- Mister Macedonia FYRO World 2010

МИСТЕРОТ НА МАКЕДОНИЈА МЕЃУ ДВАЕСЕТ НАЈУБАВ ВО СВЕТОТ......

Скопјанецот Иван Никшиќ (23) кој го освои деветнаесетото место на изборот за Мистер на светот 2010, кој се одржа во корејскиот град Инчоен.

Спотот на „јутјуб“ со македонскиот претставник на Изборот за „Мистер на светот“, Иван Никшиќ, во кој ја претставува својата земја и себеси предизвика исмевање и бурни реакции. Спотот е главна тема и на „фејсбук“, каде што сите го исмеваат нашиот претставник. На снимката Иван, очигледно, тешко се снаоѓа со своето претставување и со претставувањето на својата земја. Тој го почнува претставување на англиски јазик, за потоа да продолжи да зборува на српски: - Веома ми је драго што ќу претстављати своју земљу. Овде је супер, добро је јело, има природне богатсвине...Радим. Мој хоби је кик-бокс - го завршува своето претставување Иван, со збунет израз на лицето и со коментарот: „Мислим да је ок. Ок, бај, тенк ју“. Снимката предизвика негативни реакции што можат да се забележат од коментарите. Во споредба со другите натпреварувачи на изборот што се одржа кон крајот на минатиот месец, како претставниците на Црна Гора, Србија, Бугарија и други, кои имаат интересно претставување, Иван изгледа сосема збунето и остава лош впечаток, а за тоа сведочат и коментарите на сите тие што ја погледнале снимката: „Конечно, најдовме вистински претставник што ќе не претставеа на изборот за Мистер на светот‘. Момчево е идеална персонификација на Македонија - врска нема едно со друго“. „Детето е полилингвист!“ - ова се само дел од попристојните коментари на интернет. Организаторката Лидија Велковска, која ја има ексклузивната лиценца за „Мис и мистер на цветот“ вели дека е мошне изненадена од појавувањето токму на оваа снимка: - Постоеја две снимки. Ова што деновиве се врти по интернет е пробната снимка, која ја имаше Иван. Се согласувам дека не изгледа добро, особено за народот, чијашто земја ја претставува. Изненадена сум што е ставена токму таа снимка бидејќи постои уште една, која е многу подобра и без грешки - изјави Велковска. На коментарите на гледачите на спотот за српскиот јазик, таа објаснува: - Иван послабо го владееше англискиот јазик и тоа му беше проблем. Преведувачот што требаше да го преведува текстот од македонски со кој Никшиќ требаше да се претстави е од Црна Гора. Бидејќи англиската верзија не изгледаше добро, а македонската многумина не ја разбраа, Иван беше замолен да зборува на српски - објаснува Велковска. Таа додаде дека и на самиот Иван му било многу непријатно поради снимката, која според неговите зборови изгледа катастрофално, но, исто така, додава дека и тремата си го направила своето: - Тој е млад човек, кој првпат се нашол во таков контекст и пред таква одговорност. Сепак, во дисциплините каде што требаше да се покаже физичката подготвеност, Никшиќ се најде меѓу 19. најдобри. Сметам дека, навистина, добро ја претстави земјата од која доаѓа - додаде сопственичката на агенцијата „Мисс М“, која го испрати Никшиќ на изборот. Иван Никшиќ е студент на Факултетот за физичка култура. Тој е од Скопје, мајка му е Македонка, а татко му е Црногорец. Ова е наше трето учество на манифестацијата, која се одржуваше 12 до 27 март во Јужна Кореја........

завршен цитат......

Anthony Garcia - Mister France 2010

Иван Никшиќ нашиот преставник во изборот на Мистер на светот 2010 ...19 место...