Многу е важно продажбата на овој голем енегретски коплекс да не заврши во погрешни раце.

Груевски не исклучува поништување на тендерот за ТЕЦ „Неготино“

Никола Груевски

Груевски не исклучува можност да се поништи тендерот за продажба на ТЕЦ „Неготино“ на компанијата „Хач“. По информациите дека во власта постои сериозен судир на релација Ставрески-Рафајловска, денеска Премиерот ја смируваше топката.

„Продажбата треба да се реши во наредните денови. Ако е се во ред, ќе си се заврши. Ако не е се во ред, Владата ќе си реагира. Министерката Рафајловска кажа на телевизија дека испитува одредени работи. Штом ги заврши, Владата ќе донесе одлука, нема тука никакво двоумење“, изјави Никола Груевски, премиер.

„Ако е се во ред, ќе си тече продажбата онака како што тргна. Ако има сериозни проблеми со законот, косење со законот, ние нема да дозволиме каква било неправилност да помине, а ние да ги затвориме очите“, додаде Груевски.

Македонските езера во драматична состојба

http://a1.com.mk/vesti/novinar-email.asp?NovinarID=117&VestID=84942 - Мишко Иванов	javascript:otvoriVideoPrilog%2807/sostojba-ezera-12-10.wmv,%2084942%29">

Драматична состојба на македонските езера. Кој ги празни? Сушата или државните енергетски компании неконтролирано ја користат водата за производство на струја.

Според неофицијални владини извори, резервите со вода се критични. Во Државните електрани, пак, тврдат, водата се раководи плански. Се очекува полнење на акумулациите по зимата, кога ќе почне топењето на снегот.

Но, мештаните ваква состојба на Мавровското Езеро не паметат одамна.

„Нема дождови, сега почнаа пред два-три дена и централата работи за струја. Немаше снег, немаше дождови и езерото се исцрпи, а знаеме дека Владата нареди да се прави повеќе струја“, велат мештаните.

Црквата, симбол на Маврово, со години беше под езерото. Само до пред некое време црквата беше покриена во вода. Сушата или некој друг е виновен за исцрпувањето на Мавровското Езеро.

Како е трошена водата? Според информации на А1, просечното дневно намалување во изминатите неколку месеци изнесувало над 2 гигават часови. Ако се продолжи со исто темпо, резерви ќе има само до Нова година.

Потоа нема друго решение, освен МЕПСО да направи увоз на скапа хидроенергија со цени помеѓу 170 и 210 евра за мегават час.

Во пресрет на зимата, состојбата со хидроакумулациите во Македонија е катастрофално загрижувачка. Охридското Езеро, Мавровското, Тиквешкото, Козјак одамна не биле вака испразнети.

Загрижува состојбата и со Охридското Езеро. Само минатиот месец за најмалку еден метар беше спуштено нивото на езерото.

„Ние практично во еден краток период, ограничен период којшто веќе истече, помогнавме делумно енергетската криза во Албанија да се спречи, меѓутоа тоа нема да се направи и не се прави на штета на РМ“, рече на 7 октомври 2007-ма Зоран Ставревски, потпретседател на Владата.

Не е сјајна ситуацијата и со ХЕЦ „Козјак“. И таму е намалено нивото на водата. Сушата во комбинација со серијата дефекти кои ги имаше ЕЛЕМ годинава на термокапацитети се причина огромните количини вода да се одлеваат од нашите езера.

РЕК „Битола“ не работи со полн капацитет, се ремонтираа блокови, а потоа и откажуваа. РЕК „Осломеј“ беше во ремонт скоро половина година. Македонија енергетската криза ја решаваше или со дополнителен увоз на скапа струја или со користење на хидропотенцијалот, што доведе до ваква ситуација.

Последните врнежи од дожд можат само малку да ја подобрат состојбата со резервите, но ќе минат години додека езерата го вратат стариот лик.

