https://moirecepti.mk/post/%D0%B1%D0%B8%D1%81%D0%BA%D0%B2%D0%B8%D1%82%D0%B5%D0%BD-%D0%BA%D0%BE%D0%BB%D0%B0%D1%87-%D1%81%D0%BE-%D0%BE%D1%80%D0%B5%D0%B2%D0%B8-%D0%B8-%D1%80%D0%B5%D1%81%D0%B0%D0%BD%D0%B8" rel="nofollow - - Бисквитен колач со ореви и ресани(без печење)

Состојки
900мл. млеко
2 кесички прашок за пудинг од ванила
5 лажици шеќер
450гр. бисквити
16 ресани
4-5 лажици мелени ореви
За посипување чоколадо во прав

Брз едноставен колач кој може да ви се најде кога немате многу време за во кујна, а имате желба да си каснете нешто благо.

Со дел од млекото растворете ги пудингот и шеќерот.
Остатокот млеко загрејте го до зовривање.
Додајте го растворениот пудинг.
Мешајте со жица и пред целосно да се згусти додајте ги кршените бисквити.
Мешајте уште 1-2 минути додека убаво се соединат бисквитите со пудингот.
Тргнете од оган и додајте ги мелените ореви.
Измешајте.

Половина од смесата ставете ја во калап(јас го користев силиконскиот калап во форма на коцка од Делимано).
Одозгора наредете ги ресанитие.
Врз нив ставете ја другата половина од смесата.

Покријте со фолија и оставете да се олади.

Оладениот колач посипете го со чоколадо во прав и послужете.

Состојки
3 јаболка
2 паковки пудинг од ванила
500 мл вода
100 гр шеќер
45 парчиња долгнавести бисквити
1 паковка шлаг крем
300 мл сок од јаболко

Прекрасен овошен колач, лесен за подготовка и освежителен за јадење.
Ќе го подготвите за 30 минути

Подготовката е следна
1. На оган се растопува шеќерот во водата.
2. Ги рендате трите јаболки, претходно излупени.
3. Ги додавате во садот на оган и оставате да зовријат.
4. Промешувате и оставате на оган 5 минути.
5. Ја цедите течноста во друг сад и притиснувате со лажицата да се исцедат убаво јаболките.
6. Пудингот од ванила го разматувате со сок од јаболко.
7. Во садот со процедената течност го додавате претходно разматениот пудинг.
8. Мешате додека не ја добиете потребната густина.
9. Тргаме на страна околу 2-3 минути.
10. Бисквитите ги топиме во сок од јаболко и ги редиме во плехче.
11. Еден ред има 15 парчиња бисквити.
12. Врз бисквитниот ред, прелеваме од пудингот.
13. Ги разредуваме претходно исцедените јаболки на секаде, па попрскуваме цимет.
14. Редиме уште еден ред натопени бисквити, па прелеваме повторно со пудингот.
15. Затвараме со потопени бисквити.
16. Украсуваме со шлаг крем или слатка павлака. Декорираме со парче јаболко попрскано со цимет.
17. Оставете во ладилник да се стегне колачот.
На здравје

Состојки
2 јајца
250 гр. мек маргарин
100 гр. шеќер во прав
2 пакетчиња ванилин шеќер
прстофат сол
400 гр. брашно
200 гр. бело стопено чоколадо

Многу брз и вкусен бисквитен колач. Одличен за со шолја чај во овие ладни утра од последните денови на годината.
1. Маргаринот, кој претходно сме го омекнале на собна температура, пенесто го матиме со ванилите и шеќерот.
2. Ги додаваме јајцата (кои исто така не треба да се ладни) едно по едно и матиме убаво да добиеме рамномерна свилена смеса.
3. Го додаваме белото чоколадо и пак проматуваме да изедначиме.
4. На крајот го додаваме брашното измешано со солта и уште еднаш го пуштаме миксерот. Матиме со средна брзина, за да добиеме конечна рамномерна смеса.
5. Готовата смеса ја распоредуваме во тава за печење бр. 36 обложена со пек хартија (но и не мора да се обложи).
6. Колачот го печеме 10 до 15 минути на 180 степени, во претходно загреана рерна. Кога ќе е печен ќе добие убава кафено - златна коричка, и ќе биде мек некои 5 минути по печењето, а потоа ќе се стврдне.
7. Го оставаме да се излади, сечеме парчиња по желба и послужуваме.
Добар апетит!

