http://www.facebook.com/photo.php?pid=30535299&id=1068158303 - http://www.facebook.com/photo.php?pid=30535299&id=1068158303 -

http://www.facebook.com/photo.php?pid=30167834&id=1068158303">

Личност која ќе ја потенцирам е отец (или како што повеќе милува да биде нарекуван: брат) Ивица Тодоров. По служба во Црквата - тој е презвитер. (тој е на погорната фотографија)

Зошто сакам да зборувам за него? Од каде да почнам...

Она што кај него многу ми се допаѓа, тоа е што пред се’ тој е Христијанин - човек кого го интересира пред се’ и над се’ Троичниот Бог во ХРИСТИЈАНСКА смисла на зборот. Не му припаѓа на “попството“ на кое му припаѓаат некои пасивни православни таканаречени “попови“, не го полни џебот од маката и бељата која го има снајдено народот, туку е напротив човек кој е посветен активно за доброто на народот, дури и прекувремено, така што понекогаш мислам дека на сметка на Црквата тој ја подзапоставува, односно нема доволно време за својата (како што самиот вели) домашна Црква (односно за неговото семејство).

Нему му е од особен интерес да од луѓето прави ЖИВИ во вистинска смисла на зборот и ЗДРАВИ во вистинска смисла на зборот Личности (со големо “Л“). Тој НЕ прави свои пасивни следбеници и подражавачи, туку живи и активни Христијани (но не “православци“ или “Христијани“ кои ја ИСЧИТАЛЕ Библијата, но неПРОЧИТУВАЈЌИ ја нејзината СУШТИНА ја ставиле на страна да собира прашина во плакарите, ниту пак “православци“ или “Христијани“, кои без оглед на тоа колку имаат или немаат знаење и познавање на Верата само роптаат во себе или на глас и зборат за тоа колку поповите биле вакви или такви, Православната Црква била ваква или таква, крадечка, мафијашка, идолопоклоничка, паганска... и им е страст да покажуваат со прст кон другите наместо НАЈПРВИН КОН САМИТЕ СЕБЕ, со што фрлајќи сенка врз Црквата, се обидуваат да најдат изговор за животот или неживотот кој го живеат. Брат Ивица настојува да ја обновува живата Христова Црква, која треба да биде сочинета од Христијани кои се во вистинска смисла на зборот ХРИСТОВИ УЧЕНИЦИ, кои во СЕКОЈА ПРИЛИКА кога се во можност темелно ја проучуваат, длабински (а не површно) ја анализираат, активно ја живеат и во животот свој ја сведочат смислата и суштината на напишаното во Светото Писмо и Светото Предание, за да учејќи се себеси - се спасуваат себеси но и оние околу нив, и за да учејќи - се поучуваат себеси но и оние околу нив. Христијански пристап, зар не?)

Брат Ивица не е креатор на успани, полуживи, полумртви, мртви личности и пасивни слушатели и бубачи (кои учат на памет, без вистинска и сериозна студиозност), туку сосема спротивното.
Духовните Средби со него не се класични предавања, во кои предавачот зборува и зборува и зборува, а на слушателите им се здосадува, бидејќи само молчат, слушаат, климаат потврдно со главите, и за малку не заспиваат. Кај него, гооооооолем дел од средбите се сосема поинакви, бидејќи на нив АКТИВНО УЧЕСТВУВААТ присутните, тие РАЗГОВАРААТ со него, го прашуваат а тој им одговара, тој ги прашува а тие одговараат, размислуваат гласно, анализираат гласно и на таков начин, преку тие тренинзи и вежби ние работиме на наше личносно и Духовно зреење и преобразување, раст, развој и постојан напредок во Христијанска и Духовна смисла.

