КАРАМЕЛ КОЛАЧ СО ЈАБОЛКА

Чоколадни колачиња со карамела

Состојки
За пандишпан
4 јајца
4 лажици шеќер
100 мл масло
1 лажичка цимет
1 пециво
250 гр брашно
100 гр сечкани ореви
2-3 банани
За фил
300 гр шеќер
200 мл слатка павлака
150 гр путер
200 гр шлаг во прав
250 мл ладно млеко

Слатка торта, карамел, банани, ореви, цимет...Кој може да и одолее секоја му чест!
Подготовка
1. Пред да почнеме да го правиме тестото ја вклучуваме рерната на 190 степени.
2. Бананите ги лупиме и ги сечкаме на кругови. Ги ставаме на дното од тавче бр. 26 кое сме го намрсиле со 2-3 капки масло.
3. Пенасто се матат јајцата со шеќерот, па се додаваат останатите состојки.
4. Смесата ја истураме врз бананите и ја ставаме да се пече во загреана рерна на 190 степени околу 15 минути. Оставете ја да се лади, па превртете ја во тањирот во кој ќе ја филувате, со тоа што бананите ќе дојдат од горна страна.
5. На тивок оган ставете го шеќерот да се топи, а слатката павлака загрејте ја. Кога шеќерот ќе се карамелизира го тргаме на страна и постепено ја додаваме слатката павлака со постојано мешање. Го враќаме тенџерето на оган и мешаме на тивок оган додека карамелот добие одредена густина, а тоа се околу 10-тина минути. Го тргаме на страна и го додаваме во него путерот, па добро мешаме за да добиеме хомогена смеса. Го оставаме карамелот да се лади.
6. Шлагот во прав го матиме со ладното млеко. Половина од карамелот го мешаме со шлагот.
7. На превртената торта прво го ставаме карамелот, па карамелизираниот шлаг. Ја ставаме во фрижидер да се стегне и да се соединат вкусовите.

Забелешка
Ако немате Делимано тава, во тој случај најдобро е да печете на намрсена хартија за печење.
За да видите дали е печена тортата проверете со чепкалка, ако е сува чепкалката, тортата е печена , ако е влажна оставете ја уште некоја минута.
Шлаг во прав ви треба околу 4 кесички, зависи која е грамажата во кесичките.
Филувањето може да го правите и со обрач за да не ви истече карамелот при филување.

Состојки
850 мл. млеко
9 лажици шеќер + за декорација
3 прашоци за пудинг со вкус на карамела
125 гр. путер
500 гр. слатка павлака
400 гр. бисквити со путер
Подготовка
Чекор 1: Од млекото тргнете на страна 100 мл. и во него растворете ги пудинзите.

На тивок оган ставете го шеќерот да се истопи и да карамелизира со повремено протресување. Додадете ги преостанатите 750 мл. млеко да се спои со карамелот и да зоврие. Ставете ја измешаната смеса за пудинг во млекото со карамелот и варете додека да се згусне. Оставете го да се олади.

Чекор 2: Изматете го путерот кој бил на собна температура и соединете го со оладениот пудинг.

Изматете ја слатката павлака.

Чекор 3: Наредете еден ред бисквити, фил, слатка павлака, и повторете уште 3 пати.

Ние за декорација направивме форми од карамел на хартија за печење. Декорирајте за тортата и оставете во фрижидер да се стегне неколку часа.

Чекор 4: Сервирајте и декорирајте со карамел.

Состојки
за прва кора
5 белки
10 големи лажици шеќер
150 гр кокос
2 големи лажици брашно
1/2 пакетче ( 6 гр) пециво
за втора кора
5 белки
10 големи лажици шеќер
150 гр мелени лешници
2 големи лажици брашно
1/2 пакетче ( 6 гр.) пециво
за фил
100 гр шеќер (за карамелот)
500 мл млеко (за карамелот)
1 пакетче ( 40 гр) пудинг од ванила
100 гр шеќер
3 големи лажици густин
200 мл млеко
10 жолчки
250 гр путер (собна температура)
150 гр мелени бисквити
за втор фил
500 гр шлаг во прав ( *не слатка павлака)
350 мл ладно млеко
200 гр чоколаден крем (еурокрем)
100 гр чоколаден крем ( еурокрем ) за прекачкување на кората

Јајцата искршете ги и поделете ги на две места по 5 белки, а сите 10 жолчки оставете ги во сад на страна. Во подлабок сад за матење ставете 5 белки, додадете 10 лажици шеќер и матете со миксер додека не добиете густ шам. Во изматените белки додадете кокос и брашно помешано со пециво. Внимателно во лажица соединете ја смесата, да се изедначи и печете околу 15 мин на 170-180 степени. Оваа доза е доволна за округла тава бр 28. Јас печев во тава на која и се вади станичниот дел за полесно на крај да ја филувам тортата. Испечената кора оставете да се излади.