Состојки
4 јајца
3 лажици шеќер
3 лажици млеко
250 гр путер
200 гр шеќер во прав
200 гр чоколадо
200 гр мелени ореви
3 лажици врело млеко
500 гр бисквити
млеко за потопување на бисквитите

Фил
-Во сад на пареа се ставаат 4 жолчки со 3лажици шеќер и 3 лажици млеко. Сето ова се меша до згуснување. Се лади.
Настрана се бие путерот со шеќерот во прав. Потоа се додава стопената чоколада. Во друг сад се ставаат мелените ореви и се попаруваат со 3 лажици врело млеко. Се лади и се мешаат со филот од жолчки.
На крај се матат 4 белки во цврст снег и се додава лажица по лажица од филот.
Потоа се потопуваат бисквитите во млеко се редат и се филуваат. На здравје.

Состојки
300 гр. брашно
100 гр. шеќер
50 гр. кафеав шеќер
180 гр. путер
1 ванила
1 јајце
Кора од 1 портокал
Прстофат сол
Дополнително
По потреба округли сини сливи Black Diamond Plums
1-2 големи лажици шеќер

1. Состојките за тестото се ставаат во еден сад и се замесува тесто.
2. Готовото тесто се остава во фрижидер за 30 минути да одмори.
3. Тестото се става на пергаментна хартија и се расукува на тенко.
4. Тестото со хартијата се ставаат во тавичка за печење и со модла се прават кругови.
5.Сливите се сечат на тенки парчиња и од нив врз оформеното со модла тесто се формираат розички.
6. Така подготвените бисквити се посипуваат со малку шеќер и се ставаат да се печат во загреана рерна на 180 степени.

Состојки
околу 400 гр бисквити
за крем
3 јајца
150 гр шеќер
1 паковка ванилин
2 лажици брашно
2 лажици густин
600 мл млеко
100 гр путер
за посипување
по потреба мелени бисквити и ореви

1. Јајцата, шеќерот и ванилинот ги матиме со жица, потоа ги додаваме брашното и густинот и пак ги матиме. Накрај полека го додаваме млекото непрекинато матејки со жицата.
2. Кремот го вариме на тих оган додека не згусне, потоа го додаваме путерот и убаво го промешуваме кремот и покриваме со најлон и оставаме да се подизлади.
3. Бисквитите се кршат на парчиња, се редат во чинија, а врз нив се премачкува кремот. Постапката се повторува додека не се потрошат бисквитите и кремот.
4. Тортата се премачкува од сите страни со преостанатиот крем и посипува со мелени бисквити и со малку мелени ореви.

Најдобро тортата да отстои во фрижидер 4-6 часа.

Состојки
две кесички шлаг крем
200 мл. ладно млеко
200 мл. павлака
две лажици шеќер
200 гр. бисквити
четири банани

Двете кесички шлаг крем се матат со млекото. Во посебен сад се мати павлаката со шеќерот. Се мешаат двете смеси, се кршат бисквитите и се сечкаат бананите и се додаваат во садот. Убаво се меша и се остава во фрижидер, најдобро преку ноќ, така е најубава.
Слободно може да одберете шлаг крем по вкус, јас ја направив со вкус на ванила. Исто така, наместо банани, може да се проба и со крем бананки и така е одлична.

Состојки
За кора
5 јајца
5 лаж. сеќер
5лаж. брасно
5лаж. вода
За фил
250гр. путер
250гр. сеќер во прав
250гр. мелени ореви
250гр. мелени бисквити
500мл. темен газиран сок
30мл. рум
За декорација
200гр. бисквити(по можност плазма)цели
50гр мелени бисквити
50гр. рендано чоколадо

Започнуваме со подготовка на кората.
Јајцата ги кршиме и ги делиме жолчките од белките. Белките ги ставаме во подлабок сад, а жолчките во сад за матење. Со миксер ги матиме жолчките и додаваме половина од шеќерот и матиме додека не се растопи.
Исто со миксер ги матиме и белките со преостанатиот шеќер додека не ја добијат потребната цврстина. Изматените жолчки ги додаваме во садот со изматените белки. 
Во садот го додаваме брашното и водата и мешаме со лажица додека не добие хомогена смеса.
Тракалезниот калап за печење го намрсуваме со путер, ја налеваме смесата и печеме 15 минути 180°.

