Состојки
200гр. марципан-купечки
100гр. шеќер во прав
200гр. печени бадеми
200гр. црно чоколадо
Користени Делимано производи

Марципанот убаво се меси со шеќерот во прав се додека не се добие убава смеса.
Земаме од смесата по малку колку да формираме бомбица и убаво ја притискаме на средина за да добиеме вдлабнатина.
Така правиме со цела смеса и потоа ги чоколадираме и на крај во секоја длабнатина ставаме по еден бланширан бадем

Состојки
250 гр шеќер
10 лажици вода
200 гр маргарин
150 гр мелени ореви
150 гр мелени бисквити
200 гр чоколадо
1 лист обланда

Ставете го шеќерот и водата да зоврие, па во течноста додајте ги оревите, бисквитите и маргаринот и убаво измешајте.
Поделете ја смесата на три дела и во едниот ставете 50 гр. чоколадо.
Листот обланда поделете го на 4 дела.
На првиот дел ставете од белиот фил, па пак лист, црн фил, лист, бел фил и на крајот ставете го четвртиот дел. Притиснете убаво да се спојат листовите со филот и ставете нешто тешко одозгора, сето убаво да се спои.
Одозгора прелијте ја обландата со преостанатото чоколадо.

Состојки
1 лист обланда
200 гр марципан
100 мл слатка павлака
100 гр чоколадо
1 лажица мед
1 преполна лажица нутела

Во тенџерче на рингла се стваат слатката павлака и чоколадото искршено на коцки. Се загрева со мешање до точка на вирење, односно додека чоколадото потполно не се истопи.
Се трга на страна и се остава добро да се излади.
Потоа се додава лажица мед и се миксира, па на крај се вмешува лажицата нутела.
Марципанот со помош на оклагија се развлекува во кора со големина колку листот обланда.
За полесно справување, најдобро е да го ставите врз пек-хартија, а одозгора целофан и врз него постепено да тенчите.

Обландата омекнете ја меѓу две влажни крпи.
Премачкајте ја со чоколадниот крем, а потоа врз него ставете го истенчениот марципан.
Внимателно завиткајте ролат кој малку ќе го заролате врз работната маса за да добие што покружен изглед.

Откако ќе се излади се сечи на тенки парчиња.
Ролатот можи да се мрзни.

Состојки
50гр исчистени фстаци
50гр сува брусница
120-140гр марципан
за обложување
100гр црно чоколадо
1лажица масло
за декорација
30гр бело чоколадо

Прво фстаците и сувата брусница ги сецкаме на мали парчиња.
Потоа ги соединуваме со марципанот, ја месиме смесата со рака.
Од добиената смеса формираме ваљак.
Го делиме одприлика на 16-18 парчиња.
Формираме бомбици.
Над пареа ги соединуваме црното чоколадо и маслото.
Секоја бомбица ја потопуваме во глазурата.
Од кога ќе се стегни секоја бомбица ја декорираме со растопено бело чоколадо.
Сервираме во хартиени корпи и послужуваме.

Состојки
100 гр брашно
100 гр бадеми
1/2 лажиче пециво
50 гр шеќер
1 ванила
80 гр маргарин (или путер за мрсна верзија)
2 лажици студена вода
200 гр марципан
2-3 лажици мармалад од кајсии
100 гр чоколадо
Користени Делимано п

Бадемите малку потпечете ги. Сомелете ги (јас лично кратко ги блендирам) со тоа што ќе оставите и покрупни парченца.
Во сад ставете го брашното, бадемите, ванилата, шеќерот и пецивото и промешајте.
Додајте го маргаринот и водата и кратко измесете ја смесата, колку да се поврзи.
Ставете ја смесата во фрижидер на половина час, па извадете ја и исучете ја, отприлика со дебелина од 5 мм.
Исечете форми по желба. Наредете ги на плехот покриен со хартија и печете ги во загреана рерна на 180 степени кратко време, можеби десетина минути.
Подгответе го марципанот. Ако имате домашен уште поубаво, јас овој пат немав па користев купечки. Од исучениот марципан исечете исти форми како што се колачињата.
Колачињата откако убаво ќе се изладат, најпрво со четче премачкајте ги со мармаладот од кајсија (или друг по ваша желба) па одозгора ставете по едно парче од марципанот. Притиснете малку да се спои.
На крајот премачкајте ги убаво со чоколадо и декорирајте по желба.

