Состојки
4 јајца
1 кесичка ванила
1 кесичка рум шеќер
1 и 1/2 шоља шеќер
1 шоља масло
1 шоља топло млеко
2 и 1/2 шољи просеано брашно
3 лажици кокос
1 пециво
1 лажиче просеано какао-за декорација
Шољата е од 225мл.

Едноставен, лесен, брз кекс.

Јајцата се матат додавајќи им ги ванилата, рум и обичниот шеќер.
Кога сме добиле густа маса и промена на боја, го додаваме малку по малку маслото, па млекото и на крај брашното помешано со кокосот и пецивото, матејќи со послаба брзина, со цел да не спласни смесата.
Во мал дел се додава какаото, се соединува и се прават шари.
Се пече во загреана рерна 35 мин. на 180 степени.
Ладно се сече. Со шоља млеко, одлично.

На здравје!

Состојки
Тесто
4 јајца
4 филџани шеќер
2 филџани масло
6 лажици млеко
1 пециво
6 филџани брашно
филџан (150мл)
Глазура
500 мл млеко
300гр шеќер
7 лажици какао
200 гр маргарин
100 гр кокос

Се прави пандиспањата. Се матат јајцата со шеќерот се додава маслото млекото и брашното измешано со пецивото. Се печи во долго длабоко плехче 20х30см на 180С/25мин. Се лади и се сечи на коцки.

Глазура
-Во млекото се меша шеќерот додека да се стопи. Се додава какаото и маргаринот и заедно се меша да се добие еднолична течна смеса.
Се земаа коцките и се макнуваат во чоколадната смеса и се увалкуваат во кокос.
Е овие кокоски ги направивме заедно со Еми.

Состојки
250гр. маргарин
250гр. путер
300гр. кафеав шеќер
4 цели јајца
2 лажици рум
2 лажици чоколадо во прав
500гр. брашно
за преливање..
400гр. шеќер во прав
2 лажици чоколадо во прав
80гр. маргарин
6-7 лажици млеко
50гр. кокос

Ќе започнам така што веднаш ќе кажам дека рецептот е од наша гостинка од Германија, изворно воопшто не знам од каде потекнува, но најбитно е дека со оглед на тоа што не сум голем љубител на слатко-благо ми се допадна,па по тој повод го поставувам тука,со надеж дека некој ќе го испроба.

Најпрво се бијат маргаринот и путерот во сад, настрана се бијат јајцата и од таа смеса постепено се додава во претходно биениот крем од маргарин и путер, следува шеќерот, останатите продукти,за на сам крај да се додава брашното,истовреме биејќи со миксерот. Доколку ви се гледа ,,тврда смеса,,  ќе ја префрлите смесата во садот за месење леб...доколку немате таков, тогаш поупорно со миксерот, подоцна самиот колач е доста мек зашто има и доста маргарин и путер, кои допринесуваат за тоа. Смесата се излева во стандарден плех над хартија и се печи на 180 околу 20 минути.

Додека се печи се припрема смесата за најгоре. 400гр. шеќер во прав се меша со чоколадото во прав и маргаринот кој треба да е на собна температура за убаво да се избијат со миксер, додавајќи млеко постепено во него. Над жежок кекс се става оваа смеса и веднаш се посипува со кокос. Кога се излади убаво дегустацијата може да почне.

Состојки
за тесто
4 јајца
12 лажици шеќер
100мл млеко
100мл масло
12 лажици брашно
1 пециво
1 ванила
2 лажици какао
за крем
500мл млеко
3 лажици брашно
12 лажици шеќер
1 ванила
100гр кокос

Ова е рецепт за еден обичен, брз но доста вкусен десерт. Се матат јајцата со шеќерот и ванилата. Откако убаво ќе се изматат се додава млекото, маслото, брашното и пецивото. Се меша со лажица. Се дели на два дела и во едниот дел се додава 2 лажици какао.
Во правоаголно намрсено тавче се става кафеавиот дел да се печи во загреана рерна на 200степени точно 10мин.

Во меѓувреме се спрема кремот. Во ладно млеко се става ванилата. Шеќерот и брашното и со маталка се мати убаво да нема грутчиња. Се вари додека не се згустне, се трга настрана и се додава 100гр кокос. Над испечениот прв дел се додава кремот, па останатиот дел од тестото и се враќа во рерна на иста температура уште 20мин.

