Состојки
1,5кг парче свинско месо (од ребра, без коска)
Суви состојки
1 полна лажица црвен пипер
1 полна лажица кромид во прав
1 лажичка мешан зачин
1 лажичка мајчина душичка
1 лажичка ким во прав
1 лажичка чили во прав
1 лажичка кориандер во прав
1 лажичка лук во прав
1 лажичка шеќер
1 лажичка сол
1 лажичка бибер
1 лажичка К*ркума
1/2 лажичка цимет
Водени состојки
300мл. темно пиво
100мл. виски
1 лажица сенф
1 лажичка лут сенф
1 лажичка мед
За полнење
1 главица кромид
1 чешне лук
200гр. исчистен спанаќ
100гр. свежи шампињони
по вкус сол и бибер
1 полна лажича урда
И уште
250мл. вода
малку зејтин
парчиња и стебленца целер
1 морков
2 чешниња лук
2-3 ловорови листа

Нека не ве плаши листата на состојки. Рецептот е едноставен, само бара малку повеќе време од вообичаеното. Крајниот резултат вреди да се потрудите малку повеќе.

1. Може да користите месо од било кој дел, но ова од ребрата е особено сочно и меко и затоа се одлучив токму за тоа. Коските извадени и добивате убаво парче погодно за ролување.
2. Сите суви состојки измешајте ги и убаво од сите страни наросете врз месото, тапкајте и притиснете со раце за убаво да се залепи. Јас ја потрошив целата количина на зачинот, доколку ви остане складирајте во тегличка и користете си го повторно. Потоа завиткајте го месото во ролат и оставете го во фрижидер да стои. Бидејќи рецептот ми беше смислен неколку дена претходно, си го распоредив времето па така 12 часа месото стоеше во сувиот зачин и 12 часа со водената маринада.
3. За маринадата само измешајте ги убаво состојките, да се раствори сенфот, месото одвиткајте го и претурете ја маринадата убаво да биде опфатено од сите страни. И повторно оставете во фрижидер.
4. Извадете го садот од фрижидер, барем 2 часа пред да печете да биде на собна температура.
Во тава на оган ставете го ситно сецканиот кромид и протиснатото лукче да се пропржат убаво. Додадете ги печурките сецкани на листови и оставете да динстаат додека не испари течноста. Потоа додадете го сецканиот спанаќ, зачинете по вкус и оставете повторно да испари течноста. На крај додадете ја урдата, промешајте и тргнете од оган.
5. Месото извадете го од маринадата и ставете на даска. Распоредете го филот но не до крај и лесно завиткајте во ролат. Прицврстете убаво со готварски конец и ставете во пекач.
6. Маринадата претурете ја во сад на оган, додадете ја водата, парчињата целер, морков, лукчето и ловоровиот лист и оставете да зоврие. Во меѓувреме убаво загрејте малку зејтин и попарете го месото. Може и да се запржи од сите страни, но заради полнењето оваа варијнта со попарување е подобра. Кога маринадата ќе зоврие, претурете ја во пекачот, поклопете со капак и ставете да се пече. Рерната претходно загреана на 220С, кога ќе ставите ќе намалите на 180С. На секои 20-30 мин. преливајте го месото со течноста. По 1час намалете на 160 и оставете уште 45 мин. На 10 мин пред крај, тргнете го капакот и оставете да добие убава боја. Кога е готово извадете го на чинија и оставете барем 20тина мин. да се одмори.
Доколку сакате содржината од пекачот ставете ја во блендер и направете си сос.

Состојки
500-600 гр брашно
1 квасец
1 лажица шеќер
3 рамни лажици сол
1 жолчка од јајце
150 гр зејтин
250 гр. вода( млака)
100 гр маргарин (за врз кифличките кога се печат)