Состојки
250 гр марципан
200 гр бадеми
200 гр бисквити
100 гр чоколадо за готвење
70 гр путер
120 гр шеќер
150 мл вода

Ова е една неодолива комбинација на чоколадна бисквитна бадем смеса со марципан. Ова е вистински погодок за сите љубители на ситни колачиња со бадем и марципан.
Овие прекрасни бомбици исто така се подготвени за Католички Божиќ и се вистинско уживање за сите сетила.

1. Водата, шеќерот и путерот ставете ги на оган да се растопат и спојат и тргнете ја смесата од оган.
2. Додадете го чоколадото да се растопи.
3. Ставете ги мелените бискивити и бадеми и убаво измешајте, за да се спои смесата.
4. Обликувајте мали топчиња марципан. Ако сакате домашно да го подготвите марципанот, веќе имам објавено рецепт 
5. Отприлика земете иста количина и од бисквитната смеса и околу топчето марципан, замотајте со неа и убаво обликувајте во бомбица.
6. Околу 100 гр бадеми исецкајте ги на ситни делови и бомбиците валкајте ги во бадеми.
Можете да ги направите чоколадни, со мелени бадеми или пак по ваш избор декорација.

Состојки
125 гр брашно
125гр шеќер во прав
250 гр маргарин
250 гр чоколадо за готвење
5 јајца
2 рамни лажички пециво
2 ванилин шеќер
1/2 лажичка екстракт од бадем
50 гр марципан

Чоколадо и марципан - многу јака комбинација. Епа правејќи лава колач, дојдов до идеја да ставам мали топчиња марципан и да добијам прекрасна комбинација.
Вкусот е прекрасен, Моцарт кугли во домашна варијанта, претворени во колач.

Начин на подготовка

Се топи чоколадото и маргаринот на пареа, се додава шеќерот во прав, ванилин шеќер и се меша додека да се соединат. Се додава брашното и на кратко се меша на пареа. На крај пецивото. Смесата се лади. Потоа се додаваат јајцата едно по едно и се мати со миксер. На крај додава екстрактот од бадем.
Марципанот  се размесува и се формираат мали топчиња.
Во калапи за мафини, се става една лажичка смеса, во средина се става марципанот и потоа уште една лажичка смеса.
Јас ги правев во силиконски калапи и ги наредив во правоаголно тавче. Ги печев на 250 степени, 10 мин.
Се ладат колачите и се превртуваат во чинија.
Јас ги искомбинирав со топка ментол сладолед. прекрасен спој на вкусови. Горчливиот и специфичен вкус на бадем и марципан, заедно со освежителниот ментол, дадоа супер ефект на прекрасен лава колач.

Состојки
5 јајца
7 мали филџани ( за кафе-100 мл) шеќер
3,5 мали филџани масло
4 мали филџани млеко
5 мали филџани мелени ореви
7 мали филџани брашно
1 пециво
125 гр млеко
фил за премачкување на испеченото тесто
125 гр маргарин
150 гр шеќер
150 гр мелен орев
150 гр црно чоколадо

Прво во вангличка се ставаат јајцата со шеќерот и се матат малку подолго, околу 10 минути, односно се додека не се растопи шеќерот.
Потоа постепено се додаваат течните, па сувите состојки.
За филот во тенџере на оган се ставаат млекото, шеќерот, маргаринот да провријаат 1-2 минути. Потоа се додаваат чоколадото да се растопи и оревите. Убаво се соединува.
Лесно се промешува со лажица и смесата се истура во калап, обложен со хартија и се печи. Се лади.