Втората кора се подготвува на идентичен начин само што во белките наместо кокос се ставаат мелени лешници.

Кората со кокос премачкајте ја со чоколаден крем и оставете ја 15-тина минути во замрзнувач да се стегне, за да можете над неа да ги редите филовите ( а притоа да не се измешаат со кремот)

За карамелот. Во подлабоко тенџере на оган ставете 100 гр шеќер да се карамелизира. Кога ќе добие убава боја ставете го и млекото ( 500 мл) и оставете да проврие. Во друг сад на страна во преостанатите 200 мл млеко разматете ги жолчките, пудингот, густинот и преостанатиот ( 100 гр) шеќер. Со жица за матење убаво размешајте ја смесата со жолчки ( да нема грутчиња) и постепено додавајте ја во зовриеното карамелно млеко. Варете на умерена температура неколку минути додека кремот да ја добие потребната густина. Оставете да се излади.

Во друг сад разматете го путерот и додадете го изладениот крем-карамел. Убаво изедначете ја смесата со миксер и на крај додадете ги мелените бисквити.

За втор фил
- Изматете го шлагот во прав со ладно млеко. Треба да е густ и не дотурајте млеко. Во изматениот шлаг додајте го и чоколадниот крем и убаво изедначете го филот.

Тортата се филува на следниот начин. најдолу ставете го белото тесто со кокос( кое стоело во замрзнувач), врз него размачкајте го карамел-кремот, врз него второто тесто со мелени лешници и на крај завршете со филот од изматен шлаг со чоколаден крем.

Јас дел од изматениот шлаг оставив бел, за подоцна да го искористам за украсување на тортата, а вие украсете како сакате. Тортата е многу филеста и доста висока па пожелно е да ја филувате во калап за торта со оквир за да не ви се растечат филовите. Готовата торта оставете ја во ладилник неколку часа да се стегне

На здравје

Состојки
За основа
1/2 чаша урми
1 и 1/2 чаша индиски ореви
1 лажичка екстракт од ванила
За карамел крем
1/2 чаша таан
1/2 чаша мед, јаворов или агаве сируп
1/4 чаша кокосово масло (растопено)
1 лажичка екстракт од ванила
прстофат сол
За чоколаден прелив
1/2 чаша кокосово масло(растопено)
4 лажици рогач во прав
3-4 лажици мед, јаворов или агаве сируп

Карамел штангли (посно, веган)
Ова се фантастични штангли по вкус, со корисен состав, без шеќер и со малку потрошено време за подготовка.

1. Во сечко ги мелеме индиските ореви и урми се додека смесата да стане леплива. Ако не е може да додадеме една лажица вода. Ја редиме смесата во тавче или тањирче и ја ставаме во фрижидер или замрзнувач.
2. Состојките за карамелот ги мешаме во еден сад со лажица при што ќе добиеме мазна карамел структура со која ќе ја премачкаме основата. Го враќаме 10-15 минути во замрзнувач.
3. За тоа време го подготвуваме чоколадниот прелив. Кокосовото масло го растопуваме и го мешаме со останатите состојки. Го премачкуваме колачот со него при што треба да имаме на увид дека колачот е ладен и дека затоа кремот лесно ќе се стврдне, па тоа го правиме набрзина.

Предупредување!!! Нема да застанете на една!

Состојки
10 белки
5 жолчки
250гр шеќер
10 лажици мелен кекс
10 лажици мелени лешници
4 лажици брашно
1 кесичка ванилин шеќер
1 кесичка прашок за пециво
фил 1
250гр карамели од лешник
300мл млеко
фил 2
700мл млеко
200гр шеќер
5 жолчки
4 лажици брашно
1 пудинг од лешник
250гр маргарин
200гр шеќер во прав

10 белки се матат во цврст снег па им се додаваат 125гр шеќер и се мати додека смесата стане цврста.
5 жолчки се матат со 125 гр шеќер додека се згусне смесата и се додаваат кон белките. Со лажица внимателно се изедначува смесата, а потоа се додаваат лешниците,мелните бисквити, брашното и пецивото. Смесата се меша и се дели на 2-3 дела во зависност од големината на плехот. Се печат кори во плех на хартија околу 15 минути на 170 степени.
фил 1
Карамелите се сецкаат и се ставаат со млекото да вријат додека се растопат.
фил 2
Млекото се става да зоврие заедно со шеќерот. Кон зовриеното млеко се додава 1 фил и од како ќе зоврие целата смеса се додаваат жолчките изматени со пудингот и брашното. Се вари густ фил кој се остава да се олади. Кон оладениот фил се додава маргаринот пенасто изматен со шеќерот во прав. Се добива прекрасен мазен фил со многу убав вкус.
Се филуваат корите со подебел слој од филот а декорацијата по желба или по потреба

