Ако мислевте дека вашиот автомобил кажува нешто за вас само заради тоа што на него поставивте десетина килограми од „аеродинамична пластика“, монтиравте „bling-blinkg“ 18 инчни фелни и му додадовте некоја страшна свирка со која ги тероризирате соседите, тогаш е време да размислите уште еднаш што можеби сте испуштиле. Намерата е да испаднете фаца ќе ви падне во вода, пример ако случајно сте решиле автомобилот да ви биде со таа боја, или барем така велат психолозите.

Сите оние кои сметаат дека не постои врска помеѓу бојата на автомобилот и личноста на неговиот сопственик треба да се сетат на либерализацијата на автоосигурувањето и најавата на осигурителните компании дека во блиска иднина како еден од критериумите за висината на премијата ќе биде токму бојата на автомобилот.

Различни меѓународни истражувања, имено, ни покажуваат дека возачите на автомобили со посветли бои, пример црвена и жолта се поагресивни зад управувач и со самото тоа посклони кон сообраќајни прекршоци. Друго истражува пак покажува дека возачите со потемни автомобили учествуваат во двојно повеќе сообраќајни несреќи од нивните колеги со автомобили со посветли нијанси. Се разбира, ова има врска и со видливоста на автомобилот при послабо светло, а не само со возачките квалитети.

Возачите на бели автомобили, според психолозите се – исклучително екстравертни, копнеат за внимание и со задоволство го покажуваат статусот во општеството.

Сепак, модерната психологија денес повеќе од секогаш бојата на автомобилот ја поврзува со карактерот на личноста, па така бојата на вашиот автомобил може да зборува за вас повеќе отколку што мислите.

Психолозите така сметаат дека црвената боја на автомобилот ќе ја изберат енергичните, амбициозните и нестрпливите личности кои сакаат да бидат во центарот на вниманието, брзо размислуваат и зборуваат и уште побрзо возат.

Црвената боја е синоним за секс, брзина, енергичност и динамичност.

Портокаловата боја укажува на енергичност, независност и натпреварувачки дух на возачот. Оваа боја претставува разумност, безвременост и едноставност. Сопствениците на жолти автомобили би требало да бидат полни со живот, оптимизам и желба за истражување. Жолтата се поврзува со интелигенција, топлина и удобност, па сопствениците сакаат да читаат, но и брзо возење.

Црната боја ја избираат доминантните, тврдоглави и дисциплинирани возачи склони кон класиката. Станува збор за бунтовници кои се често склони кон агресивно однесување и инциденти.

Зелените нијанси на автомобилот карактеризираат внимателна и повлечена личност, вредна за доверба. Љубителите на зелената боја исто така ги карактеризира склоноста кон хистерични испади. Сината боја кажува дека зад управувачот седи креативна личност склона кон аналитичко размислување која е смирена, верна и доверлива. Возачите на сини автомобили, според психолозите, се исклучително внимателни зад воланот, методични и несклони кон грешки.

Розовата боја на автомобилот најверојатно ќе ја изберат чувствителните личности со изразена интуиција. Возачите на розови автомобили се креативци и индивидуалисти – уметнички души.

Автомобил во сиви и сребрени нијанси возат смирени личности склони кон критикување на другите возачи. Станува збор за прагматични, практични и разумни и исклучително самосвесни возачи кои работата секогаш ја ставаат пред забавата. Крем бојата на автомобилот открива позитивно размислување на неговиот сопственик. Станува збор за личности склони кон едноставен начин на живот, на кои може да потпре човек. Возачите на крем автомобили се кул, релаксирани и забавни, за разлика од возачите на белите автомобили кои се, според психолозите – исклучително екстравертни, со желба за внимание и со задоволство го прикажуваат својот статус во општеството.

Се разбира, сите овие методи на проценување на луѓето според нивниот автомобил треба да се земат со доза на скептицизам. Пример, купувачите на половни автомобили секако им е поважен квалитетот на автомобилот од бојата, а женските купувачи најчесто при купување на нов автомобил ќе изберат боја која најмногу одговара на линиите на автомобилот.

Oпштоприфатено е дека поединечна боја е својствена на одреден профил на корисници. Така пример деловните луѓе најчесто возат автомобили со потемни бои, транспортните возила се со посветли нијанси, а спортските автомобили се со најчесто упадливи бои.

Исто така, не смееме да заборавиме дека постојат одредени трендови и бидејќи не постојат прецизни податоци за најпродавана боја на автомобил во Македонија, минатата година во светот, после неколку години доминација на сребрената, била белата, додека во првата половина од оваа година повторно наводно завладеала зелената!