Состојки
Пандишпан
5 белки
5 лажици шеќер
2 полни лажици брашно
1 лажица пециво
10 полни лажици мелени ореви
Фил
550 мл. млеко
5 лажици шеќер
5 жолчки
2 пакетчиња ванилин шеќер
1 пакетче пудинг од ванила
1 лажица нишесте
2 лажици млеко
350 гр. мелени ореви
250 гр. маргарин
1 пакетче шеќер во прав
100 гр. чоколадо за готвење (стопено)
Околу 400 гр. бисквити по желба (чајни, плазма, обични, може и микс

За подготовка на пандишпанот прво ги миксаме белките со шеќерот. Ги додаваме брашното и пецивото и промешуваме. Потоа го додаваме и оревите, мешаме добро и смесата ја истураме во плех и печеме на 180 степени 5-10 минути.
За подготвка на филот, прво го вариме млекото со шеќерот. Настрана со миксер добро ги мешаме жолчките, ванилиниот шеќер, пудингот од ванила, нишестето и двете лажици млеко. Ги додаваме во веќе зовриеното млеко и мешаме додека смесата не се соедини и не згусне. Потоа оставаме да излади околу еден час. Настрана ги миксаме маргаринот и шеќерот во прав. Го додаваме изладениот пудинг лажица по лажица и миксаме додека смесата не се соедини. Потоа ги додаваме мелените ореви и убаво промешуваме (најдобро со дрвена лажица). 
Го делиме филот на два дела - над пандишпанот премачкуваме од белиот фил, а во вториот дел од филот го додаваме стопеното чоколадо и мешаме додека филот сосема не потемни. Над белиот фил ги редиме бисквитите натопени во млеко (може да додадете арома по желба во млекото), а над нив го истураме темниот фил. Убаво премачкуваме и украсуваме по желба. Најдобро е да отстои 12 часа за да се стегне, тогаш вкусот е најдобар.

Состојки
Пандишпан
8 белки
5 лажици шеќер
2 цели јајца
5 лажици брашно
2 лажици масло
100 гр сецкани ореви
Фил
1 л млеко
10 лажици шеќер
8 жолчки
3 пудинга од ванила
1 маргарин
200 гр црно млечно чоколадо
100 гр бело млечно чоколадо
300 гр еурокрем
400 гр бисквити
Пандишпан
Се матат белките со шеќерот во цврст снег. Се додаваат и двете цели јајца и се мати уште кратко. Потоа се додаваат останатите состојки, се промешува се заедно со лажица и се става во правоаголен плех, се пече на 200 степени, околу 20 мин.
Фил
Од млекото малку се одвојува за да се промешаат жолчките со пудингот, а останатото млеко со шеќерот се ставаат на оган да почне да врие, па се додаваат жолчките со пудингот и се вари крем. Откако кремот ќе се згусти се трга од оган да се излади. Се уработува еден маргарин и се соединува со оладениот крем, па кремот се дели на два дела, во едниот се додава растопеното црно чоколадо, а во другиот се додава растопеното бело чоколадо.
Се филува прво кора, па се премачкува со целиот крем, па се редат половина од бисквитите, па се става од чоколадниот фил, па повторно бисквити, и на крај од белиот фил.
Врз белиот фил на крајот изрендав чоколадо.

Состојки
Кора
1 јајце
80мл. зејтин
80мл. јогурт
1 филџанче шеќер (филџанче од 100мл.)
2 филџанчиња брашно
1 пециво
прстофат сол
1 лажица ванила
Ванила крем
300мл. млеко
1 пудинг од ванила
150гр. путер
3 лажици шеќер
1 полна лажица шеќер во прав
1 лажица ванила
Уште плус
250гр. еурокрем
18-20 бисквити
малку млеко
2 пакувања шлаг пена
200мл. ладно млеко
3 лажици шеќер

