Состојки
10 суви кајсии
5 суви смокви
20 урми ( свежите полесно се лупат)
1/2 маргарин или кокосов путер
1 лажица какао
1 лажица таан, малку екстракт ванила или рум

Значи благо без шеќер...барем не бел рафиниран.
Овошјето го покиснувам во вода, урмите ги лупам и сето го ставам во делимано блендерот да се испасира. Додавам вода колку да се добие густа смеса, околу една шољичка, таан и малку рум. Маргаринот или кокосовиот путер се топат на пареа, се додава малку какао и се меша со пасираното овошје.
Сето ова се става во силиконско калапче и во замрзнувач...се служи ладно.
Некогаш во смесата додавам мелени јатки па се добива смеса како за бомбици, но вака поради киселкиот вкус на кајсијата е многу лесно и освежително...

Состојки
За фил
100 гр. суви смокви
50 гр. суви сливи
80 гр. ореви
2 лажици мармалад од кајсии
80 гр. мелени бискоти (посни)
80 гр. маргарин
80 гр. шелер
5 лажици вода
за глазирање со чоколадо
100 гр. чоколадо
3 лажици зејтин

1. Се мешаат ситно исецканото овоштие и мелените бискоти.
3. Маргаринот, шеќерот и водата се топат и врело се додава во предходната смеса и се меша. Се додава мармаладот и се меша за да се добие една хомогена смеса.
Од оваа смеса се прават бомбици или се полнат модлите за пралини.

- Глазура од чоколадото
- На пареа се топи чоколадата во која се додава зејтин. Од вака добиената смеса се глазираат бомбиците или се става во модлата за пралини, се втиснува од смесата и се остава да се стегни чоколадата - се вадат од калапите.
- За да ги застаклите бомбиците потребно е да се направи карамел од шеќер кој се топли внимавајки притоа да не го прегорите. Тргате од оган и веднаш со лажица прелевајте ги бомбиците.
Декорацијата на бомбиците и која форма ќе ги правите останува на вас. Вие со вашите идеи да си ги спремате како на Вас ви се допаѓаат.

Состојки
100 гр суви смокви
100гр урми
100 гр сува брусница
100 гр суво грозје
100 гр суви кајсии
130 гр растопено црно чоколадо
130 гр мелен орев

Прво на машина за месо се мели цело суво овошје.
Се додаваат оревите, чоколадото и кората од портокал.
Убаво се изработува со рака и се прават форми по желба.
Јас правев триаголничиња.
Се декорираат со 50 гр растопено бело чоколадо.

Состојки
4 јајца
200 гр. маргарин
7 лажици шеќер
2 ванили
250 гр. брашно
50 гр. густин
150 мл. млеко
1 пециво
1 лажиче цимет
100 гр. сецкани урми
100 гр. суво грозје
50 гр. сува брусница
1 кора од портокал
Глазура: 120 гр. чоколадо, 4 лажици млеко
3 лажици мармалад за премаз

1. Прво го матиме маргаринот со шеќерите.
2. Додека матиме, едно по едно ги додаваме јајцата.
3. Брашното, пецивото и густинот ги вмешуваме во една смеса.
4. Кога смесата од јајца и маргарин ќе се изедначи, го додаваме млекото и пола од смесата од брашно.
5. Проматуваме.
6. Во пола од смесата од брашно ги вмешуваме циметот, урмите, сувото грозје и брусницата.
7. Сувото грозје и брусницата треба претходно да отстојат во вода за да набабрат убаво. Јас ги чував повеќе од еден ден, а инаку може и до 5 часа.
8. По ваш вкус во водата може да додадете ванила, цимет, рум или ирски ликер бејлис како што направив јас.
9. Се тоа го додаваме во претходната смеса. Пак проматуваме со миксер.
10. На крај ја додаваме и кората од портокал, изрендана.
11. Мешаме убаво, па смесата ја префрламе во намрсена тава за печење бр. 28 и печеме околу 30 минути на 180 степени, или додека колачот убаво да порумени.
12. Сега ја спремаме глазурата. Во млекото кое сме го ставиле да зоврие го ставаме чоколадото за да се истопи додека мешаме. Треба да се добие мазна течна смеса.
13. Откако колачот ќе се испече, го оставаме половина час да се излади, а потоа го премачкуваме со избраниот мармалад и го преливаме со претходно готовата глазура.
14. Сечеме и послужуваме. Добар апетит.

Состојки
15 лажици брашно
14 лажици зејтин
13 лажици кисела вода
1 пакетче суво грозје
1 пециво
1 лимон рендана кора
100 грама мелени ореви
2 лажици ванилин шеќер

Во длабок сад со лажица замесуваме тесто од потребните состојки за овој колач. Ванилата и оревите ги оставаме за на крај, односно пред да го ставиме тестото на печење. Ја рендаме кората од лимонот ја додаваме во тестото. Јас од навика си го замесив тестото и со раце. На крајот ја додаваме ванилата и оревите.

