ФОТО: Тепачки за Мерлин

Деновиве во јавност излегоа слики во кои е прикажана Мерлин Монро за време на церемонијата Златен Глобус од 1952 година. Сликите се дело на фотографот од магазинот Time, Лумис Дин, кој таа вечер специјално се нашол во клубот Дел Мар, во Санта Моника, каде што се одржала церемонијата.

Од следните слики можеме да ја забележиме Мерлин како ужива во друштво на различни мажи, кои се тепаат само за да стигнат до неа и да ја освојат, па макар и за една вечер. Таа облечена во тесен долг црвен фустан, кој има совршен отвор на градите, целосно ужива во вечерта и покрај тоа што на некои слики се забележува нејзината чудна насмевка.

Фотографот успеал да ги слика овие ситни детали, па дури и оние кога мажите зјапале, а таа незаинтересирано гледала преку нивното рамо.

Исто така, забележана е и со актерот Ричард Басихарт, на кого му ја покажува наградата Хенриета, за најмлада личност. На таа слика се забележува тогашната 25-годишна девојка како има мошне близок однос со актерот, кој подоцна, случајно или не, стана нејзин сосед.

Исто така, во нејзиниот аутфит беше вклучена и голема чанта, која не ја носеше таа, туку еден маж цела вечер и ја придржуваше. Па, тоа може само Мерлин да го направи.

Освен наградата Хенриета, Мерлин има добиено повеќе награди, вклучувајќи го и Златниот глобус за филмот Some Like It Hot. По нејзината смрт, таа стана поим за совршена дама меѓу мажите, а модна икона кај жените.

Која е вистината за смртта на Мерлин Монро?!

По повод 50-годишнината од смртта на Монро, Associated Press, се обиде да ја искористи слободата на информациите со цел да обелодени покомплетна слика за нејзината мистериозна смрт, по што девет месеци подоцна се здоби само со цензурирани информации од ФБИ.

ФБИ соопшти дека веќе не ги поседува датотеките собрани за случајот Монро, додека Националната Архива, која е вообичаенa дестинација за таков материјал, не даде ништо поветувачки одговор.

Најновата верзија на датотеката, која ги содржи информациите за случајот Монро, сега е јавно достапна на веб-страницата на бирото “The Vault”, кое периодично поставува информации од ФБИ кои се однесуваат на познати личности, владини претставници, шпиони и криминалци.

Моќта на Монро и стравот што таа го предизвика со можноста да биде регрутирана од страна на Комунистичката партија во текот на мандатот на долгогодишениот директор на ФБИ, Едгар Хувер, доведе до следење и запис на нејзините активности, вклучувајќи го и нејзиниот брак со драмскиот писател Артур Милер.

Информациите се однесуваат пред се на нејзините патувања и здруженија во потрга по знаци на левичарските ставови, како и можните врски со комунизмот, поради кои вклучени се и неколку референции од Мерлиновата биографија во која Норман Мејлер се фокусира на прашањето во врска со тоа дали Монро беше убиена од страна на владата.

За смртта на Мноро беа изведени две големи истраги од страна на владата, од кои второта ги разгледа сите достапни извештаи, вклучувајќи ги и датотеките од ФБИ, кои според иницијаторите на истрагата биле “силно цензурирани”.

Овие информации го заинтригираа човекот кој ја изврши обдукцијата на Монро, д-р Томас Ногучи. Додека иницијаторите на втората истрага заклучија дека тој спроведе темелна аутопсијата, Ногучи призна дека:

никој не би сакал никогаш да ја дознае вистината за деталите околу смртта на Мерлин Монро.

-Врз основа на мојата вмешаност во случајот, почнувајќи со обдукцијата, јас би го нарекол самоубиство на Монро “многу веројатно”, пишува Ногучи.

-Но јас исто така верувам дека се додека целосните ФБИ датотеки не се објават јавно заедно со белешките и интервјуата кои се однесуваат на нејзиното самоубиство, контроверзијата ќе продолжи да се врти околу нејзината смрт, додава Ногучи.

Мерлин Монро деколте кралица

Фустан на Мерлин Монро продаден за рекордни 348.000 долари

Мал црн фустан со големо деколте, што во 1958 година го носела легендарната Мерлин Монро, изминатиот викенд е продадена на аукција за рекордни 348.000 долари.