Во длабок пластичен сад го ставаме претходно отсеаното брашно, солта, шеќерот.
Промешуваме и го додаваме стасаниот квасец.
Додаваме масло и водата и замесуваме тесто кое е прилично меко.
Го делиме тестото на три еднакви делчиња и веднаш почнуваме со изработка на кифличките.
Не го оставаме тестото да одмори.
Расукуваме кора од првата топка и правиме фигури со модлички.
Јас искористив калапче на пиле и јајце, а направив уште неколку изработки со помош на чаша.
Кифлите во вид на јајце и на пиле веднаш ги редев во намастена тава и ги мачкав со разматена жолчка во која додадов една капка масло и сол. Декорирав со биберче во зрно за да има убав изглед.
Останатите пилиња, лебедчиња, зајаци ги правев со чаша.
Отсеков едно кругче од тестото со чашата, го превиткав кругот на пола и добив полукруг.
Од рамната страна сечам како три отсечки на полукругот и најголемата ја превиткувам како врат и декорирам со биберче, зада личи на око.
Можеби не јасно објаснив но од сликите би требало да имате претстава за што гооворам.Истата постапка се повторува со жолчката и се става по малку маргаринче и се печат веднаш.
Кога се заруменети, вадете ги. Бргу се печат, како што вели мајка ми....... колку душа имаат овие за печење.
Така ги средуваме и останатите два дела од тестото.
Искрено ова е едно поигрување со тестото, кое што моите деца многу го сакаат.
Имаат примамлив изглед ,па сигурно нема да ви остане ниту едно на овие празници.
На здравје

Состојки
170 гр брашно
1/2 лажичка сода бикарбона
1/2 лажичка прашок за пециво
1 лажичка какао
1 јајце
200 гр шеќер
1 ванила
180мл млеко
100мл масло
прстофат сол
12 млечни карамели
200мл шлаг пена + 150мл млеко
малку чоколада за декорација
чоколадни јајциња

Се соединуваат брашното, сода бикарбоната, пецивото, какаото и солта. Во посебен сад се миксираат јајцето, шеќерот и ванилата, се додава млекото и маслото, а потоа и претходно соединетите суви состојки. Се мешаат. Смесата се става во хартиени кошнички до половина, а во средината се става по една карамела, а потоа се додава другиот дел од смесата. Се користат само меки млечни карамел бонбони. Се печат во загреана релна на 200 степени околу 14 минути. Се ладат.

Настрана се мати шлагот со млекото. Со шлагот се украсуваат мафините. Се става рендана чоколада врз шлагот, и врз нив се ставаат чоколадните јајца. Наизглед изгледаат како птичјо гнездо со 3 јајца.

Состојки
1кг брашно
3 јајца
500гр млеко
3 мали филгани зејтин
1 квасец
1мала лазица сол
250гр шеќер
250гр локум

Во тенџере на оган го ставаме млекото да се замлачи, го растопуваме квасецот во него и го додаваме шеќерот. Во брашното го ставаме зејтинот, 1 мала лажица сол и трите белки од јајцата. Сето тоа се замесува и оставаме да стаса. Откако ќе стаса го премешуваме тестото и во него го додаваме претходно исецканиот локум(по желба може да се додаде и желе бонбони и ореви). Се зема од тестото правиме како пачка, ги омотуваме во круг и ги ставаме во подмачкан плех-одозгора ги премачкуваме со жолчка од јајцето и печеме на загреана рерна од 250с околу 10минути. Венецот го декорираме со едно велигденско јајце

Состојки
500 гр. брашно
2 мали јајца
120-150 гр. шеќер
180 мл млеко
1 лажичка махлеб - зачин
20 гр. квасец
50 гр. маргарин
1 лажица зејтин
За премачкување
1 жолчка
2 лажички млеко
1/2 лажичка зејтин
Додатоци во тестото
по малку суво грозје, малку рендана кора од лимон и помаранџа или наједноставно, суво овошје кое ви го сакате

