МАТУРАТА Се ПОСКАПО ЗАДОВОЛСТВО

Кредити за тридневното матурско славје
Според грубите процени, целосната „прослава на зрелоста“ на средношколците ги чини родителите најмалку две просечни плати
ОД 1000 ДО 500 ЕВРА ЗА ОБЛЕКА
ЗАКАЖУВАЊЕ ЗА ШМИНКА ЧЕТИРИ МЕСЕЦИ ОДНАПРЕД
ПРОФЕСОРИТЕ ПРОТИВ ПОМПЕЗНОСТА
Повеќето професори сметаат дека сегашните матурски прослави се многу помпезни и претставуваат непотребно трошење многу пари. Децата самите си избираат каде и како ќе ја прослават матурата. Затоа самите треба да бидат свесни дека нешто треба да сменат. Иако не ми се допаѓа начинот на кој слават, сепак не треба да им наметнуваме како да ја одбележат матурата. Не ми се допаѓа тоа што прво одат во ресторан за кој дале многу пари, а седат само два-три часа. После одат во дискотека. Зошто прават двоен трошок, кога веќе се собрале некаде? Не изгледа убаво ни кога наутро доаѓаат во училиште со музика и поднапиени, зашто им даваат лош пример на следните генерации - вели Горица Илијоска, директорка на скопската гимназија „Никола Карев“. Професорка од скопската гимназија „Георги Димитров“ смета дека на матурантите најмалку им треба фрлање многу пари за големи прослави, скапи тоалети, шминка и за фризури. Треба да се надминат кичот и шундот при славењето, како и непотребните трошоци. Нема потреба од собирање гости дома или во кафеана. Еве, од следната учебна година средното ќе биде задолжително. Матурантите мора да сфатат дека не направиле ништо посебно со тоа што завршиле средно училиште. Парите наменети за целата прослава може да ги искористат за патување или да ги дадат за хуманитарни цели - вели таа.

Ova mi se vode mnogu simpaticno i aktuelno. Ajde malku iskazete gi svoite stavovi okolu ova. Mnogu burno se diskutirashe za polaganjeto maturski ispit, ama za maturskite proslavi neshto ne se zboruva. Tuka gi vbrojuvam i polumaturskite proslavi, zatoa shto bogami i tie vo nishto ne se razlikuvaat od maturskite.

СРЕДНОШКОЛЦИТЕ ПОРАСНАА И СО ЏЕПАРЛАКОТ

Мала матура - големи пари!

Третмани за солариум до 1000 денари, антицелулитна масажа 400 - 1000, третмани за лице 1300, шминкање и фризура 2000, надградба на нокти 1500, депилација 500 денари. Свечен фустан 9500, сандали од 3000 па нагоре, чанта и накит 3000. Ова е списокот кој една матурантка им го врачила на своите родители пред некој ден

Овој мај во скопските средни училишта би требало да матурираат околу пет, шест илјади ученици. А тоа дека децата се најголемото богатство, допрва многу од родителите ќе се уверат во вистинска смисла на зборот. Бидејќи барањата на матурантите се неверојатни и се повеќе и повеќе чинат. Веќе не е доволно матурската облека и платената вечера. Сега девојчињата но, и момчињата и покрај економската криза инсистираат на козметички третмани, одење на фризер, или антицелулитни масажи кои сега се хит. Парадокс е тоа што е мала матурата а многу чини.

Третмани за солариум до 1000, антицелулитна масажа 400 - 1000, третмани за лице 1300, шминкање и фризура 2000, надградба на нокти 1500, депилација 500. Свечен фустан 9500, сандали од 3000 па нагоре, чанта и накит 3000. Ова е списокот кој една матурантка им го врачила на своите родители пред некој ден.

- Кога ги собрав цифрите, ме заболе глава. Испаднаа над 20.000 денари! Кога ја прашав за надградбата на ноктите и антицелулитната масажа, ми кажа дека не сум во тренд и дека несака да испадне селанка пред друштвото - вели нејзината мајка.

- Се кварцаат, депилираат, доаѓаат на третмани, потврдува и Викторија Станковиќ, сопственик на елитен салон за убавина. Се обидувам да им објаснам дека некој од работите не се за нив, дека се млади но, не слушаат. Во глобала повеќето доаѓаат со нивните мајки или со нивен благослов, вели Викторија.

- Кога и реков на девојче дека со пунџа ќе изгледа барем десет години постара, ми одговори дека таа тоа го сака, објаснува стилистот Крис од истоимениот фризерски салон. Инаку, од пред три-четири години матурантите воведоа и правило на партнерката или партнерот да се купи и подарок. Секако не каков било.

- На момчето кое ја допрати мојата ќерка на матурската вечер му купив, на нејзино претходно инсистирање, златна нараквица. Таа пак од него доби парфем, вели една скопјанка која минатата година успеала да ја "преживее" матурата на својата ќерка. На списокот треба да се додаде и подарок за класниот раководител, сметката во ресторан и слично. Целата фешта мора да пројде со музика, па организаторите во средните училишта овие денови резервираат и блех музика. Се подразбира фотографирањето во милион пози, а секоја фотографија по 150 денари. Панатаму, во списокот е и генерациското табло кое чини до 650 денари.

- Така сите тоа го прават, не сме само ние единствени велат средношколците кои деновиве лудуваат по скопските продавници заедно со нивните родители, заборавајќи на ланската матурска екск*рзија во Виена, Прага, Будимпешта.

Иако желбите и потребите на девојчињата се големи, ни момчњата многу не заостануваат во екстравагантните подготовки за матурската прослава.

Креација за префинетите и до 500 евра
Ако некој од префинетите или разгалени средношколци не успеат да се замислат во обичните парталчиња низ скопските продавници, тука се и лимитираните креации од модните креатори. Фустани и креации од реномирани модни стилисти единствено со закажување во Скопје може да најдете доколку решите од семејниот буџет да одвоите и по 500 евра, сума почетна во зависност од брендот на креатерот.