Иако не се знае кој е дизајнер, ниту конфекцискиот број, дека фустанот и припаѓал на славната холивудска дива докажува дошиената етикета, што се става на фустани направени по мерка. 

Мерлин Монро во овој фустан се појавува и на фотографијата за корицата на книгата „Мерлин Монро: од почетокот до крајот“.

На аукцијата, освен фустанот, продадени се и едноделен костим за капење за 84.000 долари и градник за речиси 7.000 долари.

Откриени тајните на Мерлин Монро

Тајните дневници на Мерлин Монро конечно ќе го видат светлото на денот. Книгата „Fragments“, која наскоро треба да се појави на пазарот е базирана брз белешките на Мерлин кои датираат од 1943-та година, кога како тинејџерка живеела во сиропиталишта, па се до нејзината ненадејна смрт во 1962-ра година. „Fragments“ копа длабоко во мистичноста на Монро и тоа преку нејзините зборови.

Според публицистот, Мерлин пишува за мажите во нејзиниот живот, почнувајќи од нејзиниот прв сопруг Артур Милер, па се до Џон и Боби Кенеди. Во своите интимни белешки, најпознатиот холивудски секс симбол пишува и за Семјуел Бекет и Џејмс Џојс.

Уредникот на книгата вели дека во делови од дневникот, Мерлин ги открива своите самоубиствени мисли.

Објавувањето на тајните дневници е авторизирано од вдовицата на починатиот актерски гуру Ли Страсберг, кој располага и раководи со наследството на холивудската дива.

Иследник тврди: Мерлин Монро е убиена

Мерлин Монро последната ноќ ја поминала со мафијаш

Која жена го има најдоброто тело на сите времиња?

Мерлин Монро е жената со најубаво тело на сите времиња. Според анкетата на Peugeot направена по повод промоцијата на нивниот нов автомобил, русокосата убавица доби 40,8 отсто од гласовите.

Меѓу првите пет се и Ракел Велч (72), Софија Лорен (78) и Џејн Менсфилд. Освен овие стари диви, на листата се најде и моделот Кели Брук (33) која веднаш зад Монро, се пласира на второто место.

Анкетата на Peugeot која е спроведена врз повеќе од 2000 мажи и жени низ Британија, покажува дека холивудскиот гламур никогаш не излегува од мода.

-И 50 години по нејзината смрт не постои жена која може да се спореди со Мерлин. Имала стил, држење и ги воодушевувала како мажите така и жените, истакнува дизајнерот на автомобилот Борис Реинмолер.

Сите тајни на контроверзната Мерлин Монро

Мерлин Монро е филмска икона која поради сензуалниот изглед, со децении наназад претставува синоним за секс симбол. Оваа холивудска секс божица, родена 1926-та година, која е препознатлива по нејзините заводливи облини, руси локни и драматични црвени усни, до ден денес има силно влијание во филмската и модната индустрија.

Нејзиниот прилично краток, но особено бурен живот, бил проследен со неверојатна слава, лоша репутација, 3 брака и безброј контроверзни афери со многу познати личности од тоа време. Во 1962-година, убавицата наводно извршила самоубиство со предозирање, но не се исклучени можностите да се работи за убиство или, пак, за случајно предозирање.

Но, што е она што само малкумина го знаат за Мерлин Монро?

Два спонтани абортуси

Монро била бремена два пати, но таа никогаш не успеала да стане мајка. И двете бремености завршиле несреќно, со спонтани абортуси. Во текот на нејзиниот живот таа имала многу непријатни ситуации, што ја направиле емоционално нестабилна, што пак на крајот веројатно водело кон самоубиство.

Проблеми со говорот

Мерлин Монро редовно посетувала логопет затоа што имала проблем со пелтечење, кој иако не бил сериозен, можел да се забележи.

Генијалец

Русокосата убавица била многу поинтелигентна отколку што јавноста мислела за неа. Некои извори велат дека нејзиниот коефициент на интелигенција надминувал 160, што практично ја прави генијалец.

Покрај тоа, постојат гласини дека била интимна и со Алберт Ајнштајн. Изгледа дека паметните жени привлекуваат и паметни мажи.