Напомена – се користи еден ист мал филџан за сите продукти
Овој фил се нанесува врз испечениот колач. Се сечи на коцки.

Состојки
200гр готов марципан
14-15 кандирани цреши
150гр црно чоколадо
3 лажици масло
ливчиња бадем по потреба

Сликата сама зборува колку се елегантни овие колачи.
Марципанот го делиме на 14-15 топчиња.
Секое топче го истанчуваме на дланката.
Во средината ставаме по една кандирана цреша и формираме бомбица.
Ги редиме на чинија.
Сега над пареа ги растопуваме маслото и чоколадото.
Секоја бомбица ја потопуваме во чоколадото и ја обложуваме со ливчиња бланширан бадем.
Редиме на хартија да се просушат па ги сервираме во хартиени корпиња.
Уживајте во прекрасниот вкус.

Состојки
500гр. смеса од марципан
100гр. шеќер во прав
2 лажици какао
100гр. чоколадо за готвење
100гр. сецкани бадеми
за глазура
100гр. чоколадо за готвење
100гр. сецкани бадеми

За сите љубители на марципанот мислам дека овај рецепт ќе им се допадни.

Марципанот најпрво убаво измесете го заедно со шеќерот и постепено додавајте го чоколадото (50гр.) кое претходно сте го растопиле заедно со какаото. Сите состојки убаво измесете ги за да добиете изедначена смеса. Кога ќе се измесат со помош на сукало исучете две помали кори и секоја кора премачкајте ја со останатото 50 гр.топено чоколадо и над чоколадото ставете ги сецканите бадеми. Свиткајте ги корите во ролат и премачкајте ги со 100гр. топено чоколадо и наросете сецкани бадеми.

Состојки
15 лажици вода
12 лажици шеќер
125 гр маргарин
250 гр мелени бадеми
150 гр мелени бисквити
100 гр црно чоколадо (70% какао)
150гр чоколадни трошки
20 -25 зрна лешник
150 гр марципан смеса за колачи

Декоративни и вкусни колачи, кои се убави и за празнична трпеза

Во касерола на оган се ставаат шеќерот, водата, чоколадото и маргаринот да се соединат и да провријаат на тивко 4-5 минути.
Се трга од оган, па се додаваат бадемите и бисквитите.
Се остава смесата малку да се излади.
За тоа време марципанот се сечи на мали коцки, од прилика 1*1 цм, и во средината на секое парченце, се става еден лешник и се прави мала бомбица.
Сега таа мала бомбица се облепува со млаката смеса.
Се формира голема бомбица и се валкаат во чоколадни трошки.
Се оставаат на ладно најмалку 2-3 часа, за да се стегнат, а потоа се сечат на половина.
Се сервираат со останатите празнични колачи.

Состојки
Бисквит
400 гр мелени бисквити
50 гр сецкани потпечени бадеми
2 лажици какао
50 гр путер
3 лажици крем
Чоколаден ганаж
500 мл слатка павлака
500 гр темно чоколадо 70% какао
Желе од вишни
800 гр вишни
100 гр шеќер
30 гр желатин
1/2 лажичка екстракт од бадем
Марципан
300 гр смеса домашен марципан
Декорација
100 гр темно чоколадо за декорација
50 гр бело чоколадо за декорација
50 мл чоколаден ганаж
Бисквит
- Состојките се мешаат и се месат. Ако не се врзуваат, се додава малце млеко, по потреба, зависно од бисквитот кој се користи.

Чоколаден ганаш
-Се затоплува слатката павлака, но не да врие и се додава чоколадото. Се заедно се меша и се остава да се олади малце. Додека сеуште е течно, се двојат 50 мл за глазура и потоа се дели на 3 еднакви дела.

Желе 
-Вишните се блендираат и се ставаат на оган. Се додава шеќерот и се меша за да згусне смесата и изврие течноста. Врие околу 5-7 мин.
- Желатинот се подготвува по упатството и се додава во вишните.
- На крај се додава екстракт од бадем.