1. Во сад за матење ставете го јајцето, солта и шеќерот и матете додека не се растопи шеќерот. Потоа постепено додадете ги јогуртот и зејтинот. Во сад на страна просејте го брашното и пецивото па додадете ги во садот за матење. На крај додадете ја и ванилата. Калап со бр.20 обложете го со хартија, па претурете ја смесата и ставете да се пече во претходно загреана рерна на 180С. Проверете со чепкалка дали е готова (околу 20мин.)
2. Во сад на оган ставете го скоро целото млеко, шеќерот и ванилата да се варат. Во преостанатото млеко раствортете го пудингот, па кога млекото ќе зоврие додадете и мешајте за убаво да се згусне. Тргнете на страна и оставете да се олади целосно.
Во сад за матење ставете го омекнатиот путер и шеќерот во прав и матете додека се добие убава пенеста смеса. Додадете го оладениот пудинг и матете да се соедини.
3. Кога тестото е испечено извадете го, оставете 10тина мин во калапот да се олади па извадете го на решетка и отстранете ја хартијата. Додека е млако тестото премачкајте убаво со еурокрем (оставен на собна температура да омекне).
Врз еурокремот наредете ред бисквити претходно потопени во млеко. Преку бисквитите повторно премачкајте со еурокрем. Врз еурокремот ставете го скоро целиот ванила крем и убаво израмнете. Од горе повторно наредете ред бисквити и премачкајте ги со преостанатиот еурокрем.
Од страна целата торта премачкајте ја со ванила кремот. Ставете во фрижидер да се стегне.
4. Шлагот подгответе го според упатството. За поголема цврстина секогаш го подготвувам со малку помалку млеко. Премачкајте ја целата торта и декорирајте по желба. Мојата декорација според поводот =)

Добар апетит =)

Потребни состојки:

• половина литар млеко
• 10 лажици шеќер
• 8 лажици брашно
• 250 гр еурокрем
•   1 маргарин
•  1 кг бисквити

Подготовка:

Сварете го млекото со шеќерот. Растопете  8 лажици брашно во малку млеко и додјте го во садот со свареното млеко со постојано мешање да не се направат грутки. Сварете го филот така што ќе добиете густа смеса како пудинг. Тргнете го тенџерето од оган и додадете еден маргарин и еурокрем. Мешајте додека состојките не се растопат.

Секоја бисквита потопете ја во млеко и наредете ги на еден четвртаст плех. Потоапремачкајте со филот, и повторете ја постапката додека имате од состојките. На крајот завршете со кремот и посипете со мелени лешници, ореви или чоколадни мрвици.

Состојки
100 гр чоколада за готвење
2 лажици сецкани ореви
2 лажици црн еурокрем

Во сад на пареа стопете ја чоколадата па додадете ги сецканите ореви и еурокремот. Промешајте за да се изедначи смесата и потоа полнете ги корпињата и украсете ги со сецкани ореви.
Лесни, брзи а многу вкусни исто ги правам и со бела чоколада и бел еурокрем.

Состојки
глазура
чоколадо 150 гр, по желба за готвење или млечно
фил
еурокрем 200 мл
бисквити, мелени 50 гр
лешници, мелени 50 гр

Чоколадото се топи на пареа. Калапот се премачкува еднаш со четката и се остава да се стврдне во фриз околу 5 мин. Потоа се мачка уште еднаш и се остава уште 5 мин.
Филот се подготвува така што еурокремот се затоплува малку во сад на рингла и потоа се додаваат мелените бисквити и лешници. Убаво се меша. Се полнат калапите, но се остава малку простор за да се стави повторно топеното чоколадо. Чоколадото го ставав со лажичка, а потоа со четкичката убаво го распоредив. Се оставаат во фриз околу половина час убаво да се стегнат. Се вадат од калапите и спремни се за послужување!

П.С. Јас ги направив со темно чоколадо и светол еурокрем, но можете која комбинција сакате, по желба.

Состојки
300 гр бискоти
1лаж прав шекер
200гр маргарин
1фил сварено кафе
Се обработува маргаринот со миксер со 1 лаж.прав шеќер. Се додава кафето со мелените бискоти. Се меша целата смеса, се става на фолија и со сукалка се сука во правоаголна форма. Се мачка со еурокрем и се мота во ролат. Стои во фрижидер 2-3 часа и потоа се сече.