Состојки
Пандишпан
6 белки
12 лаж шеќер
3 лаж. брашно
150 гр. кокос
Прв фил
500 мл. вода
5 лаж. шеќер
5 лаж. густин
125 гр. маргарин
6 жолчки
Втор фил
500 мл. цеден сок од портокали
5 лаж. шеќер
6 лаж. густин
125 гр. маргарин
За декор
50 гр. кокос
За пандишпанот
Се матат белките во цврст снег. Во нив се додава шеќерот и се мати додека да се стопи. Се додава брашното и кокосот и убаво се промешува со лажица додека се убаво да се соедини.
Се пече во правоаголно тавче бр. 40 на 180 степени додека да зарумени.
Одкако малку ќе се олади се вади од тавчето и му се остранува хартијата и повторно се става во него.

Првиот фил
Се става водата на оган, а претходно се вади малку од неа за да се разреди смесата со жолчките и густинот. Во водата се додава шеќерот. Посебно се мешаат жолчките и густинот со водата и тие се додаваат во зовриената вода, се меша додека убаво да се згусне. Се додава во филот и маргаринот и убаво се промешува додека да се стопи.

Вториот фил
Сокот од портокал се добива од 5 големи портокали. Се става сокот од портокал во сад на оган со шеќерот. Одделно се меша густинот со малку сок од портокал, а доколку не ви излезе 500 мл сок може густинот да се разреди со малку вода. Густинот се става во зовриениот сок и се меша до згуснување. Се трга од оган и се додава маргаринот, се меша додека да се растопи.

Врз пандишпанот се става првиот фил и убаво се измазнува, па врз него се става и вториот фил, и убаво се израмнува.
Одозгора се поросува со кокос.

Состојки
потребно за кора
1,5 чаша (250 гр) кокос
1 чаша шекер
1 чаша млеко
1 чаша брашно
0,5 чаша масло
1 јајце
1 пециво
потребно за крем
600мл млеко
7 лаж шекер
7 лаж брашно
200 гр маргарин
100 гр прах шекер
7лаж кокос

1. Се мати јајцето со шеќерот, потоа се додава маслото и млекото се промешува, па се додава брашното, кокосот и пециво. Се става во подмачкано плекче со масло и брашно и се пече на 185 степени околу 30 мин.

2. Половина и повеќе од млекото се става да се загрее со шеќерот. Во остатокот се раствара брашното, кое се додава во врелото млеко и се вари густ крем.

3.Кога кремот ке олади се спојува со претходно изматен маргарин со прах шекер и се додава кокосот.

4. Кремот се сипува одозгора на испечената и оладена кора се израмнува и се посолува со кокос, се става малку во ладилник и се сече на коцки.

Малку сол

3 лажици  https://nmd.mk/article.aspx?cid=2133&scID=&l=63" rel="nofollow - мед  или стевија

600 мл кокосово  https://nmd.com.mk/article.aspx?page=1&cid=2469&scID=&l=63" rel="nofollow - брашно  (или рендан кокос)

Кокосово масло за тепсијата

Постапка:

1.Вклучете ја рерната на 130-140 степени.

2.Цврсто изматете ги белките со прстофат сол.

3.Постепено додавајте го медот/стевијата и понатаму мешајќи.

4.На крајот, нежно со лажица измешајте ги белките со кокосот.

5.Со лажица вадете целуфки и ставајте ги на претходно добро намастен плех.

6.Печете околу 50-60 минути додека да добијат убава боја.

Состојки
3 чаши (од 330 мл) брашно
1 пециво
1 чаша (330 мл) масло
пола чаша (165 мл) млака вода
Шербет
1 чаша (330 мл) вода
1 чаша (330 мл) шеќер
И уште...
200 гр кокос
по потреба мармалад за полнење

Сето се меси убаво, се прават мали топчиња. Секое топче се плеска во рацете и се става по 1 лајче мармалад. Се затвораат убаво за да не истече мармаладот во печењето.
Се печат во загреана релна на 150 степени.
Кога се готови, се прави шербтот.
Водата се вари со шеќерот околу 10ина мин. Колачињата се потопуваат во шербетот, па се прпелкаат во кокос.

Состојки
за кокос фил..
400гр. кокосово млеко(дома приготвено-види долу)
600гр. кравјо млеко
180гр. шеќер
7-8 лажици гриз
200гр. кокос
50гр. бело чоколадо
1 кесичка ванила шеќер
за тесто..
3 јајца
150гр. шеќер
300гр. млеко
150гр. масло
250гр. брашно
1 лајче чоколадо во прав, цимет пола лајче
1 кесичка печиво
глазура
100гр. чоколадо
1 лајца маргарин
6-7 лајци млеко
2 лајци шеќер
1 лајца какао

За кокос млекото најпрво во домашна верзија
500гр.вода + 100гр кокос водата и кокосот се варат 7-8 минути, се лади смесата, се префрлува во блендер, осема фина конзистенција да има, се блендира,  после се префрла во шерпа,  па низ газа се цеди убаво. Добиваме 400-450 гр.миризливо кокосово млеко, кое го користиме понатаму.