Владата нема да потпише договор со „Хач“

МИА

Зоран Ставрески

Владата денеска донесе одлука за прекинување на постапката за потпишување на купопродажен договор за ТЕЦ „Неготино“ со конзорциумот „Хач“.

Ова денеска на новинарите во Собранието им го изјави вицепремиерот Зоран Ставрески кој истакна дека врз основа на извештајот на тендерската комисија и Министерството за економија е констатирано дека не се исполнети условите што владата ги побарала од „Хач“ конзорциумот.

„Врз таа основа сметаме дека се исцрпени сите можности за склучување договор со овој конзорциум. Владата дојде до оваа одлука врз основа на анализа во кои беа наведени сите неопходни услови кои требаше да се исполнат, но тие документи не беа доставени и наша одлука е дека овој договор нема да се потпише“, истакна Ставрески.

Одговарајќи на новинарско прашање кои услови конзорциумот не ги исполнил, Ставрески рече дека „Хач“ конзорциумот бил обврзан да достави полномошно за секоја членка и секоја од нив да одговара со свои права и обврски со кои треба да гарантира исполнувањето на договорот.

„Тоа не беше доставено. Тоа што го доставија беше само од еден член од четирите членки од конзорциумот. Затоа владата не чувствува доволна гаранција кои членки стојат зад договорот и дека тие ќе гарантираат за својата актива и биланси“, рече Ставрески.

Тој додаде дека исто така не била потпишана изјава со која се гарантира „ладната резерва“, не било доставено и процентуално учество на сите членки на конзорциумот во АД ТЕЦ „Неготино“.

„Хач“ конзорциумот, рече Ставрески, доставил договор во кој, според владата, имало суштински измени спротивни на тендерските правила.

„Владата нема да прифати никаква измена за купопродажниот договор ниту ќе потпише договор кој оди на штета на Република Македонија. На тој начин моравме и да ја прекинеме постапката за купопродажен договор со прворангираната фирма“, потенцираше Ставрески.

Според него, во купопродажниот договор биле наведени суштински измени во однос на еколошките стандарди и арбитражата што не спаѓаат во технички промени и од тој аспект тие не можат да бидат прифатени.

„Според тендерот, сите учесници беа обврзани да го прифатат договорот каков што е, а не да вршат измени врз него“, рече Ставрески.

Во оваа фаза, како што истакна, владата заклучила дека во рок од пет дена тендерската комисија и Министерството за економија треба да ја известат владата за натамошниот тек на постапките за ТЕЦ „Неготино“.

Ставрески истакна дека ќе се разгледуваат и можностите ТЕЦ „Неготино“ да остане во државна сопственост.

Конзорциумот „Хач“ со понудени 61,7 милиони евра во август беше избран како најповолен понудувач на вториот тендер за продажба на ТЕЦ „Неготино“.

Актуелната Влада претходно поради прениска понудена цена го поништи тендерот што го распиша претходниот владин кабинет на Владо Бучковски на која прворангирана беше австриската ЕВН.

Вера Рафајловска: Нема одговорност за ТЕЦ „Неготино

Министерката за економија Вера Рафајловска смета дека никој не е одговорен за пропаднатиот оглас за продажба на термоцентралата „Неготино“, јави МИА.

- Мислам дека никој не треба да понесе одговорност за пропаѓањето на огласот бидејќи одлуката ја донесе Владата. Таа одлука е конечна. И во самиот оглас имаше опција тој да може се поништи - изјави Рафајловска.

Непристоен предлог на Груевски

МИРЧЕ ЈОВАНОВСКИ

Можеби ќе се сфатеше како шега или како уште еден момент на инспирација на владиниот портпарол Ивица Боцевски. Но, премиерот Никола Груевски брзо ја разби секоја дилема: Владата сака да го врати во државен скут „Електростопанство на Македонија“. Навистина, не инсистира, но доколку ЕВН се реши на таков чекор, Владата е тука да им помогне да ја остварат таквата намера. Доколку ја има.

А, еден ден претходно, Австријците јасно порачаа дека немаат намера да се откажат од компанијата што ја купија пред две години и која требаше да биде вовед во дополнителни инвестиции во земјата.