Состојки
За кора
4 јајца
200гр. шеќер
2 ванили
150гр. брашно
1 пециво
2 лажици какао
5-6 лажици млеко
За фил
1/2 л. млеко
1-2 ванили
1 пудинг со вкус на ванила
200гр. шлаг пена
200мл. минерална вода
Уште ни е потребно
по потреба еурокрем
2-3 банани

Едноставен ролат, добро познат вкус.Тешко кој може да му одолее...

Се матат белките со неколку зрнца сол, кога убаво ќе запенат, се направи густа пена, се додава шеќерот со ванилите -постепено и се мати додека не се направи јак шам. Се додаваат жолчките една по една, убаво се соединува смесата. На крај се додава просеаното брашно помешано со пециво (се води сметка да не ни спадни смесата.) Во мал дел се додава какаото претходно растворено во млекото. Се прави шара со таа смеса.
Се печи во плех, на малку намрсена хартија за печење на 180 степени 20-25 мин., во претходно загреана рерна.Печената кора се става помеѓу две влажни кујнски крпи и се остава да излади....

Филот се спрема стандардно.
Пудингот се вари и се остава потполно да излади со повремени промешувања. Шлаг пената се мати со ладната киселата вода во јака и густа смеса. Двете смеси се соединуваат и изедначуваат.

Финалната постапка
Кората се премачкува со по малку еурокрем, па се премачкува со филот, се редат бананите, се витка ролатот. Се премачкува со малку фил, кој сме го оставиле претходно. Украсете по желба.

Состојки
пандишпан
7 лажици брашно
2 лажици какао
1 пециво
3 јајца
2 лажици гриз
5 лажици кокос
10 лажици млеко
5 лажици шеќер
100 грама ореви
прелив
пола чоколадо за готвење
1 лажица масло
100 грама еурокрем
фил
2 кесички пудинг од ванила
5 лажици шеќер
700 мл млеко
1 кесичка желатин
украсување
1 шлаг крем од чоколадо

Еве едни прекрасни , мноооггууу вкусни коцки кои се лесни за подготовка.

1. Најпрво ги сечкаме оревите на мали парчиња, но не многу мали и не рендани за да се почувствува вкусот. Плехот со димензии 32 * 22 го обложуваме со хартија за печење и ги распоредуваме оревите . ( слика )

2. Брашното, какаото и пецивото заедно ги просејуваме за да нема грутки во посебен сад. Ја вклучуваме рерната да се загрее на 200 степени.

3. Во сад за матење ги матиме белките, со постепено додавање на шеќерот. Откако шеќерот ќе се растопи ги додаваме и жолчките и не престануваме да матиме. Потоа ги додаваме гризот, млекото, кокосот, брашното, пецивото и какаото и матиме со миксер додека смесата не се соедини. Ја истураме во плехот над оревите (внимавајте оревите треба да останат од долната страна) и печеме во загреана рерна околу 15тина минути во зависност од рерната. Пандишпанот е готов кога ќе се оддели од краевите а може да проверите и со чечкалица.

4. Откако ќе се испечи го оставаме да се излади. Јас го ладев на тераса бидејќи сега е ладничко и за 15 мин беше ни жежок ни ладен.

5. Додека се лади пандишпанот го подготвуваме преливот. На пареа го топиме чоколадото со маслото и кога ќе се стопи го додаваме еурокремот и мешаме со лажица да се соедини.

6. На пандишпанот му ја отстрануваме хартијата и го враќаме во плехот со долната страна нагоре ( оревите да дојдат горе). Од страните ставаме хартија за печење за да не се залепат коцките и да можеме подобро да ги исечиме ( јас пак ја искористив таа на која се печеше пандишпанот, превиткана на половина и ја сечев со ножици ) Целиот пандишпан го премачкуваме со преливот ( слика ) и пак го извадив на тераса да се лади покриен со кујнска крпа.