1. Во вангла ставете ги сите суви состојки, измешајте ги.
2. Во млекото растворете го квасецот.
3. Маргаринот треба да го ставите на собна температура да омекне, а може и да го малку растопите.
4. Во сувите состојки додајте го растворениот квасец во млекото,  јајцата, омекнатиот маргарин.
5. Со спиралните мешалки од миксерот (зборувам за обичен миксер) месето го тестото и тоа не малку време. Тестото се меси доволно долго додека не видите дека навистина е тоа станато воздушесто - лесно ќе го препознаете. Оставете го тестото да стаса. Вообичаено благи кисели теста киснат повеќе време, затоа ништо да не ви е чудно ако помине и 1 час откако сте го оставиле.
6. ВАЖНО - Кога веке стасало тестото, несмеете да го премесувате. Само поделете го на толку парчиња - јас обично три... и така растегајки ги само правам фитили за да сплетам каква - таква плетенка. Малку неуредно изгледа... ама во тоа е и целиот успех со ова тесто.
7. Сплетете го тестото и оставете го пак на подолго време да стаса. Премачкајте го со спреманата жолчка, ако имате гранули шеќер посипете... филиран миндал, јас во недостаток на гранули шеќер посипувам со ванили... ванилата нема да прегори во текот на печењето.
8. Ставете го да се пече на 180 степени предходно загреана рерна, а после 5-6 мин. намалете ја температурата. Треба да биде печено за околу 45 минути.

СОВЕТ
За да ви успее целосно овој рецепт, сите потребни состојки треба да се на собна температура.

Состојки
За пандишпан
7 јајца
7 лаж шеќер
4 лаж брашно
4 лаж млеко
4 лаж какао
4 лаж зејтин
1 прашок за пециво
За фил
200 гр мелени ореви
200 гр чоколада
250 гр маргарин
150 мл млеко
100 гр шеќер
За украсување
150 гр шарени мрвици
500 гр фондан

За пандишпанот
Се матат пенесто јајцата со шеќерот. Потоа не престанувајќи со матењето се додаваат млекото и зејтинот. Се иклучува миксерот и во смесата се додаваат брашното, какаото и прашокот за пециво.
Релната се загрева на 200 степени.
Пандишпанот се пече во тавче од електричен шпорет обложено со хартија, околу 20 мин.
За филот
Во сад на оган се ставаат чоколадата, млекото, шеќерот. Со мешаат постојано додека не се стопи и чоколадата и шеќерот.
Се трга од оган и се остава да се излади.
Маргаринот се мати пенесто и во него се додава претходната смеса.
Одкако овие состојки ќе се соединат се додаваат и оревите.
Одкако ќе се испече пандишпанот се става на работна маса и се сечат форми на јајце од Делимано калапчињата.
Секоја тортичка се сече на половина и се филува и се премачкува со фил оддоколу. И секоја тортичка од страна се валка во шарени мрвици, а горниот слој од тортичката истотака се премачкува со фил и се става фондан којшто е исечен во форма на јајце и се декорира.
Од овој десерт излегуваат 35-40 парчиња.

А од останатиот пандишпан што нема да се употреби може да се измеша со претходно подготвен пудинг на вообичаен начин и да се стави во правоаголен калап и ќе се добие уште еден десерт.

Состојки
260гр брашно
350гр. шеќер
150мл. масло
5 јајца
1к.лажица какао
150гр. толчени ореви
50гр. чоколадни бонбони во боја

1.Се матат со миксер пенасто јајцата со шеќерот.
2.Се додава брашното маслото и оревите и се мати со мала брзина.
3.Во подмачкана тава за куглоф со масло и брашно се става половина од тестото,а во другата половина од тестото се става какаото и се дотура во тавата.
4.Се пече во загреана рерна на 180ст. околу 45мин.
5.Се вади од тавата и додека е врел колачот се редат бонбоните.

Состојки
250 гр. моркови ситно рендани
5 жолчки
5 белки
150 гр. шеќер
прстофат сол
250 гр. мелени бадеми (може и лешници)
100 гр. брашно
1 пакетче пециво
Прелив
200 гр. чоколадо за готвење
1 лажица маргарин

Кремасто изматете ги жолчките и шеќерот. Во посебен сад изматете ги белките во цврст снег. Брашното, пецивото, бадемите и солта додадете ги во смесата од жолчки. Во оваа смеса внимателно додадете ги изматените белки. На крај се ставаат и ренданите моркови.
Се пече во подмачкано и побрашнето тавче бр.26 на 180°Ц околу 50 мин. во зависност од рерната.

Прелив
Чоколадото и маргаринот стопете ги на пареа.
Со ова се прелива изладениот колач и се украсува со морковчиња од марципан.

