките од 8-10 минути.

Пријатен сладок апетит!

-------------
Јакиот човек има само една слаба страна-жената што ја сака!

http://www.crnobelo.com/hrana/recepti/40298-super-pojadok-brz-recert-za-poznatiot-spanski-omlet" rel="nofollow -

Шпанскиот омлет е познат низ светот како една од највкусните идеи за појадок широко прифатена од многу нации.

Неговите варијации можете да ги сретнете во многу земји, но сепак оригиналниот рецепт е рецептот со кој ќе го добиете автентичниот вкус на Шпанија.

Потребни состојки:

• 3 јајца
• 2 лажици млеко
• малку путер
• домати
• шунка
• кашкавал
• сол и црн бибер

Подготовка:

1. Изматете ги јајцата заедно со млекото и додадете малку сол и црн бибер.

2. Исчекајте ги ситно шунката и доматите и изрендајте го кашкавалот.

3. Истурете околу 2/3 од смесата во подмачкана тава на оган и додатете ги одозгора сечканата шунка, доматите и ренданиот кашкавал. Превртете кон средината мал дел од едната страна на омлетот а во празното место истурете ја преостанатата смеса.

4. Штом ќе добие златно кафеава боја, свиткајте го во ролна и спремен е за послужување.

-------------
Јакиот човек има само една слаба страна-жената што ја сака!

 „Paella“ познатото шпанско јадење е измислено токму во Валенсија. Овде, традиционалните состојки се ориз, пилешко, зајачко, грав, полжави и артичоки. Секако, постојат и 100 други разни комбинации кои вклучуваат и морски плодови.

ШВАЈЦАРСКА ПОГАЧА ОД КОМПИРИ!

http://www.crnobelo.com/zivot/patuvanje/50115-10-specijaliteti-koi-mora-da-gi-probate-vo-italija-a-ne-se-pica-i-gelato" rel="nofollow -

Италија и храна. Совршена симфонија. Земјата на пицата, пастата, маслиновото масло. Италија е синоним и за добро вино, џелато, тирамису, кафе.

Секоја посета во Италија подразбира добро парче пица, заокружено со вкусен џелато сладолед и силно еспресо испиено „од нога“.

Но, Италија нуди и многу повеќе на менито од ова. Ова се 10 помалку познати, но вкусни специјалитети кои вреди да ги пробате кога ќе се најдете на „полуостровот чизмичка“:

Bigoli

Мислите дека шпагетите се врвно паста уживање? Ќе се премислите откако ќе пробате биџоли, јадење автентично за Венето регионот, што ги опфаќа Венеција, Верона и езерото Гарда. За разлика од тенките мазни шпагети, биџолите се подебели, груби и цевчести.

Традиционално направени од хељдино брашно и јајца од патка, се служат со едноставен сос од црвено вино, зеленчук и печена дива патка, гарнирани со магдонос и рендан пармезан.

Ribollita

Ова јадење е означено како „јадење за сиромашни“, иновација на слугите кои ги собирале остатоците од јадењето на нивните господари како леб и зеленчук, и повторно ги вареле. Всушност, Ribollita во превод значи токму тоа – повторно сварено.

Лебот кој ја згуснува супата му дава на јадењето богат и мек вкус. И покрај неговите скромни зачетоци, Риболита се смета за едно од најважните и највкусните јадења во Тоскана.

 

Risi e bisi

Ориз и грашок не звучи баш како најсофистицираното италијанско јадење, но изненадувачки е превкусно. Како што укажува името јадењето содржи само грашок и ориз, зготвени со пилешки бујон и зачини кои се употребуваат за традиционално рижото.

Мешањето е сведено на минимум, за да текстурата на јадењето повеќе наликува на супа.

 

Tortellini en Brodo

Ова е типично омилено јадење за време на празниците во северна Италија. За разлика од регуларните тортелини кои се служат со богат крем сос, овие се варат во пилешки бујон. Наполнети со телешко месо и Parmigiano Reggiano сирење, се служат само со малку наросен рендан пармезан и тоа е тоа.

