Веројатно не треба да се потсетува на големата генијалност на Никола Тесла. Тој е брилијантниот научник и инженер кој долго време стоел во сенката на неговиот работодавач Томас Едисон. Тесла е одговорен за над 700 патенти од областа на електрониката, комуникациите, ласерите, роботиката и уште многу. Дали сте ги знаеле следниве работи за него? 

1. Музејот на Тесла бил потпомогнат од цртан филм. 

Во мај, кулата Вондерклајф била купена од научниот центар на Тесла со помош на 1,37 милиони долари кои биле собрани од страницата за финансирање „Индиегого“. Кампањата била започната од Метју Инмен, создателот на популарниот интернет-стрип „The oatmeal“. 

2. Тесла се грижел за околината. 

Никола Тесла бил многу загрижен за фактот дека бргу ги користиме сите извори на Земјата и сакал да направи нешто во врска со тоа. Тој истражувал начини за собирање природна енергија во почвата и во небото. Тој создал вештачко осветлување во неговата лабораторија и го пренел преку високи градби и преку Земјата. 

3. Тесла умрел како сиромав хуманитарец. 

Сето тоа што го правел Тесла било за да му помогне на човештвото. Тој никогаш не сакал да заработи многу за него и тоа било лошо за него бидејќи никогаш немал доволно пари за да го прави тоа што мора. Тој имал познати пријатели, како Марк Твејн, но се измачувал на финансиска страна. 

4. Тесла ретко спиел. 

Никола Тесла тврдел дека потребни му се само 2 часа спиење, иако повремено дремнувал. Освен тоа, тој мразел накит и кружни предмети и не сакал да допира коса. Тој бил опседнат со бројот три и целиот прибор за јадење го чистел до совршенство. 

5. Многу од изумите на Тесла се чуваат сокриени од јавноста. 

Кога Тесла починал во 1943 година, неговите работи биле земени од властите. Поголемиот дел од работите подоцна бил испратен до неговото семејство, многу завршиле во неговиот музеј во Белград, но некои негови истражувања се' уште се чуваат од владата на САД.