Светлосниот тунел низ кој наводно патуваат нашите души,а ги пречекуваат „суштества“ што би ги одвеле во другиот свет,се најобични халуцинации,тврдат руските научници.Луѓето што преживеале клиничка смрт и се вратиле во живот раскажуваат приказни за силно светло што ги подигнало како елеватор и за средба со блиските што им се починати.
Но најновите истражувања покажаа дека тоа не е вистинско.Вакви и слични халуцинации се резултат на психолошкиот процес што настанува поради оштетување на умот на пациентот,одлучно тврди д-р Олег Василев,член на Руската академија за медицински науки.
Според неговото мислење,главен причинител на халуцинациите е недостигот на кислород,а веднаш потоа и ослободувањето на
ендорфин-природен седатив што настанува во телото по стресот и е задолжен за повторно воспоставување на нарушениот мир.
Ефектот на светлосен тунел е редок офталмолошки феномен што настанува по стрес.
Со Василев се согласува и Роберт Бејкер,психолог од Универзитетот во Кентаки,кој исто така дошол до заклучок дека при стресни ситуации мозокот се брани со создавање одбранбени халуцинации што се под влијание на религиозни верувања,фолклор од тие желби и стравови.“