Состојки
100 гр карамели со вкус на лешник
50 мл млеко
50 гр путер
100 гр црно чоколадо
120 гр потпечени и мелени лешници
100 гр мелени бисквити
200 гр чоколадо и 1 лажица масло за премачкување на калапите

Во тенџере на оган, на тивко се ставаат карамелите, млекото, путерот и чоколадото да се растопат.
Се трга тенџерето од огнот и се додаваат мелените лешници и мелените бисквити.
Се земаат силиконски калапи и со четка убаво во 2-3 слоја се премачкуваат со 200 гр растопено чоколадо.
Во средината на секое калапче се става од смесата со лешници и најгоре повторно се става од растопеното чоколадо.
Се оставаат убаво да се стегнат и се вадат внимателно од калапите и се сервираат

Состојки
Карамел смеса
200гр карамели
10 лажици вода
150гр мелени ореви или лешници
150гр мелени бисквити
80гр чоколадо за готвење
150гр путер/маргарин
Бела смеса
7 лажици вода
150гр шеќер
150гр ореви или лешници
150гр бисквити
150гр путер/маргарин
Чоколадна глазура
150гр чоколадо за готвење
120гр путер/маргарин

Карамел смеса

Карамелата се растопува на тивок оган со 10 лажици вода. Потоа се додава путерот и останатите суви состојки. Се вари 1 - 2 минути за да состојките се соединат. Смесата се расплескува на тепсија големина 34х23 цм. Смесата се израмнува со влажен нож и се става во фрижидер, додека се приготвува белата смеса.

Бела смеса

Водата и шеќерот се варат 2-3мин за да се згусне смесата. Се додаваат и останатите состојки и се готват уште 1-2 мин. Оваа смеса се става врз карамел смесата и се израмнува.

Чоколадна глазура
Чоколадото и маргаринот се топат на пареа и смесата се посипува врз колачот.

Бајадерата се става во фрижидер 1-2 саати и потоа се послужув

П

Состојки
Крем
500 мл млеко
2 јајца
4 жолчки
125 г шеќер
1 ванила
Карамела
6 лажици шеќер
6 лажици вода

Крем карамелот уште е познат и како карамел пудинг кој потекнува од Португалија и наречен е крем карамел или карамел пудинг затоа што слојот на површината и е во течна карамела.
Подготовка на карамелот
Во тенџере на оган ставете ги 6-те лажици шеќер и 6-те лажици вода. Мешајте додека смесата почне да се густи така што кога ќе се згусти оставте да добие уште светло кафеава боја. Во 6 помалечки садови истурете ја смесата (карамелот) така што во сите да ви биде подеднакво и оставете да се стегне.
Подготовка на кремот
Во тенџере на оган ставете го млекото ванилата и шеќерот и мешајте додека млекото не почне да врие па тргнето го од оган. Во еден сад изматете ги со вилушка јајца и жолчките и додавајте по малу во врелото млеко непрекинато мешајки. Смесата истурете ја подеднакво во 6-те садови со карамелот. Во плех во кој ги собира 6-те садови истурете врела вода и ставте ги садовите во плехот но внимавајте да не ви влезе вода во садовите.Потоа ставте ги во загреана рерна на 100С и печете додека не забележите како кора на површината за да бидете сигурни дали кремот е готов земете еден нож и прободете го во средината на еден крем,ако ножот е сув тогаш се готови но ако не е оставте уште неколку минути.Откако ќе ги извадете од рерна оставте да се оладат.Оладените кремови поминете ги со нож по краевите.Потоа земете 6 чинии за сервирање и превртете ги кремовите на чиниите така што ќе истече течен карамел по целиот крем. Добар апетит..

СОВЕТ-белките што ви останаа можете да ги замрзнете во сад за мраз (коцки) па по потреба да ги извадете за подготовка на некој рецепт.Само оставте ги да одмрзнат па приготвувајте го рецепт

Ништо поедноставно, а мнооооогу вкусно!
Шекерот се растопува во карамел. Се трга од оган и со мешање се додаваат оризовите снегулки. Масата брзо се спојува, а односот на состојките е одприлика, затоа што секој шеќер не дава иста количина на карамел(регулирајте со додавањето на снегулките). Но како и да е, и да е повеќе и да е помалку, нема да погрешите-тоа ништо не менува во вкусот. А кога сме кај него, можеби звучи едноставно-ама феноменален е!!!
Пријатна дегустација!

