После темелната истрага, ФИА и официјално објави дека тимот на Мекларен не прекршил ниедно спортско правило во текот на Г.Н. на Монако.
Тоа што подигна голема прашина на последната трка,...

 беше изјават на на директорот на тимот, Рон Деннис, кој потврди дека после првото влегување во боксот им напоменал на своите возачи да ги задржат своите позиции. Британските медиуми, кои нестрпливо сеуште ја очекуваат првата победа на нивниот нов национален јунак - Луис Хамилтон, оваа изјава огорчено ја разбрале како тимска наредба, која според правилникот на ФИА е забранета после инцидентот на Ферари во 2002 година.
Во својата изјава, ФИА ја објасни конечната одлука: "Проучувајќи ги снимките на комуникација помеѓу тимот на Водафон Мекларен Мерцедес и нивните возачи, заедно со податоците на посматрачите на ФИА, и податоците на тимот, јасно е дека сите акции на Мекларен во текот на овогодишниот Grand Prix на Монако, се потполно легитимни, и затоа несе потребни понатамошни истражувања. "
Иако некои веруваа дека стратегијата на Мекларен за Хамилтон да оди со едно застанување во боксот ја претвориле во две само да би го зачувале Алонсо во трка, ФИА го потврди спротивното. Вистина е дека Луис имал гориво доволно да извози уште пет кругови повеќе од својот тимски колега, меѓутоа стратегијата на Мекларен со едно влегување во бокс претставувала план Б, доколку на стазата би излегол Safety Car. Со обзир на тоа дека сигурносниот автомобил не требаше да интервенира, Хамилтон го извршил своето второ застанување спрема планот.
Од друга страна, јавувањето на Деннис на своите возачи да забават, ФИА исто така го оправда. Во својата изјава објаснува дека е нормално тимот да ги опомени своите возачи на поспоро возење доколку се наоѓаат во уверливо водство или доколку несака да ја ризикува нивната трка.
Во заклучниот ивештај, ФИА напиша: " Мекларен беше во можност да ја следи својата оптимална тимска стратегија бидејќи имаше очигледна предност пред сите болиди.тие не направија ништо што би имало влијание на крајниот резултат на трката. "