За подготовката на филот.
Добиеното кокосово млеко се става во подлабок сад, се дотура уште 600гр. млеко, се ставаат шеќерот и гризот, да се свари крем. Кога се тргне настрана се додава кокосот и чоколадото, нека се топи мешајќи.

За тестото
Се бијат белките со шеќер, кога ќе се добие густа бела смеса, се додаваат жолчките и сите продукти еден по еден. Добиваме темна смеса, која половина се истура во подмачкана 40 бр.правоаголна тава, ставаме да се печи на 180. Малку нека потпечи (јас некои 13 мин.го оставам) се вади од рерна и над него се става филот цел, па се тура најгоре втората половина од предвидената смеса за тесто. Се враќа во рерна да се допечи околу 20-тина мин.-зависно од рерната секако.

Се приготвува глазурата така што се топат шеќерот и млекото се додава какаото, да се промеша добро, без грутчиња, се додава на коцки чоколадото, но да не проврие туку се топи на тивко. На крај се додава маргаринот. Топла глазура се полева над кексот. Ладен се сечи по избор.

Состојки
1 јајце
150мл кисела павлака
150мл зејтин
200гр кокос
250гр маргарин
600-700гр брашно
1 лажица кора од портокал
1 пециво
100гр шеќер
шербет
800гр шеќер
700мл вода
2кесички ванилин шеќер

Едноставни за подготовка, економични, вкусни...
Јајцето со вилушка се разматува со павлаката, зејтинот и шеќерот.
Кон оваа смеса се додава маргаринот исечен на потенки парчиња (за полесно да се соедини во смесата).
Се додава и кокосот и половината од брашното измешано со пецивото. Се меси со постепено додавање на преостанатото брашно. Потоа се остава тестото да се одмори 10 минути на поладно или во фрижидер.

Од тестото се зема колку орев, се расплескува, се става оревче во средината и се собира во форма по желба (топче,торбичка,ролничка)
Вака направените колачи се редат во подмачкан плех и се печат околу 25-30 минути на 180 степени.

Шербет
Водата се става да врие со шеќерот и врие 10 минути. Се трга од шпорет и се додаваат ванилите.

Колачите да здивнат, да се подоладат и се попаруваат со исто таков шербет.
Попарените колачи се поросуваат со кокос.
За полнење на колачите може да се употреби и друго суво овошје или свежи вишњи.
Кората од портокал не е задолжителна, но дава убава арома.

Состојки
100гр. индиски ореви
3 лажици кокосово масло
5 лажици кокос
2 лажици кокосово млеко или вода
3 лажици мед или агаве
1 лажичка екстракт од ванила
20гр. лешници или бадеми

Вистински вкус на рафаело во веганска верзија..

- Индиските ореви кратко се подпечуваат, откако ќе се оладат ги блендираме заедно со кокосовото масло се додека не добиеме смеса мазна како путер.
- Во мелница за кафе го мелиме кокосот до ситен прав.
- Во путерот од индиски ореви го додаваме иситнетиот кокос, медот, кокосовото млеко или вода и екстрактот од ванила. Блендираме се додека се се соедини.
- Смесата ја ставаме 30 минути во фрижидер. Потоа формираме топчиња, а во секое ставаме еден подпечен лешник или бадем. Ги валкаме во кокосово брашно.
- Се чуваат во фрижидер или се јадат веднаш.

Состојки
За бомбици
500 мл слатка павлака
2 пакетчиња пудинг од ванила
2 пакетчиња ванилин шеќер
100 гр кокос
1 бело чоколадо
125 гр маргарин
Друго потребно
30 цреши
За поросување
100 гр кокос

Поинакви рафаело бомбици кои имаат одличен вкус.
Ја ставаме слатката павлака на тивок оган и веднаш го вмешуваме пудингот, со ванилиниот шеќер додека се згусне убаво, скоро да не може веќе да мешате. Го додавате маргаринот и чоколадото да се стопат.
Потоа го додаваме кокосот и оставаме 15 мин да се олади смесата и да се поврзе се убаво.
Формираме топчиња и во секое ставаме по една цреша. На крај секое топче го валкаме во кокос.
Јас направив 30 покрупни бомбици, доколку ги правите помали ќе излезат 60 сигурно.