Состојки
1 кора
2 јајца
1 чаша (200мл) шеќер
1 чаша брашно +2лажици какао
1/2 чаша јогурт
1/2 чаша зејтин
1 чаша сецкани урми
1 пециво
2кора
5 белки
150гр шеќер
4 лажици брашно
150гр сецкани ореви
1/2 пециво
фил
1л млеко
250гр шеќер
4 кесички пудинг од ванила
150гр маргарин
150гр шеќер во прав
100гр чоколада за декорација

1 кора
Јајцата се матат со шеќерот да се добие убава пенаста маса. Од како ќе се изматат се додаваат зејтинот, јогуртот, брашното измешано со пецивото и урмите и смесата се пече во калап бр.32 на хартија.

2 кора
Белките се матат во цврст снег, па им се додава шеќерот. Се продолжува со матење додека се добие цврста маса. Со лажица се додава брашното и пецивото и се промешува. На крај се додаваат и сецканите ореви, се меша и се сипе во калап на хартија. Смесата се пече околу 45 минути на 150 степени.

фил
Шеќерот се става во подлабок сад на оган да се растопи. Внимавајте да не прегори.
4 пудинзи се разматуваат во 150мл млеко. Преостанатото млеко се става во растопениот карамел и се вари додека се растопи целиот карамелизиран шеќер. Од како ќе зоврие млекото кон него се додава разматениот пудинг и се вари крем. Кремот се остава да се подизлади.
Маргаринот се мати со шеќерот во прав и се додава кон млакиот крем. Убаво се изедначува и филот уште недоизладен се става над првата кора, па втора кора, фил и декорацијата по желба.

Состојки
1 пакување розен кори
фил
1л. млеко
350гр. шеќер
2 пудинг од карамела
4 лажици брашно
100гр. бела чоколада
250гр. путер
прелив
100гр. бела чоколада
3 лажички масло

Од дел од млекото оделуваме мала количина во која ги мешаме двата пудинга и брашното со шеќерот. Смесата постепено ја додаваме во зовриеното млеко додека не добиеме густ фил. Додека филот е топол ја додаваме чоколадата и промешуваме.
Во изладениот фил го додаваме путерот и убаво матиме. Со овој фил ја мачкаме секоја кора една по една.Розенот го притискаме со некој потежок предмет убаво да се залепат корите.
Растопуваме чоколада со малку масло и ја преливаме розенката.
На здравје!!!

Состојки
1 литар млеко
12 лажици шеќер
9 лажици гриз
1 ванилин шеќер
мед и чоколадо за украс.
Користени Делимано производи


Во тенџерче(суво) се става шеќерот да се стопи. Немој да го изгорите бидејќи ќе има горчлив вкус. Се` трга настрана и се супува млекото и ванилата. Се враќа на оган и се меша со лажица или вилушка или жица за матење карамелот на почетокот од ставањето на млекото ќе се направи како камен ама не грижете се и  внимавајте да не се изгорите бидејќи прска. Оставете млекото (со малку примешување) да зоврие и сипајте го гризот.
Мешајте непрестането. Варете околу 5-10 мин. гризот да се свари и набубри, згусти. Уште топол ставјте во навлажнети калапи за крем или чаши.
Од овој крем јас ставив во 6 пластични чаши по 170 мл. Чашите ставете ги во фрижидер да се стегнат. Околу 1час е доволно. Може да го отпревртите или да го јадете од чашата или модлата. Прелејте со мед или карамел, стопено чоколадо, посипете чоколадо на коцки или рендано.

Состојки
550гр. брашно
180гр. кафеав шеќер
300гр. путер
50мл. слатка павлака
50гр. кафеав шеќер
Во касерола ставете 1 лажица кафеав шеќер.
Ставете ја касеролата на тивок оган.
Откако шеќерот ќе се растопи ставете уште 1 лажица шеќер.
Оставете да се растопи без мешање.
Продолжете да го топите шеќерот на ист начин без мешање.
Откако ќе се растопи целиот шеќер(180гр), додајте ја зовриената слатка павлака.
Мешајте да се соедини павлаката.
Тргнете од оган и постепено со мешање додавајте го путерот.
Откако убаво ќе се соедини путерот оставете го карамелот да се олади.

Брашното измешајте го со 50 гр. кафеав шеќер.
Додајте го изладениот карамел и замесете тесто.

Расукајте го тестото во кора и оставете во фрижидер 1 час.
Изладеното тесто оставете го малку да отстои на собна температура.
Размесете го и повторно расукајте го во кора со дебелина од 5 мм.
Со калап вадете форми, редете ги во плех и печете на 180 степени, 15 минути.

