Еве нешто за стара добра времена :)

MZT Skopje - Real Madrid - 1996 год.

http://www.youtube.com/watch?v=2wnbGQyqodY - http://www.youtube.com/watch?v=2wnbGQyqodY

Resultados Copa de Europa

Grupo C: MZT Skopje (MKD) 69 Real Madrid (ESP) 68.

Ф. Работнички примен во Јадранската лига

Бордот на НЛБ-лигата одлучи од идната сезона и македонскиот шампион да се натпреварува во ова друштво

Повеќекратниот шампион на Македонија, Фершпед Работнички, доби дозвола да се приклучи на регионалното кошаркарско натпреварување - Јадранска лига (НЛБ) од следната сезона. Бордот на Лигата вчера ги израдува скопјани со информацијата дека им е доделена вајлд-карта за настап.

- Одлучивме, врз база на пропозициите на Лигата и предвиденото проширување, од следната сезона да го вклучиме Работнички во натпреварувањето - изјави генералниот директор на НЛБ, Роман Лисац.

До пролет 2008, за кога е најавено завршувањето на новата спортска сала во Скопје, со капацитет од 8 илјади седишта, Работнички ќе ги игра натпреварите од Јадранската лига во СРЦ „Кале“. Македонскиот шампион даде гаранции пред челниците на НЛБ дека ќе формира конк*рентен тим и тоа веднаш во деби-настапот во регионалното натпреварување. Во македонскиот првак се повеќе од задоволни.

- Пред се', ова е голем плус за македонската кошарка. Интересот за овој спорт ќе се зголеми, трибините ќе се исполнат, кошарката ќе се искачи на едно ново ниво. Ова е и големо признание за Работнички, зашто нашата работа и добри резултати се крунисани со зелено светло за учество во вакво друштво. Секако дека во новата сезона екипата драстично ќе ја засилиме за да бидеме конк*рентни на квалитетот во оваа лига - изјави Јорданчо Давитков, тренерот на Фершпед Работнички.

Викендов се игра последното коло во Јадранската лига, пред почетокот на фајналфорот, во кој ќе играат ФМП Железник, Партизан, Цибона и Хемофарм. Сезонава во НЛБ учествуваа 14 екипи, колку што ќе има и во идната сезона. Конечниот состав ќе биде познат по одигрувањето на последното коло, а во 2007/08 со вајлд-карта ќе играат црногорскиот претставник Будуќност (настапува и сезонава) и Работнички.

Вчера бев на прославата 10 години од Фамили Аеродром и беше супер атмосфера, штета што на крајот ја изгубивме утакмицата во изведувањето на слободните фрлања. Се гледа дека на МЗТ му фалат тројца играчи еден центар еден плеј и еден крилен центар ако сака да им конк*рира на останатите екипи. Се надевам следната сезона управат ќе се потруди да најде спонзори и да направи подобар тим.

Еве дел од атмосферата низ улиците на Аеродром и во Салата ЈАне Сандански.

http://www.youtube.com/watch?v=UIOl3vQw4VQ - http://www.youtube.com/watch?v=UIOl3vQw4VQ

абе батка ти сам си прајс муабет.

             да ти кажам во право си само напред и јас ке ти се

                                             приклучам се слушаме....................................

Македонија - Шведска 77-58 иако не беше лесно како што покажува резултатот. Во првите две четвртини Шведска водеше со по 5-6 разлика и на полувреме имаше водство. Но во 3 четртина нашите стегнаа направивме пресврт и во последната четтвртина ја почнавме со 7 разлика за нас. И на крајот во обидот Швеѓаните да не стигнат ние ја зголемивме разликата.