Состојки
Тесто
4 јајца
прстофат сол
4 лажици ладна вода
125гр шеќер
100гр брашно
100гр густин (пченкарен скроб)
2 рамни лажички пециво
3 лажици ликер од кокос
Фил
10 рафаело бомбици
600мл слатка павлака
50гр шеќер во прав
30гр кокос
3 лажици ликер од кокос
За украсување
2 кесички шлаг
4-5 лажици кокос (или по потреба)
6-8 рафаело бомбици
неколку кандирани цреши

Рерната вклучете ја да се загрева на 175 степени.
Округла модла со пречник од 26 см намастете ја.

Во длабок сад ставете ги белките, водата и солта. Матете додека белките убаво се запенат и постепено додавајте го шеќерот. Кога ќе добиете цврста и бела смеса, додавајте ги жолчките една по една. На крај додадете брашното, густинот и пецивото и матете со најниска брзина на миксерот додека состојките се спојат. На крај додадете го ликерот.

Ставете ја смесата во модлата и оставете да се пече околу 35 мин во зависност од рерната (направете проба со чепкалка за да видите дали е печено).
Откако се испекло, со нож одвојте ги рабовите од тестото од модлата и осатвете во неа да се излади.
Извадете го на страна и пресечете го хоризонтално така што подлогата за тортата да биде 1/3 (околу 1,5см) од висината на тестото.

Подготовка на филот
Рафаело бомбиците исечкајте ги.
Останатото тесто (2/3) издорбете го во трошки и ставете во еден длабок сад, додадете кокосот, сечканите рафаело бомбици и ликерот.
Слатката павлака изматете ја цврсто со шеќерот во прав. Додадете ги трошките од тесто со кокосот, рафаелото и ликерот. Смесата убаво измешајте ја/ изматете ја.

Филот нанесете го врз тестото во облик на купола. Одозгора украсете со шлаг пена подготвена според упатството за употреба, наросете кокос, наредете ги по желба кандираните цреши а рафаелото бомбици пресечете ги на половина па и со нив украсете ја тортата.

Напомена
Бидејќи тортава беше правена за детски роденден, јас не ставив ликер во неа туку истиот го заменив со газиран сок од портокал. Ова го напоменувам за оние кои не обожаваат алкохол во торти и колачи, значи ликерот може да се замени со газиран сок.

Состојки
Тесто
300-350 гр брашно
1/2 квасец
1 пециво
1/2 чаша кокос
1/2 чаша гриз
100 мл масло
100 мл млеко
1 јајце
1 супена лажица какао и 1/2 пакетче цимет
Шербет
500 гр шеќер
400 мл вода
сок од 1 портокал

Квасецот и млекото се мешаат убаво и се остава 10 минути да стои. Брашното, гризот, јајцето, млекото, квасецот, кокосот и пецивото се месат убаво. Тестото се дели на два дела во едниот дел се додава какакото и циметот и се сука кора со дебелина од 1 цм и се вадат форми со калапче. Се редат на намрсена тава и се печат додека заруменат. Шеќерот и водата се варат додека шеќерот се растопи и откога ќе се тргне од оган се додава сокот од портокалот. Печените колачи се ставаат во шербетот до 5 минути од двете страни и се наросуваат со кокос.
Чашата за мерка е од 200 мл

Состојки
250гр маргарин
100гр кокос
2 јајца
120мл млеко
120мл зејтин
1 пециво
700-800гр брашно
шербет
750гр шеќер
750мл вода
2кесички ванилин шеќер
1/2 лимон

Се замесува тесто од сите состојки. Се меси додека се добие убава компактна смеса и се остава да одмори 10 минути.
Од тестото се прават колачи во форма по желба, моите се правени со шприц за тулумби. Се редат во подмачкан плех и се ставаат на печење во загреана рерна. Се печат 15-20 минути на 180степени.

Шербет

Шеќерот се налева со водата и се става да врие 3-5 минути. Колачите треба да се оладат, па се преливаат со врелиот шербет.
Во зависност од формата и желба може да се наросат со кокос или чоко прелив.

