Џим Атертон, 53, кој изминатите 20 години работел како возач на комби, има двајца внуци и никаков формален воен тренинг. Решил да се бори против ИСИС откако гледал што прават на вестите.

Сега, волонтерската христијанска милиција наречена „Жртвувачите“, му нуди нему и на други европски, американски и австралиски волонтери шанса во битката.


„Има британски животи и американски животи. Војниците од секаде умираат. Јас самиот го изгубив брат ми во Авганистан во 2006 година“, вели за Ројтерс.

На Атертон му е тешко да разбере како растечки број на странци како него би биле убедени да се борат за Исламска држава.


„Не можам да најдам зборови да го опишам тоа. Тие сакаат само да убиваат, а ја користат религијата како изговор за тоа“.

Атертон покажал посветеност на каузата со тоа што самиот се финансирал, продавајќи го својот автомобил, моторите и еден чамец. Ова му помогнало да собере 18.000 фунти за да патува до Ирак и да ги купи оружјата, облеката и муницијата кои му се потребни.

Неговото патување започнало до Њукасл до Амстердам. Потоа, летал до Турција и од таму до Ербил, во Ирак. Потоа стигнал до градот Дохук, северно од Мосул, каде се наоѓа штабот на неговата организација.

Групата е моментално ангажирана во штитење на претежно христијанското население во областа. Таткото на три деца вели дека бил во битка 4 пати откако пристигнал овде, пред само 3 месеци.

Разбирливо, Атертон се гордее со својата одлука. Но тоа не значи дека не му недостигаат неговите сакани, и сака да им се врати дома жив и здрав.

„Секако дека ми недостига семејството. Ми недостигаат и моите кучиња, и моите автомобили. Ми недостигаат моите мотори. Ми недостига да заврне барем малку... ми недостигаат сендвичи со сланина“, вели.


„Моето семејство е многу загрижено, но на крајот од денот, мислам дека се многу горди за се што направив. Барем се надевам дека се. Знам дека јас сум горд на себе што стигнав толку далеку. Само се надевам дека сето ова ќе заврши и ќе одам дома да ги видам повторно“.

Атертон е среќен што има стабилна интернет врска преку која ги следи Фејсбук објавите на семејството и комуницира со нив редовно. Им рекол дека конечно го открил својот повик во животот - да биде борец за слобода.

Јинан во 2014 година била во рацете на џихадистите од ИСИС, но после 3 месеци некако успеала да побегне и да ја раскаже својата ужасна приказна како предупредување за сите.

„Нè мачеа во обид да нè преобратат затоа што сме Јазиди. Ако одбиевме, нè тепаа, нè врзуваа надвор под врелото сонце и нè тераа да пиеме вода со мртви глувци во неа. Понекогаш се закануваа и дека ќе нè мачат со струја“, ја започнува Јинан својата ужасна приказна, пишува Business Insider.

"Тие не се луѓе. Единствено за што размислуваат е смртта и убиства. Секогаш земаат дрога и сакаат да им се одмаздат на сите. Тврдат дека еден ден ИСИС ќе владее со цел свет."

Јинан опишува и како била одведена во голема сала во која биле собрани и десетици други девојки. „Борците се движеа околу нас. Цело време се смееја и нè штипеа за задниците“.

„Нè гледаа како стока. Најубавите девојки беа резервирани за шефовите или богатите клиенти. Цената не им претставуваше проблем, сè додека нивните желби беа исполнети.“


Кога Јинан била продадена, нејзините денови биле обележани со посети од мажи во куќата во која била заробена заедно со другите девојки.

Припадниците на ИСИС веруваат дека им е дозволено да силуваат неверници и мислат дека така им помагаат, па така судбината на продадените девојки е преполна со ужаси кои овие мажи ги прават „во име на религијата“.

Замена на пиштол за бринетата девојка 

Борците доаѓале за да се наддаваат за девојките во фоајето каде што трговците имале улога на посредници измеѓу сопствениците на робовите и емирите кои вршеле инспекција на оваа „жива стока“, пишува Јинан во својата книга во која ги открила сите потресни искуства кои ѝ се случиле.

„Ќе го менувам пиштолот за оваа бринета“, понудил еден од трговците за девојката чија цена изнесувала 133 евра.

Убедени дека не го зборува нивниот јазик, двајца сопственици на Јинан отворено зборувале пред неа и една ноќ слушнала разговор кој открил до која мера трговијата со робови се смета како кој било друг бизнис.


„Мажот не може да купи повеќе од три девојки, освен ако не е од Сирија, Турција или заливските држави“, изјавил еден од нив по име Абу Омар.

„Тоа е добро за бизнисот. Саудискиот клиент има и трошоци за храна и и транспорт кои припадникот на ИСИС ги нема. Има значително повисока квота за својата трговија да ја направи профитабилна“, одговорил другиот.

Откако успеала да побегне со помош на украдени клучови, Јинан успеала да стигне до својот сопруг и сега живее во бегалскиот камп во ирачкиот К*рдистан.

Во репортажата е вклучено и интервју со џелат на ИСИС којшто во моментов се крие токму на овие простори. А тоа место може да биде токму Македонија.


Со лице покриено со марама, во сенка, во репортажата на Антонија Радош се појавува и еден џелат на ИСИС, којшто се вратил од бојното поле во Сирија, а којшто во моментов се крие на овие простори, при што не е исклучена можноста за тој да се наоѓа токму во Македонија, токму во овој момент. Неговата изјава е и повеќе од шокантна. 

Џихадистот, којшто се именува во интервјуто како Аднан, вели дека помеѓу останатите активности, и обезглавувал луѓе во името на Исламската држава.


- Убивме две жени и тројца мажи, при што тоа не смеевме да го направиме со застрелување – туку моравме да ги обезглавиме, а тоа требаше да го направиме јавно, со цел сето тоа да го видат и останатите, вели џихадистот, додека во тој момент се прикажуваа снимки токму од Македонија, поточно од строгиот центар на Скопје.


Аднан за себе вели дека бил роден на Балканот, но дека пораснал во Германија каде што живеел со семејството, сè до пред една година, кога решил да замине во Сирија. 

На прашањето зошто решил да замине и да се бори за Исламската држава, тој одговора:


- Затоа што ми беше потребен посебен адреналин, а и заради пари.

На прашањето на новинарката, за колкави суми се работи тој вели: 

- Сумите за обичните борци се движат од 2.000 долари, бидејќи сепак зависи од нивниот придонес, а специјалците добиваат и до 20.000 долари!

Тој го додава и следново:

- Има повик на интернет мрежата, па кој сака, оди. Ако умреш, ќе умреш… Тие за тоа велат дека Алах рекол дека така треба да биде. 

Сепак, Аднан вели дека не верува во тоа, и дека му била доволна само една недела за да сфати дека буквално сè е поинаку од тоа што првично секој борец најверојатно го замислува пред да тргне да се бори за Исламската држава.



Оваа репортажа, и интерјуто со џихадистот, според германската RTL е направено уште во месец септември, но делови од него овојпат се објавени по втор пат, поради изминатите настани во Париз.

Помеѓу останатото, џихадистот Аднан го објаснува и случајот кога македонската полиција, кон почетокот на месец август упадна во џамија во Скопје, поради верувањата дека токму тоа место е еден вид на меѓустаница на европските џихадисти, при што бил уапсен оџата, како симпатизер на Исламската држава. Сепак, тој напоменува дека не биле уапсени сите радикални муслимани. Џихадистот Аднан вели дека уапсениот оџа ги сокривал и обучувал почетниците, коишто пак тајните служби не успеале да ги откријат.


Во репортажата на новинарката Антонија Радош, се пренесува и нејзиното интервју со поранешниот портпарол на Министерството за внатрешни работи, Иво Котески.

Според џихадистот Аднан, Балканот е едноставно совршено место за сокривање бидејќи на ова тло царува корупцијата, при што буквално сè може да се купи за пари, па дури и дозвола за престој. Тој објаснува и зошто досега не заминал повторно во Сирија, како и тоа како гледа на иднината која што ѝ претстои на Европа.

Целосната репортажа, како и интервјуто, на германски јазик, може да го погледнете http://rtlnext.rtl.de/cms/antonia-rados-spricht-mit-deutschem-is-kaempfer-wir-mussten-sie-mit-messern-koepfen-2462459.html#.VkyUXbS0ue8.facebook" rel="nofollow - тука .