Состојки
4 јајца
150 гр шеќер
2 ванилин шеќер
200 мл кисело млеко или цврст јогурт
200 гр гриз
прстофат сол
400 гр цреши

Најпрво црешите се мијат и чистат од коските. Потоа се оставаат да се цедат.

Белките со прстофат сол се матат настрана.

Жолчките со шеќерот и ванилата се матат до убава густина, па се додава киселото млеко/павлака и на крај гризот.

Во смесата со жолчки се додаваат матените белки и едносмерно со лажица се меша до изедначување.

Смесата се истура во намастено тавче 20х30, одозгора се редат исчистените и исцедени цреши и се печи во загреана рерна на 180С 20-30 минути зависно од рерната.

Оладениот колач се сечи на коцки и се посипува со шеќер во прав.

Состојки
6 јајца
2 чаши јогурт
2 чаши гриз
2 чаши масло
1 пециво
100 гр кашкавал
250 гр сирење
400 гр кори
сусам и ким за посип

Лесна и вкусна пита, а и количински ги задоволува потребите за појадок на едно големо семејство, како нашето.

Подготовка
1. Во еден сад го ставаме гризот и пецивото, промешуваме. Ги додаваме јајцата, маслото и јогуртот. Промешуваме со лажица до соединување.
2. Сирењето го дробиме со вилушка, а кашкавалот го сечкаме на ситни парчиња. Корите ги сечеме на мали лентички, како јувки.
3. Ги додаваме во смесатата прво сирењето и кашкавалот, промешуваме. На крај ги додаваме и корите. Промешуваме убаво за да се навлажнат корите.
4. Во тавче бр. 28 ја истураме смесата. Посипуваме со сусам и ким.
5. Печеме во загреана рерна на 200 степени првите 10 минути, а останатите 30 минути на 180 степени.
6. Откако ќе се испече питата, оставете ја 10 минути покриена со крпа, а потоа сервирајте.

Состојки
Бел фил
3 чаши млеко
1/2 чаша гриз
1/2 чаша шеќер
Црн фил
3 чаши млеко
3 лажици нишесте
3 лажици какао
8 лажици шеќер
100гр маргарин
300 гр бисквити
За декорација
по желба бела чоколада и ореви
чаша од 150 мл

Многу брз и едноставен рецепт за кој ви е потребно помалку од 30 мин.
1. Се редат во четвртаст калап (од делимано ) бисквити 3х3 реда.(не се топат во млеко).
2. Се вари првиот бел фил и додека е врел се истура врз бисквитите.
3. Се реди втор ред на бисквити.
4. Се вари темниот фил со сите состојки заедно со какаото. Кога ќе се свари во врелиот фил(пудинг) се додава веднаш маргаринот и така жешко се става врз бисквитите.
5. Одозгора се оросува со мелени ореви и стопено бело чоколадо.
 

Состојки
2 чаши (200 мл.) брашно
5 јајца
1 лажиче сол
1 пециво
250 мл. јогурт
150 мл. масло
1/2 рендан морков
5 гранчиња сецкан магдонос
150 гр. рендана шунка
150 гр. урда
1/2 чаша гриз
1 лажиче сончоглед
семки по желба за посипување

Проја без пченкарно! Може и така. Уште еден рецепт каде што нема утка, нема чекање, лесен, брз и едноставен!
1. Јајцата и солта се матат пенесто.
2. Се додаваат маслото и јогуртот, па се проматува пак.
3. Потоа се додава брашно, пециво и се останато од намирниците.
4. Убаво се меша се, и се става да се пече во намрсена тава бр. 36. Јас пројата ја посипав со сусам и сончоглед одозгора.
5. Пред да ја истурам смесата во тава, претходно на средина ставив мал метален сад (види слика), за да добијам форма на куглоф.
6. Вие изберете ја вашата омилена тава за печење (може и во куглоф, калап за векни итн.).
7. Се пече во загреана рерна на 180 степени, 15 – 20 минути (додека да порумени и да се оддели од краевите на тавата.
8. Откако ќе се излади малку се сече и се послужува.