Абе учете се деца

Ова е само последната минута од најголемиот кошаркарски натпревар што некогаш се играл во Македонија. Мзт Скопје во "Јане Сандански" понесени од пеколната атмосфера создадена од верните FAMILY AERODROM, го фрли на колена славниот Реал Мaдрид. Лудница!!!

http://uk.youtube.com/watch?v=aMdxS1e6-yo - http://uk.youtube.com/watch?v=aMdxS1e6-yo

Започна домашното кошаркарско првенство

Куманово - Фени за старт на 1/4 финалето

http://www.netpress.com.mk/sport/vestiimages/18265/кош.jpg">

Полуфиналната серија од плеј офот во македонскиот кошаркарски шампионат стартува во среда навечер.

Со почеток од 20:00 часот, МЗТ Скопје пред празни трибини, поради изречената казната за одигрување на два натпревари без присуство на публика, ќе го пречека вечниот ривал Работнички. Во вториот дуел, чиј старт е закажан за од 19:00 часот, Фени Индустри важи за фаворит против екипата на Торус.

Утре во Скопје и Кавадарци четирите најдобри тимови во регуларниот дел од сезоната во елитниот домашен кошаркарски шампионат ќе ја започнат битката за шампионската титула.

Полуфиналната серија на плеј - офот ќе ја отворат екипите на Фени Индустри и Торус. Актиелниот бранител на трофејот ќе стартува со почетна предност од 1-0, во дуелите против Торус. Со оглед на тоа Кавадарчани важат за фаворити во серијата “кој прв до три победи“. Освен почетната предност од 1-0, кошаркарите на Фени Индустри ќе ја имаат и предноста на домашен терен, која им ја дава најдобриот скор во регуларниот дел од првенството.

Многу понеизвесно се очекува да биде во втората полуфинална пресметка во која силите ќе ги одмерат вечните ривали МЗТ Скопје Аеродром и Работнички. Ова ќе биде шестиот натпревар на вечните ривали во оваа сезона, петти во првенството во кое засега се израмнети (2-2) поради што во плеј - офот ќе стартуваат “од нула“.

Голем хендикеп за домашната екипа на овој меч ќе биде казната според која овој натпревар мора да го одигра без присуство на гледачи во салата “Јане Сандански“. Сепак, како што дознаваме домаќинот за своите гледачи ќе организира заедничко следење на натпреварот на голем видео бим поставен пред самата сала.

Мејси и Илиевски се враќаат во националниот тим

Натурализираните Македонци Лестер Бо Мекејлеб, Маркиз Грин и Џеремаја Мејси речиси сигурно ќе бидат на поширокиот список од 24 играчи на нашата кошаркарска репрезентација за подготовките за Евробаскетот во Литванија кои ќе стартуваат на 10 јули. Единствен проблем за националниот тим е што Мекејлеб и Мејси најверојатно ќе се приклучат подоцна поради потребниот одмор од долгите сезони во Италија и Русија каде што настапуваат.
Со Владо Илиевски, кој лани не дојде за квалификациите за ЕП, ситуацијата е уште почиста, откако тој јавно потврди дека на 10 јули ќе се појави на подготовките. Завчера тој ја заврши сезоната во дресот на Унион Олимпија по што ќе замине на заслужен одмор, а потоа ќе се јави на првата прозивка.
На списокот на Марин Докузовски не се очекува да има поголеми изненадувања. Од костурот на тимот сигурно ќе бидат повикани капитенот Перо Антиќ (Спартак), Ристе Стефанов (Сан Северо), Предраг Самарџиски (Олин/Лиетувос), Тодор Гечевски (ПАОК), Ѓорѓи Чековски (Левски), Дамјан Стојановски (Лукоил), Димитар Караџовски (Рилски), Дарко Соколов, Војдан Стојановски (Фени), Ефтим Богоев, Димитар Мираковски и Марко Симоновски (Работнички), а на поширокиот список најверојатно ќе се најдат и Кире Николовски, Јане Петровски, Синиша Аврамовски, Златко Гоцевски (МЗТ), Бојан Трајковски, Ивица Димчевски (Торус), Владимир Брчков, Диме Тасовски (Фени) и Александар Костоски.
Кон средината на јули треба да бидат познати и оние 16 играчи од потесниот список, а до крајот на август по обемните подготовки со десетина контролни средби и 14 кошаркари кои ќе патуваат во Алитас, Литванија. Иако има право да пријави 14 играчи и двајца да менува пред секој меч, селекторот ќе мора да избере само еден Американец со македонски пасош за настап на ЕП.
Македонија е во групата "Ц" со Хрватска, Грција, Црна Гора, БиХ и квалификант