Состојки
3 јајца
180 г шеќер
120 г брашно
2 лажициња пециво
50мл млеко
По потреба
шлаг и конзервирани кајсии

Шеќерот и јајцето се бијат убаво. Се додава пецивото и се меша пак со миксер. Се додава млекото и брашното и се меша. 
Се става мрсна хартија во плех, се истура смесата во плехот и се прави да биди одприлика иста големина како плехот. 
Се печи во загреана рерна на 225 степени 5 до 7 минути. Брзо оди во рерна затоа мора да се внимава. Се става друга хартија на маса поросена со малку шеќер. Кога е готова се превртува ролатот на другата хартија и првата хартија се вади. Ако се вади хартијата тешко можи да ја намачкате со ладна вода. Се филова по вкус и се врти ролат од подолгата страна. Се сечат парчиња, се шприца шлаг и се става концервирана кајсја за да изгледа како јајце.

Состојки
тесто 1шола=200мл
5 шоли брашно (тип 500)
1 шола млеко
3/4 шола шеќер
2 јајца
50 гр маргарин
50 гр масло
40 гр квасец (1) и прстофат сол
фил
200 гр кандирано овошје (ананас, кајсии, брусница,суво грозје ... по желба изборот)
2 ванилин шеќер
1/4 шола шеќер
1 лажица цимет
30 гр маргарин - за премачкување на кората

Квасецот со дел од топлото млеко и малку брашно и шеќер го оставаме да се ферментира. Сувите сосотојки ги мешаме, ги додаваме и останатите сосе квасецот и замесуваме глатко тесто со топлото млеко. Во рецептот по препорака е наведено дека е добро да се стават во смесата прво 4те шоли брашно, а после при месењето со 5та да се регулира составот (мене ми беа доволни точно 5). Тестото се остава на топло да се дигни.
За тоа време спремете го овошјето. Ситно исецкајте ги поголемите парчиња а, ако користите суво грозје(јас не користев) потопете го во топла вода и додадете рум(ако сакате).Јас како замена за разновидност на бојата додадов и неколку суви сливи, но бидејки се лепеа дека не се кандирани, се откажав за повеќе.
Дигнатото тесто се развалува во превоаголна форма, се премачкува со маргаринот, стопен или на собна темпаратура и над него се распоредува овошјето. Над сето тоа, попрскуваме со шеќерот, ванилите и циметот. Потоа, виткаме ролат. Ролатот го ставаме во намастен калап за куглоф, или некој друг погоден сад, или пак во плех, поставен во круг. Ако се одлучите за плех, надворешните делови засечете ги со нож на секои 5 см., така колачот ќе изгледа многу подекоративно. Оставете на топло околу 20 мин. повторно да се дигне.
*Краевите на колачот ги залепуваме со белка, а одозгора го премачкуваме со жолчката.
Печиме на 180 степени, околу пола саат. Доколку почне пребрзо да темнее, ставете алу-фолија и печете понатаму така.
Готовиот колач покријте го со кујнска крпа и оставете го 15-20 мин да одмори, па потоа извадете го од калапот и посипете го со шеќер во прав.
Ви посакувам среќни и весели празници!

Состојки
4 јајца
100 грам мајонез
70 грама шунка

Варените јајца ги лупиме и сечеме на половина и жолчките ги вадиме.
Шунката или салама ја мелеме на машина за мелење или на блендер, додаваме сол, пипер и мајонез се убаво промешуваме.
Јајцата ги полнимо ова смеса.
Одозгора ставете нешто што имате при рака, јас ставив ротквици исечени на коцки.
Добар апетит!!!

Состојки
За прво тесто
40 гр високоглутенско брашно
40 гр млако млеко
20 гр свеж квасец
За второ тесто
цело прво тесто
100 гр високоглутенско брашно
130 гр млака вода
За трето тесто
цело второ тесто
100 гр високоглутенско брашно
20 гр путер на собна температура
20 гр шеќер
За четврто тесто
цело трето тесто
210 гр високоглутенско брашно
120 гр (околу 2) средно големи јајца
80 гр путер на собна температура
150 гр кандирана кора од портокал
120 гр шеќер
1 кесичка ванилин шеќер
5 гр (1/2 лажичка) сол
За глазура
30 гр бадеми
8 гр горчливи бадеми
75 гр шеќер во прав
30 гр белка од јајце
За декорација
15 - 20 бадеми
по желба шеќерни перли
по потреба шеќер во прав
1 кандирана цреша

Коломба е традиционален Италијански Велигденски колач. Името значи гулабица, заради карактеристичната форма во која се оформува тестото.
Растворете го квасецот во 40 гр млако млеко, додајте 40 гр брашно, добро измешајте неколку минути и оставете го првото тесто на топло да надојди, покриено со проѕирна фолија, околу 20 мин.