7. Желатинот го раствараме со малку ладна вода.
8. Пудинзите со 5 лажици шеќер ги вариме во 700 мл млеко. Откако ке се свари пудингот , ја исклучуваме ринглата и го додаваме набабрениот желатин и мешаме да се растопи. Додека е топол го истураме врз пандишпанот. Јас повторно го извадив на тераса да се лади покриен со крпа и не се направи кора на пудингот, а ако сакате да сте сигурни ставете одгоре најлонска фолија.
Го оставив да се лади околу 1 саат .

9. Шлаг кремот го приготвуваме според упатството на кесичката и го ставаме во готварски шприц.

10. Пред да ги сечеме коцките ја отстрануваме хартијата. Над секоја коцка ставаме од шлаг кремот. Доколку сакате можете и поинаку да ги украсите а и без шлаг крем пак убаво ќе изгледаат.

Прекрасни и неодоливи и не се многу скапи јас скоро сите состојки ги имав дома, а самиот вкус на еурокрем многу се чувствува и му дава посебен шмек. Не се многу благи бидејќи малку шеќер има во пудинзите и во пандишпанот, а и доволен е преливот. Со големо задоволство ви ги препорачувам.
На здравје!

Состојки
300 гр. бело чоколадо
3 лажици бел еурокрем
3 лажички масло
100 гр. лешници
100 гр. бадеми
100 гр. ореви
Последни 3 рецепти

Лешниците,бадемите и оревите малку се потпекуваат и фино се сечкаат (или толчат).
Во сад над пареа,се топи чоколадата и се додава масло и 3 полни лажици еурокрем,од белиот дел.Убаво се промешува и се соединува со преостанатите состојки.Додека е сеуште топла,смесата се става во силиконски калапи или во хартиени корпиња и се оставаат да се оладат.

Состојки
300гр шеќер
8 лажици вода
150гр маргарин
150гр еурокрем
200гр бисквити мелени
150гр ореви мелени
200гр чоколадо за готвење

На оган ја ставаме водата и шеќерот да зовриат 2-3 мин. Потоа ги тргаме од оган и ги додаваме бисквитите,оревите и еурокремот. Маргаринот настрана го биеме и него го мешаме заедно со останатите состојки. Убаво мешаме додека не добиеме еднолична смеса. Смесата ја ставаме на работната маса и расукуваме кора со дебелина околу 1см. Со калапче вадиме различни форми, кои потоа ги чоколадираме. Декорираме по желба.

Состојки
3 лажици путер
1/2 чаша шеќер
1/4 чаша млеко
1 лажица какао
3 лажици еурокрем (препорачувам Nutella)
2 чаши овесни снегулки
Последни 3 рецепти
е става путерот во сад на среден оган да се стопи и потоа се додаваат шеќерот, млекото и какаото и се мешаат. Потоа се додава еурокремот и овесните снегулки. Се намалува оганот на најслабо и состојките се мешаат додека не се соединат.
Се прават топчиња со лажица за сладолед и се ставаат во фрижидер околу 30 минути.

П.С. Мислам дека нема потреба да ви кажам колку се вкусни. 

Подготовка

Загрејте ја рерната на 180 степени, сите состојки добро имешајте ги, направете од смесата топчиња кои со помош на дланката ќе ги притиснете за да добиете форма на кекс. Наредете ги на хартија за печење, внимавајќи да не се преблиску едно до друго. Печете ги десет минути и послужете ги со кафе, млеко или какао.

Состојки
за кора 1
5 цели белки
10 лажици шеќер
150гр. кокос
2 лажици брашно
1/2 кесичка печиво
за кора 2
5 цели белки
10 лажици шеќер
150гр. мелени ореви
2 лажици какао
2 лажици брашно
1/2 кесичка печиво
200гр. нутела
за фил 2
10 цели жолчки
200гр. шеќер
3 лажици густин
1 кесичка пудинг ванила
700мл. млеко
250гр. путер
150гр. мелени плазма бисквити
фил 3
400гр. прав за шлаг пена
3 лажици шеќер во прав
3 лажици нутела
за ганаш..
200гр. чоколадо за готвење
150мл. слатка павлака
1лажица путер

Корите се подготвуваат на вообичаен начин, белките се бијат се додаваат сите состојки, се меша со исклучен миксер и пластична лажица, се печи секоја над хартија во плех на 180. Се оставаат да се ладат. Калапот за торта е тркалезно тавче бр.28.