Илиевски повторно во дресот на Македонија

Селекторот на македонската кошаркарска репрезентација Марин Докузовски го објави поширокиот список од 24-ца играчи, кои ќе се подготвуваат за Европското првенство во Литванија, со почеток на 31 август. Изборот на Докузовски мина без изненадувања, освен што по подолго време во националниот тим се враќа капитенот на Унион Олимпија, Владо Илиевски, кој поради повреда ги пропушти и ЕП 2009 и целиот квалификациски циклус за Литванија. Во тимот беа вклучени тројца странци, Американците со македонски пасош Џеремаја Мејси, Бо Меккејлеб и Маркиз Грин, од кои само еден ќе може да биде во тимот на еден натпревар.
Подготовките почнуваат на 10 јули во Скопје, првично со 16-мина кошаркари: Гечевски, Антиќ, Самарџиски, Чековски, Николовски, Стефанов, Меккејлеб, Илиевски, Соколов, Д. Стојановски, В. Стојановски, Симоновски, Гоцевски, Димчевски, Мираковски и Костоски. Останатите осуммина кои ќе ја чекаат својата шанса се: Богоев, Грин, О. Стојановски, Михајловски, Трајковски, Мејси, Брчков и Крстевски.
Тие продолжуваат во Охрид на 17 јули, по што Македонија ќе одигра серија пријателски средби со Словенија и Италија. Нашата селекција на ЕП е во група заедно со БиХ, Грција, Хрватска, Црна Гора и со еден квалификант.

Директно се пласиравме на ЕП 2013

Нашата селекција со освојувањето на четвртото место на ЕП обезбеди директен пласман на Евробаскетот што во 2013 година ќе се одржи во Словенија. Европската кошаркарска куќа (ФИБА Европа) реши да не го менува форматот на натпреварување па и за следниот Евробаскет ќе учествуваат 24 репрезентации. Ѓ
Учество на шампионатот во Словенија ќе имаат домаќинот, Велика Британија како домаќин на ЛОИ и првите шест селекции од Евробаскетот: Шпанија, Франција, Русија, Македонија, Литванија и Грција.

***

Меккејлеб во најдобрата петорка

Нашиот плејмејкер Лестер Бо Меккејлеб беше избран во првата петорка на Европското првенство. Македонија за првпат во историјата има играч меѓу најдобрите пет на големите натпреварувања. Бо Меккејлеб со својата фантастична игра, желба и посветеност да гине во дресот на Македонија го заслужи ова признание, а колку ја чувствува нашата земја за своја, Бо покажа кога ја прими наградата од ФИБА Европа носејќи го македонското знаме. Тој стоеше рамо до рамо со Тони Паркер, Хуан Карлос Наваро, Андреј Кириленко и По Гасол кои исто така беа избрани во првата петорка на Евробаскетот.
Меккејлеб оствари просек од 21,4 поени, 3,7 асистенции и 2,1 украдена топка по меч.

***

Лажна тревога за бомба на аеродромот во Каунас

Двајца фанови на кошаркарската репрезентација кои се враќаа со еден од организираните навивачки чартери го кренаа на нозе аеродромот во Каунас. Тие се обидоа да се пошегуваат со цариниците и им кажаа дека носат бомба, но не очекуваа дека безбедносните органи ќе реагираат сериозно на наводната закана.
Началникот на полицијата на аеродромот поради проверка на нивните куфери го задржа првиот чартер уште час и половина, а после долго чекање, реши да ги задржи на аеродромот во Каунас.

