Порции

 12 парчиња

Состојки

• 60 гр. какао
• 330 гр. брашно
• 1 ½ лажичка прашок за пециво
• 150 гр. шеќер
• 2 јајца
• 1 лажичка ванила екстракт
• 100 мл. масло
• 220 мл. млеко

Прелив

• 50 гр. кокос
• 60 гр. чоколадо за готвење
• 330 гр. шеќер во прав

Подготовка

Загрејте ја рерната на 180 степени. Поставете хартија за печење во калапите за капкејк.
Измешајте го во еден сад какаото, брашното и прашокот за пециво. Во друг сад изматете ги јајцата со шеќерот, маслото, ванила екстракт и 160 мл. од млекото. Постепено додавајте ја мешавината од брашно во смесата со јајцата. Со смесата наполнете ги калапите за капкејк проближно 2/3 од висината. Не ги полнете до горе бидејќи ќе нараснат во печењето.
Печете ги во загреаната рерна околу 15 минути.
За да проверите дали се испечени боцнете чепкалка во еден од колачите. Ако се испечени на чепкалката нема да има залепено тесто.
По печењето извадете ги колачите од рерна и оставете ги сосема да се изладат пред да ги отстраните од калапите.
Во меѓувреме подгответе го филот. Во мало тенџере растопете го чоколадото за готвење заедно со кокосот на слаб оган. Потоа тргнете го од рингла и оставете го да се излади. Изматете го растопеното чоколадо со шеќерот во прав и остатокот од млекото. Намачкајте го секој капкејк со подготвениот прелив.
На здравје!

Состојки
2 јајца
5-6 лажици шеќер
8 лажици млеко
8 лажици масло
8 лажици брашно
1 лажиче цимет
1 лажиче квалитетно какао
1 пециво
1 лажица мелен лешник
кандирани вишни
ганаш за декорација
130мл слатка павлака
120гр црно чоколадо
додатно
50мл слатка павлака
малку црвена боја
шеќерни срциња
алуминиумски корпи за калапите
некое зрно сол

Се надевам дека ќе се сложите со мене, дека комбинација на чоколадо и вишни е вистинско уживање.
Па повелете рецепт.

Прво во вангличка ги ставаме просеаното какао, пециво, брашно,лешник и цимет.
Убаво сето го мешаме да се соедини.
Во друга вангличка ги ставаме јајцата со шеќерот и матиме до побелување.
Со исклучен миксер додаваме некое зрно сол, млеко, масло, па состојките од првата вангличка.
Лесно со шпатула, со движење само во еден правец ги соединуваме состојките.
Со оваа смеса ги полниме формите за 12 мафини.
Одозгора на секое парче ставаме по 2-3 кандирани вишни.
Ставаме да се печат во претходно загреана рерна околу 25 минути.
Вие проверете со чепкалака, бидејќи секоја рерна е различна.

Сега во еден сад на оган ја ставаме слатката павлака да се загрее.
Тргаме од оган и го додаваме кршеното чоколадо.
Промешуваме за да се изедначи.
Оставаме да се лади во фрижидер еден час.
Потоа со миксер ги матиме.
Испечените и изладени капкејкови по страната ги декорираме со ганашот.
Декорацијата ја завршуваме со изматена слатка павлака, во која сме додале малку црвена боја. Завршуваме со шеќерни срциња.
На здравје.

Состојки
200 гр брашно
1 мала лажичка пециво
1 мала лажичка сода
2 јајца
80 гр шеќер
120 гр кафеав шеќер
60 мл. млеко
60 мл. маслиново масло
230 г. пире од тиква
1/2 мало лажиче цимет
прстофат мелено мускатно оревче и каранфилче
по желба чоколадо или јаткасти плодови
Крем
175 гр крем сирење
50 гр путер
3 големи лажици шеќер во прав

Јајцата се матат со белиот шеќер додека да си ја променат бојата (да станат посветли). Потоа се додава кафеавиот шеќер. На смесата со јајцата се додаваат млекото и маслото се промешува и му се додава брашното, циметот, мускатното оревче, каранфилчето, содата и пецивото. Исто така кон смесата се додава и пирето од тиква (пирето може да биде од варена или печена тиква, јас ги комбинирав половина со половина).
Смесата се соединува и на крајот се додава по желба чоколадо или јаткасти плодови, јас му ставив една шепа ситно сечкани ореви.
Смесата се разделува во калапчиња кои што се полнат 2/3, се печи на 180 степени за 20-25 минути
За кремот, крем сирењето и путерот треба да бидат на собна температура и заедно со шеќерот се матат за кратко додека се соединат.
Капкејковите се филуваат откако ќе изладат целосно.
Декорацијата на капкејковите е по ваш избор.
Од смесата се добиваат 12-15 капкејка.

Состојки
Сос од јагоди
10 јагоди
1 голема лажица шеќер
1/2 филџан вода
смеса за мафини
3 јајца
4 големи лажици шеќер
3 големи лажици брашно
1 голема лажица пудинг (јагода или ванила)
5 големи лажици масло
Прстофат сол
1/2 мала лажица пециво
Чоко крем
2 реда темно чоколадо
130 гр. путер
70 гр. шеќер во прав
1 1/2 голема лажица какао

1. Во касерола на оган се ставаат состојките за сосот од јагоди.
2. Сосот се вари до омекнување на јагодите и се остава да се олади.
3. Оладениот сос се блендира и се прецедува со притискање со лажица.

1. Белките се оделуваат од жолчките.
2. Во жолчките се ставаат 3 лажици од шеќерот и се мати додека се растопи шеќерот.
3. На смесата и се додаваат брашното, маслото, пудингот и по потреба и желба многу малку прехрамбена боја и се мати да се соедини.
4. Белките се матат со миксер со солта и 1 лажица од шеќерот на снег.
5. Двете смеси внимателно на 3 пати се соединуваат мешајќи со лажица или маталка (не миксер).
6. Смесата се распределува во кошничките така да 3/4 од кошничката да е полна.
7. Се печи во загреана рерна на 180 степени за околу 30 минути.

1. Во касерола на оган се ставаат путерот, чоколадото, шеќерот и какаото и се оставаат да се растопат и соединат.
2. Смесата се остава на ладно да се стегни и така подготвена се мати.
3. Кејковите се декорираат со по една јагода или нешто друго по ваш избор.