Во садот на стоечкиот миксер ставете 130 гр млака вода, додајте го првото тесто и добро измешајте, сосем да се раствори. Додајте 100 гр брашно и измесете го на рака или со продолжетокот за тесто, неколку минути. Покријте го второто тесто и оставете го на топло да надојдува 40 мин.
Додајте во тестото 20 гр шеќер и почнете да мешате со миксерот. Постепено додавајте 100 гр брашно, непрестано мешајќи. Кога е добро соединето, додајте го и путерот во 2 - 3 наврати со постојано мешање. Мешајте додека тестото не стане сосема мазно и елестично и не се одвои од ѕидовите на садот. Покријте го третото тесто и оставете да стасува на топло 60 мин.

Додајте 120 гр шеќер и понете да го мешате тестото. Кога цел шеќер ке се спои со тестото, постепено додавајте 210 гр брашно. Потоа додајте ги јајцата едно по едно, солта и ванилиниот шеќер. Бидете трпеливи и мешајте го тестото додека не стани сосема мазно. Во мали порции додајте 80 гр путер и продолжете со мешање десетина минути додека тестото сосема не се одвои од ѕидовите на садот. Треба да добиете мазно, сјајно и сосема еластично тесто кое мегу прстите може да се развлече во тенка мембрана. Додајте ја кандираната кора од портокал, кратко измешајте формирајте го тестото во топка и оставете го покриено да стасува на топло 75 - 120 мин. или додека не се удвои.

Стасаното тесто поделете го на два дела, 2/3 со 1/3. Од поголемиот дел оформете векна која ќе биде во средината, т.е. ке биде телото на гулабицата. Помалиот дел поделете го на два дела и од секој оформете мали векнички кои ке ги ставите од страните на телото.
Ставете го оформеното тесто во калап за Коломба , покријте и оставете на топло да стаса околу 60 мин. за кое време скоро ке се удвои.
За глазурата сомелете ги бадемите со шеќерот, да добиете сосема ситен прав. Додајте ја белката и матете додека не добиете мазна бела смеса. Ако ви изгледа ретка, додајте уште малку шеќер во прав.
Внимателно намачкајте ја горната површина на колачот со глазурата. Распоредете ги целите бадеми, посипете со шеќерни перли, обилно посипете со шеќер во прав. На делот каде ке биде главата на гулабицата со ножица направете мал засек и во него ставете ја кандираната цреша.
Печете во рерна загреана на 165 Ц 40 - 50 мин. Ако брзо ви потемнува, што зависи од рерната, покријте со алуминиумска фолија.
Оставете сосем да се олади, па чувајте добро завиткано во фолија и во најлон кесичка и до неколку дена.
Ако немате хартиен калап за Коломба, може да направите импровизиран од алуминиумско тавче за една употреба со правоаголна форма кое ќе го моделирате и ќе го обложите со навлажнета хартија за печење. За да сум сигурна дека тестото е на топло, јас го ставам да стасува во исклучена рерна, а покрај садот во кој е тестото ставам 1 - 2 чаши со врела вода.

Состојки
500 гр. изварка, урда
500 гр. сирење
120 гр. маргарин
50 гр. пржен сусам
150 гр. ореви
150 гр. шунка
3 лажици мајонез
1 лажица буковска пипер
малку магдонос и 1 чешне лук

Маграринот се мати пенасто со миксер и му се додава изварката, мајонезот и сирењето, па се мати уште малку. Смесата се дели на три дела. Во едниот се додава буковската пипер и 50 гр. сецкани ореви па добро се промешува. Во другиот дел се додава ситно исецканата шунка и магдонос а во третиот дел се ставаат преостанатите ореви кои ќе ги истолчите со лукчето и додадете го и сусамот. Земете некој долг калап кој ќе го обложите со најлон фолија и ставајте ги смесите една по друга. ставете го калапот некој саат во фризидер, да се стегне.

