Политика и вести - Купи куќа, купи стан

Оваа година околу 2.000 брачни парови и поединци ќе можат да ја остварат својата најголема желба и да добијат сопствен дом!

Со проектот на Владата на Република Македонија „Купи куќа, купи стан“ граѓаните ќе може да аплицираат за субвенционирани станбени кредити, од 25 јануари до 31 мај 2012 година. Овие кредити ќе може да се користат за изградба или доградба на куќа или за купување нов стан.

ЗА КОГО СЕ ОДНЕСУВА

Граѓаните, кои сакаат да аплицираат за субвенциониран кредит, треба да ги исполнуваат следните услови:

Вкупните месечни приходи на поединецот или на брачните партнери да бидат најмногу до 900 евра;
Да нема во негова сопственост, во заедничка сопственост со брачниот другар или во сопственост на брачниот другар, стан, односно куќа, или во сопственост да има само еден стан или една куќа, кои ги продава заради купување поголем стан, односно куќа за потребите на сопственото домување;
Лицето или неговиот брачен другар да немаат подигнато друг станбен кредит;
Субвенционираниот износ на кредитот е до 50.000 евра. Граѓаните може да земат и поголем кредит од 50.000 евра, при што субвенционирањето ќе се однесува на износот до 50.000 евра.

Станот што се купува, односно куќата што се гради, треба:

Да е новоградба со сета потребна документација (имотен лист, дозволи и одобренија за градба);
Цената на станбениот објект да биде до 900 евра за метар квадратен;
Да се купи директно од инвеститорот или од изведувачот на станбениот објект;
Градежно-техничката документација за изградба на куќа да гласи на име на барателот.

Барање за користење субвенциониран кредит се поднесува до деловната банка, која ја проценува и одлучува за кредитната способност на барателот, а при склучувањето на договор, посебно ќе се предвиди:

Забрана за давање на недвижноста под закуп (кирија);
Забрана за дополнително оптоварување на недвижноста со хипотека;
Забрана за корисникот на кредитот да ја отуѓи недвижноста во период од првите 5 години од започнување со исплата на кредитот;
Обврска за поднесување пријава за промена на местото на живеење на адреса на новиот стан или куќа до надлежен орган во рок од 60 дена од денот на воведување во владение на барателот на субвенционираниот кредит во станот, односно куќата;
Доколку станбениот кредит предвремено се отплати (целосно или делумно), корисникот е должен субвенционираните средства да ги врати веднаш на Министерството за финансии преку деловната банка.
Право на деловната банка, во случај кога корисникот на кредитот ќе доцни најмалку 90 дена во намирување на обврските, односно обврска на деловната банка, во случај кога корисникот на кредитот ќе доцни најмалку 180 дена во намирување на обврските, е да го раскине договорот за кредит и да преземе дејствија за присилна наплата на побарувањето по основ на станбениот кредит и субвенцијата.
Доколку средствата одобрени за субвенциониран станбен кредит не се користат во согласност со Законот за субвенционирање на станбен кредит, или фактите врз кои се заснова одлуката за одобрување на субвенциониран станбен кредит биле невистинити, треба да се пристапи кон присилна наплата на станбениот кредит и субвенцијата.

ТИПОВИ НА СУБВЕНЦИИ

1. МОДЕЛ „ПОЛОВИНА РАТА“

Владата ќе плаќа половина од месечната рата (главница и камата) во првите 5 години од отплатата на кредитот.
Каматата на станбениот кредит е субвенционирана и изнесува:

4,99% за првите три години
5,5% за четвртата и за петтата година од отплатата

2. МОДЕЛ „ПОЛОВИНА УЧЕСТВО“

Владата ќе плати 50% од учеството за кредит за купување стан или за изградба на куќа, или најмногу до 6.250 евра за кредит од 50.000 евра.

Каматата на станбениот кредит е субвенционирана и изнесува ЕУРИБОР + 4,5 процентни поени во текот на целиот период на отплата.

Темава е наменета специјално за проектот Купи куќа, купи стан. За да не бидеме офтопик во постоечката тема, секоја понатамошна дискусија за проектот продолжете ја тука, а претходните коментари остануваат кај што беа.

Седумдесет станови наменети за млади брачни двојки и самохрани родители ќе бидат распределени во Битола. Огласот за нив е објавен денеска во дневните весници.

Становите се лоцирани на улицата „Кочо Рацин“ во Битола, а ќе се продаваат по цена од 554 евра за метар квадратен без ДДВ. Нивната распределба ќе се врши по електронски пат. Две третини од становите ќе се продаваат на млади брачни двојки со возраст на двајцата сопружници најмногу до 38 години и кои се во брак најмногу осум години зависно од бројот на децата. Останатите се наменети за самохрани родители во зависност од периодот во кој родителот е самохран и од бројот на децата.

Становите се дел од владината Програма за изградба и одржување на станбениот простор во сопственост на државата што го реализира АД за стопанисување со станбен и деловен простор.

Рокот за поднесување барања за учество во распределбата на станови е 28-ми следниот месец.

Во огласот покрај овие станови има објава за продажба и на три стана во општина Аеродром во Скопје кои се со просечна цена од 770 евра за метар квадратен без ДДВ. Станува збор за станови кои останале нераспределени на претходните три огласи.

Од Министерството за транспорт и врски најавуваат наскоро и објави за распределба на станови согласно владината Програма во Штип и во Битола.

Со проектот за домување на социјално ранливите групи е предвидена изградба на 35 објекти во 26 града во државата со 1.753 стана. Во периодот од 2007 до 2011 година се изградени девет објекти со 430 станови.

http://www.kurir.mk/republika/opstini/65809-Oglas-za-70-stanovi-vo-Bitola-za-mladi-bracni-dvojki-i-samohrani-roditeli" rel="nofollow - Оглас за 70 станови во Битола за млади брачни двојки и самохрани родители

Седумдесет станови наменети за млади брачни двојки и самохрани родители ќе бидат распределени во Битола. Огласот за нив е објавен денеска во дневните весници.

http://www.time.mk/read/cfbccf3135/99e04255a9/index.html" rel="nofollow - Доделени 50 решенија за “Купи куќа, купи стан”

http://www.time.mk/read/cfbccf3135/99e04255a9/index.html" rel="nofollow - Доделени 50 решенија за “Купи куќа, купи стан”

http://forum.idividi.com.mk/new_reply_form.asp?PID=2793637&PN=2&TR=20" rel="nofollow - Продолжува аплицирањето за „Купи куќа, купи стан“

http://a1on.mk/wordpress/archives/256354" rel="nofollow - Ставрески: Проектот „Купи куќа-купи стан“ продолжува во 2014

http://mrt.com.mk/node/18049" rel="nofollow - Саемското промовирање на „Купи куќа- Купи стан“ дава одлични ефекти