Canederli

Како и Риболитата и ова јадење е направено од остатоци од леб помешан со јајца и млеко. Се обликуваат топчиња, а често пати се додава пушена сирова шунка како додаток, кашкавал и зачини. Потоа се варат во говедски или пилешки бујон.

Може да се послужат „суви“ со малку стопен путер или заедно со бујонот. Ова е совршено јадење за зимскиот период.

Osso buco alla Milanese

Доколку сте љубител на месо, нека „Осо буко“ биде првиот избор кој ќе го вкусите, наместо пилешкото со пармезан што всушност не е ниту италијанска храна.

Парчиња телешко месо со коска (потколеница) готвени бавно со бело вино и зеленчук, послужени со остар прелив од магдонос, лук и рендана кора од лимон или позната уште како гремолата. Модерните верзии на ова јадење вклучуваат домати, но автентичното Осо Буко типично за Милано се готви без нив.

Cacciucco

Не сте љубител на риба и морска храна? Ова јадење ќе го промени тоа. Зачинетата морска „манџа“ е типична за Ливорно, а се прави од свежиот улов – школки, риби, лигњи и октопод.

Рибата се готви во богат доматен сос и бујон зачинет со лук и жалфија, а се служи со добро потпечено лепче со кое ќе си макнете од сосот.

Focaccia di recco

Ова е причината поради која толку многу луѓе го сакаат регионот Лигурија со главниот град Џенова. Тенок слој на печена фокача исполнето со кремаст слој од crescenza сирење. Изгледа слично на нашиот бурек, нели?

Bottarga

Ботарга не се класифицира толку многу како јадење, туку повеќе како состојка: маринирана и созреана, односно пушена икра од морска риба, карактеристичен деликатес за Сардинија и Сицилија.

Богатиот соленкаст вкус дозволува да се комбинира со лингвини паста, зелен зеленчук или врз потпечен леб со путер.

Torrone

Потеклото на Тороне десертот е под знак прашалник, некои велат дека потекнува од Ломбардија, а други инсистираат дека е креирано во Сицилија. Како и да е, важен е вкусот. А вкусот е сладок и божествен – кремав, леплив десерт направен од мед, белки од јајца, тостирани јаткасти плодови и кора од цитрус.

Модерната варијанта на Тороне е потопена во чоколада. Мјам!

-------------
Јакиот човек има само една слаба страна-жената што ја сака!

http://www.crnobelo.com/hrana/soveti/56786-14-deserti-koi-ne-smeete-da-gi-propustite-dokolku-se-najdete-vo-francija" rel="nofollow - - 14 десерти кои не смеете да ги пропуштите доколку се најдете во Франција

Турски појадок – „ Kahvaltı“

Појадокот е најважниот дневен оброк. За да не се прескокне, според експертите за исхрана, ова најзначајно јадење во денот, во Турција постојат специјализирани ресторани за појадок. Посетувањето на ваквите ресторани заедно со целото семејство стана тренд, особено во поголемите турски гардови. Ако се подготвувате за бизнис средба во Турција немојте да се изненадите ако тоа, наместо „работен ручек“ биде „работен појадок“.

https://www.crnobelo.com/zabava/interesno/60744-gradovi-koi-moze-da-se-pofalat-so-najvkusna-ulicna-hrana" rel="nofollow -

Секој град си има свои карактеристики кои го прават уникатен, меѓу кои е и локалната кујна.

За да се почувствува вистинскиот вкус на некој град, најдобро е да се пробува храна од уличните продавачи. Гурманите би рекле дека ваквата храна е подеднакво вкусна како и во рестораните со Мишелин ѕвезди.

Погледнете во кои градови низ светот има највкусна традиционална улична храна:

Бангкок, Тајланд

Брзи оброци врз основа на ориз, нудли и пијалаци од слатко соино млеко. Доколку се најдете во Бангкок, задолжително пробајте комбинација од нудли и ориз во вок-тава, со сусам, ракчиња, тофу, лук, сушена риба, пржени кикирики и многу свеж зеленчук.