Состојки
300гр брашно
40гр путер
40гр шеќер
1/4лажиче сол
2 жолчки
180мл топло млеко
20гр пресен квасец
1 кесенце портокал шеќер
1 ванила
1/4 лажиче махлеб
1 рака бело, суво грозје
Останато
40гр растопен путер за премачкување, малку кафен шеќер за посипување

Во топлото млеко ставаме 1 лажиче брашно, 1 лажиче шеќер и квасецот.
Промешуваме и оставаме да се активира.
Потоа во вангличката ги ставме ванилата, остатокот од шеќер, шеќерот со портокал или во замена може да се користи рендана кораод портокал, сувото гозје, растопениот путер, махлебот, жолчките.
Со вилушка промешуваме и постепено го додаваме брашното.
Ќе добиеме тесто кое е малку лепливо, но такво треба да биде.
Месиме, се додека по тестото не почне да се појавуваат меури.
Многу танко го премачкуваме со растопен путер и го покриваме тестото со прозирна фолија.
Оставаме на топло за да се дуплира.
Сега нежно го делиме на три дела.
Од секој дел расукуваме мала четвртаста кора.
Сите три кори ги премачкуваме со растопениот путер и ги завиткуваме како ролатчиња.
Од сите три ролатчиња заедно плетиме плетенка.
Ја ставаме во долгнавест калап за леб и ја премачкуваме со остатокот од растопениот путер и наросуваме кафен шечер.
Оставаме да кисни уште 30 минути.
Ја печиме во загреана рерна на 200 степени околу 30 минути.
Ја вадиме на кујнска решетка убаво да се излади, па ја сечиме на парчиња и ја послужуваме.

Состојки
30гр свеж кавасец
1 јајце
1 жолчка
50гр растопен путер
2-3 лажици шеќер
1 лажиче шеќер со вкус на портокал
по желба кора од портокал
180мл млеко топло
350-380гр брашно
1/2 лажиче махлеб
100гр сува брусница
1 белка за премачкување

Во топлото млеко ја ставаме половина количина на шеќер, го додаваме квасецот, едно лажиче брашно и промешуваме.
Оставаме да се активира.
Во еден сад благо со вилушка ги соединуваме целото јајце и жолчката.
Ги соединуваме во вангличка втасаниот квасец, јајцата, останатиот шеќер, растопениот путер, ароматичниот шеќер од портокал и махлебот.
Убаво соединуваме и постепено го додаваме брашното.
Замесуваме да биде средно меко.
Го покриваме тестото и го оставаме да се дуплира.
Потоа без размесување го делиме на 4 дела.
На работната маса ја ставаме брусницата и нежно ја залепуваме на лентите тесто.
Правиме плетенка, како на сликата со 4 ленти.
Ја ставаме во калап за леб, во кој претходно сме ставиле хартија за печење.
Ја премачкуваме со изматена белка, кисни околу 20-25 минути.
Потоа ја печиме во загреана рерна на 180-200 с околу 30 минути.
Ја вадиме на решетка да се излади, па ја сечиме на парчиња.
Послужуваме.

Состојки
2 чоколада
100 гр бисквити мелени
50 гр урми сецкани
50 гр суво грозје
150 мл млеко
100 гр путер
100 гр ореви сецкани

Путерот се топи заедно со млекото.
Во друг сад се ставаат сецканите урми и суво грозје, мелените бисквити и сецканите ореви.
Се прелева смесата додека е топла и се соединува.
Се полнат претходно прелиените калапи со чоколада,па се оставаат да се изладат.
Се покриваат повторно со тенок слој на чоколада и повторно се оставаат да стврдне чоколадата,па се вадат од калапите.
Ете ви ситни колачиња,кои радоста на најмалите ќе ја направат најголема.