Состојки
За кекс
3 јајца
6 лажици шеќер
1 филџан (од околу 130 мл) масло
8 полни лажици брашно
1 пакетче прашок за печива
1 пакетче ванилин шеќер
За крем
1 литар млеко
1 шолја (од околу 220 мл) шеќер
6 лажици гриз
200 гр путер од кикиритки
130 гр кокос

Кога рецептот од маминиот тефтер ќе си го прилагодиш и усовршиш по свој вкус...

Ставете го млекото на рингла со шеќерот и гризот и варете го додека се згусти. Потоа исклучете ја ринглата и додадете го путерот од кикирики. Мешајте убаво, па додајте го и кокосот на крај.

Изматете ги наведените состојки за кекс. Пола од смесата излијте во подмачкана тава 20х30 или кружна 28. Оставете го најмногу 10на минути да потпечи, односно да фати малку кора.

Полупечениот кекс извадете го од рерна и врз него истурете го филот, па останатата смеса за кекс. Вратете во рерна да се допечи.
Кај мене печењето беше на 160С, а вие нагодете си ја температурата спрема вашата рерна доколку сметате дека треба.

Состојки
За кекс
4 јајца
15 лажици шеќер
1 ванила
22 лажици топло млеко
22 лажици масло
22 лажици брашно
5 лажици афион
5 лажици гриз
1 пециво
За шербет
2 шољи шеќер
2 шољи вода
1 ванила

Добар шербетлиски кекс.... за љубителите на вакво благо...

Кексот се подготвува на стандарден начин.
Се матат јајцата, со постепено додавање на шеќерот во густа кремаста маса.
Се додава млекото, маслото, па на крај помешани брашното, пецивото, афионот и гризот, матејќи на најслаба брзина.
Се излева во намрсена и побрашнета тава со пречник од 28цм..
Се печи во загреана рерна на 180 околу 35 мин. или до сува чепкалка зависно од вашата рерна.
Се остава убаво да се излади, па се сечи и залева со топлиот шербет.

За шербетот ја зовриваме водата и шеќерот, па намалуваме на умерен оган и вариме уште 5 мин..При крај ја додаваме ванилата.Оставаме да подизлади.

Потребни состојки

За кора:

• 3 јајца
• 2 шолји за кафе брашно
• 3 лажици гриз
• 1 ванилин шеќер
• 1 шолја за кафе шеќер
• 1 прашок за печиво
• 100 милилитри кисела павлака
• 1 децилитар масло
• 1 децилитар јогурт
• 250 грама јагоди

Фил од гриз:

• 5 децилитри млеко
• 100 грама шеќер
• 12 лажици гриз
• 250 грама путер

Фил од јагоди:

• 500 грама јагоди
• 2 децилитри сок од јагоди
• 2 кесички пудинг од јагода
• 5 лажици шеќер

Декорација

• 200 грама шлаг
• 100 грама јагоди

Начин на подготовка:

Изматете ги јајцата со шеќерот за да добиете пена. Постепено додавајте ги ванилиниот шеќер, маслото, киселата павлака, јогуртот, печивото гризот и брашното. Добро измешајте и ставете ја смесата во тава намачкана со масло. Врз смесата наредете цели јагоди и ставете да се печи во загреана рерна на 200 степени. Извадете ја печената кора и оставете ја да се излади.

Во тенџере измешајте ги млекото, шеќерот и ванилиниот шеќер и ставете ги на оган. Кога ќе зоврие млекото, постепено додајте го гризот и мешајте додека смесата не згусне. Тргнете го тенџерето од оган и оставете да се излади.

Изладениот гриз измешајте го изматен путер. Испасирајте ги јагодите и измешајте ги со шеќерот. Одвојте мал дел од сокот и со него измешајте го пудингот. Остатокот ставете го во пасираните јагоди и ставете ја смесата на оган. Кога ќе се растопи шеќерот, додајте го и растворениот пудинг и направете густ фил. Тргнете го тенџерето од оган и оставете да се излади.

На кората нанесете фил од гриз, па фил од јагоди и на крај шлаг. Декорирајте со јагоди.

Добар апетит!