За филот 2
Се вари крем од биени жолчки со миксер, во него се ставаат некои 200мл. од количината млеко се додава прашокот за пудинг и густинот се мешаат уедначено, на оган остатокот од 500мл.млеко со шеќер пред да зоврие се става претходно подготвената смеса за крем и нека се варат до густина на пудинг на оган. Се лади кремот со повремено мешање, а настрана се бие путерот со миксер и се изедначува со ладен крем пудинг, па на сам крај се става мелената плазма.

За филот 3
Се бие шлагот со ладно млеко ...(ставив млеко според упатство) се додава нутелата и се меша.

Редењето на корите и филови е следно
Над кората со кокос се премачкува нутелата, над неа жолтиот фил, следува кората со мелени ореви над неа филот со шлаг. Вака тортата се оства до нареден ден во фрижидер кога се припрема ганаш.

Сите состојки за ганаш се топат на оган, но не смеат да провријат. Се добива една глатка смеса која се излева над површината на тортата, украсете по избор. Доколку се одлучите да ја подготвите некогаш се надевам ќе уживате неизмерно..

Станува збор за неверојатно вкусна торта која се прави брзо и лесно, а нејзиниот кремаст, чоколаден вкус е секогаш докажан избор за целото семејство.

Чоколадните десерти се слабост за многумина од нас, а оваа торта без печење е само една такво слатко доживување.

Тортата има нежен, скоро сладоледен вкус, а многу лесно се прави.

Потребни состојки за тортата со чоколаден крем без печење:

За кора:

• 240 г мелени бисквити
• 150 мл млеко
• 160 г путер или маргарин
• 95 г шеќер
• 160 г чоколадо за готвење

За фил:

• 380 г крем сирење
• 60 г шеќер во прав
• 760 мл слатка павлака
• 240 г Нутела

За глазура:

• 200 мл слатка павлака
• 200 г млечно чоколадо

Начин на подготовка:

1. Страните на калапот треба да бидат со димензии 25×25 сантиметри. Ставете хартија за печење на дното од калапот.
2. Потоа треба да се направи подлогата. Истурете млеко во поголемо тенџере на шпоретот, додајте го исечканиот путер или маргарин и додајте го шеќерот. Промешајте додека не се растворат шеќерот и путерот.
3. Потоа, додајте го ренданото чоколадо во тенџерето и промешајте за да се растопи. Тргнете го тенџерето од оган. На крај, додајте ги мелените бисквити и добро промешајте за да добиете изедначена смеса.
4. Нанесете ја смесата на дното од калапот на кој му се вадат страните и добро притиснете за да ја израмните кората (можете да користите чаша, тавче или друг предмет за рамнење). Ставете го калапот во фрижидер за површината да се зацврсти додека кремот се приготвува.
5. За филот, изматете го крем сирењето со шеќерот во прав. Во друг, поголем сад, изматете ја слатката павлака во шлаг. Во шлагот додајте го изматеното крем сирење и повторно измешајте со миксерот.
6. Добиениот крем поделете го на 2 еднакви делови. Додајте го омекнатиот Нутела крем (на собна температура) во едната половина од филот и добро измешајте со миксер. Извадете ја подлогата од фрижидер и нанесете го белиот фил врз неа. Израмнете ја површината.
7. Нанесете го чоколадниот фил врз белиот. Внимателно израмнете ја смесата.
8. Тогаш треба да се подготви глазурата. Истурете ја слатката павлака во тенџере на шпоретот и доведете ја до вриење. Потоа тргнете го тенџерето од оган, додајте го исечканото млечно чоколадо и промешајте за да се растопи чоколадото.
9. Внимателно истурете ја глазурата врз тортата и ставете ја во ладилникот добро да се излади пред сервирање, по можност една ноќ.