Dave`s Kitchen: Велигденски зајчиња за најмладите

Велигден е како создаден за креативни рецепти. Искористете ги овие празнични зајчиња, за да ги изненадите најмладите членови во семејството.

https://moirecepti.mk/post/%D0%B3%D0%BD%D0%B5%D0%B7%D0%B4%D0%BE-%D1%82%D0%BE%D1%80%D1%82%D0%B0-%D0%B7%D0%B0-%D0%B2%D0%B5%D0%BB%D0%B8%D0%B3%D0%B4%D0%B5%D0%BD" rel="nofollow - - Гнездо торта за Велигден

Состојки
Пандишпан
4 јајца
4 лажици зовриена жешка вода
150 гр шеќер
1 ванилен шеќер
100 гр стопен и оладен путер
100 гр брашно
100 гр нишесте
2 лажици какао
1 прашак за пециво
Фил
2 пудинзи од ванила
500 мл млеко
200 гр шеќер
3 јајца + 3 лажици шеќер
100 гр чоколада за готвење
250 гр путер
3 лажици нутела
За декорација
200 гр слатка павлака
70 гр чоколада за готвење
неколку чоколадни јајца

Подготовка на пандишпанот
Одделете ги жолчките и белките.
Жолчките малку изматете ги со водата и со постепено додавање на шеќерот измешан со ванилата продолжете со матењето додека се добие светла кремаста смеса. Додајте го путерот и повторно изматете да се изедначи.
Потоа со чисти мешалки пенесто изматете ги белките со прстофат сол, додајте ги во смесата од жолчки и измешајте ги со лажица или жица.
Брашното, нишестето, какаото и пецивото измешајте ги, додајте ги во смесата и со жицата измешајте ги да се изедначи. Истурете ја во подмачкана и набрашнета тава бр. 26 и ставете ја да се пече во загреана рерна на 180 степени околу 30-35 мин.
Подготовка на филот
Пудингот растворете го со малку млеко и половина од шеќерот, а останатиот шеќер и млеко ставете ги на оган да зовриат.
Откако ќе зовријат додајте го пудингот и мешајте го да се згусти. Тргнете го од огнот и покриен оставете го да олади.
Јајцата малку изматете ги со трите лажици шеќер и ставете ги да се варат на пареа малку да се стерелизираат околу 10 минути, повремено мешајте ги. Потоа додајте го чоколадото и мешајте додека се стопи. Оставете ги да оладат.
Путерот изматете го и лажица по лажица додавајте од оладениот пудинг и мешајте да се изедначат. Потоа додајте ги јајцата со чоколадата и на крај нутелата. Убаво изматете ги да се изедначи смесата.

Оладениот пандишпан исечете го хоризонтално на половина. На средината исфиловајте го со повеќе од половина од филот, а со останатиот фил премачкајте ја одозгора целата торта. Потоа премачкајте ја со изматена слатка павлака.
Подготовка на гнездото
Чоколадата со 2 лажици масло стопете ја на пареа и на хартија за печење со лажица направете линии и оставете ги во фрижидер да се стегнат. Потоа на средината од тортата наредете ги во вид на гнездо и ставете ги чоколадните јајца.

https://moirecepti.mk/post/%D0%B2%D0%B5%D0%BB%D0%B8%D0%B3%D0%B4%D0%B5%D0%BD%D1%81%D0%BA%D0%B8-%D0%BA%D1%83%D0%B3%D0%BB%D0%BE%D1%84" rel="nofollow -

Состојки
ТЕСТО 1
4 белки
5 лажици шеќер
50гр. суво гројзе и брусница
3 лажици кокос
3 лажици брашно
2 лажици зејтин
1/2 пециво
1 лажица џем од боровница
ТЕСТО 2
4 јајца
5 лажици шеќер
100гр. путер
5 лажици брашно
1 пециво
3 лажици какао
2 реда чоколада(по желба)
2 до 3 лажици мармалад од јагоди
за прелив 100гр.чоколада за готвење и 3лаж. масло

Куглофот го премачкуваме со путер,почнуваме да ги матиме белките заедно со шеќерот додека не добиеме убава густа пена во нејзе ги додаваме сувото гројзе,кокосот,брашното,зејтинот,пецивото и на крај една лажичка џем од боровница.Печеме на 180степени дваесетина минути.
Врз ова тесто додека се’ уште е жешко ја ставаме кршената чоколада и мармаладот од јагоди.
Во меѓувреме почнуваме да го подготвуваме второто тесто.
Јајцата ги матиме со шеќерот се додека не добиеме густ крем во него го додаваме растопениот путер ,брашно и пециво.Од оваа смеса оделуваме една третина додека во останатиот крем му додаваме какао и добро мешема.Прво со лажица го додаваме жолтото тесто па врз него наросуваме со цедалка какао.На крај го додавае тестото со какао и печеме половина час на 180степени.
Куглофот го премачкуваме со чоколада и декорираме по желба.
На здравје!!!