Многу ме радува тоа што тој иако знае и тоа многу добро од ЛИЧНО ИСКУСТВО, а не од “рекол-кажала“, какви се состојбите во МПЦ, сепак не излегол од неа и не им рекол ниту јавно, ниту зад грб, ниту во лице, ниту меѓу редови на оние од МПЦ: “Вие кршете глава, баш ми е гајле за вас! Јас ќе гледам САМО ЗА СЕБЕ и ќе гледам ЛИЧНО СЕБЕ да се спасувам“ не превземајќи ОДГОВОРНОСТ (што воопшто не личи на Христовиот Однос кон нештата) туку напротив, сфаќајќи ја суштината и смислата на Светото Евангелие и Светото Христово и Библиско Учење ИМА ПРЕВЗЕМЕНО ОДГОВОРНОСТ и подвиг да ги ИЗМЕНИ работите во самата МПЦ во која е и тој самиот, за да СИТЕ НИЕ ЗАЕДНО се спасуваме како Црква (читај: Заедница). Тоа е подвиг кој бара жртва и големо себепредавање и себевложување, но тоа и не е тешко за човек кој се именува како Христијанин (е ТОА, како однос кон нештата е многу сличен со тоа како Христос се однесувал кон нештата - ОДГОВОРНО и пожртвувано со максимална жртва)!!

Брат Ивица е голем критичар (но не осудувач на туѓите грешки и гревови), голем себекритичар, човек кој прима критики и совети, личност која знае кои се мааните и проблемите, ама не ги избегнува, не ги ублажува, ниту пак живее во илузија дека НЕМА проблеми, туку свесно и намерно се соочува со сите нив, барајќи решение, зашто знае дека со секој решен проблем во Верска, Црковна, Духовна смисла - еден од нас или дел од нас или сите ние сме поблиску до Бога и до Вечниот Живот со Него во Неговото Царство, кој Вечен Живот почнува уште сега ВО ОВОЈ ЖИВОТ!!

Тој не е формалист, туку суштинист! Низ добар личносен тренинг, со негова помош и силна поддршка се оди чекор по чекор напред во нашето Воцрковување (читај: влегување во Живата Заедница - Светата Христова Црква).

Ако си барал(а) Духовник, со чија помош би напредувал(а) кон Христа и кон Вечноста СУШТИНСКИ - тоа е брат Ивица.

Ако не веруваш дека вакво нешто постои меѓу луѓето со црна мантија, и ако сето ова ти изгледа невозможно, тогаш е време да се увериш и да го запознаеш овој така едноставен и (не)секојдневен и невозгордеан и ненадмен човек, ами голем пријател и добромисленик, понизен и народски човек, пријатен, благ, непосреден и љубезен, кој е лично целосно излеан во жртвата за доброто на народот од оваа наша мила Македонија, бидејќи силно го љуби овој народ, а љубовта се познава по нејзините ПЛОДОВИ!! Ако сакаш да го запознаеш брат Ивица и начинот на кој тој дејствува и работи со нас, топло ти препорачувам да го побараш во Црквата “Свети Ѓорѓија“ во населба Чаир во Скопје, каде што е Парохиски Свештеник. Можеш да го побараш на телефон за време на работното време од понеделник до петок, и во недела (Господовиот Ден) после Светата Литургија, или можеш да доаѓаш во четвртоците во 18:00 часот за да присуствуваш на нашите Духовни Средби, кои се од ден на ден се’ попосетени и попосетени, бидејќи постојано има по некој нов посетител(и).

Фала Му на Бога за братот Ивица, да му подари Господ Спасение, Вечен Живот, Царство Небесно, Благодат врз Благодат, здравје на душата и телото, мир, љубов, радост, се’ најубаво - и нему и на неговото семејство!!! АМИН!!!

Ова ти го кажувам од искуство, него го познавам од есента 2004 година. Го гледам со телесните очи и со очите на мојот внатрешен човек, го слушам со моите телесни уши и со ушите на мојот внатрешен човек, ГО ПОЗНАВАМ МНОГУ ДОБРО и како личност, и како работник и како домаќин - тој е Христијанин во вистинска смисла на зборот!

Дојди и види за да дознаеш, па и ти да им кажуваш на другите...

отец Јован Таковски - во моментов е на НАША ТВ