Оваа смеса ја ставаме во претходно подмачкан и побрашнет плех бр.24 или проценете сами према тестото.
Напомена.
Тестото не нараснува многу. Печеме на 200 степени околу 30 минути или зависно од јачината на рерната. Овој колач не излегува многу голем, ама затоа има многу убав вкус, а тестото е крцкаво и се топи во уста. Добар апетит.

Состојки
1 мала тиква (крушкаста)
4 големи јаболки
250гр суви сливи
100 гр суво грозје
1 лажичка цимет
1/2 лажичка морско оревче

Се лупат и сечат јаболките и тиквата на коцки. Се редат во тава прво јаболките, па сувото овошје па тиквата. Се посипува со цимет и морско оревче и без промешување се пече на 200 степени дури не омекне тиквата. На половина печење се промешува да не фати кора.

Пријатно јадење!

Состојки
Тесто
250 мл топла вода
80 мл масло
1/2 коцка свеж квасец
1/4 лажиче сол
4 лажици шеќер
1 ванилин шеќер
1 лажиче екстракт од ванила
околу 550-600 гр брашно
Фил
2 средни јаболка
по 50 гр суви смокви, урми, суво грозје и брусница
100 гр јаткасто овошје - ореви,лешници, бадеми и индиски ореви
2 лажици шеќер
За одозгора
по потреба шеќер во прав
по потреба маргарин или масло за прскање на пожавчината


Вкусно, благо и миризливо пециво одлично за појадок или вечера со чаша чај.

Подготовка на тестото
Во сад за месење ставете ја водата и квасецот и измешајте ги да се раствори квасецот. Додајте го маслото, шеќерот, солта и екстрактот. Со постепено додавање на брашното замесете, изедначено и мазно тесто. Покриено оставете го да кисни 30-минути. За тоа време подгответе го филот.

Подготовка на филот
Смоквите ставете ги во топла вода 15-минути да омекнат. Потоа исцедете ги и исецкајте ги на помали парченца.
На урмите извадете им ја семката и исецкајте ги.
Јаболката излупете ги и изрендајте ги. Ставете ги во сад и додајте го и сувото грозје и брусницата.
Јатките овошје сомелете ги и ставете ги во садот. Додајте го и шеќерот и измешајте ја смесата. Поделете ја на 2 дела. Во едниот додајте цимет а другиот нека остане така.

Тестото поделете го на 2 дела.
Од едниот дел на набрашнета работна маса развлечите правоаголна кора околу5-7 мм, нанесете пола од филот и завиткајте ролат. Крајот убаво притискајте го со прстите за да се спои со тестото.
Исечете го на ролати широки по 2 цм. Ставајте ги во плех со хартија за печење или намакан со масло. Во сечењето ролатите се плескаат, но при редењето во плехот малку ќе им ја вратите округлата форма.
Истата постапка направете ја и со вториот дел од тестото.
Оставете ги да киснат 30-на минути и пред печење ставете им парченца маргарин или попрскајте ги со масло.
Во меѓувреме загрејте ја рерната на 200 степени.
Ставете ги да се печат и тоа првиот плех што сте го направиле (два излегуваат) околу 20-25 минути. После 10 минути од печењето одозгора ставете им хартија или фолија за премногу да не потемнат. Покриени со фолија и крпа оставете ги да подоладат.
Послужете ги топли или ладни, посипани со шеќер во прав.

Состојки
за белите колачиња
100гр. бело чоколадо
100гр. мелени бисквити
50мл. вода
1 лажица маргарин
50гр. суво грозје
2 кесички ванилин шеќер
3 лажици суви кајсии
за ролатот
200гр. мелени бисквити
50мл. вода
1 лажица маргарин
150гр. сецкани лешници
50гр. бело чоколадо
неколку парчиња сецкани суви сливи
1 лажица мед

За подготовка на белите колачиња најпрво ги премачкуваме со растопено бело чоколадо.Постапката ја повторуваме два пати со тоа што при секое премачкување калапите ги оставаме во замрзнувач.

Водата ја зовриваме заедно со ванилата и маргаринот и ги потурваме бисквитите. Убаво мешаме и оставаме да се излади смесата. Кога ќе се излади ги додаваме сувото грозје и кајсиите. Ги полниме калапите и потоа ги затвораме калапите со белото чоколадо и ги враќаме повторно во фрижидер.

За подготовка на ролатот најпрво ги мелиме бисквитите го додаваме медот и смесата ја натураме со претходно зовриената вода со маргаринот. Убаво ја мешаме смесата и ги додаваме сецканите лешници, сувите сливи и се убаво мешаме. Сместа ја оставаме да се подизлади и потоа ја виткаме во ролат со помош на најлонска фолија и ако саката сместа ставете ја во калап. Кога ќе се оформи колачот одозгора прскаме бело чоколадо.