По желба може пред печење да ги посипете со кафеав шеќер

Состојки
2 јајца
150 гр шеќер
1 ванила
150 мл масло
240 гр брашно
1/2 прашок за пециво
За филовање
200 гр готов карамел крем

Јајцата изматете ги со шеќерот и ванилата во убава пенеста смеса. Потоа додадете го маслото и на крај брашното и пецивото. Се заедно убаво измешајте.
На плех обложен со хартија со лажица ставајте од смесата и печете ги во загреана рерна на 180 С околу 10 мин.
По две колачиња лепете ги со карамел крем а згора по желба може да ставите карамел или чоколаден прелив.

Идеја за совршен десерт кој не се пече, едноставно се прави, а вкусот е феноменален…

Уживајте!

Топчиња кои освојуваат со вкусот, а се едноставни за подготовка…

Уживајте!

Состојки
Состојки за едно тесто, а се печат две вакви
5 јајца
5 лажици шеќер
3 лажици масло
1 пециво
3 лажици какао
1 лажица брашно
100 гр мелени бадеми
За фил 1
1 л млеко
5 лажици шеќер
3 пудинга од карамел
200 гр млечно чоколадо
250 гр путер
100 гр шеќер во прав
За фил 2
500 мл слатка павлака
1 лажица путер
200 гр шеќер

Подготовка
1. Ја вклучуваме рерната на 200 степени да се загрее.
2. Ги двоиме белките од жолчките. Белките ги матиме заедно со шеќерот. Откако ќе се направат цврсти и се дуплираат, со лесно матење ги додаваме една по една жолчките, па потоа маслото.
3. На крајот ги додаваме какаото, брашното, пецивото и мелените бадеми. Промешуваме со шпатула или со миксер на најспора брзина.
4. Смесата ја истураме во намрсено и набрашнето тавче бр. 26 печеме во загреана рерна на 200 степени. Пробуваме со чепкалка дали е печено.
5. Го вадиме тавчето ја ладиме кратко и ја превртуваме на тањир да се излади убаво.
Печеме две вакви теста кои откако ќе се изладат ги сечеме на половина по должина. Додека се пече првото го матиме второто тесто.

За првиот фил во 200 мл млеко ги раствораме пудинзите со шеќерот. Останатото млеко го ставаме на рингла да се загрее до вриење.
Ја истураме смесата со пудинзи во млекото и мешаме со рачна маталка додека да се свари смесата и згусне. Ја тргаме на страна и го ставаме чоколадото да се растопи, а затоа време постојано мешаме.
Го оставаме кремот да се излади.
Путерот кој ни бил на собна температура го матиме заедно со шеќерот во прав, пенасто да побели. Го ставаме во изладената смеса и го соединуваме со миксер. Првиот фил ни е подготвен.

За вториот фил го ставаме на рингла шеќерот да се растопи и карамелизира. Додека се стопи шеќерот не го мешаме.
Го тргаме на страна и го ставаме путерот кој ни бил на собна температура. Промешуваме додека да се растопи. На крајот ја додаваме загреаната слатка павлака (200 мл). Враќаме кратко на рингла промешуваме и го оставаме карамелот да се излади. Треба да ни е течен и кога ќе се излади. Слатката павлака 300 мл ја матиме да се згусне. Во неа го додаваме изладениот карамел и пак матиме до соединување. Вториот фил ни е подготвен.

Првот фил го делиме на 4 дела, а вториот фил на 3 дела. Редиме кора чоколаден фил, фил од слатка павлака и така редум... четвртиот дел од чоколадниот фил го оставаме за премачкување на целата торта.
Украсуваме по желба.

Состојки
пандишпан
3 опаковки прашок за чоколадно млеко
300 мл млеко
6 јајца
прстофат сол
150 гр. маргарин
150 гр. шеќер
20 гр. ванилин шеќер
170 гр. брашно
1 пециво
1 лажица какао
фил
2 опаковки крем пудинг од карамела
500 мл млеко
прелив
1 опаковка ресани
2 филџана млеко
1 лажица какао

 Варете го млекото со прашакот за чоколадно млеко, додека не се згусне.
* Изматете ги пенасто белките со прстофат сол.
* Изматете го маргаринот со шеќерот, постепено додавајќи ги жолчките. Додадете го чоколадното млеко, изматете. Додадете ги белките, измешајте со лажица. Потоа брашното заедно со пецивото и какаото. Промешајте со лажица.
* Ставете ја смесата во калап за торти, печете 50тина минути на 180 степени.
* Изматете го крем пудингот со млекото.
* Свртете го наопаку пандишпанот, исечето го на два дела. Ставете го првиот, па крем пудингот, па вториот дел. Намачкајте одозгора со мармалад. Ставете го во фрижидер.
* Ставете ги ресаните во сецко, а потоа растопете ги на оган со млекото и какаото.
* Прелијте ја тортата.

