Состојки
300 мл вода
200 грама шеќер
100 грама чоколада за готвење
250 грама маргарин
400 грама ореви
400 грама бисквити
2 лажици какао
1 паковање обланди

Во сад на оган ставете ја водата и шеќерот да зовријат, па додадете 2 лажици какао и 100 грама чоколадо за готвење. Тргнете го садот од огнот и додадете ги претходно измелените ореви и бисквити и на крај додадете го маргаринот. Со добиената смеса премачкајте ги обландите и тоа прво ставете една па фил па над неа друга обланда и така се додека не се потроши филот и обландите. Покријте ги обландите со кујнска крпа и над нив ставете некој потежок предмет за да се залепат полесно. Исечете по желба и уживајте.

Состојки
2 листа обланда
фил
200 гр сецкани суви смокви
250 гр шеќер
250 гр мелени ореви
2 лажици рум
глазура
100 гр чоколадо за готвење
3 лажици масло

За оние кои уживаат во вкусот на смокви (како мене) еве еден рецепт за експрес обланда за која не се потребни повеќе од 15-тина мин. Подготовката оди вака

Шеќерот со малку вода (колку да го залее) се става во сад на оган да зоврие и да се добие густ шербет како за слатко. Кога ќе се добие густината се трга садот на страна и во него се додаваат исецканите смикви, ореви и рум. Со оваа смеса се филува првата обланда од кај грубата страна. Јас сакав да ја правам повисока па составив од 2 листа три слоеви на обландата. Ако правите само со два листа мачкате фил врз него вториот лист обланда со мазната страна нагоре и оставате да излади. Чоколадото искршено на парченца се топи на пареа и со него се прелива обландата. Од кога е убаво стегната се сече во форми по желба.

Забелешка-Ако смесата е ретка почекајте да се подолади, па потоа филувајте, со ладењето ќе се згусне.

Состојки
500гр чоколадо за готвење
500гр шекер
3лажици какао
1 маргарин
300гр ореви
500гр бисквити
1пак обланди
250гр зејтин
300гр млеко

Бисквитите и оревите се мелат.
На оган се ставаат млекото,маргаринот и шекерот да се стопат, потоа се додава какаото, па бисквитите и оревите. Се меша убаво да се добие хомогена смеса.
Се трга од оган.
Обландите се ставаат една по една во влажна крпа да омекнат потоа се мачкаат со смесата и се виткаат како ролат.
Се оставаат 10тина минути да се оладат. Завитканите обланди се сечат на мали ролатчиња.
Чоколадото се топи со зејтинот, и едно по едно малите ролатчиња се потопуваат во стопеното чоколадо.
Се оставаат 1час на ладно да се стегне чоколадото.

Состојки
фил
250 мл. млеко
250 гр. шеќер
250 гр. маргарин
300 гр. таан алва
200гр. чоколадо за готвење
1 пакување обланди

Млекото заедно со шеќерот се става во тенџере на оган да зоврие. Се додава маргаринот да се стопи, а потоа се додава алвата здробена на ситно и на крај чоколадото искршено на коцки. Се меша на тивок оган додека сите состојќи не се растопат и не се добие хомогена чоколадна смеса. Тенџерето се трга од оган и со помош на црпалка од филот се нанесува врз секоја обланда колку да се пополнат празнините . Постапката се повторува со сите обланди така да накрај исто се zавршува со фил. Се остава да се излади неколку часа а потоа се сече. Декорираме со растопено бело чоколадо и бели цветови.

Состојки
1 големо обланди
фил
6 јајца
300гр шеќер
250гр путер (маргарин)
200гр чоколада за готвење
150-200гр бисквити (по желба може да се додаде лешник,ореви)

Ова е наједноставното и најбрзото обланде кое го подготвувам. Чоколадниот вкус и ако додадете малку ореви или лешници ја имате добитната комбинација.
Подготовка
Јајцата и шеќерот ги матиме со миксер додека не добиеме густа смеса.
Во тенџере на тивок огин ги растопуваме путерот и чоколадото. Додека смесата тивко врие ги сипуваме матените јајца и шеќер. Оставаме десет минути на многу тивко да се вари кремот мешајќи постојано. Кремот го тргаме на страна чекаме да се подизлади и ги додаваме бисквитите. Доколку додавате ореви тогаш одземете дел од бисквитите. Филот поделетего на четири дела за да ви стигне фил за сите кори. 
Корите од обланди ги премачкувајте така што треба да се пополнат сите дупчиње и да има тенок слој за да се залепи наредната кора. Не очекувајте дека ова е од оние рецепти каде што има премногу фил. Има доволно фил да се залепат и исполнат сите празнини на обландето што за мој вкус е доволно.
Забелешка
Доколку сакате на крајот пред да почнете со филувањето додадете една лажица рум. Може и да се прелие со чоколада или течна карамела.
Добар апетит!!!