Во меѓувреме го подготвуваме филот.
Во сад за матење го ставаме омекнатиот путер, го додаваме шеќерот во прав и матиме додека путерот не стане пенест. Во истиот сад ги додаваме мелените бисквити, мелените ореви, газираниот сок и румот и мешаме со лажица додека филот не се соедини. 
Испечената кора ја вадиме од калапот и врз неа го нанесуваме филот. Бисквитите ги сечеме на половинки и ги редиме околу тортата. Накрај попрскуваме со мелените бисквити и ренданото чоколадо.

Состојки
450-500 гр. бисквити
Фил 1
1 литар млеко
10 лажици шеќер
3 пакетчиња пудинг од ванила или карамела
200 гр. прав шеќер
250 гр. маргарин (на собна температура)
Фил 2
500 гр. шлаг пена или шлаг-крем
500 мл. кисела вода
50 гр. кокос

Најпрво се подготвува фил 1.
Се одделува 200 мл од млекото, другото се става да се загрее. Во преостанатото млеко се раствора пудинзите со шеќерот. Во загреано млеко кое почнало да врие се додава растворениот пудинг. Се меша постојано додека згусне. Се остава во фрижидер 2 часа да се олади и стегне.
Во сад се става маргаринот и шеќерот се миксира додека маргаринот стане пенест, се додава лажица по лажица од изладената смеса. Се миксира додека се спои.

Фил 2
Во сад се става шлаг-пената и водата се миксира додека ја добие потребната густина, се додава и кокосот се миксира колку да се соедини.

Филување
Се реди на подлога 3х6 бисквити. Се премачкуваат со 1/5 од филот, се реди и 1/5 од шлагот, се реди повторно бисквити и од филовите се додека се потроши материјалот. Се украсува со шлаг. Се остава во фрижидер за бисквитите да омекнат. Се сечи на парчиња.

ЗАБЕЛЕШКИ

Јас кога го мачкав филот од пудинг на првиот слој бисквитите тие не издржаја и насекаде се поместува, па можете првиот слој бисквити малку да ги натопите во млеко колку да можат да се залепат на подлогата или пак на подлогата ставете малку маргарин.

Тортата беше за на 4х5 бисквити и на 6 реда бисквити и јас ја направив на 5 реда по 3х8 бисквити. Филот беше малку за тортата. Всушност имаше само колку да се премачкаат бисквитите. Затоа ако сакате да ви се познаваат редовите бисквити, да не изгледаат како залепени со маргарин и да изгледа `неугледно`правете ја на пример 2х7 бисквити и филовите поделете ги на 3 дела.
Јас наместо шлаг пена ставив слатка павлака.
Може да се стави од бисквитите со фил, но да не бидат 2х2 лепени.
Мене ми требеа 90 бисквити.

Во првиот фил може да додадете ситно сечкани лешници или ореви или нешто друго по желба.
Јас ја сечам по линиите на бисквитите секако ако се гледаат за да не биде пола од едно пола од друго парче бисквитата и да се одлепи.

Состојки
125 гр шеќер во прав
125 гр путер
2 јајца
1 лажичка екстракт од ванила
250 гр брашно
5 гр пециво
прстофат сол
2 лажици какао

Прекрасни, вкусни, меки, бисквитни колачи излегуваат од овие состојки. Ви ги препорачувам на сите кои имате мали деца, а се разбира и на оние кои особено го сакаат вкусот на ванила во колачи. Ова е многу стар рецепт од тетратките на нашите баби и мајки.

Пенасто ги матиме шеќерот и путерот, кој ни бил на собна температура. Ги додаваме јајцата и ванилата додека смесата фино да се соедини. Постепено го додаваме брашното во кое сме го помешале и пецивото. Матиме со миксерот до потполно соединување. Смесата ја делиме на две половини и во едната ставаме какао.
Ако сакате да вадите фигури со калапчиња, а тестото го развлекувате со оклагија,во тој случај смесата треба да ви отстои во фрижидер 1 час за да се стегне. Бидејќи нараснуваат при печење, ако го расукувате дебелината треба да ви биде 0,5 см.
Доколку имате шприц за изработка на вакви колачиња, во тој случај веднаш наполнете го шприцот и формирајте ги. Колачињата ставајте ги директно на хартија за печење во тавче. Рерната загрејте ја на 150 степени. Печете 10-12 мин. Само што ќе почнат да ја менуваат бојата извадете ги. Во тој случај добивате меки бисквити.
Ако пак сакате да ви бидат потврди и попечени печете ги повеќе, ама во тој случај добивате многу суви и тврди колачи.