Забелешка - јас во моментот немав чоколадо за готвење, па затоа ги искористив ресаните. Снаџи се, па живи. Вие за да ја скратите постапката, можете само со чоколадо да ја прелиете. Или пак наместо во пандишпанот да ставите чоколадно млеко, ставете 200-250 гр. чоколадо. Меѓутоа чоколадното млеко му дава некоја многу убава мекост на пандишпанот. На здравје. =)

Состојки
За пандишпан
3 јајца
130 гр шеќер
70 гр брашно
2 лажици какао
1 лажичка прашок за пециво
30 гр путер
3 лажици рум помешан со вода за премачкување на печениот пандишпан
За чоколадниот мус
3 жолчки
60 гр шеќер
150 гр млеко
400 мл течна млечна павлака
350 гр млечно чоколадо
За карамел прелив
1 шоља шеќер
20 гр путер
150 мл течна павлака
100 гр јаткасто овошје
100 гр сушено овошје
За украсување
50 гр бадем листови
2-3 лажици какао
13 лешници
1 шоља шеќер
Од овошје користев суви кајсии, киви, брусница,смокви, суво грозје, ореви, лешници, фстаци...

1. Се двојат белките од жолчките. Со миксер се матат белките, со додавање на половина од шеќерот, лажица по лажица, додека да се направи цврст снег од нив. Жолчките густо се матат со другата половина од шеќер. Го просејуваме брашното, какаото и пецивото и постепено ги додаваме директно во жолчките, меѓутоа многу внимателно мешаме, а воедно наизменично ставаме и од белките. На тој начин смесата треба да ни остане воздушеста. Откако сите состојки внимателно ќе ги измешаме го додаваме растопениот путер и повторно промешуваме. Се пече во тавче бр. 26, на хартија за печење, во загреана рерна на 180 степени околу 20-25 минути. Ја оставаме да се лади.
2. Јаткастото овошје го сечкаме и го ставаме да се потпече во тавче на оган, со постојано мешање. Шеќерот го ставаме со путерот да се стопи, да се карамелизира, а тоа се некои 2-3 минути. Се трга од оган и му се додава малку од врелата млечна павлака (ако не е врела ќе се направат грутки и многу ќе прска). Се меша и се враќа на оган, па му се додава остатокот од павлаката. Кога карамел преливот ќе се згусне му се додаваат јаткастото и сечканото суво овошје.
3. Печената кора ја ставаме на соодветна чинија и ја преливаме со рум, растворен во малку вода, со помош на лажичка за да насекаде биде натопена. Ставаме обрач, а од внатрешна страна, помеѓу обрачот и кората јас ставив хартија за печење (најдобро е траки од ацетатна хартија, ама јас такво нешто немав, па се снајдов вака) за да може висината на тортата да биде колку јас сакам (односно колку што е широка тортата). Врз кората го истураме карамел преливот, убаво размачкуваме насекаде. Оставете да се стегне.
4. За мусот се матат во густ крем жолчките и шеќерот. Се додава свежото млеко и 100 мл од течната павлака. На слаб оган во сад што не лепи, се припрема крем од овие состојки. Се трга настрана кога ќе почне да се лепи за лажицата и да остава густи трагови. Кремот го истураме во стаклен сад и во него го ставаме чоколадото кое е искршено на коцки. Мешаме се додека да се стопи. Го оставаме добро да се излади. На крај ја матиме течната павлака и внимателно ја додаваме на чоколадниот крем. Го истураме чоколадниот мус врз тортата. Ја оставаме да се стегне, најмалку 5-6 часа, па затоа е најдобро да се прави навечер.
5. Тортата ја ослободуваме од обрачот, внимателно ја вадиме хартијата за печење. Ја облепуваме со бадем листови од страна. Ја посипуваме со какао со просејување.
6. За украсување, карамелизираме шеќер во еден сад. Боцкаме чепкалки во лешниците и ги потопуваме во карамелот. Ги подигнуваме за да направиме тенка нишка (која ја сечеме со ножици, ако многу се продолжи) и чепкалката ја боцкаме во јаболко кое ни е ставено во чаша.

Забелешка
Користев течна павлака за готвење, освен во делот кај се мати павлаката, таму додадов 150 мл од слатка павлака (немав веќе течна, т.е. за готвење.). Се надевам дека ако пробате и со слатка павлака да ја направите цела торта, ќе испадне убава. Ама оригиналниот рецепт е со течна млечна павлака за готвење.
Се трудев убаво да го објаснам правењето на оваа торта. Можеби ви изгледа комлицирана и дооолга постапката, ама навистина е едноставна, а крајниот резултат воодушевува. При припрема на украсните лешници ако почне да ви се стегнува карамелот вратете го на оган. Украсните лешници не трпат влага, па така е добро да ги ставите на суво место (не во фрижидер) и да ја украсите тортата непосредно пред послужување. Шољата е од 150 мл.

