Соопштение

ОМД ГИ ПОВИКУВА МАКЕДОНСКИТЕ ВЛАСТИ ВО ОДБРАНА НА МАКЕДОНСКОТО МАЛЦИНСТВО И МЕЃУНАРОДНОТО ПРАВО

Вашингтон, сад – Обединетата Македонска Дијаспора (ОМД) ги поздравува одлуките и изјавите на Претседателот на Република Македонија, г-динот Бранко Црвенковски, и на министерот за надворешни работи, г-динот Антонио Милошоски, во врска со уставната обврска на Република Македонија кон македонските малцинства во соседните држави, за кои, како што потсети министерот Милошоски “Рамковната конвенција на Советот на Европа, најдецидно предвидува дека заштитата на националните малцинства веќе не е внатрешно прашање на државите, туку област на меѓународна соработка.”

Како организација чија мисија е поврзана со состојбите на македонските заедници ширум светот, вклучувајќи ги и македонските малцинства во соседните држави, ОМД во целост ги поддржува определбите на македонските државни институции конечно јавно да се заложат за правата на  Македонците во соседните земји.   ОМД бара декларативната поддршка на македонските власти да биде конкретизирана со активности во меѓународните институции, но и со конкретна поддршка и средби со македонските организации во соседните земји.

ОМД смета дека досегашната неангажираност на македонските власти околу македонските малцинства, стравувајќи дека каква било акција би била сфатена како мешање во внатрешните работи на соседите, ќе биде минато.   Впрочем, ниту македонските власти, ниту пак меѓународните институции, не ги осудија средбите што редовно се одржуваат помеѓу албанските власти и претставниците на македонски Албанци, или пак сличните активности на бугарските државни агенции кои постојано ги помагаат Бугарите во странство.   Неприкосновено право на секоја матична држава е да се грижи за своите сонародници.

Обединетата Македонска Дијаспора предупредува дека се алармантни актуелните политички случувања во соседните држави, каде во пораст се ултранационалистичките партии кои директно вршат притисок врз македонското малцинство. Исто така, загрижувачки се и последните малтретирања и заплашувања од страна на бугарските власти врз потписниците на ОМО Илинден ПИРИН со цел да се спречи регистрирањето на оваа партија.   Затоа, нашата организација ги повикува македонските власти итно да реагираат на овие конкретни нарушувања на човековите права кои се спротивни на неодамнешните одлуки на Европскиот Суд за човекови права. Македонците во соседните држави се постојано репресирани и крајно време е да се актуализира ова прашање.

Основана во 2004 г., Обединетата Македонска Дијаспора (ОМД) е меѓународна членска организација лоцирана во Вашингтон, САД, која ги застапува интересите и потребите на македонците и македонските заедници во светот.

Сенатот на сојузната американска држава Илиноис усвои резолуција со која се признава правото на македонскиот народ да го зборува мајчиниот јазик, да посетува училишта и цркви каде што се користи македонскиот јазик, да ги практикува своите обичаи, да се нарекуваат себеси Македонци и да им се признаат сите човекови права пропишано со меѓународното право.

Усвојувањето на оваа промакедонска резолуција е производ на лобирањето на Македонската патриотска организација во САД, која пред неколку години го отстрани предзнакот пробугарска истерувајќи ги од членство сите оние кои лобирале за Бугарија. "Од како Македонија доби независност во 1991 година од Југославија, македонскиот народ е под удар на неговите соседи кои се обидуваат да го негираат правото на Македонците да го користат нивното етничко наследство, забранувајќи им да го зборуваат нивниот јазик и практицирањето на обичаите и традицијата, па дури и знамето кое го сменија", изјавил претседателот на МПО, Крис Иванов.

Во Илионос живеат илјадници Македонци.

Бугарскиот амбасадор во Македонија, Михо Михов за Радио Слободна Европа изјави, дека само Европската Унија може да ја праша Бугарија дали Македонците имаат право да се кандидираат на избори со свои партии во Бугарија, сега кога земјата е на прагот на Унијата.