Марципан
- во предходната рецепта имам објаснето како се подготвува смеса за домашен марципан.
*во продавници се продава готова смеса, но тоа е само арома на бадем, нема бадем во неа.
 

Во калап за торта бр.28, со обрач кој се одстранува, се става одоздола хартија за печење, а страничниот дел се обложува со фолија.
- Половина од бисквит смесата се расукува и се става на долниот кружен слој. Потоа се сукаат тенки ленти и се ставаат од страниците на обрачот. Се спојуваат краевите и страниците убаво се притискаат за калапот. Се остава да се олади околу 15 мин во замрзнувач.
- Се прелева со слој од чоколаден ганаж, околу 300 мл. Се лади 20 мин.
- Кога ќе се стегне слојот од ганаж, се прелева слојот од желе од вишни. Желето треба да е млако накај ладно, да биде течно и лесно да може да се распореди низ чоколадниот ганаж. Се лади во замрзнувач околу 20-30 мин, додека да се здрви целосно.
- Врз желето, повторно чоколаден ганаж 300 мл. Се лади околу 15 мин.
- Во меѓувреме се расукува кора од марципан. За полесно расукување, се наросува со шеќер во прав и се сука во фолија или кеса. Кората треба да е со големина колку калапот. Слојот не мора да биде многу дебел, за да не доминира марципанот, него да даде шмек на тортата.
- Врз марципан, повторно ганаж.
- За декорација може да се одвои 50 мл ганаж и да се добие мирор (огледало) глазура или да се применат други идеи.
- Додека не е многу оладена тортата, слојот од бисквит кој е вишок над глазурата, пополека се превиткува врз неа и се добива еден внатрешен обрач.
Јас тој дел го прошарав дополнително со темно и бело чоколадо.

Примери за декорација
*На хартија за печење, предходно изгужвана и потоа исправена, се распределува тенок слој на стопено темно чоколадо. Се прошарува со тенки линии од бело чоколадо. Се лади во замрзнувач 15 мин и се крши на помали и поголеми парчиња, кои се редат врз тортата по избор.
*На хартија, се прави округлеста форма од чоколадо, во дезен по избор и се витка полукруг и се става на полокружна подлога. Се мрзне 15 мин и е спремно за декорирање.

Состојки
5 јајца
10 лажици шеќер
1пак. ванилин шеќер
75 мл вода
150 мл млеко

75 гр маргарин или путер
150 гр марципан
9 лажици брашно
1 пак. прашок за печење
додаток по желба чоколадни трошки
прелив чоколадна глазура и ситно сечкани потпечени лешници

На ниска температура се топи маргаринот/путерот, марципанот исечкан и млекото. Се меша додена марципанот потполно не се растопи и се претвори се во глатка смеса. Се трга на страна да лади со повремено промешување.

Јајцата убаво се матат со шеќерот, па потоа постепено се додаваат останатите состојки. На крај се додава смесата со марципан.

Смесата е издашна и ќе ви треба тава за печење 25х35. Јас ја поделив во силиконски калапчиња и во помала тава, така што добив 2 на изглед различни работи.
Се печи на 180С околу 20-25 минути.

Печениот кекс се прелива со чоколадна глазура, готова или пак со стопено чоколадо на кое по желба можи да му додадете и малку слатка павлака. Одозгора се посипува со сечкани потпечени лешници.

Јас користев кувертура со која ги обложив предходно калапите, па потоа откако ја извадов, печев во нив од тестото. Печеното тесто од калапите го премачкав со чоколаден ројал ајсинг на Бети Крокер, па одозгора им ја ставив веќе здрвената кувертура. Ајсингот овде одлично се вклопи и допринесе за уште поубав вкус.

Остатокот од тестото го допеков во помало тавче 20х30 и го прекрив со остатокот на кувертурата. Одозгора ставив бадемови листови.

Чоколадните трошки не постојат по рецептот, но јас по желба ги вметнав овде, бидејќи сметам дека одлично би се прилагодиле на составот.