Состојки
250 гр гриз
250 гр шеќер
250 мл јогурт
1 јајце
200 гр црвена рибизла
2 лажици брашно
50 гр путер
1 лажичка сода бикарбона
2 лажички оцет

1, Во длабок сад се мати јајце со шеќер и сол.
2. Во истиот сад се става јогурт, се додава гризот, брашното, сода бикарбона и оцет. Се замешува тесто.
3. Претходно стопен путерот се става во тестото и се меси.
4. Пола од тестото се става во плех и на него се става измиена рибизла и пак се става слој од другата половина од тестото.
5. Се пече во рерна 40 минути на 200 степени.

Состојки
5 жолчки
250 гр гриз
250 гр шеќер
5 големи лажици растопена маст или путер
Шербет
750гр шеќер
750мл вода

Екстремно лесни и брзи за подготовка, а вкус...милина :)

Одвојте ги жолчките од белките. Жолчките убаво изматете ги рачно. Доколку сакате можете и со миксер. Во жолчките додадете го шеќерот, маста и убаво промешајте. На крај додадете го гризот.
Смесата ќе биде малку ровка.
Формирајте топчиња со големина на орев и редете ги на тавче на растојание до 4 см, ќе им треба простор да нараснат.
Печете ги на 200 степени 20ина мин додека да заруменат.

Додека се печат направете го шербетот. Водата и шеќерот нека зовријат убаво. Да се појави пена на врвот. Не меурчиња за вриење, пена. Ќе ви стане јасно кога ќе видите. Пената се појавува по подолго вриење.
Со топлиот шербет прелејте ги гурабиите и вратете ги во рерна додека да го впијат шербетот.

Преостанатите белки слободно замрзнете ги ако не ги користите веднаш. Замрзнати, па потоа одмрзнати се потполно исти како и свежи. Јас ги замрзнувам во пластични чашки и на чашката запишувам колку белки има во чашката. Можете да ги замрзнувате и во кесиња за замрзнување.

Состојки
За тесто
4 шољи брашно
1 шоља масло
1 шоља чај од јагоди или овошен чај
2 шољи шеќер
1 лажичка сода бикарбона
1 ванилин шеќер
За фил
2 пудинга од ванила
7 лажици шеќер
500 мл вода
2 лажици густин
150 гр гриз
300 мл вода
5-6 лажици шеќер
400 гр јагоди
50 мл рум

Одлична торта, обмислена за потребите по освежителна слаткотија, за еден убав славенички посен ден.

Подготовка на фил
Ставаме 400 мл од водата на оган да зоврие. Во сад мешаме шеќер, пудинг и густин во 100 мл вода, па кога водата ќе зоврие ја истураме смесата и постојано мешаме додека да згусне. Пудингот го оставаме да олади.
Ставаме 300 мл вода да зоврие заедно со 5-6 лажици шеќер.Го истураме гризот, го намалуваме огинот и мешаме додека да се згусне т.е.свари гризот. Го оставаме да олади и кога двете смеси ќе се изладат прво посебно ги мешаме убаво со миксер, па ги соединуваме.
Подготовка на тесто
Сите состојки ги промешуваме со лажица и во намрсено и набрашнето тавче бр. 26 ја истураме смесата, расплескуваме и печеме на 180 степени околу ½ час со постојан надзор по 25 минута, зависи од рерната. Кората откако ќе олади се дели на две половини.
Јагодите се сечкаат на половини по должина, а ако се многу ситни остануваат цели. Се потопуваат во рум некоја минута, па ги редиме на едната кора, а румот го рапоредуваме на втората кора.
Со тенок слој од филот ја мачкаме едната кора и ги распоредуваме јагодите. Повеќе од половина од филот го распоредуваме врз јагодите, фино размачкуваме, поклопуваме со кора и со остатокот од филот ја премачкуваме цела торта. Украсуваме по желба.

Забелешка
Можете да користите и некое посно млеко, мене не ми се најде при рака кога ја правев оваа торта. Шољата е од 150 мл.