Состојки
1 паковање обланди
2 шољи вода
2 шољи шеќер
450-500 гр алва
200-250 гр мелени ореви

Ставете ги водата и шеќерот да зовријат околу 2-3 мин.
Додадете ја алвата ситно сецкана или рендана. Промешајте и тргнете го садот од оган.
Додадете ги мелените ореви и убаво промешајте.
Поделете го филот на 4 дела и филовајте ги обландите.
Ставете одозгора тежок предмет и оставете ги неколку часа или преку ноќ на ладно да се здрват.

Состојките можеби изгледаат едноставно, но обландата има прекрасен вкус-уживајте.
1 шоља=230-240мл

Состојки
1 пакување обланди
250 гр путер
300 гр шеќер
1 кесичка ванилин шеќер
300 гр мелени бисквити
150 гр мелени печени лешници
100 гр чоколадо за готвење
2 јајца
300мл млеко
Глазура
200 гр чоколадо за готвење
6 лажици масло за јадење
И уште
50 гр кршени лешници

Млекото, шеќерот, ванилиниот шеќер и путерот загревајте ги додека не се стопат путерот и шеќерот. Во топлата смеса додадете ги бисквитите, измешајте, па додадете ги јајцата едно по едно постојано мешајќи. Не се грижете, смесата е врела и јајцата нема да останат живи.
Потоа поделете ја на два дела и во едниот дел ставете ги мелените лешници, а во другиот дел чоколадото. Оставете се да се олади, па филувајте ги обландите неизменично со темен, па со светол фил. Одозгора ставете нешто тешко за убаво да се спојат и оставете ги најдобро преку ноќ. Потоа ставете ја глазурата.

За глазурата растопете го чоколадото на пареа со маслото и прелијте преку готовите обланди. Додека е уште топло наросете мелени лешници одозгора.

http://moemeni.mk/?cs_sostojki=voda" rel="nofollow - Вода (500 Милилитри)

http://moemeni.mk/?cs_sostojki=sheker" rel="nofollow - Шеќер (400 Грама)

http://moemeni.mk/?cs_sostojki=margarin" rel="nofollow - Маргарин (1 )

http://moemeni.mk/?cs_sostojki=vanilin-sheker" rel="nofollow - Ванилин шеќер (2 )

http://moemeni.mk/?cs_sostojki=meleni-biskviti" rel="nofollow - Мелени бисквити (500 Грама)

http://moemeni.mk/?cs_sostojki=kokos" rel="nofollow - Кокос (100 Грама)

http://moemeni.mk/?cs_sostojki=tsrno-chokolado" rel="nofollow - Црно чоколадо (100 Грама)

http://moemeni.mk/?cs_sostojki=oblandi" rel="nofollow - Обланди (4 Листови)

За овој рецепт се потребни помалку од 30 минути

1. Во тенџере на оган ставете ги водата, шеќерот и маргаринот да вријат 10-тина минути, па тргнете ги настрана.
2. Во друг сад ставете ги мелените бисквити, па откако течноста ќе се излади, додајте ја врз мелените бисквити.
3. Смесата поделете ја на два дела – во едниот дел ставете го растопеното чоколадо, а во другиот дел додајте го кокосот.
4. Листовите обланда ставете ги помеѓу две влажни крпи да омекнат 10 минути.
5. Потоа филувајте ги на следниот начин: обладна – бел фил, обланда – црн фил и потоа внимателно свиткајте во ролат.
6. Од оваа смеса излегуваат 2 ролати кои се оставаат во фрижидер да се стегнат, а потоа се сечат на парчиња

Состојки
1 лист обланда
120 гр маргарин
100 гр шеќер во прав
100 мл млеко
1 жолчка
100 гр бело чоколадо
1 лажиче ванила бурбон екстракт
120 гр мелени бисквити
200 гр желе бомбони

Матете ги со жица жолчката и шеќерот, додајте го млекото и ситно кршеното чоколадо и ставете ги на рингла на ниска температура да се стопат. Потоа мешајте со жицата уште некои 5 минути, па останатите 10 на 2-3 пати матете со миксер додека не се згусни како течен пудинг.

Оставете го да се олади, да додадете го омекнатиот маргарин и аромата бурбон ванила (ако немате екстракт, ставете во прав) и повторно убаво изматете го заедно да се соедини.

Обландата омекнете ја во влажна крпа, премачкајте ја со кремот целосно.
Исечкајте го желето и распоредете го врз филот, па завиткајте ја обландата во ролат.

Оставете убаво да се стегни во фрижидер.

Состојки
шолја 130 мл
1 паковање обланди
За бел кекс
4 јајца
4 шолји шеќер
1 шолја масло
1 шолја млеко
4 шолји брашно
1/2 пак. прашок за пециво
1 чајно лажиче арома од лимон или портокал
За црн кекс
4 јајца
4 шолји шеќер
1 шолја млеко
1 шолја масло
3,5 шолји брашно
3 полни лажици какао
1/2 пак. прашок за пециво
1 чајно лажиче рум арома или 1 ампула
За фил
1,5 литар млеко
15 лажици шеќер
5 пак. прашок за пудинг од ванила
250 гр маргарин

Од состојките за кекс изматете посебно 2 кекса, едниот бел и другиот црн. Секој кекс иструрете го во обложен плех од шпоретот со пек-хартија и печете на 180С кратко време, отприлика 10на мин во зависност од рерната.