Состојки
За тесто
250 гр омекнат путер
200 гр шеќер
1 пакетче ванилин шеќер
прстофат сол
6 поголеми јајца
350 гр брашно
1 пакетче прашок за печење
кора од 1 лимон
200 гр марципан
За надтесто
2 поголеми јаболка
1/2 сок од 1 лимон
1 лажиче цимет
100 гр бадемови ливчиња
Прелив за јаболката
2 лажици сок од лимон
4 лажици шеќер во прав
малку цимет

Најпрво исчистете ги јаболката и исечкајте ги на мали коцкички. Прелијте ги со сокот од лимон и вмешајте го циметот.

Во сад за матење ставете го путерот и шеќерите и матете додека се растопи, па постепено додавајте ги јајцата едно по едно при што секое ќе го матите по 2 минути.
Измешајте ги сувите состојки заедно со ренданата кора од лимон и додадете ги во садот кратко матејќи. Доколку користите помали јајца и ви се види многу густо тестото, слободно додадете некоја лажица млеко.
На крај со лажица додадете го марципанот исечкан на ситни коцкички.

Тестото ставете го во намастен или обложен со пек-хартија плех од рерната. Не мора многу да го мазните одозгора, можи да има нерамнини, при што со додавањето на предходно спремените јаболка ќе си фати се убаво лежиште. Откако сте ги распоредиле јаболката, најгоре посипете го колачот со листовите бадем.

Печете 25 минути на 180С.
Измешајте ги состојките за прелив и одозгора попрскајте го топлиот колач.
Оставете кратко да подолади и веднаш уживајте. Мирисот на овој колач кога е печен нема воопшто да ве остави рамнодушни.

Сé повеќе ми се допаѓаат овие колачи/лепчиња наречени скоунс. многу лесно се прилагодуваат со разни додатоци, па секогаш можете да добиете нешто различно.

Ние ги пробавме  http://www.sitnoseckano.com/lavender-walnut-scones/" rel="nofollow - со лаванда  и http://www.sitnoseckano.com/raisin-chocolate-scones/" rel="nofollow -  суво грозје , а овде ги гледате наполнети со коцки марципан, парченца чоколадо, и (како тоа да не е доволно) џем од сливи во средината.

рецептот е од  http://mynameisyeh.com/mynameisyeh/2014/5/marzipan-dark-chocolate-and-raspberry-scones" rel="nofollow - овде .

http://www.sitnoseckano.com/wp-content/uploads/2014/09/scones-so-marcipan-2.jpg" rel="nofollow">

120 g марципан
шеќер во прав (за ножот)
100 g темно чоколадо, на коцкички
1 шоља брашно (мешавина од сенаменско и интегрално р’жано)
1 лажица шеќер
1 кесичка ванилин шеќер

1 лажиче прашок за пециво
85 g путер, ладен, на коцки
1/4 шоља јогурт
1 јајце
џем од сливи

http://www.sitnoseckano.com/wp-content/uploads/2014/09/scones-so-marcipan-5.jpg" rel="nofollow">

Исецкајте го марципанот на коцки. одвреме-навреме извалкајте го ножот во шеќер во прав за да не се лепи.

во сецко (или рачно) измешајте ги брашното, шеќерот, ванилиниот шеќер и прашокот за пециво со коцките путер, додека не добиете зрнеста мешавина. изматете го јогуртот со јајцето, па додајте го брашното со путер, марципанот и чоколадото и помешајте сé заедно со дрвена лажица.

префрлете го тестото во тавче, врз хартија за печење, оформете го во форма на диск и исечете го на 4 дела. направете вдлабнатина во средината на секој дел и ставете по неколку лажички џем.

печете ги колачите во рерна загреана на 200°C околу 20 – 25 минути. најубави се ако се јадат веднаш, ама и оладени не се воопшто лоши.

http://www.sitnoseckano.com/wp-content/uploads/2014/09/scones-so-marcipan-7.jpg" rel="nofollow">