Зависник од читање книги

Мерлин поседувала огромна библиотека во нејзиниот дом. Имала повеќе од 400 книги од секаков жанр. Таа воопшто не била површна убавица. Имено, нејзиниот поранешен сопруг во едно интервју има изјавено дека таа можела да ја согледа основната идеја во една книга само од читање на првите 10 страници.

Тешко детство

Таа воопшто немала лесен живот. Поголемиот дел од раното детство Монро го поминала по домови за сирачиња затоа што нејзината мајка имала психички проблеми и не можела да се грижи за својата ќерка. Според експертите, ова веројатно е основната причина зошто Мерлин била емоционално нестабилна подоцна во животот.

Природна боја на косата

Убавата руса коса е заштитен знак на Монро. Меѓутоа, тоа не била нејзината природна боја на коса – таа била бринета која се почнала да се бојадисува штом го потпишала првиот договор со студио, затоа што тогаш се сметало дека русокосите се најатрактивни жени.

„Среќен роденден, господине Претседателе!“

Еден од највлијателните случки од нејзиниот живот е добро познатиот момент кога на претседателот Џон Кенеди му испеа роденденска песна. Фустанот кој го носела таа вечер е продаден за рекордна сума од 1.267.300 американски долари.

Нејзиното вистинско име

Роденото име на Мерлин било Норма Џин Мортенсон, но после крштевањето името и’ било променето во Норма Џин Бекер. Со тоа што Мерлин било моминското презиме на мајка и’, таа го искористила како уметничко, а Монро било додадено од нејзиниот агент бидејќи сметал дека ќе и’ одговара одлично.

- Никогаш не го засакав името Мерлин. Цело време се каев зошто тој ден не настојував за Џин Монро. Но, изгледа дека веќе е доцна, изјавила таа.

Носела очила

Многу малку е познат фактот дека Мерлин носела очила со диоптер. Во тоа време носењето очила се сметало за неатрактивно, бидејќи истите биле дебели и грди, заради што убавицата мислела дека со тоа ќе и’ се наруши имиџот на секс-симбол. Затоа многу ретко ги носела кога излегувала во јавност.

Десната страна е подобра од левата

Мерлин често им велела на фотографите да ја фотографираат едиснтвено од нејзината десна страна. Таа сметала дека десната страна од лицето и’ изгледа подобро од левата.

Екстремен хигиеничар

Монро често се чувствувала нечисто и испотено, заради што си го миела лицето по 15 пати во текот на денот.

Омилена книга

Една од нејзините омилени книги била „Биографијата на Абрахам Линколн“. Таа често била забележана како ја носи истата книга каде и да одела. Дефинитивно Мерлин имала пасија кон претседателите.

Прв ангажман

Првиот ангажман на Мерлин како модел не бил добро платен. Таа добила само 5 долари за улогата која што ја имала, но може да се каже дека тоа бил само скромен почеток на една гламурозна кариера.

Под истрага на ФБИ

Американското Федерално истражно биро (ФБИ) водело истрага за Мерлин Монро, бидејќи постоело сомневање дека таа била симпатизер на комунизмот. Тие успеале да соберат 34 страни со докази кои го потврдувале нивниот сомнеж. Овие документи се отворени за јавноста, а можат да се најдат и на интернет.

СКАНДАЛОЗНО: Порното на Мерлин Монро и браќата Кенеди

Порно филмот кој Мерлин Монро го снимала со поранешниот претседател на Америка, Џон Кенеди, заедно со неговиот брат Роберт, во вторник ќе биде понуден на аукција.

Овој порно филм бил чуван во тајност долго време, поради почит кон поранешниот сопруг на Мерлин, Џон ди Маџио. Цело време порното го чувал еден холивудски телохранител, Вилијам Кеслбери.

- Филмот е аутентичен. Никогаш за него не сум зборувал во јавност поради ди Маџио, изјави Вилијам.

Порното, заедно со останатите „ситници“ кои ги поседува бившиот телохранител ќе се продаде на аукција, и тоа ние веруваме за висока цена!

По директива на тогашниот шеф Џон Едгар Хувер, ФБИ ја шпионирале актерката Мерилин Монро поради сомнеж дека „соработува“ со комунисти. 