Состојки

    за пандишпан
    3 јајца
    3 лажици шеќер
    1 лажица брашно
    1 лажица мелени ореви
    1 лажица какао
    за фил
    1 пудинг од карамел
    200 гр карамел
    6-7 суви сливи
    100 гр чоколадо за готвење
    6-7 парчиња кршени ораси
    500 гр млеко

За пандишпан
Јајцата одделете ги белки од жолчки. Белките изматете ги со шеќер, жолчките изматете ги башка со шеќер и додадете ги во белките. Додадете брашно, какао, мелени ореви и пециво. Измешајте и  истурете во плех да се пече, 20ина минути на 200 степени.
За фил
Млекото ставете го да зоврие. Малку од млекото оставете на страна за да го разматите прашакот за пудинг. Растворениот пудинг ставете го во млекото, додадете шеќер, измешајте и сварете. Ставете да излади.
Во изладениот пудинг додадете карамел и убаво измешајте.
Сувите сливи обарете ги малку извадете ја семка (доколку ја има) и ставете внатре едно парче орев.
Чоколадото стопете го, сливите натопете ги во чоколадото и ставете ги малку во фриждер.
На пандишпанот истурете го филот од карамела.
Сувите сливи исечете ги на парчиња и додадете ги во филот.
Од горе колачот накапете го со топено чоколадо.
Колачот е лесен за подготовка со киселкав вкус од сливи

Dave’s Kitchen: Карамел чоколадна торта

• 250 гр. бисквити
• Млеко за потопување
• 1 пудинг од чоколадо
• 500 мл. млеко
• 200 гр. шеќер
• 2 пакетчиња ванилин шеќер
• 150 гр. омекнат путер
• Карамел за декорација

За чоколадната глазура:

• 100 гр. чоколадо за готвење
• 3 лажици млеко

(Овие две состојки се топат на пареа) 

Начин на подготовка: 

Најпрво во тенџере на оган загрејте го шеќерот, се до оној момент кога ќе започне да се топи и да се прави карамел. Со дрвена лажица убаво промешајте за да бидете сигурни дека целиот шеќер е растопен. Додадете половина од млекото, а во другата половина разредете го прашокот за пудинг. Растворениот пудинг додадете го во смесата заедно со пакетчињата ванилин шеќер. Мешајте со жица за матење додека целата смеса не се згусне. Тргнете од оган и покријте го сварениот пудинг со хартија за свежа храна и оставете го комплетно да се излади. Во меѓувреме изматете го путерот со миксер додека не стане пенест. Во путерот додадете го и пудингот од чоколадо, но комплетно изладен. Добро промешајте ја целата смеса додека не добиете густ и мек фил. Во правоаголно тавче наредете еден ред од бисквитите потопени во млеко. Нанесете од филот , па повторно ред бисквити и се така додека не го потрошите филот и бисквитите. На крајот полејте ја тортата со чоколадна глазура и декорирајте со карамел. 

Добар апетит и забавно готвење!

НЕОДОЛИВО ВКУСНА: НАПРАВЕТЕ ПОСНА КАРАМЕЛ ТОРТА СО БАНАНА! (РЕЦЕПТ)

https://www.facebook.com/StranicaNaSrekjata/" rel="nofollow">

https://www.facebook.com/StranicaNaSrekjata/" rel="nofollow -

https://www.facebook.com/StranicaNaSrekjata/" rel="nofollow - https://www.facebook.com/StranicaNaSrekjata/" rel="nofollow - Пудингот сварете го во сокот, по желба може и да го засладите да се олади со повремено мешање. Маргаринот изматете го со шеќерот во прав. Кога ќе се олади пудингот соединете го со маргаринот. Додавајте маргарин лажичка по лажичка и матете со миксерот. Кексот потопете го во жешкиот сок и редете го на послужавник. Одозгора ставете малку фил и израмнете, потоа сечени банани, па повторно фил… банани, фил, кекс.

https://moirecepti.mk/post/%D0%BA%D0%B0%D1%80%D0%B0%D0%BC%D0%B5%D0%BB-%D1%82%D0%BE%D1%80%D1%82%D0%B0-%D1%81%D0%BE-%D0%B1%D0%B0%D0%B4%D0%B5%D0%BC%D0%B8" rel="nofollow - - Карамел торта со бадеми

Состојки
5 јајца
15 лажици шеќер
15 лажици врела вода
12 лажици полни брашно
100 гр мелени бадеми
1/2 пециво
За фил
500 мл млеко
2 пудинга со вкус на карамел
250 гр путер
250 гр шеќер во прав
2 жолчки
2 белки со 3 лажици шеќер

Кремаста бадем торта со вкус на карамел, едноставна , а сепак содржителна и вкусна.