Таквата намера од ЕВН ја искажаа и преку учество во тендерот за ТЕЦ „Неготино“ (оној од претходната влада), на кој беа прворангирани и според бизнис-плановите требаше да инвестираат 751 милион евра, а од ТЕЦ „Неготино“, според капацитетот, да направат нова РЕК „Битола“. Но, бидејќи Австријците ја немаа таа среќа целиот тендер да помине во мандатот на една владејачка гарнитура, останаа без ТЕЦ-от. Како што стојат работите, можеби еден ден ќе останат и без ЕСМ.

Можеби австриската ЕВН не е профил на компанија која и' одговара на Македонија. Можеби тоа се конзорциуми од типот на „Хач“ со бугарски предзнак, кои добија на повторениот тендер за ТЕЦ „Неготино“, а под притисок на јавноста практично се демаскираа, па Владата немаше друг избор, туку да се повлече од „најдобриот бизнис-план“.

Оној на ЕВН претходно беше прогласен за нереален, па Австријците ќе мора да се „докажуваат“ во соседна Албанија, со парите кои претходно ги планираа за Македонија.

Чудни критериуми промовира Владата при нејзината определба за Македонија како бизнис-дестинација за странските инвеститори. Од една страна, троши милиони суми пари во (не)продуктивни пропагандни кампањи, ангажира неколку министри кои работат исклучиво на промоција на земјата и на привлекување странски инвеститори, формира „Тим Македонија“ во кој е и премиерот , чија функција е исто така носење странски инвеститори, им наложува на амбасадорите да трчаат од компанија до компанија, ангажира економски претставници во неколку земји, доделувајќи им дипломатски статус, исто така, заради странски инвестиции, а дома се кара со инвеститорите, испраќајќи отровни стрели преку медиумите. Чуден некој однос.

Како што тргнале работите, нема да чуди ако по ЕСМ, сличен предлог стигне и за рафинеријата ОКТА, бидејќи грчките газди и онака не' одраа, било поради крајно неповолниот купопродажен договор, било поради казните што допрва ќе треба да се плаќаат поради пресудата на Арбитражниот суд во Париз, откако Македонија се најде меѓу два огна: да ги почитува европски директиви или монополскиот договор со ОКТА.

Да не заборавиме, тука е и „Телеком“, кој ,исто така, прави енормни профити од сиромашното население и тоа во време кога компаниите кои се непосредно или посредно сопственици во најдоходовната македонска компанија, на домашен терен не им цветаат рози. Бидејќи тие профити сега се селат од државата, можеби некому ќе му текне да ги задржи дома. А, не да се кара и да се натега и за оној дел што и' припаѓа.

Но, да се вратиме на најактуелниот случај, оној со ЕВН. Без оглед на околностите кои придонеле за ваквата реакција на Владата и лично на премиерот Никола Груевски во однос на ЕВН, сосема е јасно дека станува збор за непристоен предлог. Навистина, Македонија не треба да потклекне на какви било уцени на кој било странски инвеститор, но најмалку што и' треба е да се кара со нив и да ги брка од земјава.

Таквиот однос носи лоша порака до инвеститорите кои се веќе тука и кои се главните промотори во своите матични земји, за тоа каква бизнис-клима владее во Македонија, како државата се однесува спрема странците, како ја штити нивната сопственост.

Наместо да игра на таа карта, Владата се реши на сосема поинаков приод: преку јавни караници да покаже кој е во право. Тука не сакаме да оправдуваме никого ако потфрлил во реализирање на бизнис-планот, како што тоа своевремено се правеше со „Телеком“, кој скапо платените консултантски услуги ги претставуваше како реални трошоци.

Државата своите мускули треба да ги покаже, пред се', преку силни и независни институции. Во спротивно, и тие што имаат намера да дојдат, ќе се замислат дали Македонија е вистинското место за нивните пари.

Беџети: Државата испраќа лоша порака до странските инвеститори