Минатата година беше покрената иницијатива од страна на медиумите ФБИ конечно да го отвори досието на популарната актерка, до што дојде по неколкумесечениот притисок. Досието откри дека Мерилин почнале да ја следат во 1955 година кога поднела барање за виза за СССР и продолжиле сè до нејзината смрт во 1962 година.

Помеѓу тајните документи се наоѓа и белешка за анонимна дојава од 1956 година според која нејзиниот тогашен сопруг, писателот Артур Милер, всушност е комунист. ФБИ забележале дека „некои луѓе со кои актерката се дружела биле загрижени“ поради нејзината поврзаност со членовите на американската комунистичка група што се криела во Мексико.

,,ПОСЛЕДНИТЕ СЛИКИ”- МЕРИЛИН МОНРО

ЦИТАТИ ОД МЕРИЛИН МОНРО ПО КОИ ЈА ПАМТИМЕ

Ретки фотографии од неверојатната Мерлин Монро

Поминаа 94 години од раѓањето на една од најголемите филмски ѕвезди на сите времиња, Мерилин Монро, а за нејзиниот живот сè уште продолжува да ја интересира јавноста.

Најпознатата русокоса во историјата на шоу-бизнисот е родена на 1 јуни 1926 година, под името Норма Џин Мортенсон во Лос Анџелес.

Таа почина на само 36 години, а нејзината ненадејна смрт и краток живот се пројави големо интересирање и  до ден-денес се предмет на истрага.

Има многу детали и интересни информации што јавноста не ги знае за оваа актерка.

Малкумина знаат дека Мерилин во минатото работела во воена фабрика каде се произведувале воени авиони. Тоа е во 1944 година, кога никој сè уште не знаеше која е Норма Мортенсон, а од тој период има дури и фотографија од актерката која е креирана со цел да влијае на пропаганда на Роналд Реган.
Како дете, Мерилин немала можност да биде формално образована, па во подоцнежниот животот станала голем љубител на книги. Во нејзината домашна библиотека имало повеќе од 400 книги, а меѓу нив имало сè: од фикција до научни книги. Во некои интервјуа, легендарната русокоса ги издвои Хемингвеј и Флеберт како омилени писатели. Во една прилика, еден режисер откри како таа чита книга зад камерите „Писма до еден млад поет“ и на нејзе ѝ постави прашање како се одлучила за таа книга.

– Во ноќите кога немам што да правам, одам во библиотека и случајно ги отворам книгите сè додека не наидам на страница или параграф што ми се допаѓа и потоа ја купувам таа книга. Дали е тоа погрешно? –  праша таа.

Мерилин никогаш не била задоволна од типот на улоги што ги добила на филмското платно, па редовно одела на часови за глума. Легендарниот актер и режисер Ли Стразберг еднаш рече дека таа и Марлон Брандо биле негови најдобри студенти затоа што тие биле единствените кои можеле целосно да влезат во длабочините на ликовите.

Малку е познато дека Мерилин честопати ја потенцираше важноста на борбата за еднаквост.

– Она што навистина сакам да го кажам е дека на светот навистина му треба вистинско чувство за единство. Сите, sвездите, работниците, црнците, Евреите, Арапите. Сите сме браќа. Ве молам, не ми се смејте. Завршете го интервјуто со она во што верувам – рече таа во едно интервју.

Многу биографи се согласуваат дека сликата со која Мерилин го освои светот беше најлоша за неа затоа што таа стана негов заложник.

Најголемиот мит е дека таа била глупава. Вториот е дека таа била кревка. Третиот е дека таа не знаеше како да се однесува. Таа е далеку од глупава, иако е без формално образование. Мерелин беше многу паметна и многу силна личност. Едноставно, мораше да биде и едното и другото со цел да се победи системот што управуваше со холивудските студија во 1950-тите.

– Таа беше многу духовита. Глупавата русокоса и беше само улога, таа беше прекрасна актерка, „Забога!“. Толку добра актерка што денес никој не верува дека таа била ништо друго освен како што е прикажано на екранот – напиша нејзината биографка Сара Черчвел.

Некои ја опишуваат реченицата од филмот „Мажите претпочитаат русокоси“ во кој таа ја играше улогата на Лорели Ли.

„Може да бидам паметена кога сакам, но на повеќето мажи не им се допаѓа тоа“, рече Мерилин Монро во филмот.