Подготовка на пандишпан
1. Ги матиме јајцата заедно со шеќерот да добијат светло жолта боја и да зголемат волумен.
2. Го додаваме брашното, пецивото и мелените бадеми ама матиме на 1-2 брзина на миксер(од 5). На крајот ја додаваме врелата вода и соединуваме.
3. Во намрсено и набрашнето тавче бр. 26 ја истураме смесата и печеме во загреана рерна на 200 степени. Пробуваме со чепкалка ако е сува печено е.
4. Откако ќе излади ја сечеме на два дела.

Подготовка на фил
1. Половина од млекото го ставаме да почне да врие, а во половината го раствораме прашокот за пудинг.
2. Кога ќе почне да врие млекото ја истураме смесата со прашокот и интензивно мешаме додека да згусне. Го тргаме на страна да се лади.
3. Путерот заедно со шеќерот во прав пенасто го матиме. Ги додаваме жолчките една по една.
4. Во друг сад ги матиме белките заедно со шеќерот да ни станат цврсти.
5. Кон путер смесата го додаваме карамел пудингот, соединуваме, па потоа ги додаваме и белките.
6. Филот го ставаме во фрижидер малку да стегне, па ја филуваме тортата.

Забелешка
Доколку не сакате да ставате живи жолчки во филот можете да ги соедините со прашокот за пудинг и да ги сварите.

Речиси многу малку луѓе може веднаш да погодат од што е приготвен овој чудесен десерт. Со само 2 состојки, резултатот навистина е неверојатен. Вкусната торта со карамела никого не остава рамнодушен!

https://www.nane.mk/wprm_print/recipe/62396" rel="nofollow - Торта со карамела од 2 состојки

Речиси многу малку луѓе може веднаш да погодат од што е приготвен овој чудесен десерт. Со само 2 состојки, резултатот навистина е неверојатен. Вкусната торта со карамела никого не остава рамнодушен!

Вкупно време45 мин

Оброк: Десерт

Кујна: Француска

Клучни зборови: торта со карамела, карамела

Порции: 4

Состојки

• 8 белки
• 300 гр шеќер за карамелот (+ 60 гр за белките)

Начин на подготовка

• Најпрво пригответе ја карамелата, што е многу едноставно. Поставете тава на умерен оган и започнете да го загревате шеќерот. По неколку минути, шеќерот ќе започне да ја променува бојата.
• Мешајте со шпатула, за да топлината се распространи подеднакво на целата површина. Продолжете да го загревате шеќерот на слаб оган, додека да се претвори во светла карамела и се раствори.
• Вака треба да изгледа крајниот резултат: Шеќерот претворен во течна карамела.
  
• Готовата карамела веднаш исипете ја во соодветен сад и по ѕидовите, за да потоа ги покрие рабовите на тортата.
• Во исто време изматете ги белките со 60 гр шеќер, а потоа внимателно поставете ги белките врз смесата од карамела и порамнете со шпатула.
  
• Садот со тортата поставете го во поголема тава, а во тавата налејте малку вода, за да се добие ефект на водена пареа. Поставете ја тортата да се пече 35 минути во претходно загреана рерна на 160°C.
• По 35 минути, белките ќе се зголемат и ќе потемнат. Извадете го садот и веднаш покријте го со хартија, а потоа оставете да се излади. Штом ќе се излади, при сервирањето, едноставно свртете го десертот, за да карамелот биде одозгора.
  

Погледнете како да го направите овој вкусен колач од карамела што ќе ве натера постојано да барате уште едно парче.

Потребни состојки:

1. За првата смеса

• 3 лажици шеќер
• 3 капки сок од лимон
• 2 јајца
• 60 грама шеќер
• 250 милилитри млеко

2. За втората смеса

• 2 јајца
• 100 грама шеќер
• 50 грама брашно
• малку прашок за печиво

Начин на подготовка:

1. Во тенџере на тивок оган стопете 3 лажици шеќер и истурете ја добиената карамела во помал сад за печење. Изматете 2 јајца со 250 милилитри млеко и прелијте ја карамелата.

2. Изматете 2 јајца со 100 грама шеќер и додајте брашно и малку прашок за печиво.

3. Добиената смеса, а потоа и млекото еднакво истурете ги во садот за печење.

4. Садот за печење ставете го во друг малку поголем сад и наполнете го со топла вода до половина центиметар.

5. Печете го колачот на 200 °C околу 50 минути и пред крајот покријте го со фолија.

6. Откако колачот ќе се излади, превртете го на чинија.