Македонија во „очите“ на Германците: Оваа репрезентација ја нема „Златната генерација“ на чело со легендата Лазаров
14.01.2024 15:00
Македонската ракометна репрезентација е пред нов голем предизвик на Европското првенство. Кирил Лазаров и неговите избраници вечерва (20:30 часот) ќе играат против домаќинот, Германија.
Оваа селекција е еден од кандидатите за освојување на медал на овој евро-шампионат. Германците имаат силен состав, играат мотивирано пред своите фанови, тоа го видовме на првата средба против Швајцарија во Дизелдорф, ништо поразлично нема да биде ниту денеска.
Противникот е свесен дека Македонија веќе не е истата и дека минува нив тразнциија. Гледа со респект, но олеснителна околност е што повеќе ја нема „златната генерација“ како Лазаров, Стоилов, Миркуловски, Георгиевски, Ристовски…
Еве на кратко како изгледаме во очите на Германците. Во центарот на вниманието се и двете титули на Вардар.
„Кирил Лазаров, кој е вистинска легенда во својата татковина – и ги држи речиси сите национални и многу меѓународни голови рекорди. Прво како играч-тренер (2021) и од 2022 година како тренер е одговорен за трансформацијата на тимот.
Македонија е без „златната генерација“ како Борко Ристовски, Филип Миркуловски, Гоце Георгиевски и Стојанче Стоилов кои беа на теренот со Лазаров. Најпознати актуелни репрезентативци се голманот Никола Митревски од учесникот воЛШ со Порто и Филип Талески, кој по неколку години минати во Германија (вклучувајќи го и Рајн Некар Ловен) сега настапува за Бенфика Лисабон.
Македонскиот клуб Вардар Скопје двапати ја освои Лигата на шампионите: во 2017 и 2019 година. По повлекувањето на рускиот главен спонзор, Вардар повеќе не игра главна улога на меѓународен план и не беше ниту државен првак во претходната сезона, туку само втор зад Еурофарм Пелистер. Во квалификациите за Европската лига, Вардар киксна против Рајн Некар Ловен“, е дел од текстот за Македонија.
-------------
nesluchajno ne veruvam vo sluchajnosti<>sekoja sluchajnost e kontrolirana
|