„Вие ги прикажувате нештата како да се вистина. Најмалку, Македонија и вие како медиум можете да и поставувате вакви прашања на Бугарија, која е веќе член на Европската унија. Тоа прашање на Бугарија може да и го постави само Европската унија. И тоа е внатрешно прашање на Бугарија, а не на односите меѓу Македонија и Бугарија, а амбасадорот е тука за да ја утврдува надворешната политика на Бугарија и добрососедските односи“, изјави амбасадорот Михов.

Во врска со случувањата на последното чествување на гробот на Јане Сандански и протестната нота од македонското Министерство за надворешни работи, Михов негира, дека поранешната министерка Илинка Митрева му врачила протестна нота, оценувајќи дека се работи за измама и лага можеби диктирана од македонските медиуми.

„Категорично тврдам, јас не сум добил нота, а и немаше основа за нејзино врачување, зашто тоа за што прашувате се внатрешни бугарски односи, а амбасадорот на Република Бугарија е тука за да ја утврдува надворешната политика на Бугарија спрема Македонија, а не да дискутира за внатрешни проблеми на Бугарија. Што се однесува до чествувањето, моето мислење е дека тоа ќе продолжи и во иднина, но на поодговорно државно ниво“, рече амбасадорот на Бугарија во Македонија.

Михов смета дека барањата за бугарско државјанство, од страна на македонски граѓани не се застрашувачки ниту за бугарската, ниту за македонската Влада и држава. Според него, во последните пет години, поднесени се повеќе од 30.000 документи за добивање бугарски пасош, но државјанство добиле 9.834 македонски граѓани.

„Тоа е едно правилно изразување на волјата на македонските граѓани, кои се чувствуваат Бугари и сакаат да го добијат тоа државјанство, додаде бугарскиот амбасадор во Македонија Михо Михов во интервјуто за Радио Слободна Европа.

АКЦИЈа против бугарската политика

Европската Алијанса ќе се бори за ОМО Илинден ПИРИН

Македонците во Бугарија не се сами, тие имаат сојузници во Европа, битката не е завршена, порачуваат од ЕФА

Битката за ОМО Илинден ПИРИН не е завршена, иако така изјави бугарскиот министер за надворешни работи Ивајло Калфин, порачуваат од Европската слободна алијанса (ЕФА). Бугарија мора еднаш засекогаш да ги признае националните малцинства во земјата и да им дозволи да ги бранат и да ги промовираат својот јазик и култура со демократски средства, изјави за „Дневник“ Џоан Бернат, европарламентарец од ЕФА, коментирајќи ја одлуката на бугарскиот суд да не ја регистрира партијата на Македонците во Бугарија.

Неодамна судот во Софија најде повеќе административни проблеми во процесот на регистрацијата на ОМО Илинден ПИРИН, при што пресуди дека не се исполнети сите услови за нејзино регистрирање. Иако раководството на партијата собра повеќе од потребните 5.000 потписи, сепак, тоа не беше доволно државата да ја запише во регистарот на политичките партии во Бугарија.

- Ова е многу лоша вест за либерално-демократските принципи. Одлуката на судот со која се негира правото на македонското малцинство политички да се организира, е во линија на ултранационалистичката политика што бугарската држава ја спроведува во последните децении. Но Бугарија сега ќе стане членка на ЕУ и треба да ја смени политиката на дискриминација, политика за која нема место во ЕУ - изјави Бернат.

По коментарите во македонските медиуми за одлуката на софискиот суд, бугарскиот министер за надворешни работи Ивајло Калфин изјави дека владата ја плати паричната казна што ја одреди Судот во Стразбур и со тоа ја завршила работата со политичката партија на Македонците.

- Тоа воопшто не е точно. Прашањето нема да се затвори се' додека работите со ОМО Илинден ПИРИН не се доведат во нормала. Тие имаат сојузници во Европа, битката не е завршена - порачува европарламентарецот Бернат.