Забелешка

Го користев Делимано шприцот за колачиња и многу фино беше тестото за работа со него.
Доколку имате желба да ги украсите дополнително колачињава, растопете чоколадо со 1 лажица масло и половина од колачето потопете го во него. Оставете го да се суши на мрсна хартија.

Во колачите во кои има какао се разбира доминира вкусот на чоколадо, а не на ванила. Како и да е во нашиот дом станаа фаворит. Од оваа доза излегуваат двете тавчиња прикажани на дополнителните фотографии. Ама јас ви препорачувам да си направите дупла доза=)
Јас не чекав ниту боја да сменат, откако поминаа 10-12 минути ги извадив и иако беа меки, нараснати се разбира, со ладење си го добија за мене посакуваниот облик и стабилност.

Состојки
1 чаша жолчки од јајца
1 чаша шеќер
1 чаша кисела павлака
3-4 чаши брашно
2 кесички прашак за пециво
2 ванили
1 чаша маст или маргарин

Стар и добар рецепт за колачи кои одлично одат со чаша млеко за појадок или со кафе.
Во подлабок сад се ставаат сите состојки и се замесува компактна смеса која се остава 10 минути во фрижидер.
Во тестото може да се користи свинска маст,маргарин или путер.
Одкако ќе одстои тестото се расукува кора и со чаша се вадат формички. Се редат на хартија за печење и се печат околу 10-12 минути на 200 степени.
Тестото е бисквитно и може да стои подолго време. Ако во составот има маст тогаш се поровки додека маргаринот ги стега.

Состојки
350 гр бисквити
2 чоколадни бананчиња
100 мл слатка павлака
За фил
250 гр шеќер
500 мл млеко
1 чоколаден пудинг
2-3 лажици густин
1 пакетче ванилин шеќер
50 гр + 50 гр сечкани + мелени ореви
150 гр маргарин

1. Шеќерот се топи како карамела
2. Во него се додава топлото млеко и се меша со лажица додека се растопи шеќерот
3. Се додава растворрениот пудинг и густин и се вари додека не се направи густ крем (пудинг)
4. Се додава ванилата и се остава да се излади
5. На изладениот пудинг се додава петходно изматениот маргарин
6. Бисквитите можат, но и не мораат да се топат во млакпо млеко и се редат (јас редев по 20 бисквити во 3 реда)
7. Секој ред го премачкав со фил, а во вториот ред додадов и сецкани чоколаднои бананчиња
8. На крај врз секоја коцка декорирав со матена слатка павлака и чоколаден прелив

Состојки
Подлога
500 гр бисквити
200 мл млако млеко
Ганаш фил
500 мл слатка павлака
5 чоколада
150 гр маргарин

1. Најпрво се спрема филот. На оган се става слатката павлака да се загрее, не да врие, па се додава ситно искршеното чоколадо, се меша додека се растопи, се трга од оган и се додава маргаринот и повторно се промешува додека да се стопи маргаринот. Филот се лади прво на собна температура, па потоа се става во фрижидер преку ноќ за да се стегне филот или пак во замрзнувач на неколку часа.
2. Бисквитите се потопуваат во млакото млеко и се реди, ред бисквити, па фил, па бисквити, фил, бисквити и целата торта се премачкува со останатиоит фил.

Состојки
625 мл млеко
1 пудинг од ванила
3 лажици шеќер
200 гр маргарин
200 гр шеќер во прав
1 лажица какао
3 жолчки
50 мл варено кафе
500 гр бисквити
1 кесичка шлаг крем

Се матат жолчките со шеќерот во прав, се додава какаото и се меша.
Се вари пудингот со смесата од жолчки, шеќер во прав и какао.
Пудингот се остава да излади.
Се соединува маргаринот со пудингот и се мати со миксер.
Се прави шлаг- крем.
Бисквитите се натопуваат во ладно кафе, се редат и се филуваат.
Одозгора се стави шлаг-крем и се украсува со јагоди.