https://moirecepti.mk/post/%D0%B2%D0%B5%D0%BB%D0%B8%D0%B3%D0%B4%D0%B5%D0%BD%D1%81%D0%BA%D0%BE-%D0%BA%D0%BE%D0%BB%D0%B0%D1%87%D0%B5-%D1%98%D0%B0%D1%98%D1%86%D0%B5" rel="nofollow - - Велигденско колаче - јајце

Состојки
1 маргарин
2 лажици свинска маст
1 ванила
1/2 лажиче цимет
1 јајце
4 лажици шеќер во прав
За глазурата
1 лажица лимонов сок
1 белка од јајце
250 -300 гр шеќер во прав

Одлична идеја да ги соберете дечињата околу вас и да подготвите убави колачи.
Замесете не лепливо тесто од маргаринот, свинската маст, јајцето и шеќерот во прав.
Додадете ванила и цимет.
Растегнете кора од која со калапче ќе извадите фигури од јајце.
Веднаш редете ги во плех претходно обложен со хартија за печење.
Печете ги во претходно загреана рерна.
Откако ќе пожолтат, вадете ги и оставете да изладат.
Ја спремаме глазурата.
Мешаме лимонов сок, шеќер во прав и белка од јајце и правиме смеса со која подоцна ги укрсуваме велигденските колачиња.
По желба додајте прехрамбена боја и декорирајте.
Ете ви прекрасен украс на Велигденската трпеза.

Забелешка
Колачите ќе ви бидат со уште поубав вкус ако на работната маса наместо брашно попрскате какао, а потоа растегнете кора, па вадете фигури.

На здравје

https://moirecepti.mk/post/%D1%82%D0%BE%D1%80%D1%82%D0%B0-%D0%B2%D0%B5%D0%BB%D0%B8%D0%B3%D0%B4%D0%B5%D0%BD%D1%81%D0%BA%D0%BE-%D1%98%D0%B0%D1%98%D1%86%D0%B5" rel="nofollow -

Состојки
Пандишпан
5 јајца
5 лажици зовриена вода
200 гр шеќер
150 гр брашно
1 прашак за пециво
100 гр нишесте
1 лажица екстрат од ванила
50 гр стопен и оладен путер
Фил
2 пудинзи од ванила
500 мл млеко
200 гр шеќер
200 гр путер
100 гр бела чоколада

Подготовка на пандишпанот
Одделете ги жолчките и белките.
Жолчките изматете ги со водата, постепено додавајте го шеќерот(само 125 гр) и продолжете со матењето да се добие светла кремаста смеса.
Додадете го путерот, ванилата и кратко изматете ги да се изедначат.
Со чисти мешалки изматете ги белките со останатиот шеќер(75 гр) во снег и додадете ги во жолчките. Измешајте ги со жица. Додадете ги брашното, нишестето, пецивото и убаво измешајте ги да нема грутчина.
Смесата ставете ја во намачкан со путер и набрашнет калап бр. 26 или 28 и печете на180 степени околу 30 мин во загреана рерна.

Подготовка на филот
Пудингот сварете го со млекото и шеќерот и оставете го покриен да олади.
Пандишпанот исечете го по малку од двете страни да добиете форма што личи на јајце. Добиеното јајце - пандишпан исечете го хоризонтално на два дела. Едниот дел попрскајте го со малку топло млеко и премачкајте го со околу половина фил.Ставете го и другиот дел пандишпан, попрскајте го со млеко и целата торта премачкајте ја со останатиот фил.
Чоколадата стопете ја на пареа и оставете ја да олади.
Путерот изматете го, додадете го пудингот и на крај стопената чоколада. Изматете ги убаво да се изедначат.

Филовање
Украсете ја со шлаг, кокос, чоколада и сл. или по ваша желба.