Од парламентарната група ЕФА, која е европски гласноговорник на малцинствата, информираат дека побарале средба со еврокомесарот за проширување Оли Рен за да зборуваат за проблемот, а се размислува и за други акции.

Ова денеска го побараа Обединетата македонска дијаспора и Македонското меѓународно движење на човекови права со цел бугарската влада да ја почитува пресудата од Европскиот суд за човекови права од 25 октомври 2005 година.

ОМД и ММДЧП во соопштението наведуваат дека бугарската влада не ја признава слободата на здружувањето и изразувањето на македонското малцинство, со тоа што на почетокот на месецов ја одби валидната апликација на „ОМО Илинден ПИРИН“ за регистрација како политичка партија.

Според ОМД и ММДЧП, ова е непочитување на неодамнешната пресуда на Европскиот суд за човекови права дека Бугарија го прекршува правото „ОМО Илинден ПИРИН“ за слободата на здружување оти треба да и биде дозволено да се регистрира како политичка партија.

Вознемиреност во Софија околу предлог во ЕП за Македонците во Пиринско

Софија/Стразбур /14/11/ 14:31

БУГАРИЈА

Соломон Паси: ОМО „Илинден“ треба да се регистрира 

Прашањето за регистрација на ОМО „Илинден“ треба да се реши позитивно, оцени претседателот на Комисијата за надворешни прашања во бугарскиот парламент, Соломон Паси

Отфрлен амандманот за признавање на Македонците во Бугарија

Членовите на Комисијата го отфрлија амандманот, изработен од група пратеници од пратеничката група на Зелените, со кој се предлагаше во извештајот де се вметне и барањето до властите во Софија да ги признаат правата на македонското малцинство во Бугарија и да ја регистрираат нивната партија „ОМО Илинден Пирин“.

Конечната одлука по амандманот ќе биде донесена на заседанието на Европскиот парламент на 29 ноември, кога европратениците треба да се произнесат по извештајот за Бугарија, подготвен од Џефри ван Орден.

brej, ovoj talalej ima odlicno prashanje, a jas ke mu odgovoram eve vaka:

Zatoa shto makedoncite se oddelen narod, Duduk  eden

Претседателството на „ОМО Илинден Пирин“ соопшти дека бугарскиот Врховен касациски суд ја одбил жалбата на решението на софискиот Градски суд со кое се одбива регистрацијата на оваа партија на Македонците во Бугарија.

Во соопштението се наведува дека Касацискиот суд ја вратил пресудата во Градскиот суд без промена на првичното решение и со тоа процедурата за регистрација на партијата во Бугарија е завршена, па затоа „ОМО Илинден Пирин“ ќе поднесе жалба во Судот за човекови права во Стразбур.

Претседателството на партијата оценува дека таквата пресуда е уште еден доказ оти судот во Бугарија е политичка, а не правна институција, потсетувајќи дека досега македонските партии и организации ги загубиле сите судски спорови во Бугарија, кои потоа биле добиени во Стразбур.

„Тоа само по себе доволно зборува за правичноста на бугарските судови во однос на организации што ги штитат правата на македонското малцинство во Бугарија“, се наведува во соопштението.

„ОМО Илинден Пирин“ воедно ја поздравува одлуката на Комитетот на министри на Советот на Европа и ја смета за позитивна и во прилог на партијата.

„Посочената одлука го потврди ставот на партијата дека плаќањето на одредената отштета во пресудите на Судот во Стразбур не може да се смета дека ги исцрпува обврските на државите, ниту дека само по себе значи исполнување на пресудата како што тврдеше бугарската Влада. Се надеваме дека на следната седница на 4 април годинава Комитетот ќе ја задолжи Бугарија да ги исполни своите обврски и да ја врати незаконски одземената регистрација на партијата“, се истакнува во соопштението на „ОМО Илинден Пирин“.