ДОКУЗОВСКИ СЕ ПОВЛЕКУВА

На средбата помеѓу претседателот на МКФ, Даниел Димевски и селекторот Марин Докузовски, беше искажано обострано задоволство од соработката и заеднички постигнатиот успех, досега најголем во историјата на македонскиот колективен спорт.

Анализирајќи ја новонастанатата состојба, поврзана со новиот професионален ангажман на селекторот во Лукоил Академик и договорните обврски кои од него произлегуваат, а бараат целосна физичка и стручна посветеност на клубските обврски, МКФ изрази поддршка на селекторот во реализирањето на неговата понатамошна кариера.

Сакајќи, сепак, и во иднина тој со своето присуство и капацитет да биде дел од стручниот штаб на нашата репрезентација, на обострано задоволство е договорено Докузовски да остане активно вклучен како советник на новиот селектор, кој ќе биде избран и назначен до крајот на месецот

Голема е веројатноста нашите најдобри кошаркари последниот дел од подготовките за олимписките квалификации во Венецуела да ги одработат во Канада и САД.

По присуствувањето на ждрепката на групите за олимписките квалификации во Каракас, Венецуела, делегацијата на МКФ замина за Њујорк, каде се очекува тие да имаат средби со Џон Битов, Мајк Зафировски и Мајк Кшижевски. По тие средби ќе биде познато дали и каде нашите најдобри кошаркари би одработиле дел од подготовките ова лето.

За денеска закажана е средба со Џон Битов Јуниор (познат бизнисмен, основач на Торонто Репторс, креатор на „Ер Канада“ спортскиот центар и претседател на кандидатурата на Торонто за ОИ 2008 година), на која ќе се разговара за меѓусебна соработка. Постојат првични преговори околу одработување на дел од подготовките во Канада, а воедно и настап на подготвителен турнир во оваа земја, на кој покрај Македонија, покани имаат добиено и Нов Зеланд и Велика Британија, кои исто така се подготвуваат за ОИ во Лондон.

Утре нашата делегација заминува за Дурхам (Северна Каролина), каде ќе го посети универзитетот Дјук, чиј тренер е селекторот на САД, Мајк Кшижевски, кој воедно е и најуспешниот тренер во универзитетската лига во САД. Раководните лица на МКФ ќе имаат состанок со Кшижевски за продлабочување на соработката на нашата репрезентација со САД во пресред на ОИ, а закажана е и средба со бизнисменот Мајк Зафировски, кој има македонско потекло и кој е татко на Тод Зафировски, кој пак е еден од подобрите кошаркари на Универзитетот Дјук.

Плановите во врска со комплетниот подготвителен период се се’ уште отворени, а делегацијата на МКФ веќе разговараше и со високи претставници на други околни земји, од каде изразија подготвеност да ја примат нашата селекција. Заинтересираност покажа домаќинот на турнирот, Венецуела, а начелни разговори се направија и со претседателот на Федерацијата на Порторико, кој исто така планира организација на мини-подготвителен турнир, непосредно пред настапот во Венецуела.

Сепак, сите овие комбинации засега остануваат отворени и ќе се искристализираат по завршувањето на сите состаноци, за креирање на што подобар подготвителен период и што поквалитетни пријателски натпревари за македонските репрезентативци

Македонските кошаркари разочараа еден куп литвански убавици! 

http://www.libertas.mk/%d0%bf%d0%b5%d1%80%d0%be-%d0%b0%d0%bd%d1%82%d0%b8%d1%9c-%d1%81%d0%b8-%d0%b7%d0%b0%d0%bc%d0%b8%d0%bd%d1%83%d0%b2%d0%b0-%d0%be%d0%b4-%d1%80%d0%b5%d0%bf%d1%80%d0%b5%d0%b7%d0%b5%d0%bd%d1%82%d0%b0%d1%86/" rel="nofollow - Перо Антиќ си заминува од репрезентацијата

http://www.mkd.mk/sport/kosharka/kosharkarite-na-14-mart-kje-izbiraat-pretsedatel-na-mkf" rel="nofollow - Кошаркарите на 14 март ќе избираат претседател на МКФ!