Направи сам - DIY-Природни средства против инсекти

Испечати | Затвори го прозорот

DIY-Природни средства против инсекти

Испечатено од: IDIVIDI forum
Категорија: Стил на живот
Име на форумот: Направи сам
Опис на форумот: Се што ви треба на едно место. Направете сами и поттикнете ја вашата креативност.
URL: http://forum.idividi.com.mk/forum_posts.asp?TID=27193
Датум на принтање: 02.Март.2025 во 16:19
Верзија на софтверот: Web Wiz Forums 10.03 - http://www.webwizforums.com

Тема: DIY-Природни средства против инсекти

Постирано од: Valerija
Наслов: DIY-Природни средства против инсекти
Датум на внесување: 27.Мај.2014 во 16:52

http://www.crnobelo.com/zdravje/23579-prirodno-evtino-i-delotvorno-napravete-sami-sprej-protiv-komarci" rel="nofollow -

Летото покрај прекрасното време ни носи и непријатни каснатини од комарци. За да го избегнете чешањето и црвените пликови, не се залажувајте со скапи хемикалии, туку одлучете се за поприродна, домашна варијанта.
Многу билки имаат есенцијални масла кои ја имаат способноста да ги блокираат центрите за дишење кај комарците, па се многу делотворни. Помеѓу нив спаѓаат нането, лавандата, ајдучката трева и камилицата.
За почеток, потребна ви е шолја вода, медицински алкохол, ментол и лаванда.
Шолјата вода оставете ја да зоврие, па во неа додајте 3-4 лажици од наведените сушени билки. Поклопете го садот и оставете да остојат додека водата не се олади.
На крај, во добиениот раствор, додадете медицински алкохол и преточете ја течноста во шише со распрскувач.
За најмладите, подгответе спреј без алкохол по следниот рецепт.
Потребен ви е 1 литар јаболков оцет, 10 лажици сушени билки по избор (жалфија, рузмарин, лаванда, темјан или ментол.)
Билките ставете ги во тегла со херметички капак, прелијте ги со оцет и оставете ја мешавината да отстои 2-3 седмици на собна температура.
Пред употреба, ароматичниот оцет промешајте го со вода, во размер 1:1, претурете во шишенце и прскајте како спреј.
Ако знаете, и вие споделете некој нов, испробан и делотворен рецепт. Секоја заштита е добредојдена!

-------------
Јакиот човек има само една слаба страна-жената што ја сака!

Коментари:

Постирано од: Valerija
Датум на внесување: 29.Мај.2015 во 10:53

http://www.crnobelo.com/zabava/interesno/31737-napravete-sami-prirodno-sredstvo-za-zastita-od-komarci" rel="nofollow -

Направете си средство на природна база кое ова лето ќе ве заштити од здодевните комарци и останатите инсекти кои се појавуваат во топлите денови.
Состојките сигурно ги имате дома, затоа уште денес направете си го ова природно средство:
Потребни состојки:
1l јаболков оцет
2 супени лажици сушен рузмарин, лаванда, мајчина душица и нане
(Доколку ги немате овие наведени видови на билки, искористете ги оние со кои располагате, важно е да бидат 10 полни лажици)
Начин на подготовка:
Ароматичните билки ставете ги во оцетот и оставете ги да постојат 2-3 недели. За тоа време, секој ден тресете го шишенцето. Откако ќе поминат 2-3 недели, исцедете го шишенцето во стаклена тегла или сад, па чувајте го на темно и ладно место.
Спрејот употребувајте го разреден со вода во размер 1:1.
Најдобро е да го ставате во шишенце со распрскувач и да го употребувате како спреј.

-------------
Јакиот човек има само една слаба страна-жената што ја сака!

Постирано од: Valerija
Датум на внесување: 08.Јуни.2015 во 08:24

http://www.crnobelo.com/zabava/interesno/31800-napravete-sami-dekorativna-sveka-koja-gi-brka-komarcite" rel="nofollow -

Доколку и вие ги мразите комарците, тие уништувачи на вечерните летни забави кои претстојуваат, време е да научите како да се ослободите од истите, без да ги убиете.
Тоа ќе го направите со помош на свеќа која сами ќе ја изработите, а истата освен што ќе ги избрка комарците, исто така ќе претставува убав украс во вашата соба, двор или балкон за ова лето.
Сè што ви е потребно за да ја направите е етерично масло од цитрон кое може да го најдете во аптека, обична свеќа без мирис, украсна чаша, фитил, етерично масло од еукалиптус и чепкалки за заби.
Постапката е следна:
Едниот крај на фитилот го прицврстувате за дното на украсната чаша со лепило, а потоа на горниот крај го прицврстувате со чепкалки и лепило како на следната фотографија.
Во мало тенџерче ставете малку вода, а потоа ставете ја обичната свеќа и мешајте на средна температура сè додека не се стопи.
Откако ќе се стопи додајте 10-13 капки масло од цитрон и 5-8 капки еукалиптус, а потоа убаво измешајте и ставете ја смесата во украсната чаша.
Чашата оставете ја во ладилникот да се олади и вашата две во едно, декоративна свеќа против комарци е готова.
Нејзината тајна е во маслото од цитрон кое содржи цитрус кој не само што брка комарци туку и муви и пајаци исто така, а вас ви влијае пријатно врз расположението со својот слаткаст мирис.

-------------
Јакиот човек има само една слаба страна-жената што ја сака!