Состојки
450 гр. бисквити со какао
1 пудинг од ванила
1 пудинг од чоколада
1 л. млеко
8 лажици шеќер
120 гр. маргарин

Најпрво се подготвува пудинот од ванила. Во сад на оган се става 400 мл. млеко да зоврие. Во 100 мл. ладно млеко се раствара прашокот за пудинг од ванила и 4 лажици шеќер и откако ќе се раствори се истура во зовриеното млеко. Се меша додека пуднингот не се згусти. Се трга на страна и се додава и 60 гр. маргарин. Се меша постојано да се растопи маргаринот. Истата е и подготовката на пудингот од чоколада.
За оваа торта ни е потребен тесен, а долгнавест платичен сад, кој се обложува со проѕирна фолија. На дното и страничните делови на садот се редат бисквити. Се истура 3-4 лажици пудинг од ванила на дното и се распоредува по површината, така бисквидите ќе се залепат. Потоа секој бисквит се зема, се премачкува со пудинг од ванила и се реди вертикално во калапот (како на сликата подолу). Постапката се повторува се додека не се исполни садот (калапот).
Откако ќе се свари чоколадниот пудинг се истура врз наредените бисквити и дури може малку садот да се протресе за да убаво пудингот навлезе помеѓу бисквитите. На крај над чоколадниот пудинг се редат бисквити. Се остава тортата во ладилник неколку часа да се стегне, а потоа се сечат парчиња и се служи.

Доколку сакате, тортата може да се украси со шлаг или друго по желба.

Станува збор за многу едноставна и вкусна торта која се подготвува за брзо, но и уште побрзо се јаде.

Состојки:

• 500 грама плазма или обични бисквити
• 4 жолчки од јајце
• 6 лажици шеќер
• 4 лажици брашно
• 0,5 литри млеко + млеко за потопување на бисквитите
• 1 ванилин шеќер
• лажица путер

Приготвување:

1. Половината литар млеко, четирите лажици шеќер и путерот ставете ги да се варат. Жолчките од јајце измешајте ги со 2 лажици шеќер, брашно и малку млеко (колку да се направи смеса која ќе може да се прелива). Во згреано млеко полека прелијте ја смесата со жолчките мешајќи постојано. Оставете да се излади.
2. Натопете ги бисквитите во топло млеко и наредете ги на послужавник. Истурете го оладениот фил врз редот бисквити и од горе наредете уште еден слој бисквити. По желба можете да ја декорирате со шлаг направен од преостанатите белки.

Состојки:

400 гр. бисквити

1 филџан млеко

1 филџан вода

шеќер од 200-300гр

1 чоколадо за готвење

1-2 лажици какао

½ коцка маргарин

Подготовка:

Додека се зоврива млекото заедно со шеќерот, се кршат бисквитите во поголем сад. Потоа во зовриеното млеко се додава маргаринот, чоколадото и какаото. Сето тоа се меша и се додава во садот со бисквитите. Кога ќе се добие смесата се формира ролат со помош на најлонска фолија. Се остава да се олади и потоа може да се сече.

Добар апетит!

Состојки
1 пакување со 4 бисквитни кори (24 х 9 см)
фил
1 кесичка пудинг со вкус на малина
3 лажици млеко
300 мл. млеко
3 лажици кристал шеќер
200 гр. путер/маргарин
6 лажици шеќер во прав
10 капинки за во филот
300 гр. капинки
по потреба ладно млеко за премачкување на корите
1 кесичка шлаг пена

~ Подготовка ~
Најпрвин се подготвува филот на класичен начин.
Прашокот за пудинг (со вкус на малина), се раствора со 3 лажици млеко.
Поголемата количина млеко и кристал шеќерот се доведуваат до вриење и се вари пудигот со постојано мешање. Се лади сосема.
Путерот/маргаринот се матат со шеќерот во прав и се соединуваат со добро изладениот пудинг.
Во филот се ставаат 10 капинки, се мати со миксерот убаво
да се изедначи смесата.
Првата бисквитна кора се премачкува со ладно млеко, потоа се премачкува со 1/4 од филот.
Се редат капинки исечени на половинки.
Постапката се повторува со сите кори со тоа што последната кора не се премачкува со ладно млеко, туку се премачкува со последната
4-тина од филот одозгора и од страните. Се става во фрижидер, најдобро преку ноќ.
Шлаг пената се подготвува според упатството и со готварски шприц
тортата се декорира по желба.

Состојки
500гр. бисквити
1 литар млеко
6 лажици шеќер
1 пудинг од ванила
1 пудинг од чоколадо
100гр. чоколадо за готвење
100гр. бело млечно чоколадо
250гр. путер

Најпрвин сварете ги пудинзите (секој пудинг со 0.5л. млеко и 3 лажици шеќер).
Во чоколадниот пудинг, додека е уште на оган ставете го темното чоколадо да се растопи.
Потоа оставете ги да се оладат.