Кокос колач со два фила – Не се знае кој е повкусен

Еве го рецептот за ова благо кокос доживување:

Состојки
50 мл слатка павлака
50 гр путер
130 гр чоколадо
100 гр кокосово брашно (влажна пулпа)
300 гр мелени бисквити
2 лажици рум
50 гр ореви
50 гр бадеми

Вкусен колач кој настана од состојки кои се наоѓаат по дома, а со цел да не се фрли пулпата од кокосово брашно.
Кога го правам кокосовото млеко напишано овде од  Фроги, ми останува пулпата од кокосово брашно, на која и го наоѓам крајот во вакви слични рецепти.

Подготовка
1. Слатката павлака ја загреваме до вриење, па во неа ги топиме чоколадото и путерот. Мешаме до хомогена смеса.
2. Ја ставаме пулпата од кокосово брашно, промешуваме.
3. Ги ставаме останатите мелени состојки и румот.
4. Мешаме до изедначуваме и целата смеса ја ставаме во фрижидер добро да се излади, па формираме ролат или бомбици по желба.

Забелешка
Сите состојки кои се мелат се мелени во Нутрибулетот вклучувајќи го и кокосовото млеко пред да го процедиме. Затоа текстурата на колачот е мазна и не се приметува дека има кокосово брашно. Се наоѓа по некое парченце од оревчињата или од бадемите, ама тоа се неколку парченца што ми останаа од кесичето во кое стоеја, не ги мелев.
Истиов колач може да го подготвите и со суво кокосово брашно, ама ќе треба да внимавате со количината на бисквити, зошто може да треба помалку да се стави. Сепак ова беше влажна пулпа, па за да се соедини требаше повеќе од сувите состојки.

Состојки:

60 гр. потстопен маргарин
250 гр. шеќер во прав
200 гр. кокос
4 лажици матена хопла или шлаг крем/пена

Подготовка:

Од сите состојки правиме смеса и формираме коцки или правоаголници.
Најдобро е да користите модли кои се навистина погодни за визитарски колачи.

Подготвените форми една по една се потопуваат во топено чоколадо, се оставаат да се исцедат и да се здрви чоколадото.

Украсете со цветчиња, со бело чоколадо, употребете фантазија и бидете креативни.

Посна варијанта

Посната варијанта на чоколадото со кокос би била со шлаг пена (проверете на пакувањето дали содржи млеко).

Посна или не, смесата е малку проблематична поради кокосот и се крши кога се прават форми. Убаво измесете ја, додадете повеќе маргарин ако е потребно, може и малку топла вода за посната варијанта. Важно е маргаринот убаво да го спои кокосот за да направите форми.

Потребно е малку повеќе труд и време, но колачите се многу вкусни, потсетуваат на добро познатото „Боунти” чоколадо и вреди да се направат.

Состојки

    за премачкување
    200 гр чоколадо
    6 лажици масло
    за полнење
    100 мл слатка павлака
    120 гр бело чоколадо
    50 гр кокосово брашно

Најпрво силиконските калапи ги обложуваме со чоколадо. Чоколадото го растопуваме на пареа, со неколку лажици масло и ги премачкуваме калапите. Чекаме да се стегне чоколадото, па ја повторуваме постапката 2-3 пати.
Слатката павлака ја ставаме во тенџере на оган да се загрее, но не да врие. Во неа го додаваме белото чоколадо исецкано на ситни парчиња. Мешаме да се растопи, го тргаме од оган и го додаваме кокосовото брашно. Мешаме да се соедини и да се олади.
Со оваа оладена смеса ги полниме силиконските калапи (не сосема до горе) па дополнуваме со растопено чоколадо.
Оставаме повторно да се стегне чоколадото и ги вадиме од калапчињата.

Кога егзотичната арома на кокосот ќе се спои со хедонистичкото уживање кое го доставува темното чоколадо се добива десерт од кој секогаш ќе посакувате парче плус.

Овие колачиња имаат специјално место во американската кујна (кокосови макаруни, coconut macaroons), но со мали модификации, се популарни во многу катчиња низ светот затоа што се многу едноставни и се приготвуваат со само неколку состојки.

http://www.femina.mk/images/articles/16672/large/2.jpg" rel="nofollow - http://www.femina.mk/images/articles/16672/large/2.jpg" rel="nofollow - http://www.femina.mk/images/articles/16672/large/2.jpg" rel="nofollow">

За помалку од половина час можете да имате на трпезата кокосови колачиња кои се минимално крцкави однадвор и идеално сочни и слатки однатре, а најдоброто е што ризикот од грешки е речиси непостоечки, дури и за кулинарските аматери.

http://www.femina.mk/images/articles/16672/large/3.jpg" rel="nofollow - http://www.femina.mk/images/articles/16672/large/3.jpg" rel="nofollow">