Токио, Јапонија

Таму можете да најдете овошја и зеленчуци печени на скара, на специјален јаглен и секако, неизоставното суши, кое го има во многу варијанти.

Хонолулу, Хаваи

Кујната на Хаваите е мешавина од локална и традиционална храна со влијанија од САД, Азија и Латинска Америка. Можете да најдете салати со свежа риба, но и хамбургери. Едно од најомилените јадења е октопод на скара со прилог од кимчи (кинеска ферментирана лута зелка).

Њу Орлеанс, Луизијана

Омилена изрека на мештаните е дека тие служат подобра храна на бензинските станици од елитните ресторани. Можете да изберете меѓу ориз со грав и андалузиски колбас, француски тост со многу путер или сицилијански сендвич. Тие подготвуваат и парчиња пржено месо од крокодил, што според нив имаат вкус на пилешко.

Истанбул, Турција

Што повеќе може да се каже? Свежи печива, ѓевреци, донер-ќебап, турско ќофте, лахмаџун, сладолед од ф'стаци, ашуре, баклави и ќунефе. Изборот е навистина голем.

Мексико Сити, Мексико

Вкусни бурита, тако сендвичи, екстремно лут сос од зелени халапењо пиперчиња, салса и топено сирење. Нивната улична храна е вкусна, обилна, калорична и тешка за копирање, бидејќи секое ресторанче има свој специфичен начин на подготовка и најмалку по една тајна состојка.

Маракеш, Мароко

Пазарот во Маракеш е преполн со различни видови храна и пијалаци, од најобични десерти од палачинки, па сè до супи од полжави и овчи глави. Изборот е голем и колоритен и има по нешто за сечиј вкус.

Бомбај, Индија

Широк спектар на оброци со или без месо, кои вклучуваат најразлични печива, палачинки, јадења од арени компири, зачинети со кари, чили и многу други зачински растенија.

Мајами, САД

Во Мајами многу се подготвува и продава кубанска храна, па така нема да погрешите со сендвичот Кубано. Во него има шунка, пржено свинско, швајцарско сирење, кисели краставички и сенф. По избор на оној кој го јаде, овој сендвич може кратко да се потпече во тостер.

Рим, Италија

Во овој град неизоставна е италијанската рустична пица, но и многу други погачи и лебови направени од тесто со квасец.

Пекинг, Кина

На улиците низ Пекинг може да се најдат над 200 различни видови улична храна. Кинезите обожаваат ражниќи, па така можете да најдете и месо на стапчиња, но и скорпии и морски коњчиња. Не пропуштајте ги и супите со нудли и вкусните пролетни ролнички со зачинет зеленчук.

-------------
Јакиот човек има само една слаба страна-жената што ја сака!

Крофни во Чикаго, САД

Локал:  https://www.tripadvisor.com/Restaurant_Review-g35805-d2302509-Reviews-Doughnut_Vault-Chicago_Illinois.html" rel="nofollow - Doughnut Vault

Kасутера (Castella сунѓер торта) во Нагасаки, Јапонија

Локал:  https://www.tripadvisor.com/Restaurant_Review-g298568-d1188760-Reviews-Shooken-Nagasaki_Nagasaki_Prefecture_Kyushu.html" rel="nofollow - Shooken

Чизкејк во Њујорк, САД

Локал:  https://www.tripadvisor.com/Restaurant_Review-g60763-d808386-Reviews-Eileen_s_Special_Cheesecake-New_York_City_New_York.html" rel="nofollow - Eileen's Special Cheesecake

Lebkuchen (Gingerbread колачиња) во Нирнберг, Германија

Локал:  https://www.tripadvisor.com/Attraction_Review-g187310-d241826-Reviews-Hauptmarkt-Nuremberg_Middle_Franconia_Franconia_Bavaria.html" rel="nofollow - Hauptmarkt

Крофни во Санкт Петербург, Русија

Локал:  https://www.tripadvisor.com/Restaurant_Review-g298507-d3771018-Reviews-Pyshechnaya-St_Petersburg_Northwestern_District.html" rel="nofollow - PyshechnayaIs