Во оладениот чоколаден пудинг се додава половина претхоно изматен путер и пак матите за да се соединат.

Во пудингот од ванила додајте ја другата половина од претходно изматениот путер и ренданото бело чоколадо. Изматете со миксер за да се соединат смесите.

Во подлога за торта наредете бисквити кратко потопени во млеко, потоа црн фил, бисквити,бел фил.
Повторете ја постапката додека се потрошат бисквитеите и филовите.

Доколку и вие не сакате да го губите своето време покрај рерната, печејќи кори долго време, но сепак би сакале да им приготвите вкусен неодолив десерт на вашите најблиски, тогаш ова е совршениот рецепт за вас!

Чоколадна бисквитна торта без печење

Потребни состојки

• 300 гр бисквити
• 400 мл течна слатка павлака за готвење
• 250 гр чоколада
• 100 гр путер

За глазурата

• 100 мл течна слатка павлкаа за готвење
• 100 гр чоколада
• 50 гр масло за готвење

 Начин на подготовка

Додадете ја павлката во сад, следно додадете ги и искршените парчиња чоколада и маслото. Поставете го садот на оган, да се затопли павлаката, при што потребно е да мешате непрекинато, додека да се стопат чоколадото и путерот.

Во друг подлабок сад, искршете ги бисктивите на мали парчиња, а потоа врз истите додадете ја претходно добиената чоколадна смеса и добро измешајте ги сите состојки заедно.

Добиената смеса преместете ја во сад во форма за торта и добро распоредете ја смесата во истиот.

Поставете ја бисквитната торта во ладилникот на 30 минути, за да се затегне нејзината структура.

За глазурата: Поставете ги павлката, чоколадото и путерот во сад и садот поставете го на оган, при што е потребно непрекинато да мешате, за да целосно се стопат и соединат состојките.

Исипете ја глазурата врз чоколадната торта и повторно вратете го десертот во ладилникот, за да целосно се затегне.

Кога ќе се спомне зборот торта, истиот нè асоцира на десерт чија подготовка ќе ни одземе неколку часа и притоа многу труд. Но не и овој пат!

За сите оние кои немате премногу слободно време и енергија, а би сакале да направите неодолив домашен десерт за вашите најблиски, денес ви го откриваме совршениот рецепт!

Брза и лесна бисквитна торта

Потребни состојки

• 4 јајца
• 120 гр шеќер
• 2 супени лажици рендана кора од лимон
• 1 литар пресно млеко
• 300 гр бисквити
• 60 гр пченично нишесте

Начин на подготовка

Додадете го млекото во тенџере, додадете ја ренданата кората од лимонот (Оставете малку од истата, за да на крај ја употребите како декорација) и така поставете ја смесата да се вари.

Во одделен сад, измешајте ги јајцата со шеќерот. Додадете дел од затопленото млеко во чаша и во истата растворете го нишестето и потоа додадете го во тенџерето. Во тенџерето, додадете ја и смесата со јајцата и шеќерот.

Непрекинато мешајте ја смесата, до добивање густа текстура. Оставете ја истата да се излади.

Премачкајте го дното на садот, во кој планирате да ја складирате тортата, со тенок слој од филот и одозгора наредете го првиот слој бисквити. Следно, одозгора повторно нанесете од кремот и продолжете да ги редите слоевите, додека целосно не ја завршите тортата.

На крај, површината на тортата декорирајте ја со остатокот од ренданата кора од лимон. Складирајте го десертот во ладилник да отстои 1 час, а потоа заедно со вашите најмили, насладувајте се на вкусното задоволство!

Лесно се подготвува и ќе ви стане омилен рецепт летово.

Потребни состојки:

• 150g бисквити
• 150g чоколадни бисквити

За кремот:

• 490ml млеко
• 100g шеќер
• 2 жолчки од јајце
• 2 лажици нишесте
• 2 лажици путер
• 10g ванилин шеќер
• 80g чоколадо
• 100ml шлаг пена

За премачкување и прелив:

• 150ml шлаг пена (за премачкување)
• 100ml шлаг пена (за прелив)
• 80g чоколадо (за прелив)
• Кршени ф’стаци (декорација)

Начин на подготовка: