Состојки
20 лажици шеќер
400 мл зејтин
400 мл млеко
40 лажици брашно
2 пакетчиња ванилин шеќер
1 пециво
8 јајца

Во сад за матење ги ставаме јајцата и шеќерот и добро ги уработуваме. Го додаваме зејтинот, млекото, добро промешуваме, На крајот го додаваме брашното во кое претходно е додадено пецивото и ванилата. 
Со бркалка добро промешуваме за да не ни останат грутчиња од брашното. Апаратот за вафли го вклучуваме на 3 или зависно од јачината на вашиот, подмачкуваме со малку маргарин на почетокот. За времето на печење ќе оцените сами или околу 5 минути. Можете да ги споите со мармалад или крем, а вкусни се и така.
Овој рецепт ни е одомакинет и често се прави во мојот дом. Овојпат ги правеше ќерка ми .Од оваа смеса излегуваат многу вафли,а ако сакате можете да направите половина доза.
Ви посакувам добар апетит.

Состојки
4 јајца
6 лажици кафен шеќер
180 мл јогурт
150мл масло
6 лажици млеко
19-20 лажици брашно
1 пециво
1 полна рака сува брусница
1 лажица полна со врв какао
1 ванила
топки сладолед од шумско овошје, за послужување

Во еден сад ги ставаме јајцата, ванилата и кафениот шеќер и матиме со миксер 1-2 минути.
Во еден сад ги соединуваме пецивото, просеаното какако и брашното.
Во садот со изматени јајца ги додаваме млекото, јогуртот, маслото.
Лесно соединуваме, па ги додаваме сувите состојки.
Ја додаваме и сувата брусница.
Убаво ја изедначуваме смесата.
Го загреваме апаратот за вафли.
Ставаме од прилика по 2 полни лажици и оставме да се печат по неколку минути.
Ги вадиме на решетка да се изладат.
По желба ги сервираме со топки сладолед од шумско овошје.
До колку се за носење, за ужинка, се консумирааат со чоколадно млеко.

Состојки
4 јајца
120гр шеќер
1 пакетче ванилин шеќер
200гр путер или маргарин омекнат на собна температура
350гр брашно
1/2 пакетче пециво
200мл вода
1 лажица рум

Јајцата заедно со двете врсти на шеќер изматете ги убаво, смесата да осветли и да се згусне. Додадете го путерот или маргаринот и продолжете со матење. Брашното измешајте го со пецивото па половината додадете ја кон јајцата. Продолжете со матење. Налејте ја водата и остатокот од брашното со пецивото. На крај ставете го и румот и убави изматетете за да се спојат сите состојки. Ќе добиете густа смеса.
Апаратот за вафли заграјте го на умерена тепература, ставајте од смесата врз површината и печете вафли.
Во зависност од тоа каков апарат користите, премачкајте со зејтин пред да ставите од тестото да се печи, се разбира доколку ви лепи површината за печење, а и времето на печење си зависи од самиот апарат.
Готовите вафли наросете ги обилно со шеќер во прав и послужете ги со вам омиленото слатко или чоколаден прелив.

Состојки
За тесто
4 јајца
200 гр шеќер
2 ванилин шеќери
200 мл масло
200 мл млеко
1 пециво
500 гр брашно
За пудинг
1 пудинг од ванила
400 мл млеко
3-4 лажици шеќер
За шлаг
1 пакетче шлаг
125 мл млеко
Слатко од боровинки, џем или мармалад по желба
Меки галети или вафли... ги обожавам. Во услови на „одмор“ можете да ги подготвите и од вечер, затоа што го задржуваат вкусот и тексурата, со тоа што ќе ги мачкате утредента. Инаку и самостојно да се јадат се одлични.

Предноста кај овие меки галети е брзата подготовка. Сите состојки ги ставате во еден сад и ги матите со миксер, а може и рачно. Потоа на апаратот за вафли истурајте по лажица или две и печете, вие најдобро си го знаете како ви работи апаратот, па не би можела да ви кажам временски колку би ги печеле. И уживајте...

Моите беа дегустирани со пудинг од ванила, слатко од боровинки и шлаг од ванила. Одличен спој на вкусовите.
Можете да ги лепите, па да имате веќе подготвени слатки сендвичи срциња, кои ќе бидат голема радост за децата.
Апаратот за вафли и галети е еден од помалите апарати кои може да се носи на кампување, а особено корисен за брзински подготвен појадок или вечера....

Состојки
150 гр омекнат маргарин
3 јајца
50 гр шеќер
150 гр мед
прстофат сол
250 мл млеко
300 гр брашно
1/2 пакетче лимон шеќер
1 лажиче мешавина зачин за пченица
1 пак. прашок за печење

Маргаринот со шеќерот, солта и медот пенасто се матат, па се додаваат јајцата едно по едно. Секое се мати по една минута посебно.
Се додава млекото, па брашното и прашокот за печење и на крај зачинот и лимон шеќерот. Се печат во ваферка.
Можи да ги послужите одозгора со мед и ореви, со готов пудинг или некој овошен прелив

Преубави вафли за појадок. Се ставаат сите состојки во сад, се матат со вилушка или миксер, се остава да стои 10 тина минути. На намрсен тостер за вафли се става малку од смесата,  па парчиња кашкавал и се дополнува со смесата. Се затвора тостерот и се печат додека не поруменат вафлите.

Состојки
250гр. омекнат путер или маргарин
250гр. шеќер
1 пакетче прашок за пециво
1 пакетче ванилин шеќер
4 јајца
500гр. бело брашно
400мл. газирана вода

Рецептов го добив од една пријателка пред подолго време и остана не испробан мислејќи дека сум го загубила. Пред неколку дена случајно го најдов и секако бидејќи сме големи љубители на ваков тип на десерти, веднаш ги направив.
За подготовката не е потребна некоја умешност, напротив, лесни и брзи се за подготовка, а уште побрзи за јадење -)))

Подготовка
Путерот или маргаринот заедно со двете врсти на шеќер изматете ги пенесто. Додадете ги јајцата едно по едно и секое од нив матете го по половина минута пред да го додадете наредното. Прашокот за пециво измешајте го во брашното. Наизменично додавајте од водата и брашното во садот каде матите. Ќе добиете доста густа и мазна смеса. Покријте го садот со алу фолија и оставете тестото да одмори 10-тина минути.
Загрејте го апаратот за печење вафли. Премачкајте ја површината за печење со зејтин и ставајте по 3 лажици од тестото на неа. Поклопете со капакот и оставете да се испече вафелот на средна температура.

Сервирајте ги топли посипани со шеќер во прав, додадете овошје по желба и матена слатка павлака. Убави се и со чоколаден крем, или со овошен сос....нам секоја комбинација ни е убава, ги обожаваме -)))

Од оваа смеса излегуваат 15 вафли.

Состојки
500гр. брашно
4 јајца
200гр. шеќер
150мл масло
200мл млеко
1 пециво
1 ванилин шеќер
250гр нутела
3-4 банани
Сите состојки ги ставате во сад, освен нутелата и бананите, и ги матите со миксер. Апаратот за вафли загрејте го и намачкајте го со малку масло. Ставете од смесата и печете ги вафлите околу 3-4 минути.
Јас ги премачкав со нутела и ги декорирав со банани и малку мусли.

Состојки
Лиснато тесто по потреба
Еурокрем или некој посув џем (за блага варијанта)
Сирење сечкана салама, кашкавал (за солена варијанта)

Ова е повеќе идеја отколку рецепт.
Јас сум воодушевена од крајниот резултат, никогаш побрзо не сум направила толку убави вафли.
Загрејте го добро пекачот за вафли.
Лиснатото тесто (јас редовно го користам мојот рецепт за брзо лиснато) малку расучете го. Исечете парчиња со димензии на калапот. На едното парче ставете од филот, само не до крајот за да не ви истекува и преклопете го со друго парче. Ставете го да се пече. Додека не се испече не го стегајте тостерот, дозволете лиснатото да нарасне. Брзо оди печењето, кога ќе заруменат, вафлите се готови...

Состојки
2 шољи (250мл) сенаменско брашно
1 лажичка сув квасец
1 лажица шеќер
1/2 лажичка сол
2 шољи млеко
1 големо јајце
6 лажици растопен путер

Рецептот е дел од колекцијата на најдобри 1000 рецепти од 150 годишната архива на Њу Јорк Тајмс.
Исклучиво е лесно да се направи, а посебна предност е што тестото се прави одвечер, а наутро е подготвено за печење.
Мој предлог што да послужите на вашето семејство за Велигденски доручек. 
Во еден поголем сад измешајте ги со жица сувите состојки, додајте го млекото и мешајте со жица додека не стане сосема мазно.
Покријте со проѕирна фолија, оставете 1 - 2 часа на собна температура, а потоа тестото оставете го во фрижидер преку ноќ.
Утрото, додајте го во тестото разматеното јајце, измешајте, па додајте го и растопениот путер. Ќе добиете прилично ретко тесто.
Загрејте ја вафлерицата. Премачкајте ја површината со малку путер, па испечете ги вафлите додека не добијат крцкава површина и убава златна боја.
Сервирајте ги топли, со путер, мед, мармалад, компот, посипани со шеќер во прав или веке по ваша желба.
Од овие состојки, мене ми испаднаа 12 вафли.

Состојки
250 гр. брашно
2 кесички прашок за печиво
3 јајца
1 кесичка ванилин шеќер
2 лажици шеќер
60 гр. путер
450 мл. млеко

Помешајте го брашното со солта, прашокот за печиво и оставете ги на страна. Одвојте ги жолчките од белките, па изматете цврст снег. Во друг сад, матете ги жолчките со шеќерот и ванилиниот шеќер се додека не добиете бледо жолта боја. Додајте го растопениот путер и млеко и добро измешајте. Во истата смеса, додајте го брашното при тоа матејќи со најмала брзина (многу кратко се додека смесата не се изедначи). На крај додајте ги и изматените белки и измешајте со лажица.
Апаратот за вафли премачкајте го со малку маргарин, истурете од тестото, затворете и печете. Служете со еурокрем,мармалад,мед...или едноставно посипете ги со шеќер во прав.

Состојки
1 растопен маргарин
200 гр млака вода
200 гр зејтин
1 пакетче сусам (може и други семиња по желба)
1 пециво
1 мала лажичка сол
брашно по потреба (за да се добие меко тесто 400-500 гр)

Растопениот маргарин се меша со останатите состојки, освен брашното.
Брашното постепено се додава (во половина од количината на брашното јас додадов интегрално брашно). 
Се меси меко тесто. Потоа се прават мали топчиња, па се плескаат во зависност од апаратот за вафли. Апаратот не се премачкува затоа што веќе има маргарин и зејтин во тестото. Се печат на апаратот додека не заруменат. Можат да се јадат со јогурт, павлака или само како закуска. Брзо се прават, а се многу вкусни.
Добар апетит!

Состојки
2 јајца
300мл млеко
70мл јогурт
100мл масло
1 лажиче сол
1 кесе пециво
100гр фета сирење
1 ситно сецкан младо кромидче
10 исчистени, измиени листови спанаќ
1 димена сецкана виршла
1/4 лажиче црн бибер
2 полни лажици хељдино брашно
210гр бело брашно

Прво во една вангличка ги ставаме одвоените белки и матиме со миксер.
Додаваме сол и една по една жолчка.
Убаво соединуваме.
Сега ги додаваме млекото, јогуртот, маслото, соединетите два вида брашно и пециво.
Лесно промешуваме.
Во еден сад ги соединуваме фета сецканото сирење, сецканото кромидче, црн пипер, исецканиот спанаќ, исецканата виршла.
Ова го додаваме на претходната смеса.
Убаво соединуваме.
Го вклучуваме апаратот да се загрее.
Ставаме од смесата. Печиме одприлика по 3-4 минути, или додека не заруменат.
Јас на новиов апарат воопшто не ставив масло, прекрасен е и нема леплива подлога.
Вие прилагодетесе според вашиот апарат.
Сервираме топли со чаша јогурт и уживамееее.
Од оваа количина добив 10 прекрасни вафли.

Состојки
2 јајца
150-200гр сирење (кшкавал, пармезан)
150 гр потпечен сусам
250мл јогурт, кисела вода или млеко
1 мало лажиче сода бикарбона (или 10 гр прашак за пециво)
300гр брашно
1 мало лажиче шеќер

Јајцата изматете ги, додадете го јогуртот, сирењето изрендајте го на ситната страна од рендето, а потоа и останатите состојки. Матете да се изедначи смесата.
Со смесата полнете го апаратчето за вафли и печете ги 5 мин.

Доколку користите јогурт во смесата можете да користите сода бикарбона, а ако користите кисела вода или млеко, за нијанса подобро е да користите прашак за пециво, иако и со сода ќе бидат успешни и вкусни.

Сусамот подобро е да е потпечен, подобар вкус има. Можете да го потпечете на суво тавче на рингла со постојано мешање.
До сега ги правевме само со сирење, но мислам дека и со кашкавал ќе бидат феноменални особено кога ќе бидат топли. 
Сирењето е рендано, но доколку сакате парченца, слободно издробете го. 

Состојки
120 гр интегрално ржано брашно
80 гр интегрално јачменово брашно
50 гр интегрално спелтино брашно
1 лажичка пециво
30 гр сусам
50 мл маслиново масло
1/2 лажичка сол
1/2 лажичка К*ркума
250 мл вода

Го вклучуваме апаратот за вафли, кој претходно сме го премачкале со масло.
Сите суви состојки ги мериме и промешуваме.
Го додаваме маслото и потоа водата. Мешаме до соединување.
Смесата треба да ни е густа ама не премногу.
Со лажица ја распоредуваме смесата на едната загреана плоча, притискаме и чекаме околу 1-2 минути да ни се испече вафлата.

Состојки
За вафли
3 лажици интегрално ржано брашно
2 лажици интегрално овесно брашно
1-2 лажици маслиново масло
100 мл кисела вода
1 лажичка пециво
1 лажица сушен спанаќ
1-2 лукчиња
прстофат сол
За намаз од авокадо
1 авокадо
1/4 лимон
сол, бибер
2-3 лажици маслиново масло
1-2 лукчиња

Кога ќе немате подготвено хроно леб, вафлите се одлична замена. Јас ги подготвувам наутро пред да излезам на работа, што значи брзо се прават...

Подготовка
1. Апаратот за вафли го вклучуваме, а лукчето ситно го сечкаме.
2. Сувите состојки ги промешуваме и во нив ги ставаме маслиновото масло, киселата вода и лукчето. Мешаме додека да се поврзат. Во загреаниот апарат ја ставаме смесата и чекаме да се испече.
3. За намазот го сечеме авокадото на половина ја отстрануваме семката и го лупиме или пак со лажичка му ја вадиме срцевината. Ако е таман меко значи спремно за употреба, многу лесно се лупи. Го гмечиме со вилушка.
4. Лукчето го толчиме со сол, лимонот го цедиме и сокот го додаваме кон авокадото. Зачините и маслиновото масло исто ги додаваме. Промешуваме и соединуваме.
Инаку целата смеса може да се стави во блендер и да се измазни.

Забелешка
Пред да го вклучам апаратот секој пат го премачкувам со масло со помош на силиконска четка. Од оваа доза мене ми излезе една подебелка вафла која што ми е доволна за појадок.
Сите состојки што се стават во намазот се по вкус. Затоа направете си ги по ваш ќеиф.

Состојки
2 средни јаболка
100гр марципан
1 лажиче полно цимет
3 јајца
70гр кафен шеќер
300гр брашно
200мл млеко
140гр омекнат путер
1 лажиче полно, пециво
по желба малку морско оревче и суво грозје

Исклучитилно вкусни, ароматични вафли.
Во еден сад ги соединуваме сецканиот марципан и ситно сецканите јаболка.
Додаваме цимет и можеби малку морско оревче.
Сега во друг сад ги соединуваме јајцата, шеќерот, омекнатиот путер, млекото, брашното, пецивото,
Убаво со миксер го соединуваме кратко.
Тука ги додаваме претходно подготвените состојки.
Го вклучуваме апаратот за вафли и печиме до нивно заруменување.
Сервираме и нежно наросуваме шеќер во прав.
По желба може да се додаде и една рака суво грозје.

Состојки:

• 40гр шеќер
• 550гр ЕКСТРА БЕЛО брашно тип 400 од Жито Лукс
• 300гр вода
• 1 лажичка мед
• 5 јајца
• 300гр растопен путер
• 1 ванила

Подготовка:

Разделете ги белките од жолчките во два одделни сада.
Во еден сад изматете ги белките со половина шеќер. Матете додека добиете „снег“ смеса.
Во друг сад изматете ги жолчките со останатиот шеќер. На крај  додадете го растопениот путер. Продолжете да матите додека не добиете  кремаста смеса, а пота малку по малку  додавајте вода.
Добиената смеса измешајте ја со изматените белки, и продолжете со миксирање, но со пониски вртежи.
Промешајте го брашното заедно со ванилата, додадете го во смесата и повторно добро мешајте. На крај, додадете го медот.Добиената готова смеса треба да биде со густина на боза, за да може полесно да се истури во тавата за печење.
Печете ги вафлите во силно загреана и малку подмачкана тава.
Гарнирајте по желба.

Добар апетит!

Сите состојки ставете ги во еден сад. Додајте количина на брашно додека да добиете смеса погуста од онаа за обични палачинки.

Оставете ја смесата да отстои 1 час, а потоа додадете малку прашак за печиво. Печете во апарат или тостер за вафли.

Додајте топка сладолед, парчиња диња и круша, а одозгора ставете мед парчиња бадеми и суво грозје.

На здравје!

Состојки
За вафли
250 гр брашно
2 лажички пециво
1/2 лажичка сол
3 јајца
1 ванилин шеќер
2 лажици шеќер
60 гр путер
450 мл млеко
За карамел прелив
1 шоља шеќер
25 гр путер
150 мл слатка павлака
300-400 гр диња за во вафлите
Ако сакате просто и едноставно, а вкусно да се насладите, еве едноставен рецепт за такво задоволство.

1. Се двојат жолчките од белките.
2. Белките се матат цврсто, како снег.
3. Жолчките се матат заедно со шеќерите.
4. Потоа постепено во жолчките се додаваат останатите состојки. Брашното треба да ни биде промешано со пецивото, а путерот стопен на оган.
5. На крајот во жолчите се додаваат белките и внимателно се промешуваат, за да смесата остане воздушеста. Мешајте со шпатула, не со миксер.

Уклучете го апаратот за вафли на средна температура, ако има такви мерки на него, ако нема на најјаката. Од оваа доза мене ми излегоа 10 вафли.

За преливот, шеќерот го ставаме заедно со путерот на оган, да се стопи и карамелизира. Потоа му ја додаваме слатката павлака, која треба да ни е стоплена. Ако не е топла, може да се случи многу да прска и да се направат грутки, затоа е пожелно да биде топла. Промешуваме неколку десетици секунди да се поврзат вкусовите и преливот ни е готов.

Дињата ја сечеме на парчиња, ја ставаме врз вафла и ставаме од карамел преливот.

Состојки
4 јајца
150гр. шеќер
150гр. путер
1 ванила
1 пециво
350гр. брашно
100гр. сецкана чоколада за готвење
200мл. млеко
2 лажици мед

Подготовка
На почеток ги матиме јајцата, шеќерот и ванилиниот шеќер додека не добиеме густ прозрачен убаво изматен крем. Во кремастата смеса ги додаваме растопениот путер, медот, сецканата чоколада, млеко, пециво и на крајот со рачна маталка постепено го додаваме брашното. Матиме додека смесата убаво не ни се изедначи.
Во меѓувреме го загреваме тостерот за вафли, сипуваме со црпалка и печеме се додека не ни заруменат вафлите.
Вафлите не ги наросувам со шеќер во прав бидејќи се доволно благи, а за вкусот ќе морате сами да ги подготвите и да потврдиме заедно дека се превкусни.

На здравје!!!

https://moirecepti.mk/post/%D0%BB%D0%B8%D0%B5%D1%88%D0%BA%D0%B8-%D0%B2%D0%B0%D1%84%D0%BB%D0%B8-%D0%B1%D0%B5%D0%BB%D0%B3%D0%B8%D1%81%D0%BA%D0%B8-%D0%B2%D0%B0%D1%84%D0%BB%D0%B8" rel="nofollow - - Лиешки вафли (белгиски вафли)

Состојки
150гр путер
1 пак (7гр.) сув квасец
3 лажици млеко
прстофат шеќер
400гр. брашно
140мл млеко
2 јајца
25гр кафеав шеќер
прстофат сол
1 лажиче ванила екстракт
150гр. шеќер во гранули

Познатите лиешки вафли, од надвор крцкави, внатре меки и ароматични.

Подготовка
Путерот ставете го во мало тенџере и на тивко стопете го. Оставете така да врие додека да почне да ја менува бојата до светло кафена. Тргнете на страна и оставете да излади.
Квасецот растворете го во трите лажици млеко и додадете го прстофатот шеќер. Оставете да запени.
Брашното, јајцата, млекото, ексртактот од ванила, изладениот путер и растворениот квасец, ставете ги во длабок сад и замесете еластично тесто кое нема да лепи на рака. Покријте го со крпа и оставете 30 минути да одмори. Додадете го шеќерот во гранули и кратко замесете.
Апаратот за вафли загрејте го на средна температира. Од тестото правете топчиња со големина по желба (кај мене колку пинг-понг топче) и печете ги додека убаво да поруменат.

Забелешка/ доколку не можете да најдете да купите шеќер во гранули, може и сами да го подготвите. Рецепт може да најдете овде на странава.
По можност, не ја испуштајте, т.е. не ја заменувајте оваа состојка во рецептот. Лиешките вафли се познати токму заради шеќерот во гранули во тестото, кој дополнително ги прави крцкави овие вафли.

https://moirecepti.mk/post/%D0%B2%D0%B0%D1%84%D0%BB%D0%B8-%D1%81%D0%BE-%D1%84%D0%B8%D0%BB-%D0%BE%D0%B4-%D1%81%D0%BB%D0%B0%D1%82%D0%BA%D0%B0-%D0%BF%D0%B0%D0%B2%D0%BB%D0%B0%D0%BA%D0%B0" rel="nofollow - - Вафли со фил од слатка павлака

Состојки
2 јајца
4 лажици шеќер
1 ванила
1 лажичка пециво
1/3 (филџан)масло
1 1/3 (филџан)млеко
2 (филџан) брашно
1/2 лажичка сол
Фил
500мл. слатка павлака
3 лажици бадел
3 лажици кондензирани млеко
3 лажици мармалад од шумско овошје

Во голем сад измешајте брашно, сол, прашок за пециво и шеќер (сувите состојки). Во тоа време загрејте го тостерот за вафли на саканата температура.

Во посебен сад измешајте ги јајцата. Промешајте со млекото, маслото и ванилата. Истурете ја смесата од млеко во мешавината со брашното. Промешајте многу добро со миксер додека не се добие хомогена смеса. Со помош на кутлача измерете малку тесто, колку да се прелее калапот на тостерот. Печете додека вафлите не добијат златна боја.

Подготовка на филот
Во сад за матење ја подготвуваме слатката павлака.. Од како убаво ќе ни се измати го додаваме баделот, кондензираното млеко и џемот од шумско овошје.
Декорираме по желба...на здравје!!!

Вкусен рецепт, богат со витамини и секако, многу лесен за подготовка!

Потребни состојки:

• 200 г брашно
• 2 лажички прашок за пециво
• 1 јајце
• 50 г маргарин
• 4,5 децилитри млеко
• 1 тиквичка

Начин на подготовка:

1. Изрендајте ја тиквичката, посолете и оставете да се исцеди добро.
2. Додајте го брашното и прашокот за пециво и измешајте.
3. Потоа, додајте го млекото, стопениот маргарин, јајцето и пак мешајте.
4. Земете од смесата и ставете во апаратот за вафли.