Малкумина знаат дека индијанците од Северна Америка, иако прогласени за варвари од европските доселеници, имаа разработен етички кодекс кој може да биде за пример и во модерниве времиња. Со мали варијанти меѓу различните племиња, кодексот е следниов:

- Стани со Сонцето и помоли се. Мoли се сам. Мoли се често. Големиот Дух ќе те слуша доколку му говориш.

- Имај разбирање за оние кои заталкале по својот пат. Незнаењето, лутината, љубомората и алчноста извираат од изгубените души. Моли се за нив да го најдат патот.

- Истражувај за себе, истражувај лично. Не дозволувај други да го прават твојот пат. Тоа е твој пат и само твој. Другите можеби можат да одат со тебе, но никој не може да оди за тебе.

- Секогаш однесувај се со полн респект кон сите луѓе, почнувајќи од најмалото дете, па завршувајќи со најстариот човек.

- Особено внимание и респект треба да им се дава на најстарите, родителите, учителите и водачите на комуната.

- Никогаш не приоѓај на луѓе кои веќе се во разговор.

- Чести ја Земјата и сето оноа што таа дава како што ја честиш твојата сопствена мајка.

- Однесувај се со полно внимание со гостите во твојата куќа. Понуди ги со најдобра храна, дај им ja најдобрата постела и однесувај се кон нив со респект и честитост.

- Не земај ништо што не е твое, било тоа да е од некоја личност, од комуната, од дивината или од нечија култура. Оноа што не си го заработил или што не ти е дадено, не е твое.

- Почитувај ги сите нешта што постојат на Земјава, било луѓе, било растенија.

- Почитувај ги туѓите мисли, желби и зборови. Не прекинувај ничиј говор, не се подбивај и не имитирај со потсмев. Дозволи му секому да има свое лично мислење.

- Никогаш не говори лошо за другите. Негативната енергија која така ќе ја упатиш во Светот ќе ти се врати повеќеструко назад.

- Секој човек е грешен и сите грешки можат да се опростат.

- Негативните мисли предизвикуваат заболувања на умот, телото и душата. Практицирај оптимизам.

- Природата не е за нас, туку таа е дел од нас. Таа е дел од нашето световно семејство.

- Децата се семето на нашата иднина. Во нивните срца всади љубов и напојувај ги со мудрост и животни лекции. Кога ќе израснат дај им место за натамошно растење.

- Не ги повредувај туѓите срца. Отровот од нанесената болка ќе ти се врати тебе.

- Болката на едниот е болка за сите, честа на едниот е честа за сите.

- Биди искрен секогаш и под сите услови.

- Биди врамнотежен. Твоите умствени, духовни, емоционални и физички себства треба да бидат подеднакво силни, чисти и здрави. Одржувај го телото здраво за да имаш здрав ум. Збогатувај ја духовноста за да бидеш емотивно здрав.

- Донесувај свесни решенија за тоа кој сакаш да бидеш и како ќе се однесуваш.  Биди одговорен за своите дела.

- Почитувај ги приватноста и личниот простор на другите. Не ја допирај личната своина на другите, особено сакралните и религиозните нешта. Тоа е најстрого забрането.

- Биди искрен и доследен најпрвин на себе самиот. Не можеш да им помогнеш на другите ако не можеш да си помогнеш себе си.

- Почитувај ги туѓите религијски верувања и не ги присилувај другите да ги прифаќаат твоите.

- Споделувај ја својата добивка со другите . Учествувај во давањето милостиња.

- Сите раси и народи на Светов се како разнобојни цветови на една ливадата. Сите се убави. Сите се деца на Креаторот и како такви сите мора да се респектираат.

- Да се служи на другите, да се биде од некаква помош за семејството, комуната, нацијата и светот е една од основните цели за кои е создаден човекот. Не дозволувај со задоволувањето на сопствените желби да заборавиш на потребите на другите. Вистинаката среќа доаѓа само кај оние кои го посветуваат својот живот за служење на другите.

- Слушај ги и следи ги упатствата кои се упатени до твоето срце. Очекувај тие да дојдат на најразличен начин: преку молитва, во сон, во мигови на потполен мир и спокој, како и преку зборовите на старите мудреци и твоите пријатели.

- Научи што е за тебе полезно и што е негативно.

Хауг! 

ali i anglicanite se produhoveni istovremeno i pametni i kulturni