Тендер за маски

Во моментов, дилемата што треба да се расчисти со вакви „чисти процедури“ е дали власта придонесува во борбата против криминалот или и таа сака да стави рака врз капиталот

Опозициската СДСМ пред шест дена излезе со обвинување за корупциска афера во продажбата на земјиштето зад трговскиот центар „Рамстор“. Оттогаш следуваа низа партиски престрелки, спинувања и контраобвинувања. Во таа лавина сега треба да се направи обид да се извади вистината на чистина.

Од првите деманти „под кривична и материјална одговорност“, фактите што ги обелодени СДСМ некако се покажуваат точни. Дури и за Владата на крајот на неделата повеќе не е важно кој ќе гради, туку дека ќе се гради хотел и дека процедурата е испочитувана. Што е тука спорно?
Прво остана неразјаснето зошто во таа процедура, локацијата за трговскиот била огласена во „Фајненшл тајмс“, а онаа за хотелот - не! Индикативно во таа насока е што токму за земјиштето за трговскиот се јавиле повеќе заинтересирани инвеститори и била постигната цена од 403 евра за квадратен метар, за разлика од локацијата за хотел, за која имало само еден заинтересиран и е продадена за 138 евра. На крајот, ако Владата знаела дека не „Резидор хотелс“ туку „HLH Macedonia LLP“ ќе гради зад „Рамстор“, зошто тоа не беше јасно соопштено. Премиерот тврди дека никогаш не рекол дека „Резидор хотелс груп“ е инвеститорот, но сите медиуми без исклучок, вклучувајќи ја и државната МИА, добиле токму таков впечаток. Не е можно 20-ина новинари што беа таму присутни да чуле едно, а тоа премиерот да не го кажал. И што е уште почудно, никој од Владата не ги демантирал медиумите ниту дал појаснување дека е направена грешка, се' до моментот кога СДСМ ги употреби тие написи како факти. Ако Груевски направил свесна манипулација со новинарите, си направил контрауслуга, а ако тоа било ненамерно, требало да демантира.

Во врска со процедурата, премиерот е во право. Ако е испочитувана, нема ништо спорно. Но, нашето искуство во оваа транзициска Македонија е дека сите кривични дела досега беа „законски покриени“. Во оваа пригода вреди да се потсетиме на некои од тие примери. Дали при изградба на „кинескиот ѕид“ е испочитувана процедурата? Да, освен за еден минимален дел од потпокривот. Дали при приватизациите на големите компании како „Скопски пазар“, „Пивара“, за кои никогаш немало поведено судска постапка, се' е сторено според процедура? Да. Дали една од најкрупните афери во времето на СДСМ - непосредната спогодба „Камчеви-Буџаку“, беше според процедура? Апсолутно да. Дали „Кермес“ е неколкукратно зголемуван „по процедура“? Да. Процедурата до неодамна не беше спорна и кај „Фершпед“, па доведе, при очевидни докази, да нема кривично дело. И на крај, омилената тема на власта: дали земјиштето за „Рамстор“ на Рахми Коч му е продадено по процедура? Да, сосема. Разликата е во тоа што граѓаните со цело срце и рекордно висок рејтинг му ја дадоа довербата на Никола Груевски, за „процедурите“ да добијат вистинско име по судовите.

Нема фајде ако секој ден се споменуваат Црвенковски и Коч кога граѓаните јасно и гласно на избори ја казниле таквата „процедурална“ политика.

Не ни требаат тендери кога, „според процедура“, формално ги добива реномирана странска фирма што се користи само како маска за да се скријат домашни играчи. Не е потребен тендер за продавање „маски“. Актуелната хотелска афера воопшто немаше да се нарече афера ако од почеток јасно се потенцираше кој всушност инвестира, макар тоа била и домашна компанија. Во моментов, дилемата што треба да се расчисти со вакви „чисти процедури“ е дали власта придонесува во борбата против криминалот или и таа сака да стави рака врз капиталот.

Ида Протугер

Se nadevam deka Gvujo nema nisto so ova inaku daleku e sonceto g-dine bisovski...ke pocekame za se sto mislime deka ke bide

„Хотелска Окта“ стаса кај обвинителот

Потпретседателот на СДСМ, Јани Макрадули, вчера до Јавното обвинителство ги достави документите за градежното земјиште зад „Рамстор“, за кое опозициската партија тврди дека е продадено на луѓе блиски до премиерот Никола Груевски. - Не сакаме настаните во Собранието да го поматат случајот „Хотелска Окта“. Ги приложивме сите докази што ги имаме и се надевам дека институциите во државата ќе преземат соодветни мерки. Дваесетина дена чекавме на Министерството за транспорт и врски да ги достави документите, а МВР да почне да го разрешува овој случај, но очигледно нема капацитет. Затоа на повикот на заменик-јавниот обвинител за организиран криминал ги доставивме сите докази - изјави Макрадули по средбата со јавниот обвинител Љупчо Шврговски.

На прашањето зошто не се одзвале на повикот на министерката за внатрешни работи Гордана Јанкулоска, Макрадули рече дека не го направиле тоа зашто сметаат дека таа нема кредибилитет за таа функција.

Од Министерството за транспорт и врски вчера соопштија дека целокупната документација за продажбата на градежното земјиште зад ТЦ „Рамстор“ ја имаат доставено до Јавното обвинителство, антикорупциската комисија, Јавното правобранителство и „Нулта толеранција“, со барање темелно да го разгледаат случајот и да достават мислење. Соопштението дојде по изјавата на Макрадули дека чекале Министерството за транспорт да ги достави документите за случајот, но тоа не се случило. Оттаму информираат дека министерот Миле Јанакиески поднел тужба против Макрадули за кривично дело клевета.

Различно толкување за легалноста за изградбата на хотел

http://a1.com.mk/vesti/novinar-email.asp?NovinarID=48&VestID=84838 - Весна В. Тодоровска

Јавнотo правобранителство и Транспарентност нулта корупција различно ги прочитаа документите за склучениот договор меѓу Министерството за транспорт и ХЛХ Македонија, за продажбата на државното земјиште зад старата железничка станица.

Според првите се е легално, а според вторите продажбата била незаконска и владата на Груевски направила повеќе повреди на тендерот за земјиштето за изградба на луксузен хотел.

Клучната е дека тендерот требал да биде поништен, бидејќи на него се јавил само еден понудувач.

Денеска и опозициската СДСМ која ја отвори аферата со обвинување, дека земјиштето е продадено на блиски пријатели на Груевски на компанијата ОРКА, реагираше на одлуката на јавниот правобранител.

„Очекуваме МВР согласно уставот и законите да ги преземе сите свои активности, серија на активности прво за да го реши овој случај, а второ да го спречи Министерот за транспорт и врски да не доделува на ваков начин слични локации“, изјави Јани Макрадули, СДСМ.

Министерството за транспорт во својот допис до медиумите информира, дека сите идни прес конференции на Макрадули и на неговата партија ќе ги третира како очајнички обид, преку лиферување лаги да се оттргнело вниманието од влезот на странски инвестиции, кои директно го подобрувале економскиот развој на државата.

До медиумите итно стигна уште едно соопштение од ова Министерство, во кое тврди дека мислењето на Нулта корупција дека продажбата е незаконска, се базира само на делумни сознанија.

ДА ,ЗАТОА ШТО УСПЕЈА ДА ПРОДАДЕ ПАРЦЕЛА ВО ЦЕНТАРОТ НА ГРАДОТ ЗА МНОГУ ПАРИ...ДОСЕГА ТОА НЕКАКО НЕ НИ ОДЕШЕ...