Состојки
Кора
350 мл вода
270 гр шеќер
300 гр брашно
1 (15 гр) прашак за пециво
исцеден сок од половина лимон
рендана кора од 1 лимон
Суво овошје
5 урми
5 суви смокви
6 суви кајсии
една рака суво грозје и брусница

Подготовка на тортата.
Најпрво подгответе го овошјето.
Смоквите и кајсиите ставете ги во топла вода 15-на минути. Потоа исецкајте ги на помали коцкички.
Исецкајте ги и урмите.
Рерната вклучете ја да се загрева на 180 степени.
Тава за печење бр.26 посипете ја со брашно или за посигурно да не залепи ставете хартија за печење.
Во сад ставете го просеаното брашно со пецивото, шеќерот и кората и сокот од лимон. Водата постепено додавајте ја и мешајте со лажица или жица да се изедначи смесата и да нема грутчина.
Истурете ја во тавата и одозгора насекаде распоредете го овошјето.
Ставете ја да се пече околу 35 минути или кога ќе добие кремаста боја проверете со чепкалка, да излезе сува.
Кога е печена оставете ја уште 5-6 минути во исклучена рерна.
Готовата торта покриена со фолија и крпа оставете ја во тавата малку да олади, а потоа префлете ја во чинија целосно да излади покриена со фолијата и крпата да биде мека.

Состојки
1 конзерва (395мл) засладено кондензирано млеко
100 гр путер или маргарин
200 гр шеќер
200 гр бело чоколадо
50 гр ситно сецкани бадеми
90 гр суво овошје (мешавина брусница, урми и смокви)
малку црвена боја за колачи (овде инстант прашок за чај од калинки)

Се трга од оган и се додава искршено чоколадото, па убаво се промешува да се растопи. Се додава и малку црвена боја (по желба е и не мора). Јас наместо црвена боја додадов обоен со црвена боја инстант прашок за чај од калинка, па малку повеќе го обогати и така убавиот вкус.

На крај се додаваат бадемите (секако дека и орев или лешник во замена можи), брусницата и исецкани урми и смоквите.

Смесата се распоредува во калап 20х20, предходно обложена (кој сака) со пек-хартија. Се остава да се стегни и се сечи на мали коцкички.

Овој рецепт си носи ризик за добитната комбинација. Можно е доколку ви е посилна ринглата и варите малку подолго да добиете поронлива структура, како што е случајот кај мене, а со помалку чување на оган пак да добиете помазни или порастегливи коцки. Праксата ќе си го направи своето, но како и да испадни на прво- во секој случај е неверојатно вкусно. 
Совет-прво направете си го за своја душа, а потоа за гости.

Состојки
300 гр мелени урми
200 гр мелени суви смокви
350 гр мелени бисквити
2 чоколада за готвење (стопени)
2 големи лаж мед
1 шишенце екстракт од ванила
50 гр бело чоколадо за декорација

Сите состојки се замесуваат и се прават топчиња кои се стават во хартиени корпички. Белото чоколадо се топи и на секоја бомбица се става по малку со лажичка. За да бидат малку поинтересни им ставив по едно срце од локум и прав шеќер.

Состојки
100 гр. суво грозје
100 гр. сушен ананас
200 гр. суви урми
100 гр. индиски ореви
200 гр. сусам

Сувото овошје се потопува во сад со вода. Така стои околу 15-20 минути.
Индиските ореви се мелат најситно.
Сусамот се пропржува додека да добие румена боја.
Одкако овошјето одстојало во водата се процедува и се блендира. Во него се додаваат индиските ореви и сусамот, смесата се соединува.
Се остава малку во фрижидер да се стегне.
Од смесата се прават бомбици, се ставаат во хартиени корпици и врз нив по желба може да се декорира со по едно индиско оревче.

Состојки:

• 130 гр брашно
• 120 гр маргарин
• 120 гр шеќер во прав
• 5 јајца
• 450 гр суво овочје, сечкано
• 100 гр сечкани ореви или бадеми
• 1 прашок за пециво
• рендана кора од 1 лимон
• 1 ванилин шеќер
• рум

Подготовка:

Сувото овошје (смокви, урми, кајсии, сливи, брусница, суво грозје…) се сечка на крупни парчиња и се натопува со рум, да стои 2-3 часа.
Прво се матат белките, цврсто.
Во друг сад се мати омекнатиот маргарин со шеќерот и се додаваат жолчките, една по една и постојано се мати. Се додава брашното измешано со прашокот за печиво, ренданата кора од лимон и ванила. На таа смеса се додава исцеденото суво овошје, оревите и се меша со лажица.
На крај се додаваат изматените белки и рачно се меша, внимателно.
Рерната се загрева на 220°С.
Смесата се пресипува во долгнавест калап за колачи, претходно намачкан со маргарин  и посипан со брашно..
Се става во рерна и се пече на 220°С околу 10 мин, потоа температурата се намалува и се пече на 170°С околу 50 минути.
Печениот колач се вади од калапот додека е топол и се остава убаво да се излади. Најдобар е кога ќе стои неколку часа, а потоа да се сече на парчиња.
Колачот може да се чува и неколку дена

Добар апетит!

https://moirecepti.mk/post/%D0%BA%D0%BE%D0%BB%D0%B0%D1%87-%D1%81%D0%BE-%D1%81%D1%83%D0%B2%D0%BE-%D0%BE%D0%B2%D0%BE%D1%88%D1%98%D0%B5-2" rel="nofollow -