Состојки
2 кутии пишкоти
1л млеко
10 лажици шеќер
1 пудинг од ванила
100гр бела чоколада за готвење
маџун или некој друг прелив
100гр гриз

Од млекото се двои околу 200мл за потопување на пишкотите. Другото млеко заедно со шеќерот се става да зоврие. Кон зовриеното млеко се додава гризот и прашакот за пудинг и се вари крем. Во обложен калап се ставаат пишкотите-по дното и по страните. Се истура врз нив млакиот крем и се покрива со еден ред пишкоти.
Колачот се остава 2-3 часа во фрижидер да се стегне, а потоа се сече на парчиња и се прелива со прелив по желба а и не мора. Јас го преливав со маџун. Брз и едноставен рецепт наменет за сите возрасти.

Состојки
4 чаши вода
3 чаши шеќер
1 пакетче гриз(100гр)
пола чаша масло
100 гр ореви
100гр кокос
2 лажици какао

1. Се става во тенџере водата и шеќерот да зоврие и да се стопи. Се додава маслото и гризот и се вари додека се згусни(3мин). 
Се трга настрана и се дели смесата на два дела.
Во едниот дел се става кокосот, а во другиот дел се става какаото и мелените или сечканите ореви.
Во сад се сипа дел од белата смеса, па кафената, па повторно бела смеса. Се сипа по важа желба за декорација.
Се остава да олади и се сечи. Пријатно!!!

Состојки
1 л. млеко
150 гр. гриз
200 гр. маргарин
2 лажици какао
200 гр. шеќер
1 ванила
500 гр. бисквити

Во зовриеното млеко со шеќерот се додава маргаринот да се растопи, па во тоа се додава и гризот со постојано мешање да се свари. Кога ќе се згусти смесата, се трга од оган и се дели на 2 дела. Во едниот се додава какао, а во другиот дел се додава ванилата и сокот од пола лимон.
Во првоаголен плех 20х30 се редат бисквити, па врз бисквитите се става црната смеса, се израмнува. Над црната крема пак се редат бискивити и на бисквитите се става белата крема и на крај пак бисквити (јас ставив темни). Се става приготвената бајадера во ладилник и се причека да се олади и стегне, па после се сечат штангли и се служи.

Состојки
500 гр бисквити
1 л млеко
10 лажици гриз
12 лажици шеќер
300 гр вишни
2 ванили
2 шлаг пена
5 лажици нишесте
1 чоколадо

1.Во правоаголен сад се реди еден слој бисквити како долна кора.
2.Во тенџере на оган се става млекото,гризот,2 лажици шеќер и 1 ванила..Се меша додека да згусти.Жежок се мачка над бисквитите и се остава да се излади.Одозгора се става уште еден ред бисквити.
3.Во 1 литар вода се ставаат исчистените вишни,преотанатиот шеќер и густинот претходно размешан во половина шоља вода.Кога вишните ќе се згустат се додава уште едната ванила.Жежок се мачка над бисквитите.Одозгора се редат преостанатите бисквити.
4.Се става во фрижидер да се стегни.Одозгора се украсува со шлаг пена и рендано чоколадо.

Состојки
1 и 1/4 шола сенаменско брашно
1/3 шола гриз
1/3 шола шеќер
1 лажиче сода бикарбона
1 лажиче прашок за печење (пециво)
1/2 лажиче сол
1 и 1/4 шола млеко
1/2 шола кисела павлака
1/4 шола масло
1 јајце
1 лажица арома ванила (јас ставив цимет шеќер)

Се мешаат сувите состојки. Посебно се меша млекото, павлаката, маслото, јајцето и аромата. Оваа смеса се истура во средината на измешаните суви состојки и кратко се меша, не премногу. Кога ќе одстои 10 мин се печат палачинките на загреано и подмачкано тавче.
Начинот на печење е ист како за американските палачинки. Кога ќе се појават меурчиња, палачинката се превртува да се допечи на другата страна- не повеќе од пола минута.
Еден полесен начин на премачкување на тавчето за палачинки е со прскалка. Во добро измиено шишенце со прскалка можите да ставите масло или стопен путер или маргарин и така полесно и побрзо ќе си ги приготвувате палачинките.
Комбинирајте ги и украсете ги по волја... мармалад, крем, сируп, овошје , овошен јогурт... иии... бон апетит!

Сочен колач натопен со совршен прелив, едноставно мами да го пробате!

Уживајте!