Изгледа дека со развојот на човештвото се развива и потребата за автономија и независност, со оглед на тоа што бројот на признатите независни држави на светот е сè поголем. На почетокот на 19 век постоеја вкупно 90 држави, додека денес нивниот број изнесува 203. Некои од денешните држави по површината и по бројот на жители се помали дури и од просечен град. Ви ги претставуваме најмалите од нив.

1. Ватикан

Со површина од 0,4 km2 и 770 жители, Ватикан е најмалата држава на светот. Со оглед на тоа дека станува збор за кварт во средиштето на Рим, Светиот град е уникатна појава во светот и затоа ужива посебен статус.

2. Монако

Кнежевството Монако е малку поголемо од Ватикан, кое со површина од 0,7 km2 го зазема второто место на оваа листа. Меѓутоа, со оглед на површината оваа држава има импресивен број на жители кој изнесува 32.000, од кои повеќето не живеат преку целата година во оваа даночна оаза. Оваа држава, која е всушност составена од градот Монте Карло и неговото предградие, е независна уште од 13 век.

3. Науру

Оваа островска држава има површина од 21 km2, која се наоѓа во Микронезија, во јужниот Пацифик. Науру е најмалата независна република во светот и е единствена република без официјален главен град. Независна е од 1968 година и денес брои нешто повеќе од 10.000 жители.

4. Тувалу

Тувалу е држава која се протега на девет островчиња, а се наоѓа на патот помеѓу Австралија и Хаваите. Нејзината вкупна површина изнесува 26 km2. Независна е од 1978 година, а денес брои 13.000 жители.

5. Сан Марино

Сан Марино е најстарата држава во Европа, со територија од 61 km2, сместена во средишниот дел на Италија. Својата самостојност ја чува уште од 4 век, што ја прави најстара република на светот. Сан Марино го има и најстариот активен устав кој е донесен во 1600 година. Денес има околу 30.000 жители.

6. Лихтенштајн

Лихтенштајн е алпска држава со површина од 162 km2 која се наоѓа помеѓу Швајцарија и Австрија. Ова кнежевство е едно од најбогатите на светот, а независно е од 1866 година, со завршувањето на Австриско-пруската војна. Денес брои 35.000 жители.

7. Маршалски Острови

Оваа островска држава се наоѓа во средишниот дел на Пацификот и се состои од 34 острови, а својата независност ја доби во 1986 од страна на САД. Денес има 62.000 жители.

8. Свети Кристофер и Невис

Оваа држава се наоѓа во Средна Америка и дел од Карипските Острови Мали Антили. Се состои од два острова од вулканско потекло чија вкупна површина изнесува 261 km2. Независна е од 1983 година, а денес има околу 43.000 жители.

9. Сејшели

Република Сејшели е островска држава во Индискиот Океан која се протега на архипелаг од 115 острови. Нејзината вкупна површина изнесува 450 km2 и има околу 88.000 жители, што е помалку од сите останати држави во Африка. Независна е од 1976 година.

10. Малдиви

Оваа островска држава се наоѓа југозападно од индиското крајбрежје. Се состои од 26 острови и 1000 мали островчиња. Вкупната површина на републиката изнесува околу 300 km2, што ја прави најмала држава во Азија. Независна е од 1965 година, а денес брои дури 309.000 жители.