Извадете ја хартијата од оладените кексови и исечете ги во должина на 10 ленти, по 2 за секој лист обланда.

Растворете ги прашоците за пудинг во дел од млекото и додадете 3 лажици шеќер. Останатото млеко и шеќер ставете ги на оган и потоа сварете пудинг. Кога пудингот ќе е малку повќе од млак, вмешајте го маргаринот кој сте го оставиле на собна температура. Откако ќе се растопи, со миксер убаво изматете го кремот.

Листовите обланда омекнете ги во навлажнета пацета. Најпрво листот омекната обланда се премачкува тенко со пудинг филот. Потоа, се редат накрсно по 2 ленти црн и бел кекс еден до друг и еден врз друг-да изгледа како шах. Помегу секоја лента кекс тенко се премачкува од филот за да можат убаво да се залепат. Се витка коцкест ролат.
Така се добиваат 5 ролати, од секој лист обланда по еден. Ролатите се оставаат на ладно, убаво да се стегнат пред сечење.
Шах-мат! : )

Состојки
1 лист обланда
125 гр. маргарин
250 гр. бисквити (мелени)
50 гр. чоколадо за готвење
250 гр. шеќер
120 гр. вишни (без коска)

Рецептот е за 1 лист обланда, а може по потреба да се зголеми дозата.
Многу брз и лесен рецепт!
1. Листот обланда се става во влажна кујнска крпа да омекне.
2. Маргаринот, шеќерот, чоколадото и вишните (јас ставив замрзнати и исечкани вишни) се ставаат во тенџере да зовријат додека да се стопи шеќерот.
3. Кога смесата ќе зоврие се трга настрана и се додаваат мелените бисквити
(може и посни) и добро се меша.
4. Малку кога ќе подизлади смесата се нанесува рамномерно на омекнатата обланда и се витка во ролат. Изладен се сечи и се декорира по желба.
Наредниот пат ќе пробам да ставам џем од вишни (но не да врие во смесата) и верувам дека ќе биде уште повкусно.
Оваа обланда може да биде со посно чоколадо и бисквити за во посни денови.
Пријатно!

Направете го овој едноставен десерт и изненадете ги домашните…

Уживајте!

Обланди со крем банани – од една смеса два ролати

Обланди какви што не сте јаделе – Филот ги прави посебни

Состојки
3 обланда
14 лажици шеќер
5 јајца
пола коцка маргарин
100 гр чоколадо
200-250 гр бисквити
150 гр печени лупени кикиритки
200 гр желе бонбони

1. Бисквитите ситно се кршат, а кикиритките и бонбоните ги сецкаме.
2. Шеќерот и јајцата ги ставаме на тих оган додека се стопи шеќерот, потоа се додаваат маргаринот, чоколадото, бисквитите, кикиритките и желе бонбоните.
3. Сето тоа се вари додека не добиеме потребната густина и после се нанесува на обландите.

Наместо кикиритките може да се става ореви, но со кикиритките добиваме вкус на чоколадото Сникерс))) (забелешката на љубителите Сникерс)))

По желба може да се додаде и суво грозје.

Состојки
1 голем лист обланда
фил
200 гр. шеќер
8 лажици вода
125 гр маргарин
100 гр. чоколадо за готвење
200 гр мелени кикирики
100 гр крупно сецкани кикирики
2 големи лажици путер од кикирики
150 гр сецкани желе-бомбони
200 гр мелени бисквити

Уште една убава и мирисна обланда за љубителите на вкусот на кикирики, а подготовката на истата е многу едноставна.

1. Во соодветен подлабок сад на умерен оган ставете го шеќерот и 8 лажици вода. Оставете да се растопи. Додадете го маргаринот и чоколадото и мешајте додека не се растoпат и тие.

2. Во друг длабок сад на страна ставете ги мелените бисвити и кикириките ( јас овој пат заборавив да оставам крупно сецкани, зошто ги сомлев сите) и путерот од кикирики.

3. Со чоколадниот шербет соединете ја смесата во фил. Оставете малку да подизлади ( но не премногу зошто нема да може да ја нанесете врз обландите) и додадете сецкани желе-бомболи. Убаво соединете ги сите состојки. Уште поубава и полична е обландата кога е со обратни бои. Листот да е кафен а филот бел со тоа што наместо црно се става бело чоколадо, се друго останува исто.

4. Листот обланда поделете го на два дела. Филувајте ги обландите така што мазните страни да бидат надворешни. Поклопете ја обландата со некој потежок предмет и оставете да стегне.

5 Сечете штангли или триаголници и варете кафе...хахаха