Каноли во Таормина (Сицилија), Италија

Локал:  https://www.tripadvisor.com/Restaurant_Review-g187892-d6419474-Reviews-La_Pignolata_Guinness_Cannoli-Taormina_Province_of_Messina_Sicily.html" rel="nofollow - La Pignolata Guinness Cannoli

Линцер торта во Линц, Австрија

Локал:  https://www.tripadvisor.com/Restaurant_Review-g190428-d8352938-Reviews-Cafe_Jetschke-Linz_Upper_Austria.html" rel="nofollow - Cafe Jetschke

Трделник во Прага, Чешка

Локал:  https://www.tripadvisor.com/Restaurant_Review-g274707-d8396089-Reviews-Good_Food_Coffee_and_Bakery-Prague_Bohemia.html" rel="nofollow - Good Food, Coffee and Bakery

Белгиска вафла во Брисел, Белгија

Локал:  https://www.tripadvisor.com/Restaurant_Review-g188644-d3731659-Reviews-Waffle_Factory-Brussels.html" rel="nofollow - Waffle Factory

Шпанија: Turron, Polvorones

Polvorones – неверојатни меки и ронливи традиционални божиќни колачиња, посипани со шеќер во прав, чие име „Polvo“ на шпански значи токму – прав.

Turrón de Navidad – еден вид на алва, со изразен вкус на бадем и лешници, сладок десерт кој е достапен во тврда и мека форма.

Швајцарија: Basler Brunsli

Basler Brunsli – Швајцарски зачинети чоколадни колачиња.

Франција: Madelenes, Sables

Sables Bretons – класични француски колачиња, чиј уникатен вкус се постигнува со солен путер.

Madeleines – деликатни, меки, чајни колачиња со исклучително форма, низ кои провејува суптилен мирис на лимон и ванила.

Холандија: Stroopwafels

Stroopwafels – тенка крцкава вафла со карамел, која станува мека доколку ја ставите врз топло чајче, кафе или какао.

Белгија: Speculaas

Speculaas – тенко, зачинето колаче, особено популарно во Белгија и Холандија, кое се издвојува по шарата.

Норвешка: Pepperkaker

Old fashioned pepperkaker – овие норвешки колачиња со ѓумбир тенки како лист хартија се преполни со зачини и малку коњак кој им дава необичен и истовремено неодолив вкус.

Lebkuchen – можеби најпопуларното божиќно колаче во Германија. Ова е ѓумбир-колаче кое најчесто се прави со мед и многу зачини, а понекогаш се додава и марципан.

Уште еден интересен податок – традицијата на изработка на слатките декоративни куќички со вкус на ѓумбир започнале токму во Германија.

Haselnussmakronen – меко и растегливо колаче со бадеми.

Zimtsterne – колаче во облик на ѕвезда со вкус на цимет, уште едно традиционално германско колаче со бел, шеќерен прелив.

Vanillekipferl – најпопуларното австриско божиќно колаче во облик на полумесечина, со примеси на ванила и путер.

Linzer kekse – уште едно австриско „сендвич“ колаче чие тесто има изразен вкус на јатки, односно бадеми во случајов, а двете половинки се залепени со џем од малини.

Ginger linzer cookies with butter caramel – уште една варијација на популарните „Linzer“ колачиња, овој пат во комбинација со ѓумбир, путер и карамел.

Италија: Biscotti, Amaretti, Panforte, Strufolli

Chocolate-dipped almond biscotti – традиционални тврди бисквити со чоколаден прелив и додатоци како бадеми.

Chocolate Panforte – традиционален италијански „лебен“ колач со јатки и суво овошје, слично на нашиот милиброд.

Chewy Amaretti Cookies – колачиња со бадем

Ricciarelli – уште едно бадемово колаче од Сиена.

Struffoli – традионален божиќен десерт од Неапол, малечки топчиња од тесто кои се пржат во врело масло и се посипуваат со рендана кора од портокал и лимон, прелиени со мед на крајот.

https://www.crnobelo.com/hrana/recepti/64636-zimski-deserti-vienska-slatka-knedla-so-afion-i-dzem-od-slivi" rel="nofollow - - Зимски десерти: Виенска слатка кнедла со афион и џем од сливи

https://www.crnobelo.com/hrana/soveti/73956-sto-e-pinsa-italijanski-specijalitet-koj-bi-mozel-da-ja-nadmine-picata" rel="nofollow - - Пинса- италијански специјалитет кој би можел да ја надмине пицата

Но, во што е разликата помеѓу овие два италијански специјалитети?

Покрај својата овална форма, пинсата се разликува од пицата во лесната текстура на тестото, кое има помалку јаглени хидрати и маснотии.

Тестото се прави од мешавина од пченица, соја и ориз, така што не е тешко за стомакот, а оние што го вкусиле велат дека тестото е меко како облак.

Ова се постигнува со употреба на ладна вода и ладно брашно, како и бавно надигнување на тестото, од 20 до 120 часа, но најчесто 48 часа.

Покрај тоа, тестото треба да се меси полека, за да не се загрее премногу. Добрите пинси одвнатре мора да бидат сочни, а од надвор крцкави.

Исто како и пицата, пинсите ги правеле сиромашните рурални работници. За подготовка на ова јадење користеле вода и мешани житарки: јачмен, овес, просо и ориз.

Откако го преточиле тестото во изедначена овална форма, додавале едноставни состојки како ароматични билки и сол. Тогаш пинсата била подготвена за печење во врел јаглен.

Дури и Вергилиј во Енеидата запишал дека селаните во римските села мелеле житарки за да направат овален колач во жежок јаглен.

https://www.crnobelo.com/zivot/patuvanje/74551-specijaliteti-shto-treba-da-gi-probate-dodeka-shetate-vo-zemjite-niz-svetot" rel="nofollow - - Специјалитети што треба да ги пробате додека шетате во земјите низ светот

Имено, јапонските научници докажале дека токму поради промената во сетилото за вкус, се менува и нашата омилена храна. Па така, во детството сладоледот ни е омилен „оброк“, додека многу зеленчуци ни имаат горчлив вкус.реклама

Можеби оваа промена е добра, бидејќи подоцна во животот ќе нè натера да пробаме нови вкусови.

А кога сме кај нови вкусови, добро би било да ги пробате овие јадења од целиот свет, штом ќе ви се укаже можност за тоа:

Шкотски јајца

Овој специјалитет е еден вид ќофте од мелено месо и презла, со мало изненадување во средината – варено јајце.

Каде да го пробате: Според Англичаните, најдобрите шкотски јајца ќе ги најдете во стар паб.

Pastel de nata

Овој десерт е „кошничка“ од лиснато тесто, исполнета со крем од лимон и цимет.

Каде да го пробате: Најдобро е да го пробате овој десерт во Португалија, во некоја пекара во Лисабон.

Ceviche

Ова јадење е направено од сурова риба маринирана во сок од лимон или лимета. Јадењето е зачинето со многу чили, коријандер и кромид.

Каде да го пробате: Најдоброто ceviche ќе го најдете во Перу.

Погачи со школки

Школките се пржат во тесто направено од брашно, млеко, „сок“ од школки и јајца.

Каде да го пробате: Најдобрите погачи со школки ќе ги најдете на улиците во гратчињата на Роуд Ајланд, САД.

Јагула во зелен сос (Paling in ’T Groen)

Супата е направена од јагула и густ зелен сос. Сосот содржи разни зачини, како нане, оригано, босилек, магдонос, ѓумбир, а понекогаш и спанаќ.

Каде да го пробате: Јадењето потекнува од Белгија, па најдобро е да го пробате во некој белгиски рибен ресторан.

Thüringer Rostbratwurst

Рецептот за овие колбаси потекнува од Германија од 15-тиот век. Направени се од мелено свинско, телешко или говедско месо. Колбасите се приготвуваат на скара, со свинска маст, а се служат со мало лепче и сенф.

Каде да го пробате: На пазарот во Ерфурт, Германија ќе ги најдете автентичните колбаси, кои потоа можете да ги приготвите сами.

Poutine

Ова јадење е всушност помфрит со сос и парчиња кашкавал. Компирчињата се крцкави однадвор и меки однатре, а сосот е многу мрсен и солен. Кашкавалот, пак, му дава совршена текстура.

Каде да го пробате: Ова е традиционално канадско јадење кое потекнува од покраината Квебек, а најдобро е да го пробате во Монтреал.

Bouillabaisse

Ова е еден вид супа од морска храна, која содржи неколку видови риба, школки, октопод, ракчиња и јастог. Супата има и зеленчуци, како компири, праз и домати, а е зачинета со шафран.

Каде да го пробате: Јадењето можете да го пробате во Марсеј, Франција.

Phirni

Phirni е сладок пудинг што ќе го најдете на речиси секој индиски карневал. Направен е од ориз, брашно, млеко и сушено овошје. Шафранот и кардамонот му даваат посебна арома на десертот, а понекогаш се додаваат и манго, цреши, бадеми и ф’стаци.

Каде да го пробате: Можете да го најдете десертот во близина на хиндуистичктие храмови, за време на секоја голема прослава.

Pho Bo

Главната состојка на ова јадење е супата од месо, во која се додаваат нудли од ориз и парчиња месо. Чорбата се служи со свежи зачини и голема порција лимонов сок.

Каде да го пробате: Јадењето ќе го најдете во многу ресторани во Виетнам, но најдобро е да го пробате кај уличен продавач.

„Супа“ од вишни (Meggyleves)

Ова е еден вид слатка супа, или компот, направена од вишни, слатка павлака, бело вино и цимет.

Каде да го пробате: Овој десерт ќе го најдете во секој ресторан во Унгарија, но најчесто во топлата сезона.

Pizza ebraica

Иако во името стои зборот пица, ebraica e всушност десерт. Наликува на гранола и е направен со слатко тесто, сушено грозје, кандирано овошје, бадеми, сушена кајсија и сушена брусница.

Каде да го пробате: Најдобрата верзија од овој десерт ќе ја најдете во Рим.

Како изгледаат популарните зимски специјалитети во различни земји ширум светот

https://www.crnobelo.com/hrana/recepti/82673-tradicionalen-polski-kolach-babka-sovrshen-za-studeni-zimski-utra-so-kafe-ili-chaj" rel="nofollow - - Традиционален полски колач „Бабка“ – совршен за студени зимски утра со кафе или чај

Совршено меко колаче кое одлично оди со кафе или чај, а децата ќе го обожаваат како слатка ужина. Овој колач е особено популарен во Полска и Украина, а доаѓа во повеќе варијации – со цимет, јаболка, суво грозје, мармалад, чоколаден крем итн.

Потребни состојки:

За тестото:

• 350g брашно
• 40g шеќер
• 1 ќесичка ванилин шеќер
• 20g квасец
• 100g омекнат путер на собна температура
• 2 јајца
• 150ml млако млеко
• Малку сол

За филот:

• 4 лажици чоколаден крем со лешници по избор
• по желба може да додадете сечкани лешници, ореви…

Начин на подготовка:

https://www.kafepauza.mk/zivot/francuska-pita-najlesen-recept-za-chokoladna-fantazija-shto-se-topi-vo-ustata/" rel="nofollow - - Француска пита: Најлесен рецепт за чоколадна фантазија што се топи во устата

• 
  

Француската пита нема никаква врска со Франција, туку тоа е американски изум од 1950-тите кој настанал за време на еден натпревар.

Во оригиналниот рецепт, филот на питата се состои од пудинг од чоколадо, но постепено беше заменет со раскошен мус крем. Бидејќи ова е десерт што мора да се стави во фрижидер пред да се сервира, основата на питата се состои од бисквити со путер кои не ја губат структурата по ладењето.

Потребни состојки:

За основата:

• 200 гр бисквити
• 85 гр путер

За филот:

• 200 гр шеќер
• 170 гр омекнат путер
• 85 гр црно чоколадо
• 3 домашни пастеризирани јајца
• 2 лажици ликер од портокал

За украсување:

• шлаг

Начин на подготовка:

1. Загрејте ја рерната на 170 степени Целзиусови.
2. Мелете ги бисквитите и измешајте ги со путерот. Мешајте додека не добиете влажна смеса.
3. Со прстите притиснете ја смесата во плех за печење.
4. Ставете во рерна 10 до 12 минути или додека не се компресира основата.
5. Извадете од рерната и оставете да се излади целосно.
6. Додека основата се лади, направете го филот. Растопете го чоколадото во микробранова печка или на пареа.
7. Во блендер изматете ги омекнатиот путер и шеќерот.
8. Додадете го растопеното чоколадо и ликерот.
9. Постепено додавајте ги јајцата едно по едно и мешајте додека не добиете мазна смеса. Нанесете го на оладената основа од бисквити и оставете во фрижидер за 3 до 4 часови.
10. Украсете со шлаг и уживајте во вкусот.

https://www.kafepauza.mk/zivot/kohuke-vkusen-desert-od-estonskata-kujna/" rel="nofollow - - Кохуке: Вкусен десерт од естонската кујна

https://www.kafepauza.mk/zivot/meka-i-mirizliva-meka-pita-so-sirenje-koja-fincite-ja-obozhavaat/" rel="nofollow - - Мека и миризлива: Мека пита со сирење која Финците ја обожаваат

• 
  

Финска пита со сирење – рахакапииракка се подготвува од традиционалното рака сирење, кое го обожаваат северните жители. Тоа е лесно како кварк, сличен на грчкиот јогурт само со карактеристичен кисел вкус и малку зрнеста текстура како рикота. Сирење рикота можете да го користите за замена на мекото сирење.

Потребни состојки:

За питата:

• 100 гр путер
• 50 гр шеќер
• 1 јајце
• 200 гр брашно
• 1 лажичка прашок за пециво
• 1/2 лажиче мелен кардамон

За полнежот:

• 50 милилитри млеко
• 200 гр рикота
• 50 гр шеќер
• 1 јајце
• 1/2 лажиче екстракт од ванила

Начин на подготовка:

1. Загрејте ја рерната на 200°С. Оставете го путерот на собна температура да омекне. Изматете го јајцето. Измешајте ги сите состојки за тестото во сад и мешајте додека не се изедначи. Ставете го во набрашнет плех за пита.

2. Измешајте ги млекото, сирењето, шеќерот, јајцето и ванилата и мешајте додека не се изедначи. Истурете ја оваа мешавина врз тестото.

3. Печете 30 минути или додека питата не стане цврста. Тестото не треба да биде течно. Извадете го од рерна и оставете да се излади. Послужете ладно.

https://www.kafepauza.mk/zivot/atom-popularno-meze-vo-turskata-kujna/" rel="nofollow - - „Атом“: Популарно мезе во турската кујна

• 
  

Ова мезе е наречено „Атом“ затоа што се прави со најлутите пиперки од турската кујна. Како што можеби знаете, консумирањето лути пиперки има ефект на зајакнување на апетитот и поради оваа причина повеќето од рестораните нудат „Атом“ мезе во своето мени.

Потребни состојки:

• 500 милилитри јогурт/павлака
• 1 чешне лук, мелен или по вкус
• 1 лажица маслиново масло
• 1 лажица путер
• 5 суви и лути пиперки

Начин на подготовка:

1. Ставете го јогуртот во сад и додадете го мелениот лук. Потоа, измешајте ги добро.
2. Ставете путер и маслиново масло во тава и мешајте додека путерот не се стопи добро. Потоа додадете ги сувите пиперки и пржете околу 1-2 минути на средна топлина.
3. Распределете ја смесата со пиперките врз јогуртот рамномерно со лажица. Уживајте!